يازمىلارغا ئويلىنىشىم ھەم سەمىمىي تەكلىبى

abdukorax

	مۇنبەر يازمىلىرىغا نىسبەتەن قىسقىچە ئويلونوشوم  ۋە تەكلىپلىرىم ئەسسالامۇ ئەلەيكۇم ئەزىز قىرىنداشلىرىم،مەن يىقىنقى قىسقا مەزگىل ئىچىدە،مۇنبەردىكى تىما يازمىلارنى كۆرۈش جەريانىدا،بىزلەرگە پايدىلىق تىمىلارنى،ئىلھام بەخىش يازمىلارنى كۆرگەندىن باشقا بەزى قۇرۇق ،مەزمۇنسىز،تۇترۇقسىز،ئەھمىيەتسىز ھەتتا نۆۋەتتە بىزلەرگە،ئۇيغۇر جەمىيتىگە پاسسىپ تەسىر كۆرسىتىدىغان تىمىلارنىمۇ بار دەپ ھىس قىلدىم،بۇ خۇددى ئالدىغا بىر قەدەم ئىلىپلا يەنە كەينىگە بىر قەدەم دەسسىۋالغاندەك تۇيۇلدى.چۈنكى مەن ياخشى يازمىلاردىن بىر نەچچىنى ئوقوغاندىن كىيىن، سەلبىي تەرەپ ئارقا كۆرۈنۈش قىلىنغان يازمىدىن بىرنى ئوقوپلا قالسام ئىلگىركى تىمىلاردىن ئىرىشكەنلىرىم،ھىس قىلغانلىرىمنى نابۇت قىلىۋەتتى. ئەھمىيەتسىز ،قۇرۇق دەپ قارىغان ،ئادەمنىڭ قىممەتلىك ۋاختىنى ئالىدىغان يازمىلارنى دىمەيلا قوياي. بۇزغۇنچىلىق خاراكتىرىنى ئالغان يازمىلار دەپ قارىغانلىرىم،يىقىندا سىرلىق مۇنبىرىدە ئىلان قىلىنغان تەقدىر شەھرىستانى،مىسرانىم مۇنبىرىدە نادىرلانغان شوپاڭ ئاچقان شوجاڭ دىگەندەك يازمىلار.بۇ خىلدىكى يازمىلار بۇلا بولوپ قالماستىن خىلى كۆپ ھەم ھەر قايسى مۇنبەردىن خىلى سالماقنى ئىگەللەيدىكەن .بۇلارنى بىرمۇ بىر شەرھىلەپ ئۆتۈش ھاجەتسىز ئەلۋەتتە. بۇ خىلدىكى يازمىلار بىزگە جەمىيتىمىزدىكى شۇ خىل مەينەتچىلىك ۋە بۇزۇقچىلىقلارنى بىلدۈرۈپ قويغاندەك قىلغان بىلەن،شۇ خىل ئش ھەركەتلەردىن يىرگىنىش،ئۇنى توسوش خاھىشىدىن بەكرەك بىزلەرنى ئۆزىمىزدىن يىرگىنىش،ئۆزىمىزنى چۈشكۈنلەشتۈرۈش رولىنى بەكرەك ئوينايدىغان ئوخشايدۇ دەپ ئويلاپ قالدىم . بۇ خىل يازمىلارسىزمۇ، بىز ئۇ خىل ئەھۋاللارنى بىلىشتىن مۇستەسنا ئەمەس دەپ ئويلايمەن، چۈنكى بۇنىڭدىن ئىلگىرى شۇ خىلدىكى يازمىلار مۇنبەرلەردىلا ئەمەس،مەتبۇئاتلاردا،گىزىت -ژ ۇرناللاردىمۇ ئاز يىزىلمىدى دەپ ئويلايمەن،مەسىلەن:مەن ئەقلىمگە كەلگەندىن باشلاپ قانۇنچىلىق گىزىتىنىلا ئوقوسام بۇ خىل ئەھۋاللارنىڭ ئىزنالىرىنى تاپالايمەن ،ھەم جەمىيتىمىزدە بۇ خىل ئەھۋاللارغا بەزىدە پۇتلىشىپمۇ قالىمىز،يەنە كىلىپ ئۆتكەن بىر مەزگىللەردە، ئۆزىمىزنى سۆكۈش،چۈشۈرۈش، خام سۇندۇرۇش ئەۋجىگە چىققان ۋاقىتلارمۇ بولدىغۇ دەپ ئويلايمەن. ھەر قانداق بىر ئادەمنىڭ ئالغا ئىگىرلىشىدە ئۆز كەمچىلىكلىرى ئۈستىدە ئويلانغىنىدىن،نەزىرىنى كۆپرەك ئۆزىنىڭ ئىجابىي تەرەپلىرىگە ئاغدۇرسا تىخمۇ ياخشى ھەم  ئىجابىي ئۈنۈملۈك  نەتىجە ھاسىل قىلالايدۇ دەپ قارايمەن. شۇڭا بىزدىكى ئۇ خىلدىكى ئەسەرلەر ۋە ئۇقۇملار ئاساسەن يىتەرلىك بولدى،ئەمدى بىزلەرگە ۋە كەلگۈسىمىزگە پايدىلىق بولغان،ئالغا ئىگىرلىشىمىزگە ياردەم بىرەلەيدىغان ،بىزلەرگە ئىلھام بەخىش ئىتەلەيدىغان تىمىلار  ۋە يازمىلارغا كۆپرەك ئىھتىياجلىقمىزمىكىن دەپ ئويلاپ قالدىم. مومكىن بولسا بۇ خىلدىكى ئەسەرلەر كۆپىيىپ، بىزدە ئۆزىمىزدىن پەخىرلىنىدىغان،ئۆزىمىزدىن سۆيىنىدىغان خاھىشنى كۆپرەك شەكىللەندۈرەلىسە . يەنى بىز جەمىيتىمىزدە ئۇچراۋاتقان، كۆرىۋاتقان كۆڭلىمىزنى يىرىم قىلىدىغان جاراھەتنىڭ مەلھىمىنى ئۆزىمىزنىڭ تور دۇنياسىدىن ئىزدەيدىغان،قاغجىرىغان قەلبىمىز مۇنبەرلىرىمىزدىن سۇ ئىچىدىغان خاھىش شەكىللەنسە، مۇنبەرلىرىمىز بىزنى تەربىيەلەيدىغان،بىزگە بىلىم بىرىدىغان، ئالغا ئىلگىرلىتىدىغان ياخشى سورونىمىز بولسا. ئەسەرلەرنىڭ قانداق يىزىلىشىدىن بەكرەك ئۇنىڭ قايسى ساھەدىن گەپ ئىچىلغانلىقىغا كۆپرەك ئەھمىيەت بەرسەك،ئۇ گەرچەياخشى يىزىلمىغان بولسىمۇ ئەمما تالانتلىق مۇنبەر باشلىقلىرىنىڭ تەھرىرى،بىز كۆپچىلىكنىڭ ئورتاق پىكىر قاتناشتۇرىشى بىلەن تامامەن قىممەتلىك ئەسەر بولالايدۇ دەپ قارايمەن.بەزى ياخشى،قىممەتلىك پىكىر قىلالايدىغان دوستلىرىمىزنىڭ بەلكىم يىزقچىلىق ئىقتىدارى تازا ياخشى بولماسلىقى ياكى تولوق ۋاقىت ئاجىرتالمىغان بولىشى مومكىن،ئەمما ئۇنىڭ قىممەتلىك پىكىرىگە پەرۋاسىزلىق قىلىنمىسا،ئەسەر نادىرلەش تەرەپلەردىمۇ بۇ تەرەپلەرگە ئەھمىيەت بەرسەك.ئىنكاس يىزىش جەريانىدا باشقىلارنىڭ زىتىغا تىگىشتىن ۋە ئىلمىيلىكتىن ھالقىپ رەددىيە بىرىش تەرەپلىرىگە ئەھمىيەت بەرگەندىن باشقا قۇرۇق،ئەھمىيەتسىز ئىنكاسلارنى يازمىساق،ھەممەيلەن ئەسەر،تىما باھالاش ئەمەس ئەسەرنىڭ ئىدىۋى مەزمۇنىنى تىخىمۇ يورۇتۇش،جاللاندۇرۇش ئۈچۈن كۆپرەك كۈچ چىقىرىپ ئەسەرنىڭ مۈكەممەللىشى ئۈچۈن ئورتاق كۈچ چىقارساق،چۈنكى توردىكى بىر ئەسەر ئاپتۇرنىڭ قولى بىلەنلا مۈكەممەل بولوپ كىتەلىشى ناتايىن.ئۇندىن باشقا بىز قوللاشقا، ئىلھام بىرىشكە تىگىشلىك ئىشلارغا قاتماللىق ،ھورونلوق قىلماستىن ھەممەيلەن بىرلىكتە ئىلھام بىرەلىسەك .خالىس ئەجىر قىلغۇچى شۇ قىرىنداشلىرىمىز ئۆز جاپاسىغا رازى بولوپ،بىزلەردىن مەمنۇن بولسا. مەسىلەن :ئۇيغۇر تور كىتاپخانىسى قۇرىۋاتقان ئالما تورى،ئۇيغۇر كىنوچىلىغى ئۈچۈن جاپالىق قەدەملەرنى بىسىۋاتقان ھۆرىيەت كىنو چەكلىك شىركىتى ،ئەڭ ئاددىيسى مۇنبەر ئارقىسىدا بىزلەر  ئۈچۈن خالىس تەر تۆكىۋاتقان جاپاكەش قىرىنداشلىرىمىز ۋە باشقىلار ئەلۋەتتە بىزنىڭ چوقوم قوللاش ئوبىكتىمىز ،ئۇلارغا روھىي جەھەتتىن مەدەت بىرىش،ماددى جەھەتتىن كۆپچىلىك شارائىتىمىز يار بەرگەن دائىرە ئىچىدە قولىمىزنى سۇنۇش بىزنىڭ باش تارتىپ بولمايدىغان مەجبۇرىيتىمىز دەپ ئويلايمەن . ئەڭ ئاددىيسى ئۇيغۇر تور كۈتۈپخانىسى دەسلەپكى قەدەمدە قۇرۇلۇپتۇ،ئۇنىڭدىن كىملەر پايدىلنىدۇ ؟ يەنە شۇ بىزلەر پايدىلنىمىز. ئەمما بىز ئۇلارغا نىمە قىلىپ بىرىمىز ؟ ھىچنىمە. مۇشۇ تاپتا ئۆزىنىڭ قىممەتلىك ۋاقتىنى سەرپ قىلىپ،  تىنىمسىز جاپالىق تەر تۆكىۋاتقان مۇنبەر باشقۇرغۇچىلىرى كىملەر ئۈچۈن تەر تۆكىۋاتىدۇ ؟ يەنە شۇ بىزلەر ئۈچۈن تەر تۆكىۋاتىدۇ،ئەمما بىز ئۇلارغا نىمە ئىش قىلىپ بىرىمىز ؟ يەنە ھىچنىمە... ئۇلار بىز كۆپچىلىك ئۈچۈن تىنىمسىز تەر تۆكىدۇ،بىز ئۇلارنىڭ قان تەرىدىن پايدىلنىمىز ئەمما ئۇلارغا ھىچنىمە قىلىپ بەرمەيمىز .نىمە دىگەن تۇزكورلوق بۇ...ئۇلارنىڭ قىلغانلىرىنى بىزمۇ قىلىپ باقايلىچۇ،شۇ چاغدا بىلىمىز دەردىنى. شۇڭا ھازىر بىز كۆپچىلىك بۇ جەھەتتىكى ئۇقۇمدا ۋە ئىدىىيەدە چوقوم بىرلىككە كىلىشىمىز ،ئۇلارنى روھى ۋە ماددى جەھەتتىن ئىلھام بىلەن تەمىن ئىتىپ، تىخىمۇ سەر خىل،قىممەتلىك،ئەھمىيەتلىك ئىش پائالىيەتلەرنى روياپقا چىقىرىپ كۆپچىلىك ئورتاق بەھىرلىنىشىمىز ،ئۆزىمىز ۋە كەلگۈسىمىز يولىدا دادىل قەدەم تاشلىشىمىز كىرەك دەپ ئويلايمەن. ھازىر مۇنبەرلەردىكى ئەزالارمۇ كۈندىن كۈنگە كۆپىيىپ بىرىۋاتىدۇ،ئەگەر بىز ئىسلاھ قىلىشقا تىگىشلىك تەرەپلەرنى ئىسلاھ قىلىپ،مۇنبەرنى تىخىمۇ سەرخىللاشتۇرساق،ئاۋاتلاشتۇرساق،كۆپچىلىك تىخىمۇ كۆپ نەپكە ئىرىشەلىسە بۇندىن كىيىن تىخىمۇ كۆپەيگۈسى،ھەم شۇنداق بولىشىنى چىن دىلىمدىن ئۈمۈد قىلىمەن،ئىگىمىز ئاللاھدىن تىلەيمەن. مەن بەلكىم يوق ئىشلارغا،ئۆز دائىرەمدىن ھالقىغان ئىشلارغا چىپىلىۋالغاندىمەن،ئەمما بۇ مىنىڭ چىن سۆزلىرىم. قىنى مۇنبەر ئەھلى سىلەرنىڭ پىكىرىڭلار قانداقكىن،قىنى ھەممەيلەن پىكىر قىلىپ باقساق.

Desni

	ھەق گەپ قىلىپسىز...بۇ مۇنبەر ئەھلى ھەممىمىز ئويلىنىپ بىقىشقا تىگىشلىك مەسىلە..

qayan252

	ئويلىنىشقا تىگىشلىك مەزمۇنلارئىكەن

miracle

	توغرا ...بەزى ئىشلارنى بۇيەرگە يازمىساقمۇ  بەزى گەپلەرنى بۇيەردە دىمىسەكمۇ بولدۇ.... مۇنبەر بىزنىڭ شەخسى خاتىرىمىز ياكى كۈندە يىزىپ باشقىلارغا كۆرسەتمەي  ئۆزىمىزنىڭ ئۆيدە ساقلايدىغان كۈندىلىك خاتىرمىز بولمىغاندىكىن،بۇيەرگە يازساق تورغا چىقالايدىغان ئۇيغۇرچىنى ئوقۇپ چۈشۈنەلەيدىغان ھەرقانداق بىر ئادەم بۇ يازمىلار بۇ ئىنكاسلارنى كۆرەلەيدۇ...  ئۆزىمىزنىڭ چاۋىسىنى يىيىۋەتمەيلى.....

زامانى

	ئەڭ مۇھىمى ئېسل  تىملار ،بىزنى قەلبىمىزنى ئويلاندۇردىغان،ئويغىتىدىغان تىملار كۆمۇلۇپ قالمسۇن......

nazilay

	مىنىڭچە مۇنبەردە پەقەت ھىكايە ،ياكى ئوبزۇر تۈسىدىكى يازمىلارلا يوللانماستىن بەلكى ئاز تولا بولسىمۇ ھەر قايسى كەسىپلەرگە ئائېت بىلىملەر يوللىنىپ تۇرشى كىرەك.

xam12

	دەل مېنىڭ ئويلىغىنىمنى يېزىپسىز !دىمىسىمۇ سەلبى تەسېر بېردىغان تىمىلار ئادەمنىڭ روھىنى چۈشۈرۋېتىدىكەن

abdukorax

	مەن يىقىنقى بىر قانچە كۈندىن بۇيان سىرتتا بولوپ قالدىم.تۈنۈگۈن چۈشتىن كىيىن،چوقوم كۆرۈپ بىقىڭ ماۋزۇسىدىكى ئەبجەش يازمامنى پۈتتۈرۈپ بولوپلا بۇ توغورلوق يىزىشنى ئويلاپ قالدىم.ھەم پۈتۈن بىر كىچە ۋاقىت كىرپىك قاقماي يىزىپ ئەتىگەن زولوق ۋاختىغا ئاران تۈگەتتىم. يۈرۈگۈم ساپ سوقسا،نىيتىم دۇرۇس بولسلا قانداقتۇ بىر ياسالمىلىق قىلىشىمنىڭ ھاجىتى يوق دەپ قارايمەن.ھەم مىنىڭ تىخى مۇنبەر دۇنياسىغا يىڭىياچە بولىشىم ۋە قانداقتۇر بىر تەتقىقاتچى،ياكى يازغۇچى بولماسلىقىمنىڭ،يىشىمنىڭ تىخى كىچىك بولىشىنىڭ  تىما يوللىشىمغا تەسىرى بولمايدۇ.مەيلى مەن ساتراش ياكى مولدۇز ۋە ياكى بىر تازلىق ئىشچىسى بولاي،يىشىم چوڭ ياكى كىچىك بولسۇن,تەپەككۇر قىلالىسام،ئويلىنالىسام يىزىشنى خالىسام تامامەن يازسام بولىدۇ دەپ قارىدىم،يەنە كىلىپ بىز بۇ جەھەتتە ئەمدى باشباشتاق مىڭىۋەرمەي ھەممىزدە ئورتاق ئىنىق بىر نىشان بولىشىنى،ھەممەيلەننىڭ مۇشۇ نىشانغا ئۇيۇشىشىمىز ھەم مۇشۇ توغرىسىدا ئىزدىنىشىمىز كىرەك دەپ قارايمەن .ھەم ھازىر تامامەن بۇنىڭ ۋاختى سائىتى يىتىپ كەلدى دەپ قارايمەن

miracle

	ئاپتور جاۋابىنى بويلاپ 5قەۋەت  nazilay كە 2010-09-05 03:41 PMئەۋەتىلدى  : مىنىڭچە مۇنبەردە پەقەت ھىكايە ،ياكى ئوبزۇر تۈسىدىكى يازمىلارلا يوللانماستىن بەلكى ئاز تولا بولسىمۇ ھەر قايسى كەسىپلەرگە ئائېت بىلىملەر يوللىنىپ تۇرشى كىرەك. توغرا  ھىكايە رومان بىلەن چەكلىنىپ قالمايلى...

YELAN

	ئۇيلانمساق بۇلمايدۇ.....