مۇشائىرەگە مەيلى بارلار مەرھەمەت ئەمسە..

musilina

	ئەسسالامۇ ئەلەيكۇم،مىسرانىم  مۇنبىرىدىكى ئەزىزلەر ، ھەممىڭلارنىڭ مۇشۇ ۋاقتى خەيرلىك بولسۇن،ھەممىڭلار  سالامەت تۇردۇڭلارمۇ؟مۇنبەردىشىڭلار مۇسىلىنەدىن سىلەرگە ئالىي ئېھتىرام،   تېنىڭلار سالامەت بولسۇن، ئىشلىرىڭلار ئۇڭۇشلۇق بولسۇن، چېھرىڭلاردىن كۈلكىلەر ئۆچمىسۇن،باسقان قەدىمىڭلاردىن گۈللەر ئۈنسۇن...... ئەمدى مەقسەتكە كەلسەك:  مۇشائىرە سورۇنى باھانىسىدە   خېلى كۆپ مۇنبەرداشلار ،مۇنبەر يۈزىدە جەم بولاتتۇق .ئۇزۇن  بوپتۇ  مۇنبەردە  مۇشائىرە  سورۇنى ھازىرلاپ باقمىغىلى،  بۈگۈن مۇشائىرە سېغىنغانلار كۆڭۈل ئۈنچىلىرىمىزنى چېچىشقان ھالدا، مۇشائىرە قىلىشايلى  دېگەن مەقسەتتە بۇ سورۇنىنى ھازىرلىدىم،قېنى ئەمسە،مۇشائىرەگە  مەرھەمەت قىلايلى.... ياخشىدىن ئىز قالۇر،ياماندىن‹‹ۋاي دات›› ياخشىلىق بىلەن ئۆتسۇن كۈنىمىز. ياخشى نام بىلەن ئاتالساق ئەگەر، يورۇق بولار شۇندا يۈزىمىز. شېرىن -شېكەر سۆزلەرىڭ بىلەن، يۈرىكىمنى قىلغانتىڭ قامال. ھېجرانىڭدا كۆيدۈم چوغ بولۇپ، بۇ كۆيۈككە يوقمىدۇ ئامال. ئەسكەرتىش : يۇقارقى ئىككى  كۇبلىت شېئىر  ئايرىم مەزمۇننى ئىپادىلەيدىغان شېئىرلاردۇر،    مۇشائىرە قائىدىسى كۇبلىتلارنىڭ ئاخىرقى مىسراسى باش مىسرا قىلىنىپ باشلىنىدۇ،ئەگەر باشقا شەكىل،باشقا مەزمۇندىكى شېئىرلارنى يېزىپ بېقىشنى خالايدىغانلار بولسا ئۇنىڭغىمۇ مەرھەمەت،چۈنكى  مۇنبەر ھەركىم ئۆزىنىڭ كۆڭۈل  ئۈنچىلىرىنى چاچىدىغان سورۇن..... قېنى ئەمسە ، مەرھەمەت...مېنى نائۈمىتتە قويمىغايسىلەر..... مەنبە : كۆڭۈل ئۈنچىلىرىم

kepanogrisi

	بۇ كۈيۈككە يوقمىدۇ ئامال، تاشمۇ ياكى باغرىڭ دىلبىرىم. قاچان ئاشىق بولدۇم شۇ چاغدىن، ئوغۇرلانغان مېنىڭ يۈرىكىم. يۈرىكىمنى قايتۇر ۋەياكى- ۋىسال تاپقۇز پەقەت بىر قېتىم. ئۆلسەم كۆزۈم ئۇچۇق كەتمىسۇن، قىلما مېنى ھىجرانغا تەسلىم.

UYGUR==DOLAN

	قىلما مىنى ھىجرانغا تەسلىم ھەر تىنىقىم پەقەت سەن ئۈچۈن تاشلاپ كەتسەڭ ئەگەر يىراققا قىيامەتتۇر بۇ كۈن مەن ئۈچۈن

arman720

	قىيامەتتۇر بۇ كۇن مەن ئۇچۇن ، جەننىتىڭنى ئىزدەش نىشانىم . كۇلا جەندە قەلەندىرىڭمەن ، سەندە پۇتەر ھەممە ئىمكانىم .

Janbar

	مۇسىلىنە ھەدە، بىرىنچى كۇبلىتىغا كۈچىگەن بولسىڭىز بوپتىكەن. بىرىنچىسىگە يانداشماقچى ئىدىم، ئەمما بېشى 11 بوغۇم بىلەن باشلىنىپ ئاخىرى 9 بوغۇم بىلەن ئاخىرلىشىپ قاپتۇ. قىيامەتتۇر بۇ كۈن مەن ئۈچۈن، گەر نالىسەم زاماندىن، ھەقتىن. ياخشىلىقنىڭ يولى ئۈزۈلمەس، سېخىيلىقتا ئۈزۈلمەس ئېقىن.

arman720

	سېخىيلىقتا ئۇزۇلمەس ئېقىن ، مەردلىك بىلەن ئادەملەر ئېسىل . بېرىپ تۇرغىن جىلۋىلىك كۇلكە، چۆللىرىمنى ياشنتاي يېشىل.

miskin-ahu

	سەندە پۇتەر ھەممە ئىمكانىم، كۈلۈپ باققىن ماڭا جانانىم. سىنىڭ ئۈچۈن بۇ جان تەسەددۇق، كۆيمەسلىككە نىمە ئامالىم.

miskin-ahu

	كۆيمەسلىككە نىمە ئامالىم، ئوتنى ماڭا بىر ئۆزەڭ سالغان. تاشلاپ قۇيۇپ مىنى ئازاپقا، ئۆزۈڭ بەخىت تامان يول ئالغان

musilina

	Janbar يوللىغان ۋاقتى  2014-10-22 10:18 AM مۇسىلىنە ھەدە، بىرىنچى كۇبلىتىغا كۈچىگەن بولسىڭىز بوپ ... ‹‹دات››دەپ ئالاي دېسەم راۋانلىققا تەسىر يەتكۈدەك،شۇڭا ‹‹ۋاي››نى قوشىۋەتكەن ئىدىم،بوغۇم ئارتۇقلىقى كۆرۈلۈپ قالدى.... بۇنىڭدىن كېيىن مۇشۇ تەرەپلەرگە چوقۇم دىققەت قىلىمەن،ئەستايىدىللىقىڭىزدىن بەكمۇ سۆيۈندۈم.....