مىسرانىم مۇنبىرى

ئىگىسى: Aytugh

ئايتۇغ: قۇياش نۇرى ھامان ئىللىق-ھېكايە [ئۇلانما كۆچۈرۈش]

ئەزا ئۇچۇرى
تىزىم نۇمۇرى: No. 105604
يازما سانى: 192
نادىر تېمىسى: 0
مۇنبەر پۇلى : 1970
تۆھپە نۇمۇرى: 0
توردا: 377 سائەت
تىزىم: 2014-4-2
ئاخىرقى: 2015-4-5
يوللىغان ۋاقتى 2014-9-7 11:06:56 PM |ھەممە قەۋەتنى كۆرۈش |
بىر ئەرگە نىسبەتەن ئاياللارغا شۇنچە كۆيۇنۇپ ،ھالىدىن خەۋەر ئىلىشى ئاسان ئىش ئەمەس.لىكىن پەرىدە سەلىمەنى ئۆزى رازى بوپ ئىرىگە نىكاھلاپ قويغان بولسىمۇ،رەشىكنىڭ بىرئايالغا نىسبەتەن ئىلىپ ئىيىتقاندا قانچىلىك ئىغىر كىلىدىغىنىنى ،ئايال بوپ باققانلار ئوبدان چۇشىنىدۇ دەپ ئويلايمەن.
ئەسىرىڭىزنىڭ ئۇتۇقلۇق بولىشىغا تىلەكداشمەن.

ئارقامغا ياكى ئالدىمغا قارىغۇم يوق. چۇنكى ئارقامدا غەمكىن ئۆتمۇشۇم ، ئالدىمدا تەشۋىشلىك كەلگۇسۇم بار ! يەنىلا ئۇستىگە قاراشنى لايىق تاپتىم،چۇنكى ئۇيەردە ماڭا ھەقىقى بەخىت ۋە خۇشاللىق بىرىدىغان ئۇلۇغ رەببىم بار !

ئۆمۈرلۈك سالىھ ھەمرا !

ئاكتىپ ئەزا

ئەزا ئۇچۇرى
تىزىم نۇمۇرى: No. 67585
يازما سانى: 669
نادىر تېمىسى: 3
مۇنبەر پۇلى : 7209
تۆھپە نۇمۇرى: 100
توردا: 1737 سائەت
تىزىم: 2011-11-29
ئاخىرقى: 2015-4-1
يوللىغان ۋاقتى 2014-9-8 11:08:30 AM |ھەممە قەۋەتنى كۆرۈش |
پەرھاتقا ئوخشاش ئەرلەر ھازىرمۇ بارمىدۇ؟ بەش يىلغىچە ئورۇن تۇتۇپ يېتىپ قالغان كىسەلنىڭ ھالىدىن خەۋەر ئېلىش ئاسان ئىش ئەمەس. ھەقىقەتەن كۆيۈمچان ئەر ئىكەن.


داۋامىدا قانداق ئىشلار يۈز بېرەر ئەمدى؟

كۆڭلۈمگە كەلسىمۇ، كۆڭلىدىكىنى بىلىپ باققۇم بار!

ئەزا ئۇچۇرى
تىزىم نۇمۇرى: No. 97620
يازما سانى: 187
نادىر تېمىسى: 1
مۇنبەر پۇلى : 4418
تۆھپە نۇمۇرى: 0
توردا: 107 سائەت
تىزىم: 2013-9-5
ئاخىرقى: 2015-4-6
يوللىغان ۋاقتى 2014-9-8 01:17:06 PM |ھەممە قەۋەتنى كۆرۈش |
داۋامىنى كۆرۈشكە ئېنتىزار بولۇۋاتىمىز ...........

ئەمەتجان زۇنۇن ئارتۇچ  

چ چ  ؛  2536190268  .   يانفۇن  ؛ 15699088894

ئەزا ئۇچۇرى
تىزىم نۇمۇرى: No. 108270
يازما سانى: 537
نادىر تېمىسى: 0
مۇنبەر پۇلى : 1666
تۆھپە نۇمۇرى: 0
توردا: 146 سائەت
تىزىم: 2014-7-6
ئاخىرقى: 2015-3-31
يوللىغان ۋاقتى 2014-9-8 01:23:33 PM |ھەممە قەۋەتنى كۆرۈش |
ياخشىكەن!

تەر تۇكۇپ چاچساڭ ئۇرۇق، يەر سېنى قويماس قۇرۇق.

سائادەت ساتتار ئايتۇغ

مۇنبەر باشقۇرغۇچىسى

Rank: 8Rank: 8

ئەزا ئۇچۇرى
تىزىم نۇمۇرى: No. 9369
يازما سانى: 504
نادىر تېمىسى: 6
مۇنبەر پۇلى : 23752
تۆھپە نۇمۇرى: 1557
توردا: 5117 سائەت
تىزىم: 2010-9-6
ئاخىرقى: 2015-4-6
يوللىغان ۋاقتى 2014-9-8 02:30:56 PM |ھەممە قەۋەتنى كۆرۈش |

سەلىمە ئۆزىنى تۈزەشتۈرۈشكە ئالاھىدە ئەھمىيەت بېرىدىغان،ئۆيلەرنىمۇ شۇنچە پاكىز رەتلىك تۇتۇدىغان، پەرھاتقىمۇ ئالاھىدە قىزغىن مۇئامىلە قىلىپ، پەرىدەنىڭ كۆزىچە ئۇنىڭغا ئەركىلەيدىغان بولدىيۇ پەرىدەگە بارغانسىرى سوغۇق مۇئامىلە قىلىشقا باشلىدى.ئۇنىڭ تىگىنى قۇرۇقدايدىغان، بەدىنىنى سۈرتۈپ كىيىملىرىنى ئالماشتۇرىدىغان ئىشلارنى بۇرۇن خۇشاللىق بىلەن تولىمۇ ئەستايىدىل قىلغان بولسا مانا ھازىر چىرايىنى پۈرۈشتۈرۈپ،بۇرۇنلىرىنى ئىتىپ، غۇدۇراپ تۇرۇپ قىلاتتى. بۇرۇن ئۈچۈيلەن تاماقنى پەرىدەنىڭ ھوجرىسىدا يىگەن بولسا مانا ھازىر پەرىدەگە تامىقىنى ئەكىرىپ بېرىپلا پەرھات ئىككىسىنىڭ تامىقىنى مىھمانخانا ئۆيگە راسلايدىغان بولدى.

بۇ ئۆيدە پەرىدەنىڭ مەۋجۇتلىقى بارغانسىرى ئۇنتۇلۇپ كىتىۋاتقاندەك ئىدى.

-توۋا،ئادەم ئۆزگىرەي دىسە بىردەمچىلىككەن، دەپ پىچىرلايتى پەرىدە ئۆزىگە،-مەندىن بىرەر سەۋەنلىك ئۆتتىمۇيە؟مەن كۈنلەمچىلىك قىلىپ ئۇنىڭغا چاندۇرۇپ قويغان يەرلىرىم بولسا ئۇنىڭغا ھار كىلىپ مۇشۇنداق بولۇپ قېلىۋاتامدۇيە؟دەپمۇ ئويلاپ قالاتتى ئۇ ۋە سەلىمە بىلەن بولغان مۇناسىۋىتىنى ئەسلىدىكىدەك ياخشىلاشقا تىرىشىپ ئۇنىڭغا بۇرۇنقىدەك مىھرىبانلىق نەزىرى بىلەن قارايتتى. ئۇنىڭ تۇرقىغا ھەۋەسلىنىپ ماختىسىمۇ ئۇ پەرىدەگە سوغۇقلا قاراپ ئۇنىڭدىن ئۆزىنى قاچۇرۇپ يۈرگەندەك ئىدى.

پەرھاتمۇ ئىلگىرىكىدەك كۆپ قورۇنۇپ كەتمەيدىغان بولدى. توي-تۆكۈن، پائالىيەتلەرگە پەرىدە دىمىسىمۇ چىرايلىق ياسىنىۋالغان سەلىمەنى قولتۇقلاپ ئاپىرىپ ئۆيگە خۇشال كۈلۈشۈپ كىرىدىغان بولدى.ھەمدە پەرىدەنىڭ ھوجرىسىدا پەقەتلا قونمايدىغان بولۇپ قالدى. خۇددى رەسمىيەت ئۈچۈنلىدەك ئەتىگىنى ۋە كەچتە پەرىدەنىڭ ھوجرىسىغا بېشىنى تىقىپ قولاشمىسىمۇ ئۇنى بۇنى دەپ قويۇپلا چىقىپ كىتىۋاتقان پەرھاتقا قاراپ پەرىدە ئەڭ قىممەتلىك بىر نەرسىسىنى يۈتۈرۈپ قويغاندەك كۆڭلى يېرىم بولۇشقا باشلىدى. نەھالەنكى ئۇنىڭ كەيپىياتى بىلەن ھازىر ھېچكىمنىڭ كارى يوق ئىدى. بۇرۇن سەلىمەنىڭ سوغۇق مۇئامىلىسىنى توغرا چۈشەنگەن،‹‹مەندەك تىرىك تاپنىڭ ھالىدىن خەۋەر ئېلىش ئاسانمۇ؟››دەپ يەنىلا مىننەتدارلىق بىلەن ئۆزىگە تەسەللى بېرىپ كىلىۋاتقان پەرىدەگە پەرھاتنىڭمۇ ئۆزىدىن يىراقلىشىپ قېلىۋاتقانلىقى ھەقىقەتەن ھار كەلدى. ئۇ نەچچە كېچىنى ئاللاھتىن ئۆزىگە ئۆلۈم تىلەپ ئۆتكۈزگەندىن كىيىن تۇيۇقسىز بىر كۈنى قولىغا چىققان بىر پارچە گېزىتتىن ئۆزىگە ئوخشاش مېيىپ بىرسىنىڭ چاقلىق ئورۇندۇققا ئولتۇرۇپ نەچچە شەھەرنى ئايلىنىپ چىققان ئىش .ىزلىرىنى كۆرۈپ قالدى ۋە ئۆزىنىڭ ئۆلۈمنى كۈتۈپ يېتىشتەك ئىرادىسىزلىقىدىن غەزەپلەندى.‹‹باشقىلار ماڭالمىسىمۇ يەنە شۇنداق غەيرەت بىلەن ياشاۋېتىپتىيۇ مەن نىمىشقا ئۆيدىنمۇ تالاغا چىقالمايمەن؟ يەنە تېخى ئاللىكىملەردىندۇر نىمىلەرنى كۈتۈپ ئاغرىنىمەن؟ ئاۋال ئۆزۈمدىن بىر غەيرەت تىلەي! ھېچبولمىسا ساپ ھاۋادىن، تەبىئەتنىڭ گۈزەللىكىدىن ھوزۇرلىناي، بۇ لەنەتتەككۈر ھوجرىدىن ئازات بولاي!ئەمدى غەيرەتكە كەلمىسەم مەن روھىيىتىمدىنمۇ تۈگىشىپ كىتىمەن. جىسمانىي ۋە روھى جەھەتتىكى ئاجىزلىق،يالغۇزلۇق، غېرىپلىق، چۈشكۈنلۈك...مىنى پۈتۈنلەي يالماپ يۇتۇۋېتىشى مۇمكىن! ئاللا ھەر بىر ئىنسانغا ھاياتنى پەقەت بىرلا قېتىم بەرگەن. ئۇنى قەدىرلەش ياكى خار زابۇن قىلىش ئىنساننىڭ ئۆزىگە باغلىق!

كەچتە پەرھات مىھمانخانا ئۆيدىكى شىرەگە تەييارلاپ قويۇلغان تامىقىنى سەلىمە بىلەن قىزغىن پاراڭلىشىپ، كۈلۈشۈپ ئولتۇرۇپ يەپ بولغاندىن كىيىن پەرىدەنىڭ ھوجرىسى تەرەپكە مېڭىۋىدى سەلىمەنىڭ:-

-ۋاي ئۇنى ئوغرى ئېلىپ چىقىپ كىتەمتى بىردەم ھاردۇقىڭىزنى ئېلىپ كىرسىڭىزمۇ بولىدۇ،دېگەن سۆزىنى پەرھاتمۇ پەرىدەمۇ ئاڭلىماسقا سالدى.

-قانداراق تۇرىسىز؟ دىدى پەرھات پەرىدەنىڭ ياتىقىغا كىرىپ ئۇنىڭغا لەپپىدە بىر قاراپ قويۇپ كۆزلىرىنى ئېلىپ قېچىپ.

-شۈكرى ئاللا يامان ئەمەس، ئۆزىڭىزچۇ، چارچىدىڭىزمۇ؟

-ھە بۈگۈن بەك چارچىدىم بالدۇرراق ئارام ئالايمىكىن مومامنىڭ ھوجرىسىدا...

-سىزگە مەسلىھەت سالىدىغان بىر ئىش بار ئىدى...

-ھە قېنى دەڭ؟

-ماڭا چاقلىق ئورۇندۇقتىن بىرنى ئېلىپ بېرەلەرسىزمۇ؟

-نىمە؟ چاقلىق ئورۇندۇق؟

-ھەئە.

-سىز...سىزگە بولارمۇ ئۇ؟

-مىنىڭچە بولىدۇ، سىناپ باقاي دىۋىدىم...

-ھە مەن ئەتە بېرىپ سىزنىڭ ئەھۋالىڭىزنى ئېيتىپ سۈرۈشتۈرۈپ باقاي سىزگە ماس كىلەمدۇ يوق...

-ماقۇل ئەمىسە ئاۋارە قىلىدىغان بولدۇم.

پەرھات چىقىپ كەتتى. ئۇ چىقىپ كىتىشكە شۇنچە ئالدىرىدىكى پەرىدەنىڭ ئەتىگەندىن بېرى تولا يىغلاپ ئىششىپ كەتكەن قاپاقلىرىغا، قىزىرىپ كەتكەن كۆزلىرىگىمۇ دىققەت قىلمىدى.

پەرىدە گەرچە ئۆزى ئارزۇ قىلغان چاقلىق ئورۇندۇققا ئېرىشكەن بولسىمۇ ئۇنى ھەيدەشنى ئۆگىنىش ئۇنىڭغا ئانچە ئاسانغا چۈشمىدى. قول ئالقانلىرى قاپىرىپ، تىشىلىپ،ئۇزۇن ھەركەتسىز يېتىپ قېتىشىپ كەتكەن يەلكە-مۈرىلىرى چىدىغۇسىز تېلىپ ئاغرىپ، پۈتۈن بەدىنى ھالسىزلىنىپ كەتسىمۇ ئۇ خۇددى مۇشۇ ھارۋىنى ھەيدەشنى ئۆگىنەلمىسىلا ياشاش پۇرسىتىدىنمۇ مەھرۇم قالىدىغانداق بىر خىل ۋەھىمىنىڭ تۈرتكىسىدە قەتئىي غەيرەتكە كىلىپ،ئىرادىسىدىن بوشاشمىدى.ئۇ باشتا قورو ئىچىدە مەشىق قىلغان بولسا بارغانسىرى پەرھات ئەتىگىنى ئىشقا ماڭغۇچە كۆتۈرۈپ ئاچىقىپ ھارۋىسىغا سېلىپ قويسا، ئۆزى خالىغان، نەچچە يىلدىن بېرى بېرىشنى ئارزۇ قىلغان جايلارغا بېرىپ ئايلىنىپ كىلىدىغان بولدى. نۇرغۇن ياخشى نىيەتلىك كىشىلەرمۇ ئۇنىڭغا دائىم ئۇچراپ تۇراتتى. دۆڭلەردىن،قىرلاردىن،ئورەك،ئېقىنلاردىن ئۇنى خالىسانە ئۆتكۈزۈپ قويغان كىشىلەردىن ئىللىق مىھىرگە تويۇنغان پەرىدەنىڭ كۈنلىرىگە ھەر كۈنىسىرى يېڭى-يېڭى مەنالار قوشۇلىۋاتقاندەك ئىدى. ئۇنىڭ ئەمدى پەرھات ۋە سەلىمەلەر بىلەن كارى بولمايتتى.ئۇلارنىڭ چىرايىغا قاراپ ئۆز كەيپىياتىنى بەلگىلەپمۇ ئولتۇرمايتتى.ئۇ ھەتتا بۇرۇن باشقىلار قىلىپ بېرىپ كىلىۋاتقان ئىشلىرىنىڭ كۆپىنجىسىنى ئۆزى ھارۋىسىنى سۆرەپ يۈرۈپ ئۆزى قىلالايدىغان بولدى.

«توۋا، بۇ ئەقىل نىمىشقا بۇرۇنراق كاللامغا كەلمىگەن بولغىيتى»دەپ پىچىرلايتى ئۇ ئۆز-ئۆزىنىڭ ھازىرقى ھالىتىدىن مەمنۇن بولۇپ.

ئۇنىڭ پەرھات ۋە سەلىمەلەر بىلەن كارى بولمايدىغان، ئۆزى خالىغان ئىشلارنى قىلىپ،ئۆزىگە تەۋە بولغان دۇنيارىنى چىرايلىق بېزەپ ياشاشقا باشلىغان ئىدى. پەرھات بەزىدە ئۇنىڭغا ئەگىشىپ بىللە بازارلارغا باراتتى. بۇنداق چاغلاردا ئۇ پەرھاتنىڭ ھرۋىسىنى ئىتتىرىپ مېڭىش ھەققىدىكى تەلىپىنى كەسكىن رەت قىلاتتى. پەرھاتنىڭ ئۇنىڭغا نىمىلەرنىدۇر قىلىپ بەرگىسى بولسىمۇ پەرىدە ئامال قىلىپ ئۇنىڭغا پۇرسەت بەرمەيتتى.

پەرىدەگە كۈنلەر بۇرۇنقىدىن تېز ئۆتۈۋاتقاندەك تۇيۇلاتتى. مانا چاقلىق ھارۋىغا ئولتۇرۇپ كوچا ئايلىنىپ يۈرۈپ باھار ۋە يازنى شۇنچە ياخشى ئۆتكۈزىۋلقان پەرىدە زىمىستاندا يەنىلا ئۆيدىن چىقالمىغان بولسىمۇ بۇرۇنقىدەك پەرىشان ئەمەس ئىدى. ئۆي ئىچىدە ئۆزى قىلغۇدەك ئىشلارنى ئۆزى قىلىپ باشقىلارغا ھاجىتىنى چۈشۈرۈشتىن ساقلىناتتى.بىكار بولسىلا كىتاپ كۆرەتتى،شېئىرلارنى يازاتتى.

نىمىشقىدۇر يېقىندىن بېرى ياسىنىشقا ئالاھىدە ئەھمىيەت بېرىدىغان بولۇپ كەتكەن سەلىمە بىلەن پەرھات پات-پاتلا تاكاللىشىپ قالىدىغان، پەرھات بەزى كۈنلىرى ئۆيگە مەست ھالەتتە قايتىپ كىلىپ راستىنلا مومىسىنىڭ ھوجرىسىدا قونۇپ قالىدىغان بولۇپ قالغان ئىدى.

سەلىمەنىڭ دوستلىرىمۇ كۆپەيدى. بارىدىغان جايلىرى،كىلىدىغان مىھمانلىرىمۇ كۆپەيدى.پىشانىسىنى يېپىپ بوشقىنە چىگىۋالىدىغان ياغلىقىنى ئېلىپ تاشلاپ چاچلىرىنى بۇدرە قىلغان سەلىمە قىسقا يوپكىسىنى يەلپۈتۈپ، ئىگىز پاشنىلىق ئايىقىنى تاقىلدىتىپ كۈندە كەچتە چاي ۋە قائىدە-يوسۇنلارغا كىتەتتى...

بۇ يىلقى باھار ئۆزگىچە چىرايلىق كەلگەن ئىدى. پەرىدە چاقلىق ھارۋىسىغا ئولتۇرۇپ يول بويىدىكى ھۈپپىدە ئېچىلغان ياۋا شاپتۇل چېچەكلىرىگە،بىخ چىقىرىشقا باشلىغان مەجنۇنتاللارغا زور،ئىشتىياق بىلەن قارايتتى.باھارنىڭ،سەھەرنىڭ ساپ ھاۋاسىدىن كىلىۋاتقان چېچەك ھىدلىرىغا قانماستىن كۆكرەك قەپىزىنى تولدۇرۇپ، چوڭ –چوڭ نەپەس ئالاتتى.ئۇ شەھەرنىڭ ئاۋات جايلىرىدىن بىرى بولغان خەلق مەيدانى تەرەپتىكى گۈللۈككە كىلىپ توختىدى ۋە بىردەم ئارام ئالغاچ بۇ يەردىكى قايناق مەنزىرىدىن ھوزۇر ئېلىپ ئەتراپقا كۆزيۈگۈرتۇپ چىقتى. ھەر كۈنى دىگۈدەك مۇشۇ يەردە ئۇچرىشىپ قالىدىغان، ئۆزىگە ئوخشاش چاقلىق ئورۇندۇقتا ئولتۇرىدىغان ھېلىقى خۇشچاخچاق،شوخ،يۇمۇرىستلىك ئادەم بۈگۈن كۆرۈنمەيتتى. ئۇلار ھەر كۈنى مۇشۇ يەردە دوقۇرۇشۇپ قالاتتى. دەسلىپىدە ئىككىلىسىدىكى تەقدىرداشلىق ئۇلارنى ئىختىيارسىزلا بىر بىرىگە سالام قىلدۇرغان بولسا، بارا-بارا ئۇنى بۇنى دەپ مۇڭدىشىدىغان، بىرگە ئەتراپنى ئايلىنىدىغان ھەمراھلاردىن قىلىپ قويغان ئىدى.


داۋامى بار...

ئادەم بولساڭ بولغىن شەمشەر قېلىچتەك. بولما ھەرگىز ئىچى كاۋاك قۇمۇشتەك!.
http://saadat.blogbus.com

سائادەت ساتتار ئايتۇغ

مۇنبەر باشقۇرغۇچىسى

Rank: 8Rank: 8

ئەزا ئۇچۇرى
تىزىم نۇمۇرى: No. 9369
يازما سانى: 504
نادىر تېمىسى: 6
مۇنبەر پۇلى : 23752
تۆھپە نۇمۇرى: 1557
توردا: 5117 سائەت
تىزىم: 2010-9-6
ئاخىرقى: 2015-4-6
يوللىغان ۋاقتى 2014-9-8 02:32:16 PM |ھەممە قەۋەتنى كۆرۈش |

شۇنچە ۋاقىتتىن بېرى چۈشكۈنلۈك ۋە غېرىپلىق تۆكۈلۈپ تۇرىدىغان زۇلمەت خانىسىدىن چىقىپ باقماي تېخىمۇ كەمسۆزلىشىپ كەتكەن پەرىدەنىڭ ئۇ ئادەمدىكى ھاياتقا بولغان قىزغىنلىققا ھەۋىسى كىلەتتى.بارغانسىرى ئۇلار شۇنچە ئىچەكىشىپ كەتتىكى شۇنچە ئەركىن،بىمالال ئۇچۇق-يورۇقلۇق بىلەن كۈلكە-چاخچاقلارنى قىلىشىدىغان،بىرگە بازارلارنى ئارىلاپ، بىرگە تاماق يىيىشىدىغان بولدى.كەچلىكى ئىشىكى ئالدىغىچە بىللە ئەكىلىپ قويۇپ چىرايلىق خوشلىشىپ كىتىدىغان ئۇ ئەر كەتكەن تەرەپكە ئۇزۇن قاراپ تۇرۇپ قالىدىغان پەرىدەنى ئۇ كىشى بىلەن خوشلىشىپلا غېرىپلىق باسىدىغان بولۇپ قالغان ئىدى.

ئىبراھىممۇ پەرىدەگە ئوخشاشلا بىر قېتىملىق ھادىسىدە ئۆمۈرلۈك مېيىپ بولۇپ قالغان بولسىمۇ ئۇنىڭ كىيىنكى قىسمەتلىرى پەرىدەنىڭكىدىنمۇ ئېغىر كەلگەن ئىدى. ياخشى كۆرۈشۈپ توي قىلغان ئايالى،ئەمدىلا ئىككى ياشقا كىرگەن ئوماق قىزىنى ئېلىپ ئۇنى تاشلاپ كەتتى. ئايالى ۋە قىزىلا ئەمەس بارچە خۇشاللىق، ئۈمىد ئۇنى تاشلاپ كەتكەن كۈنلەردە تولىمۇ چۈشكۈنلىشىپ كەتكەن ئىبراھىمغا ئۇرۇغ- تۇغقانلىرى باھپاناھسىز قالغان تۇل چوكانلاردىن بىر نەچچىنى سايە قىلىپ بېشىنى ئوڭشاپ قويۇشنى ئويلاشقان بولسىمۇ ئىبراھىم «تېمەن ۋاقتىمدا مۇھەببەتلىشىپ ئالغان ئايالىم مىنى تاشلاپ كەتكەن يەردە، ئەمدى بۇ ھالىمدا ئالغان خوتۇندىن ماڭا قانچىلىك ۋاپا كېلەر؟ يەنە كىلىپ مىنىڭ بەختسىزلىكىمگە باشقىلارنىمۇ چېتىۋېلىپ نىمە قىلارمەن؟»دەپ ھەممىنى رەت قىلىپ مەڭگۈ يالغۇز ياشاشنى قارار قىلدى ۋە بارا-بارا ھەممىگە كۆندى. ئۇنىڭ كۈنلىرىمۇ ئوخشاشلا ئەتىگەندە ناشتىلىقىنى تۈگىتىپلا كوچا ئايلىنىش، قورسىقى ئاچسا خالىغان جايلارغا بېرىپ غىزالىنىپ، چارچىغاندا ئۆيىگە قايتىپ كىتاپ كۆرۈش،رادىئو تىڭشاش ۋە مەھەللىدىكى ياشانغانلار بىلەن ئانچە-مۇنچە قەرت ئويناش بىلەن ئۆتەتتى.

كىشىلىك ھاياتتىكى تەقدىرداشلىق پەرىدە ۋە ئىبراھىمنى تەبىئىيلا يېقىنلاشتۇرۇپ ئۇلارغا ھاياتنىڭ يەنىلا گۈزەل ئىكەنلىكىنى قايتا تونۇتتى. مىسكىن دىللار قايتىدىن تەسەللىگە، مۇھەببەتكە ئېرىشتى.

شۇنداق،ئىنسان ھاياتلا بولسا مۇھەببەتسىز ياشىيالمايدۇ.شۇنداقلا ھەر كىشىنىڭ مۇھەببەتتىن مەھرۇم قالغان يۈرىكىگە ھامان مۇھەببەت ئۇرۇقلىرىنىڭ قايتا تېرىلىش،ئۈنۈش پەيتلىرى بولىدۇ.پەرىدەمۇ،ئىبراھىممۇ ئوخشاشلا ئۆزلىرىگە كەلگەن بۇ پاجىئەنىڭ ئۇلارنىڭ مۇھەببەتتىن مەھرۇم بولۇش قەدىمى ئىكەنلىكىنى، ئەمدى مەڭگۈ مۇھەببەتسىز غېرىپلىق ئىچىدە ياشايدىغانلىقىنى جەزىملەشتۈرۈپ بولغان ۋە ھەممىگە ئىدىيىسىدە تەييارلىق قىلىپ ھاياتلىق نەپىسى ئۈچۈنلا كۈن ئۆتكۈزىۋاتقانلار ئىدى. لېكىن «قارىغۇنى كۆزىدىن ئايرىغان ئىگىسى ھاسسىدىن ئايرىماپتۇ»دېگەندەك ئۇلارغا يەنىلا چىن مۇھەببەتتىن مەھرىلىنىش پۇرسىتى ئاتا قىلغان ئىدى.ئۇلار بىرگە بولسىلا شۇنچە خۇشال بولاتتى. كۈنلىرى تولىمۇ خۇشال، ئەھمىيەتلىك ئۆتەتتى.يەنە كىلىپ ئۇلار ھەرجەھەتتىن باراۋەر ئىدى.

پەرىدە ھەر كۈنى كەچتە ئۆيگە قايتىپ كەلسىلا ئۇرۇش-جېدەل قۇرىمايدىغان،ھېچكىمنىڭ ئۇنىڭ بىلەن كارى بولمايدىغان بۇ ئۆيدىن تولىمۇ بىزار بولغان كۈنلەرنىڭ بىرىدە ئىبراھىمنىڭ توي تەكلىۋىنى ئاڭلىغاندىن كىيىن خۇشاللىق ياشلىرىنى ئېقىتىپ تۇرۇپ رازىلىق بىلدۈردى.

ئۇ پەرھات بىلەن سەلىمەگە بىلدۈرمەي تۇرۇپ ھەممە تەييارلىقلىرىنى پۈتتۈرۈپ ئىبراھىم بىلەن توي خېتى ئالدى. ئەلۋەتتە بۇ ئۆيدىكىلەر بىلسە بىلمىسە بەرىبىر ئىدى. ئۇلارمۇ بىر ئېغىر يۈكتىن قۇتۇلۇشقىنىغا خۇشال بولىشار بەلكىم؟...

ئىبراھىم نەچچە كىشىنى باشلاپ كىلىپ ئىدارىسىدىن ئاجرىتىپ بەرگەن كىچىك تىپتىكى يۈك ماشىنىسىغا پەرىدەنىڭ لازىمەتلىكلىرىنى بېسىشنى باشلىغاندىلا پەرىدە ئەينى ئەھۋالنى پەرھاتقا ئېيتتى ۋە شەرىئەت ھۆكمى بويىچە ئۆزىنىڭ سۆزىنى بېرىشنى ئۆتۈندى. پەرھات بىلەن سەلىمە ھەيرانلىقتا بىردەم ئاغزىنى ئېچىپ تۇرۇپلا قېلىشقان بولسىمۇ بىر ئازدىن كىيىن سەلىمەنىڭ يۈزلىرىگە كۈلكە يۈگۈرۈپ، كۆزلىرى يورۇپ كەتتى. لېكىن، پەرھات باشتا تولىمۇ ئەجەپلەنگەندەك پەرىدەگە ۋە ئىبراھىمغا ئۇزۇن قاراپ تۇرۇپ كەتكەندىن كىيىن ‹‹بەخت تىلەيمەن››دىدى ۋە پەقەت ئۆزىلا ئاڭلىيالىغۇدىك بوش ئاۋازدا ئاللىنىمىلەرنىدۇر غودۇرىغىنىچە مومىسىنىڭ ھوجرىسىغا بېكىنىۋېلىپ ئۇلار قايتىپ كەتكۈچە سىرتقا چىقمىدى...

باھار قايتا كەلدى، زىمىن ئىللىق قۇياش نۇرىغا چۆمۈلدى.ھەممە ياق چېچەك ھىدىغا چۆمدى...ھايات پەرىدەگە كۈلۈپ باقتى! ئۇنىڭ جىسمانى مېيىپلىقى ئۇ ئېھتىياجلىق ھېچنىمىنى ئۇنىڭدىن قىزغانمىغان ئىدى.ئەكسىچە كەڭ قوللۇق بىلەن ئۇنىڭ ئويلىغىنىدىنمۇ گۈزەل بەختنى ئۇنىڭ قۇچىقىغا تۆككەن ئىدى.

ئىبراھىم بىلەن پەرىدە چاقلىق ھارۋىسىنى ئىتتىرىپ يۈرۈپ بىرگە تاماق ئىتەتتى.ئۆيلىرىنى تازىلايتى.بىرگە كوچا ئايلىناتتى. ئۇلارنىڭ بىر ئۆمۈر دىيىشسىمۇ تۈگىمىگۈدەك گەپلىرى باردەك ئىدى. ھەرقاچان ھارۋىلىرىنى ئىتتىرىشىپ كۈلكە-چاخچاقلار بىلەن مۇڭدىشىپ كىتىۋاتقان بۇ بىر جۈپ ئەر-خوتۇننىڭ بەختىگە كۆرگەنلا كىشىنىڭ ھەۋىسى ۋە مەستلىكى كېلەتتى.

شۇنداق، بەخت ، مۇھەببەت شۇنداق نەرسىكى، ئۇ خالىغان جايغا مەيلى ئەسكى كەپە بولسۇن قەدەم باسىدۇ. خالىمىغان جايغا بولسا شاھانە ساراي بولسىمۇ ئەگىپ ئۆتۈپ كىتىدۇ.

كۈنلەر بىر بىرىنى قوغلاپ ئۆتۈۋەردى.قارىماققا  تۇرمۇش يەنىلا بىر ئىزىدا كىتىۋاتقاندەك ئىدى.لېكىن ھەركىمنىڭ بېشىغا ھەر خىل قىسمەتلەرنىڭ،ئازاپ-دەرتلەرنىڭ كېلىۋاتقىنىنى ھەر كىشى ئۆزى بىلىدۇ ئەلۋەتتە.

كەچتە قىزىق چايدىن ھوزۇرلانغاچ مۇڭدىشىپ ئولتۇرۇپ تېلېۋىزور كۆرىۋاتقان،چېكە چاچلىرىغا ئاق قىروۋلار قۇنۇشقا باشلىغان بۇ بىرجۈپ مىھىرلىك قەلىب ئىگىلىرىنىڭ ئارامىنى بۇزۇپ قاتتىق چىكىلگەن ئىشىك ئەر- ئايال ئىككىلىسىنى چۆچۈتتى ۋە ھەيرانلىقتا بىر بىرىگە قارىشىپ قويغاندىن كىيىن ئىبراھىم ھارۋىسىنى ئىتتىرىپ بېرىپ ئىشىكنى ئاچتى.ئىشىكتىن رۇخسەتسىزلا كىرىپ كەلگەن پەرھات ئىبراھىم بىلەن پەرىدەنىڭ ئۆزىگە ھەيرانلىق بىلەن قاراپ قالغانىنىغا ئانچە ئېرەن قىلىپ كەتمىگەندەك ئىدى. ئۇ بېرىپلا كىرىسلوغا چۆكۈپ بىر ھازا سالپىيىپ ئولتۇردى.

ئۇنىڭ تۇيۇقسىز بۇ ئۆيگە پەيدا بولۇپ قالغىنىغا ھەيران قالغان پەرىدە ئۈنسىز ھالدا تاتلىق تۈرۈملەرنى تىزىپ چاي تەييارلاۋاتاتتى.

-ماڭا پەرىدەنىڭ قايتۇرۇپ بېرەمسەن؟ دىدى پەرھات ئۆزىگە ئەدەپ بىلەن قاراپ ئولتۇرغان ئىبراھىمغا كەسكىن ئاھاڭدا.ئۇنىڭ تىنىقلىرىدىن ھاراقنىڭ بەدپۇي ھىدى كىلەتتى.كۆزلىرى قىزىرىپ كەتكەن ئىدى.

ئىبراھىم ئۇنىڭ مەسلىكىنى پەملەپ ئارتۇق گەپ قىلماي ئۇنىڭغا چاي قۇيۇپ بەرگەچ گەپنى باشقا ياققا بۇرىماقچى بولىۋاتاتتى،پەرھات يەنە:

-ماڭا جاۋاپ بەر ئىبراھىم؟پەرىدەنى ، مىنىڭ بەختىمنى، خۇشاللىقىمنى ماڭا قايتۇرۇپ بەر!ماڭا گۇناھلىرىمنى يۇغىدەك پۇرسەتنىمۇ قايتۇرۇپ بەرگىن، سەندىن ئۆتۈنەي!دىدى يىغلامسىراپ تۇرۇپ.

-مەست بولۇپ قاپسىز پەرھات.بىردەم ئارام ئېلىۋېلىڭ،بىز سىزگە سۇيۇق سەلەڭ بىر نەرسە ئىتىپ بېرەيلى، دىدى پەرىدە ئارىدىكى ئوڭايسىزلىقلارنى تۈگىتىشكە تىرىشىپ.



داۋامى بار...
بۇ يازمىنى ئاخىرىدا   Aytugh تەھرىرلىگەن. ۋاقتى  2014-9-8 02:39 PM  


ئادەم بولساڭ بولغىن شەمشەر قېلىچتەك. بولما ھەرگىز ئىچى كاۋاك قۇمۇشتەك!.
http://saadat.blogbus.com

سائادەت ساتتار ئايتۇغ

مۇنبەر باشقۇرغۇچىسى

Rank: 8Rank: 8

ئەزا ئۇچۇرى
تىزىم نۇمۇرى: No. 9369
يازما سانى: 504
نادىر تېمىسى: 6
مۇنبەر پۇلى : 23752
تۆھپە نۇمۇرى: 1557
توردا: 5117 سائەت
تىزىم: 2010-9-6
ئاخىرقى: 2015-4-6
يوللىغان ۋاقتى 2014-9-8 02:44:09 PM |ھەممە قەۋەتنى كۆرۈش |

-ياق!مەن مەست ئەمەس!كاللام شۇنچە سەگەك!مەن بۇرۇن مەست ياشاپتىكەنمەن. بەختنىڭ قەدرىنى بىلمەپتىكەنمەن، كىچىككىنە سىناقلاردىن ئۆتەلمەي ھەممىنى دوغا تىككەن ئىكەنمەن!مەن نىمىگە ئېرىشتىم؟ياق، مەن ھېچنىمىگە ئېرىشەلمىدىم. ھەممىدىن مەھرۇم بولدۇم. مەن پۈتۈنلەي تۈگەشتىم!بۇ دۇنيادا مىنىڭدەك بىچارە ئەردىن يەنە بىرسى بولماس؟!لېكىن بۇ دەرتلىرىمنى كىمگە ئېيتالايمەن؟كىم ماڭا ھىسىدىاشلىق قىلىدۇ؟ كىم مىنىڭ قىلغانلىرىمنى توغرا چۈشىنىدۇ؟توغرا، ھېچكىم ماڭا ئىچ ئاغرىتمايدۇ. چۈنكى مەن ئايالى مىيىپ بولۇپ قالسا باشقىلارغا بۇزۇلۇپ ئۇنى تاشلىۋەتكەن قارا كۆڭۈل، ئەسكى ئەر!ئەكسىچە سىلەرچۇ؟ ھەممىنىڭ سىلەرگە ئىچى ئاغرىيدۇ!ھىسىداشلىق قىلىدۇ.ياردەم قىلىدۇ.دەردىڭلارنى كۆڭۈل قويۇپ تىڭشايدۇ!ياق! گەپ قىلماڭ پەرىدە!مىنىڭ گېپىمنى بۆلمەي تۇرۇڭ. مىنى سۆزلىۋالغىلى قويۇڭ! ھېلىمۇ سىلەردىن باشقا كىمگىمۇ دىيەلەيمەن بۇ دەرتلەرنى!؟

پەرھات ئاۋازىنى قويۇۋېتىپ يىغلاشقا باشلىدى. پەرىدە بىلەن ئىبراھىم ئۇنىڭ بۇ ھالىغا ھايرانلىق ۋە ھىسىداشلىق نەزىرى بىلەن قاراپ جىممىدە ئولتۇرۇپ ئۇنىڭ سۆزلىرىگە قۇلاق سالاتتى.

-شۇنداق، مەن ئازدىم،ئېغىر خۇرسىنىپ گېپىنى داۋاملاشتۇردى پەرھات. مەن سىزنى ياخشى كۆرەتتىم پەرىدە!سىزنىڭ ماڭا تىگىشكە ماقۇل بولغىنىڭىزدا قانچىلىك خۇش بولۇپ كەتكىنىمنى بىلەمسىز؟ يېڭى توي قىلغاندىكى بەختلىك تۇرمۇشىمىز ھېلىمۇ ئېسىڭىزدىمۇ؟ مەن ئۇ ۋاقىتلارنى ھەرگىز ئىسىمدىن چىقارمايمەن!مەن دۇنيادىكى ئەڭ بەختلىك ئەر ئىدىم!تەقدىرنىڭ ماڭا تارلىقى كەلدى. ماڭا چاخچاق قىلىپ باققۇسى كەلدى!سىناپ باققۇسى كەلدى!لېكىن مەنچۇ؟ ئاشۇ سىناقتىن ئۆتەلمىدىم.ھىم،ئاشۇ ئېزىشىمغىمۇ سىز ياردەملەشكەن پەرىدە! سەلىمە دىگەن ئالۋاستىنى ئېلىپ قالغانمۇ،كىيىن ئۇنى ماڭا سايە قىلغانمۇ،مېنى ئاستىرىتتىن ئازدۇرغانمۇ سىز! لېكىن بۇ گېپىمگە كىم ئىشىنىدۇ؟!مىنىڭ كىيىنكى زۇلمەتلىك كۈنلىرىمگە كىم سەۋەپچى!؟

توغرا سىز كەتتىڭىز، مىنى ئۇ ئالۋاستىغا تويسۇن دەپ تاشلاپ بەردىڭىز. بىلىمەن ئاشۇ كۈنلەردە سىز كۆپ ئازاپلانغان. مىنى قاغاپ يىغلىغان ....مىنى قارغىشىڭىز تۇتتى. ئەمدى خۇش بولدىڭىزمۇ؟سەلىمە سېپى ئۆزىدىن بۇزۇق ئالۋاستى!

-ئۇنداق دىمەڭ پەرھات.بولدى ئارتۇق گەپ قىلماي بىردەم ئارام ئېلىۋېلىڭ. سىزنىڭ ھېچبولمىغاندۇ بىر قىزىڭىز بار شۇنى دەپ بولسىمۇ سەلىمەنى بۇنداق ھاقارەتلىمەڭ.دىدى پەرىدە سەمىمىيلىك بىلەن. ئۇنىڭ پەرھاتنىڭ بۇ ھالىغا قاراپ راستىنلا يۈرىكى ئېچىشىۋاتقان ئىدى...

-ياق! مىنىڭ ھېچنىمەم يوق، قىزىممۇ يوق! مەن دادا بولغاندا ھەقىقەتەن بېشىم كۆككە يەتكەن، سىزگە يۈز كىلەلمىسەممۇ قىزىم ئۈچۈن بۇ قىلغىنىمنى ئەرزىيدۇ دەپ قارىغان ئىدىم لېكىن ھۆ ھۆ ھۆ...مەن پۈتۈنلەي مەغلۇب بولدۇم پەرىدە! بىلىمەن ئەمدى سىزنى قايتۇرۇپ كېتەلمەيمەن.ئىبراھىمغا سىز بولمىسىڭىز بولمايدۇ ئىبراھىممۇ سىزنى ماڭا قايتۇرۇپ بەرمەيدۇ. مەن بۈگۈن پەقەت سىلەر بىلەن خوشلاشقىلى كەلدىم.مەن ياشايدىغاننى ياشاپ بولدۇم.ئەمدى يەنە ياشىشىمنىڭ ھاجىتى يوق. لېكىن، بۇ دەرتلىرىمنى سىلەرگە دەۋېلىپ ئۆلسەممۇ ئارمىنىم يوق. چۈنكى سىلەردىن باشقا ھېچكىمگە دىگىلى بولمايدىغان دەرتكە مۇپتۇلا بولدۇم. بۇلارنى سىلەرگە ئېيتسام ئۆزۈممۇ يىنىكلەپ قالارمەن سىلەرمۇ رازى بولارسىلەر..... سەلىمە مەن بىلەن ئاجرىشىمەن دەۋاتقىلى ئۇزۇن بولغان مەن قىزىمنى يىتىم قىلماسلىق،ئەمدىلا بېسىلغان نەپرەتلىك غەيۋەت-شىكايەتلەرنىڭ قايتا قوزغىلىشىنىڭ ئالدىنى ئېلىش ئۈچۈن ئۇنىڭ تەلىۋىگە قۇشۇلماي، چىداپ كىلىۋاتقان ئىدىم...بۈگۈن ئەتىگەن بىرسى ماڭا تېلىفۇن قىلدى. ئۇنىڭ دىيىشىچە ئۇ سەلىمە بىلەن ئۇزۇندىن بېرى ‹‹ياخشى كۆرۈشۈپ››كىلىۋېتىپتىمىش.سەلىمەنى مەندىن ئاجراشتۇرۇپ ئالارمىش. ئەگەر قۇشۇلمىسام سەلىمە ئۇنىڭ بىلەن قېچىپ كىتەرمىش...ھۆ ھۆ ھۆ...قىزىمنى دەپ ئاجراشماي تۇرۋېلىشىمنىڭ ئورنى يوقمىش. چۈنكى ئۇ قىزىممۇ مىنىڭ پۇشتۇمدىن بولمىغان ئىمىش!ئاھ خۇدا!!!نىگارەمۇ ئۇ ئىككىسىنىڭ قىزىمىش!ئەركىشىگە بۇنىڭدىن ئارتۇق ئازاپ، بۇنىڭدىن ئارتۇق ئاھانەت، بۇنىڭدىن ئارتۇق جازا بولماس!؟؟

پەرھات يىغلاۋاتاتتى، سۆزلەۋاتاتتى...لېكىن، ئۇنىڭ ئىچ باغرى بوشايدىغاندەك ئەمەس ئىدى. ئىبراھىم بىلەن پەرىدە باشتا ئۇنى مەستلىكتە سۆزلەۋاتىدۇ دەپ ئانچە ئېرەنشىپ كەتمەي سۈكۈتتە ئولتۇرغان بولسىمۇ ئۇنىڭ كىيىنكى ئازاپلىق نالىلىرىگە چىداپ تۇرالماي تەڭ كۆز يېشى قىلىشتى. پەرىدە پەرھاتقا باشقىدىن نەزەر سېلىپ قاراشقا باشلىدى ۋە ئىچىدە‹‹نىمە دىگەن بىچارە ئەر -ھە؟››دىگەننىلا ئويلىدى. ئۇ ئېقىۋاتقان ياشلىرىنىڭ پەرھاتقا نە ئىچ ئاغرىتىشتىن نە نەپرەتلىنىشتىن ئىكەنلىكىنى بىلمەيتتى.

پەرھات ئالاھازەل يېرىم كېچىگۈچە ئاشۇ خىل ھالەتتە توختىماي سۆزلىدى ۋە ئاخىرىدا دەلدۈگىنىپ ئورنىدىن تۇرۇپ سىرتقا ماڭدى. پەرىدە ھارۋىسىنى ئىتتىرىپ ئۇنىڭ كەينىدىن چىقتى ۋە‹‹پەرھات خالىسڭىز مۇشۇ ئۆيدە تۇرۇڭ، ئۈچىمىز بىرگە ياشايلى››دىدى. پەرھات ئارقىسىغا قايرىلىپ بىر ئىبراھىمغا بىر پەرىدەگە قاراپ تۇرۇۋەتكەندىن كىيىن‹‹رەھمەت پەرىدە، ياخشى كۆڭلۈڭ تىگىل بولدى. مەن ئۇنداق قىلالمايمەن، چۈنكى مەن سەندەك كەڭ قوساق ئەمەس،سەن ئۈچ كىشىلىك ئائىلىدە ياشاپ باققان، ئۇ خىل ئازاپنى تېتىپ باققان، مىنى ئۇنداق جازالاش خىيالىدا بولمىغىن!مەندىن رازى بولغىن!››دېگىنىچە دەرۋازىدىن چىقىپ كەتتى.

سۈبھى مەزگىللىرىدە ياغقان يامغۇردا ھويلىدىكى چاقلىق ئورۇندۇقتا ئولتۇرغان ئاجىز گەۋدە يىنىك تىترەۋاتاتتى. ئۇنىڭ يۈزلىرىگە چۈشكەن ھەربىر تامچە ئۇنىڭ كۆز-ياشلىرىنى يۇشۇرالىغىنى بىلەن ئۇنىڭ يىنىك سىلكىنىۋاتقان ئاجىز ۋۇجۇدىدىن تاراۋاتقان تۈمەنلىگەن گادىرماچ سۇئاللار سەھەرنىڭ تۇمانلىق ئاسمىنىغا يېيىلىۋاتاتتى.




تامام!
بۇ يازمىنى ئاخىرىدا   Aytugh تەھرىرلىگەن. ۋاقتى  2014-9-8 02:55 PM  


ئادەم بولساڭ بولغىن شەمشەر قېلىچتەك. بولما ھەرگىز ئىچى كاۋاك قۇمۇشتەك!.
http://saadat.blogbus.com

كۈنلەر ئۇزۇن.ئەت

ئۈمىدلىك ئەزا

ئەزا ئۇچۇرى
تىزىم نۇمۇرى: No. 5434
يازما سانى: 3168
نادىر تېمىسى: 1
مۇنبەر پۇلى : 9817
تۆھپە نۇمۇرى: 934
توردا: 3933 سائەت
تىزىم: 2010-8-2
ئاخىرقى: 2015-3-20
يوللىغان ۋاقتى 2014-9-8 03:25:24 PM |ھەممە قەۋەتنى كۆرۈش |
دۇنيادا ئازاپتىن باشقا ھېچنىمە يوقمۇ؟
   ياق ....ياق ..... بۇنداق تىرادىگىيە بىزگە نىمە ئېلىپ كەلدى. ئۈمىدسىزلىك ،ئىرادىسىزلىك ، ئىشەنمەسلىك..... شۇ . شۇلارنى ئېلىپ كەلدى.

بۇ بىز ئۇيغۇرلارنىڭ ئورتاق غايىسىمۇ؟!
قاچانلاردا بىزگە شىجائەت ،ئۈمىد ، غەيرەت ئاتا قىلىدىغان ئەسەرلەر كۆپلەپ ۋۇجۇتقا كىلەر؟
بۇلار پەقەت مىنىڭ قارشىم.

ئەسەرنىڭ ھەممە ئىپادىلىنىشى ماڭا ھەقىقەتەن ياقتى . ئەسەرنىڭ مۇكاپاتقا ئىرىشىىشنى ئۈمىد قىلىمەن .


قەلەم! قەلەمگە خاس ئىمانىمنى بەر، ئەل ئۈچۈن قاينىغان ۋىجدانىمنى بەر. قارىنى ئاق قىلىپ يازسام مۇبادا، نۇمۇس بەكمۇ يامان زاۋالىمنى بەر. ________ئابدۇقادىر جالالىدىن.

پوزىتسىيە ھەممىنى بەلگىلەيدۇ.

ئادەتتىكى ئەزا

ئەزا ئۇچۇرى
تىزىم نۇمۇرى: No. 96923
يازما سانى: 190
نادىر تېمىسى: 0
مۇنبەر پۇلى : 799
تۆھپە نۇمۇرى: 0
توردا: 893 سائەت
تىزىم: 2013-8-12
ئاخىرقى: 2015-3-17
يوللىغان ۋاقتى 2014-9-8 07:09:28 PM |ھەممە قەۋەتنى كۆرۈش |
نىمىدىگەن تەبىي ئاخىرلاشقان ئەسەر بۇ .قىلچىلىك كۆپتۈرمە ياكى سۇسلاشتۇرۇش ئىشلىتىلمەپتۇ.بەزى ئەسەرلەردىن 100نى ئۇقۇغاندىن مۇشۇنداق ئەسەردىن بىرنى ئۇقۇسا كىشى. قەلەم ئىگىسىگە تەشەككۇر  ھۇزۇرلىنىپ ئۇقىۋالدىم.

ھاياتتا كۈلۈپ يۈرگەن بەخىتسىزلەرنى،يىغلاپ يۈرگەن بەخىتلىكلەرنى ئۇچرىتىش مۇمكىن.ئىنساننى بەخىتلىك ياكى بەخىتسىز دەپ ئايرىماق قىيىن.

سۆيۈلۈش ئۈچۈن سۆيۈش كېرەك .

مەستانە ئـــەزا

ئەزا ئۇچۇرى
تىزىم نۇمۇرى: No. 98944
يازما سانى: 1890
نادىر تېمىسى: 0
مۇنبەر پۇلى : 5095
تۆھپە نۇمۇرى: 0
توردا: 1285 سائەت
تىزىم: 2013-10-24
ئاخىرقى: 2015-4-6
يوللىغان ۋاقتى 2014-9-8 07:24:00 PM |ھەممە قەۋەتنى كۆرۈش |
ئىبىراھىمنىڭ توي تەكلىبىگە ماقۇل بولۇپ بولۇپ ئاندىن پەرھاتتى سۆزىنى بېرىشنى ئۆتۈندى....ما يەرنى سەل ئۆزگەرتىپ باقىمىزمۇ ھەدە......قۇسۇر چىقاردى دەپ قالماڭ جۇمۇ...ئەمما ئەسەرنى ئىز قوغلاپ ئوقۇپ تۈگەتتىم...شۇنداق تەبى ھەم ئوبدان ئاخىرلاشتى....قوللىرىڭىز تالمىغاي

ئاللاھ خالىسا مەن چوقۇم قىلالايمەن......!
كىرگەندىن كىيىن ئىنكاس يازالايسىز كىرىش | تىزىملىتىش

مۇنبەر باش بېتىگە قايتىش|يانفۇن|مىسرانىم مۇنبىرى
Powered by Discuz! X2(NurQut Team)© 2001-2011 Comsenz Inc. For misranim.com ( 苏ICP备:11007730号 )
چوققىغا قايتىش