11 ياشلىق ئۆسمۈر ئەزالىرىنى تەقدىم قىلدى.

قۇددۇس

	ئوپراتسىيە ئاخىرلاشقاندىن كېيىن، دوختۇرلار لىياڭ ياۋيىنىڭ جەسىدىنى ئوپراتسىيەخانىدىن ئېلىپ چىقىپ، لىياڭ ياۋيى ۋە ئۇنىڭ ئاپىسىغا ئۈچ تازىم قىلىپ، ئۇنىڭغا بولغان ھۆرمىتىنى بىلدۇردى. بۇ چاغدا لىياڭ ياۋيىنىڭ ئاپىسى يۇزىنى ئېتىۋېلىپ، ھۆڭرەپ يىغلاپ كەتتى. بۇ ئۆسمۈرگە ھەممە ئىھتىرام بىلدۇرەيلى.     ئەمدىلا 11 ياشقا كىرگەن مېڭە ئۆسمىسىگە گىرىپتار بولغان شىنجىنلىق ئۆسمۈر لىياڭ ياۋيى كۆز يۈمۈش ئالدىدا ئۆزىنىڭ جىگىرى بىلەن بۆرىكىنى تەقدىم قىلىشنى قارار قىلدى.     6- ئاينىڭ 6- كۈنى ئۇنىڭ مۇرادى ھاسىل بولدى. ئۇ تەقدىم قىلغان ئىچكى ئەزالىرى سەككىز سائەت ئىچىدىكى يېڭى بىر ھاياتلىقنى قۇتقۇزۋالدى. 2014- يىلى 6- ئاينىڭ 6- كۈنى چۇشتىن كېيىن سائەت 4دىن 35 مىنۇت 6 سىكنوت ئۆتكەندە، لىياڭ ياۋيى گۇاڭجو جوڭشەن ئۇنۋىرسىتى قارمىقىدىكى 1- دوختۇرخانىنىڭ ئوپراتسىيە ئۆيىدە جىمجىت كۆز يۈمدى. سائەت 5 دىن 19 مىنۇت ئۆتكەندە، لىياڭ ياۋيىنىڭ بۆرەك ۋە جىگىرى لىققىدە مۇز قاچىلانغان تېرموسقا (تېمپىراتۇرا ساقلاش قاچىسى) غا سېلىندى، بۇ ئەزالار سەككىز سائەت ئىچىدە يېڭى بىر ھاياتلىقنى قۇتقۇزۋالاتتى. بۇلارنىڭ ھەممىسىنى ئەمدىلا 11 ياشقا كىرگەن گۇاڭدوڭلۇق كىچىك ئوغۇل بالىنىڭ ئۆزى قارار قىلغان ئىدى.       كېسەللىك ئەھۋالى بارغانسىرى ئېغىرلاشقانلىقتىن، لىياڭ ياۋ يىنىڭ گەپ قىلىشىمۇ تەسكە توختاۋاتاتتى. 6- ئاينىڭ بېشىدا ئۇ ئۆزىنىڭ بولالمايۋاتقانلىقىنى ھېس قىلغاندەك قىلاتتى. «ئاپا، ئەگەر مەن ئۆلۇپ كەتسەم، مېنى تەقدىم قىلىۋېتىڭ». لى چۇن دەسلەپتە ئاڭلىغىنىدا بالىسىنىڭ نىمە دەۋاتقانلىقىنى ئاڭقىرالماي قالدى ۋە بالىسىدىن نىمە دەۋاتقانلىقىنى سۆرىدى. لىياڭ ياۋيى «مېنىڭ ئىچكى ئەزالىرىمنى تەقدىم قىلىۋېتىڭ». مانا بۇ قۇرامىغا يەتكەنلەرمۇ ناھايىتى تەستە دەيدىغان قارار مانا مۇشۇ ئەمدىلا 11 ياشقا كىرگەن كىچىك ئۆسمۈرنىڭ ئاغزىدىن چىقىۋاتتى.        مېڭە ئۆسمىنىسڭ ئاغرىق ئازابى سەۋەبىدىن ئۇ ئۆزىنىڭ ئىرادىسى ۋە غايىسىنى ئۆزگەرتكەن ئىدى. ئۇ ساقىيىپ قالسا چوڭ بولغاندا دوختۇر بولۇپ، كۆپچىلىكنىڭ كېسىلىنى داۋالاشنى ئويلىغان ئىدى. بۇنىڭدىن ئىلگىرى ئۇ كاتتا خوجايىن بولۇپ، جىق پۇل تېپىپ، ئاتا - ئانىسىغا ۋاپادارلىق كۆرسەتمەكچى ئىدى.       ئەپسۇسلىنارلىقى ئۇ ئەمدى دوختۇر بولالمايدىغان بولدى، شۇ سەۋەپتىن ئۆزىنىڭ ئۆزىنىڭ ئىچكى ئەزالىرىنى تەقدىم قىلماقچى ھەمدە تېنىنى تىببى ئىنىستوتقا تەقدىم قىلدى. بۇ بىر ھىساپتا  تىببى ئۇنۋىرىسىتقا كىرىش ئارزۇسىنىڭ ئەمەلگە ئېشىشى ئىدى.       لىياڭ ياۋيى بالىنىڭ كىچىگى. گەرچە ئۇنىڭ بىر ئاچىسى، بىر ئاكىسى بار. لېكىن ئۇ ئۆزىنىڭ كىچىكلىگىنى پەش قىلىدىغان ئەركە ئەمەس ئىدى. شۇنىڭ بىلەن بىر ۋاقىتتا لىياڭ ياۋيىنىڭ ئۈگىنىش نەتىجىسىمۇ شۇنداق ياخشى بولۇپ، سىنپتا ئالدىنقى ئورۇندا تۇراتتى. ئوقۇتقۇچىسىمۇ ئۇنى تولىمۇ ياخشى كۆرەتتى، ئۇ بىر قانچە دەرسنىڭ دەرس ۋەكىلى ئىدى. لېكىن تەقدىر ئىنسانغا باقمايدۇ - دە. مۇدھىش كېسەل بۇ ئەقىللىك ئوغۇلنى ئېلىپ كەتتى.     ئەسلى ئادرىس: http://news.qq.com/a/20140610/027967_2.htm

uzum-tal

	ھەقىقەتەن تەسىرلىك . كىچىككىنە تۇرۇپ جان سەكراتقا قىلىپ جان قىيلىنىۋاتقان بىر ۋاقىتتا باشقىلار ئۈچۈن بەدەل تۆلەشتىن ئىبارەت خىيالغا كىلىش ۋە  شۇنداق تىز  قارارغا كىلىپ كەسكىن قارار چىقرىش شۇنچە  ئاسانمۇ ؟ مىنىڭ سىىڭلىمنىڭ بالىسى جىنىدا 17 ئايلىق بولدى سۆيۈپ قوي دىسەم سۆيگىلى ھەرگىز ئۇنمايدۇ . تالانى كۆرسۈتۈپ تۇرۇپ موك ئىتىپ قويساڭ تالانى ئايلاندۇرمەن دىسەم  تەمىتىرەپ مىڭىۋاتقان ئادەم ئۆزىنى يەرگە تاشلاپ پاتكاچىلاپ ئۆمۇلەپ قىلىپ سۆيمەي تۇرۇپ . قۇچاققا چىقىپ بولۇپ ئاندىن سۆيۈپ قويدۇ . قانداق قىلىدۇ قىنى ؟ ! دەپ سۆيۈپ بولغاندىن كىيىن قەستەن يەرگە قويغىلى ھەركەت قىلىپ قويسام يۈزۈمگە ئۈرۈپ يىغلاشقا باشلايدۇ . شۇ شۇمتەك جىنىدا بىر سۆيشىنى بىكارغا بەرمەيدۇ .

vmvdwar-uyhur

	جەمئىيەتتە ياخشى كىشلەر يەنىلا كۆپ ،مىھرى -مۇھاببەت ھامان رەزىلىك ئۈستىدىن غالىپ كىلىدۇ .

albax

	ناھايىتى ئالىيجاناپ روھ..........................!   بۇ بالىنىڭ بىر ئاچىسى بىر ئاكىسى باركەن ، قارىغاندا پىلاندىن سىرت بالا ئوخشايدۇ ھە ؟

تەقدىر07

	ئاللا جاننى ئالسا ئامال يوقتە ئىنساندا.

musilina

	بۇ بالىنىڭ ئىشى ئادەمنى ھەقىقەتەن تەسىرلەندۈرىدىكەن....

zulpukar

	ئادەم ھاياتلا بولسا نۇرغۇن ئىشلارنى ئاڭلايدىكەن............

quwax

	uzum-tal يوللىغان ۋاقتى  2014-6-10 01:52 PM ھەقىقەتەن تەسىرلىك . كىچىككىنە تۇرۇپ جان سەكراتقا قىل ... ئەۋۋەل سىزمۇ بىكارغا سىرتلارنى ئايلاندۇرۇپ ئوينىتىپ ئەكىر سىڭىز ئۇمۇ بىكارغا سۇيۇپقۇ يىدىغان بۇلىدۇ

hujayin1

	بۇنداق ئىشلار ئانچە كۆپ ئەمەس،

ئەزىزىم

	ھەقىقەتەن تەسىرلىك .