|
|
|
|
لائوس
Laos
پىل دۆلىتى
لائوسنىڭ تولۇق نامى <لائوس خەلق دېموكراتىك جۇمھۇرىيىتى> بولۇپ ،ھىندىچىنى يېرىم ئارىلىنىڭ غەربىي شىمالىغا جايلاشقان . دۆلەت نامى مىللەت نامى بىلەن ئاتالغان . چۈنكى پۈتۈن دۆلەت نوپۇسىنىڭ مۇتلەق كۆپ قىسمىنى لائوس مىللىتى تەشكىل قىلغانلىقتىن شۇنداق ئاتالغان . مىلادىدىن بۇرۇنقى ئىككىنچى ئەسىرنىڭ ئالدى كەينىدە ،لائوسلار چار تۈزلەڭلىكىگە كېلىپ يىلتىز تارتقان ، ئۇلار ئەركىنلىك ۋە باراۋەرلىكنى ئۆزلىرىنىڭ ئەڭ يۈسەك تۇرمۇش ئەقىدىسى ھېسابلايدۇ . بۇ مىللەتتە ئەر -ئاياللار بىردەك باراۋەر بولۇپ ، ئائىلە ،قان سېستىمىسى ئارقىلىق ئېسىل - پاسلىكىنى ئايرىمايدۇ ، يەنە ياش ئارقىلىق ئوخشىمىغان تائىپە ئايرىشنىمۇ ياخشى كۆرمەيدۇ . ئۇلار ھىنايانا دىنىغا قاتتىق ئىشىنىدۇ . ئادەم ھاياتلىقتا شال تېرىپ ، ئۆلگەندە تۇپراققا قايتىدۇ دەپ قارايدۇ .
ئۇلار مىللەت نامى ئارقىلىق دۆلەت نامىنى لائوس دەپ ئاتايدۇ . فىرانسىيىگە قارشى ئۇرۇش مەزگىلىدە لائوس ۋەتەنپەرۋەرلىك كۈچلىرى دۆلىتىنى <باتلاۋ>دەپ ئاتىغان مەنىسى <لاۋ مىللىتىنىڭ دۆلىتى> دىگەنلىك بولىدۇ . لائوس 749-يىلى دۆلەت قۇرغان ،دۆلىتى ئەينى چاغدا <لەنساڭ خانلىقى> ،پادىشاھى كونلوشاھ دەپ ئاتالغان . لائوس تىلىدا <لەنساڭ >خېتى < مىليونلىغان پىل >مەنىسىدە بولۇپ ،لائوستا پىلنىڭ ناھايىتى كۆپلىكىنى ئىپادىلەيدۇ .شۇڭا قەدىمىي كىتاپلاردا لائوسنى < تۈمەن پىل دۆلىتى>دەپمۇ ئاتىغان .1893-يىلى لائوس فرانسىيىنىڭ ھامىيلىقىدىكى دۆلەتكە ئايلانغان ،1940-يىلى ياپونىيە تەرىپىدىن بېسىۋىنىلىپ 1945-يىلى 10-ئاينىڭ 12-كۈنى مۇستەقىللىق جاكارلىغان . 1946-يىلى 3-ئايدا فرانسىيە قايتا تاجاۋۇز قىلىپ كىرىپ 1954-يىلى ئاندىن ئۇنىڭ مۇستەقىللىقىنى ئېتىراپ قىلشقا مەجبۇر بولغان .1975-يىلى 12-ئايدا < لائوس خەلق دېموكراتىپ جۇمھۇرىيىتى> قۇرۇلغان .
لائوسنىڭ يەر مەيدانى 237 مىڭ كۋادرات كىلومېتىر ،ئاھالىسى 4مىليون 850 مىڭ . %60 تىن ئارتۇقىنى لائوس مىللىتى تەشكىل قىلىدۇ ،%90 ئاھالە بۇددا دىنىغا ئېتىقان قىلىدۇ . پايتەختى ۋيېنتىيان . پۇل بىرلىكى كىپ .
مەنبە : دۆلەت ۋە رايونلار نامىنىڭ كېلىش تارىخى .( شىنجاڭ ئۇنۋېرسىتىتى نەشرىياتى نەشىر قىلغان)
|
|
|
|
|
|