[قانۇن] قايسى قاراش توغرا ؟

قانۇن

	قايسى خىل قاراش توغرا؟ ئىسراپىل ئەمەت -2014يىلى11-ئاينىڭ18-كۈنى تۈنۈگۈن بىردوستىمىز مەسلىھەت سورىغاندا،تېلېفوندا  ئۆز-ئارا ئۇقۇشماسلىق بولۇپ قالغاندەك تۇرىدۇ. بۈگۈن ماتىرياللارنى ئەكەلگەندە قارىسام، ئەسلى مۇنداق ئىش ئىكەن:"2013-يىلى8-ئاينىڭ17-كۈنى تەرەپلەر 570مىڭ يۇەنگە ئۆي ئېلىم-سېتىم توختامى تۈزۈپ ئالدىن 70مىڭ يۇەننى رەنە بەرگەن،قالغان پۇلنى ئىككى ئاي ئىچىدە  ئىككىگە بۆلۈپ  تاپشۇرىدىغان، ئەگەر تاپشۇرالمىسا70مىڭ يۇەن قايتۇرالمايدىغان. "بولۇپ توختام تۈزۈشكەن ئىكەن. كىيىن ئىككى ئايمۇ توشۇپتۇ، بۇكىشى خوتەندىن كەلگەن بولۇپ:"ياتاقتا ياتساممۇ ياتىدىكەنمەن،ئاچقۇچنى بەرسىلە ئۆي قۇرۇق تۇرسىمۇ تۇرىدۇ،مەن ياتقاچ تۇراي."دەپ چىرايلىق گەپ قىلسا،ئۆي ئىگىسى ئاچقۇچنى بىرىپ قويىدۇ.ئاچقۇچنى قولىغا ئېلىپلا تاش پۇلىغا باشقىلارغا بىرىدىغان قەرزىگە ھىساپلاپ ئۆينى تۇتۇپ بىرىدۇ.ھازىرمانا بىريىلدىن 3ئاي ئېشىپتۇ، ئۆينى بوشىتىپ بەر دەپ بارسا:" مانا مەن خەقتىن سېتىۋالدىم"دەپ،سېتىۋالغان ھۆججەتنى چىقىرىدىكەن.بۇنىڭغا خېلى يامان قانۇن كىشىللىرىمۇ ئامال قىلالماي،ئۆيدە باشقىلار خاتىرجەم ئولتۇرۇۋاتقىدەك.بۇ خىل ئەھۋالدا ئۆي ئىگىسى قانداق قىلىش كىرەك؟ جاھاننىڭ ئىشلىرى مانا مۇشۇنداق ئۆزگىرىشچان بولىدىكەن، ئۆزگىرىشكە ماسلىشىپ ياشاش كىرەكتە! يېڭى ئەھۋالغا يەنە يېڭىچە بىرنىمە دىمەي بولمايتى،بۇ مەسىلىنى خىزمەتداشلىرىمغا مۇزاكىرە قىلغۇزۇش نەتىجىسىدە مۇنداق ئىككى خىل كۆز-قاراش شەكىللەندى: بىر خىل قاراشتىكىلەر توختام　ئالدامچىلىغى　دەپ　جىنايى　ئىشلار　بويىچە　دىلو　تۇرغۇزۇش دەپ قارايدۇ. بۇ خىل قاراشتىكىلەرنىڭ ئاساسى:« پۈتكۈل ئۆي ئېلىم-سېتىم  ئىشىدا، ئۆي ئىگىسنى ئىككىسى تىل بىرىكتۈرۈپ ئالداش خارەكتىرى مەۋجۇت. يەنى 70مىڭ يۇەن رەنە پۇلىنى چىقارغۇچى،ئۆي كۆرۈپ سۆزلەشكۈچى، توختام تۈزگەن نەق مەيداندا بار بولغان كىشى دەل  ئۆينى ھازىر ئىگەللەپ تۇرغۇچىدۇر. بۇ نوقتىدىن قارىغاندا ئىككىسى بىرلىشىپ ئالداش قىلمىشى شەكىللەندۈرگەن.شۇڭا،جىنايى ئىشلار بويىچە دىلو تۇرغۇزۇش كىرەك.»دەپ قارىدى. يەنە بىر خىل قاراشتىكىلەرنىڭ بولسا، ھەق تەلەپ بويىچە سوت مەھكىمىسىگە دىلو تۇرغۇزۇش كىرەك دەپ قارىدى. بۇلارنىڭ ئاساسى: "70مىڭ يۇەننى رەنىگە قويۇپ ئوي سېتىۋېلىش توختامى ئىمزالىغان، ئۇنىڭ ئۈستىگە ئۆي ئېلىم-سېتىم ئىشىدا توختام ھۆججەت بار  ئەھۋالدا، ساقچىنى «ئالدامچىلىققا» ئىشەندۈرۈش تەس؛ ئۇنىڭ ئۈستىگە ساقچى ئارلاشسا «مەن ئۆينى باشقىلاردىن سېتىۋالدىم» دەپ ھۆججەتنى ئوتتۇرىغا چىقارسا، ساقچى" سوتقا ھەق تەلەپ دەۋاسى قىلىڭلار" دەپ ھىچنىمە قىلالمايدۇ." دىگەندىن ئىبارەت بولدى. بۇ ئىككى خىل قاراشنىڭ ھەر ئىككىسىنىڭ ئۆزىگە تۇشلۇق ئورۇنلۇق تەرىپى باردەك قىلىدۇ. قېنى سىز قايسى خىل كۆزقاراشنى ياقلايسىز؟

نۇزۇگۇم.

	ھەق تەلەپ بولامدۇ، ئالدامچىلىق بولامدۇ ئىشقىلىپ قايسىسى ئۆينى تىزراق ئىگىسىگە قايتۇرۇشقا ياخشى بولسا شۇ بويىچە قىلسا بولمىدىمۇ، بۇنى تۈرگە ئايرىپ ئا توغرىمۇما توغرىمۇ دەپ توغىسىنى ئايرىپ بولغۇچە ئۆي ئىگىسى يەنە كۈتىدىكەندە

pagal

	نىمىندا چۈشىنىكسىز، كىم ئۆي ساتماقچى ، تەرەپدار دىگەن كىم ؟ ئا  ب  س      دەپ  ئىسىم قۇيۇپ  ئاندىن  يازسىڭز بولمامدۇ ،

mastana888

	مىنىڭچە بۇ دىلودا ئۆيگە ئەسلى ئىگدارلىق قىلغۇچى بىلەن رەنە پۇلى قويۇپ ئۆي كۆرگۈچىنىڭ مەسئۇليىتى بار ھازىر ئۆيدە ئولتۇرۋاتقان كىشى بىلەن ئالاقىسىز چۇنكى بۇ كىشى بۇ ئۆينى باشقىلاردىن قەرىزگە ھىساپلاپ ئالغان ئۆيگە ئەسلى ئىگىدارلىق قىلغۇچى باشقىلارغا ئىشىنىپ رەنە پۇلى قويغۇچىغا ئولتۇرۇشقا بەرگەن بىراق رەنە پۇلى قويغۇچى توختامغا خىلاپلىق قىلىپ توختام ئالدامچىلىقى كەلتۇرۇپ چىقارغان

albax

	مىنىڭچە ھەق - تەلەپ دەۋاسى قىلىشى كىرەك . توختام بۇيىچە ھوقوق-مەجبۇرىيەتلەر ئادا قىلىنىشى ، بولمىسا توختام جاۋابكارلىقى بۇيىچە سۈرۈشتۈرۈلۈشى كىرەك . ( جۇڭگۇچىلىقتا قانداق بۇلار ھە ؟)

saliha24

	ھەي توۋا جاھان نىمە بوپكەتتى ، كىشىنىڭ ھەققىنى يىيىشتىن قورقمايدىكىنە بۇ كىشىلەر.

qolak

	ھارام ئارلاشمىسا باي بولماس سامان ئارلاشمىسا لاي ھارامدىن قوقمىغان ئادەم خۇدادىنمۇ قوقمايدۇ

derhem

	بۇلار سۇتقا چىقسا پاكىتلار تولۇق ئەمەسمىكەن ؟ نىمىشقا سوتقا چىقمايدۇ ؟ بۇ باياندىن قارىسا پاكىتلار خېلى تولۇقكەنغۇ ؟ توختام باركەن ، پۇل بەرمىگىنى ۋە ئۆينى ساتقىنى راسكەن ، ھەقتەلەپ داۋاسى قىلىپ پۇلىنى ياكى ئۈيىنى ئالسىلا بولىدىكەن غۇ ؟

derhem

	ئۈينى قانداق ساتقاندۇ ؟ ئۈينى ساتتى دىگەنلىك ئۈي نامىنى سېتىلغۇچىغا يۈتكىدى دىگەنلىك بولىدۇ ، يۈتكىمىگەن بولسا ئۈينىڭ نامى ھازىرغىچە دەسلەپكى ساتقۇچىنىڭ نامىدا دىگەنلىك ....