[ بوزقىر] ياڭ گاڭغا قوش جازا بېرىلدى

bozqir

	[e=]شىنجاڭنىڭ سابىق مۇئاۋىن شۇجىسى  ياڭ گاڭغا  قوش جازا  بېرىلدى     []ئالدىنقى  مەزگىلدە   ، مەركىزىي ئىنتىزام  تەكشۈرۈش كومىتېتى  سېياسىي كېڭەش 12-نۆۋەتلىك مەملىكەتلىك كومىتېتى ئىقتىساد كومىتېتىنىڭ سابىق مۇئاۋىن مۇدىرى ياڭ گاڭنىڭ  ئېغىر ئىنتىزامسىزلىق ۋە قانۇنسىزلىق قىلمىشلىرىغا قارىتا دېلو تۇرغۇزۇپ تەكشۈرۈش ئېلىپ بارغانىدى .   تەكشۈرۈش ئارقىلىق ياڭ گاڭنىڭ ھوقۇقىدىن پايدىلىنىپ  باشقىلاردىن نەپ ئۈندۈرگەنلىكى ، غايەت زور مىقداردا پارا قوبۇل قىلغانلىقى ۋە باشقىلار بىلەن  ئاشنا  ئوينىغانلىقى ئىسپاتلانغان .    ياڭ گاڭنىڭ يۇقۇرقى قىلمىشلىرى  ئېغىر ئىنتىزامسىزلىق قىلمىشىغا ياتىدۇ . بۇنىڭ ئىچىدە  پارا قوبۇل قىلىش قىلمىشى بولسا قانۇنغا خىلاپ جىنايەت ھېساپلىنىدۇ .  " ج ك پ نىڭ ئىنتىزام جازاسى نىزامى''  قاتارلىق ئالاقىدار بەلگۈلىمىلەرگە ئاساسەن  مەركىزىي ئىنتىزام تەكشۈرۈش كومىتېتى  ج ك پ مەركىزىي كومىتېتىنىڭ تەستىقىنى ئېلىش ئارقىلىق  ياڭ گاڭغا پارتىيىدىن  چىقىرىش ۋە خىزمەتتىن ھەيدەش جازاسى بېرىپ ،  قانۇنسىزلىق جىنايىتىگە قارىتا ئەدلىيە ئورۇنلىرىنىڭ بىر تەرەپ قىلىشىغا تاپشۇرۇپ بەرگەن . http://news.sohu.com/20140711/n402105165.shtml

qampvt

	قاچانقى باشلېق بولغىيتى بۇ，ئەمدى ئاڭلاپتمەئسمىنى.ياخشى بوپتۇ باھايىم شۇ....

bozqir

	ياڭ گاڭنىڭ قىسقىچە تەرجىمىھالى : ياڭ گاڭ ، ئەر، خەنزۇ، 1953-يىلى 1-ئايدا تۇغۇلغان، خېبېي گاۋچېڭ ناھىيەسىدىن. 1976-يىلى 4-ئايدا ج ك پ غا كىرگەن، 1969-يىلى 2-ئايدا خىزمەتكە قاتناشقان، مەركىزىي پارتىيە مەكتىپى سىياسىي نەزەرىيە كەسپىنى پۈتتۈرگەن، مەركىزىي پارتىيە مەكتىپىنىڭ ئاسپىرانتلىق ئوقۇش تارىخىغا ئىگە، ئالىي دەرىجىلىك سىياسىي خىزمەت ئۇستازى.1969-يىلى 2-ئايدىن 1974-يىلى 12-ئايغىچە شىنجاڭ ئىشلەپچىقىرىش قۇرۇلۇش بىڭتۇەنى دېھقانچىلىق 8-دېۋىزىيەسى 150-تۇەنىدە دېھقان ئىشلەمچى بولغان. 　　جۇڭگو كوممۇنىستىك پارتىيەسى ياشلار ئىتتىپاقى شىنجاڭ ئىشلەپچىقىرىش ــ قۇرۇلۇش بىڭتۇەنى كومىتېتىنىڭ مۇئاۋىن شۇجىسى، شىنجاڭ ئىشلەپچىقىرىش ــ قۇرۇلۇش بىڭتۇەنى دېھقانچىلىق 8-دېۋىزىيەسىنىڭ مۇئاۋىن باشلىقى، جۇڭگو كوممۇنىستىك پارتىيەسى ياشلار ئىتتىپاقى شىنجاڭ ئۇيغۇر ئاپتونوم رايونلۇق كومىتېتىنىڭ مۇئاۋىن شۇجىسى، پارتگۇرۇپپىسىنىڭ شۇجىسى، شىنجاڭ ئۇيغۇر ئاپتونوم رايونلۇق تۇرپان ۋىلايەتلىك پارتكومنىڭ مۇئاۋىن شۇجىسى، شۇجىسى، ئاپتونوم رايونلۇق پارتكوم تەشكىلات بۆلۈمىنىڭ مۇئاۋىن باشلىقى، ئاپتونوم رايونلۇق كادىرلار نازارىتىنىڭ پارتگۇرۇپپا شۇجىسى، نازارەتنىڭ مۇئاۋىن شۇجىسى، شىنجاڭ ئۇيغۇر ئاپتونوم رايونلۇق پارتكومنىڭ دائىمىي ئەزاسى، ئۈرۈمچى شەھەرلىك پارتكومىنىڭ شۇجىسى، شىنجاڭ ئۇيغۇر ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايونلۇق ھۆكۈمەتنىڭ مۇئاۋىن رەئىسى، دۆلەت سۈپەت ـ نازارەت ـ كارانتىن قىلىش باش ئىدارىسىنىڭ مۇئاۋىن باشلىقى، پارتگۇرۇپپىسىنىڭ مۇئاۋىن شۇجىسى، سىياسىي كېڭەش 12-نۆۋەتلىك مەملىكەتلىك كومىتېتى ئىقتىسادىي كومىتېتىنىڭ مۇئاۋىن مۇدىرى بولغان.17-نۆۋەتلىك مەركىزىي كومىتېتىنىڭ كاندىدات ئەزاسى بولغان. مەنبە: خەلق تورى

zubayr

	بوز قىر ئەپەندىم ھارمىغايسىز بوز قىر مۇنبىرى ئىچىلمايدىغۇ؟

bozqir

	zubayr يوللىغان ۋاقتى  2014-7-11 11:20 PM بوز قىر ئەپەندىم ھارمىغايسىز بوز قىر مۇنبىرى ئىچىلماي ... سەۋەبىنى مەنمۇ تازا ئېنىق بىلەلمىدىم. رەتكە سېلىۋاتقان چېغى.

mehriya

	پارخورلارغا قارىتا  بۇدا مەركىزى ئىنتىزام تەكشۈرۈش كومىتېتى  خېلى كۈچ چىقاردى .  بۇنداق ئەمەلدارلار قانۇنى جازاغا تارتىلىشى كېرەك .

uyghari

	كىشىنى شاتلاندۇرىدىغان، روھىنى ئۇرغۇتىدىغان ياخشى خەۋەر ئىكەن. بۇ خەۋەر   رەئىس شى جىنپىڭنىڭ يولۋاسقىمۇ، چىۋىنگىمۇ تەڭ زەربە بېرىپ، چىرىكلىكنى جازالاش ئىرادىسىنىڭ كۈچلۈكلىكىنى يەنە بىر  قېتىم ئىسپاتلاپ بىرەلەيدۇ. چىرىكلەشكەن يولۋاس ۋە چىۋىنلەرنىڭ بىرىنىمۇ بوش قويۇۋەتمەسلىك كېرەك.

babur99

	bozqir يوللىغان ۋاقتى  2014-7-11 11:18 PM ياڭ گاڭنىڭ قىسقىچە تەرجىمىھالى : ياڭ گاڭ ، ئەر، خەنزۇ، ... قارىغاندا بۇ ياڭ پولات باشلىق بىڭتۈەندە دىھقان ئىشلەمچى بولۇپ پاختا تېرىپ يۈرگەن كۈنلەردە :«خەپ نېمە قىلسام قىلپ،ئەمەل سورۇنىغا قىستىلىپ كىرىپ  ھوقۇق تۇتۇپ قىزىل تامغامدىن پايدىلنىپ تازا پۇل تېپىپ ،ساھىبجاماللادىن ھوزۇر ئالمىسام تاشپاقا بولۇپ كېتەي »دەپ قەسەم ئىچكەن چېغىۋاكەن ،قەسىمىنى ئىشقا ئاشۇرۇپتۇ ،لېكىن ھارامنى بەك جىق يەۋېلىپ مانا ئەمدى بۇرنى -قۇلقىدىن تېشىپ چىقىپتۇ . بۇ پارىخور ئەمدى كامىردا يېتىپ  قىلغانلىرىغا پۇشايمان قىلۋاتامدىغاندۇ ياكى بىر مەزگىل بولسىمۇ دەۋران سۈرۈپ ھاياتنىڭ پەيزىنى سۈرۋالغىنىدىن ئۆزىگە تەسەللىي ئىزدەپ بەخىرامان ئۇخلامدىغاندۇ ؟ بۇ قېتىمقى چىركلىككە قارشى شىدەتلىك بوراندا يىلتىزى چىڭ سۇۋادان تىرەكتەك ھەيۋەتلىك پارخۇرلارمۇ يىلتىزىدىن قومۇرلۇپ غاراسلاپ يىقىلغىلى تۇردى ، شى رەئىسنىڭ بۇ بۇراننى يەنىمۇ كۈچەپ چىقىرىپ پۈتۈن پارخۇرلارنى ئەخلەت -چاۋارلارنى ئۇچۇرۇپ ئازگالغا تىققاندەك تېقىۋېتىشىنى بىز پۇقرالار پۈتۈن جان -دىلىمىز بىلەن قوللايمىز.

musilina

	ئوتنى كىم تۇتسا شۇنىڭ قولى كۆيىدۇ... ھەركىم قىلمىشلىرى ئۈچۈن تېگىشلىك جازاسىنى تارتىدۇ....

sardor0908

	ۋاڭ بىگىمنىڭ كۈنى تەسلىشىدىغان بولدى......