ئەسسالامۇئەلەيكۇم، ئەزىز قېرىنداشلار!
شىنجاڭ ئالماس يۇمشاق دېتال شىركىتىنىڭ تەشەببۇس قىلىشى ۋە دەسلەپكى قەدەمدە دېيارىمىزدىكى باشقا سەككىز شىركەتنىڭ قىزغىن ئاۋاز قوشۇشى نەتىجىسىدە، 2014-يىلى 10-ئاينىڭ 31-كۈنى دىيارىمىزدا «ئۇچۇر ئالاقە تېخنىكىسى مۇتەخەسسىسلەر مۇنبىرى» ICTEF قۇرۇلدى. بۇ مۇنبەر 2014-يىلى 11-ئاينىڭ 17-كۈنى شىنجاڭ ئۇيغۇر ئاپتونوم رايونلۇق يۇمشاق دېتال ئىلمىي جەمئىيىتى تەرىپىدىن تەستىقلاندى.
تەپسىلاتى: http://www.uzdil.com/article/327.html
2015.يىلى 1.ئاينىڭ 3.كۈنى ئالماس شىركىتى ICTEF نىڭ تۇنجى قېتىملىق يىغىنىنى ئۇيۇشتۇردى، يىغىنغا شىنجاڭ ئۇچۇر ئالاقە، يۇمشاق دېتال ساھەسىدىكى 200 دىن ئارتۇق مۇتەخەسسىس، كارخانا ۋەكىللىرى ۋە كومپيۇتېر ھەۋەسكارلىرى قاتناشتى. كەمىنە مەردان ئەخمەتمۇ ئالماس شىركىتىنىڭ تەكلىپىگە ئاساسەن يولنى يىراق كۆرمەي، ئۇزدىل ئەترىتىدىن يەنە بىرەيلەننى ھەمراھ قىلىپ ئۈرۈمچىگە بېرىپ بۇ يىغىنغا قاتنىشىپ كەلدۇق. بىزنىڭ قەشقەر پوسكام نېفىتتىن كەلگەنلىكىمىزنى كۆزدە تۇتۇپ ئالماس شىركىتى يىغىندىن كېيىن شىركەت خادىملىرى بىلەن بىرلىكتە زىياپەتكە ئورۇنلاشتۇردى، شىنجاڭ IT ئۈچ ئومۇمىي يىغىنى باش كاتىپى 苏国平 ئەپەندىم بىلەن ئاكادېمىك ھوشۇر ئىسلام مۇئەللىم يىغىندىن كېيىن ئايرىم كۆرۈشۈپ كەمىنە بىلەن خاتىرە سۈرەتكە چۈشتى. بۇ مەندەك ئىشتىن سىرتقى كومپيۇتېر ھەۋەسكارى، ئاددىي بىر تور بېكەت باشلىقى ئۈچۈن چەكسىز شەرەپ، ئەلۋەتتە.
بۇ قېتىملىق يىغىنغا قاتنىشىشتىن مەقسىتىمىز دېيارىمىزدىكى مۇشۇنداق كاتتا بىر خۇشاللىققا شاھىت بولۇپ، ئۇچۇر ئالاقە كارخانىلىرىنىڭ ھەمكارلاشقانلىقىنى ئۆز كۆزىمىز بىلەن كۆرۈش ۋە يىغىن جەريانىدىكى يېڭىلىقلارغا ئېرىشىش، ئېرىشكەنلىرىمىزنى قايتىپ كەلگەندىن كېيىن تېخىمۇ كۆپ كومپيۇتېر ھەۋەسكارلىرى ۋە كارخانىلارغا يەتكۈزۈشتىن ئىبارەت. بۇ ھەقتە بىر قىسىم خەۋەرلەر ئېلان قىلىنغان بولسىمۇ، يەنىلا يېتەرلىك ئەمەس دەپ ئويلايمىز. مۇشۇ مۇناسىۋەت بىلەن ئۇزدىل ICTEF مەخسۇس سەھىپىسىنى ئېلان قىلىپ، ئۆزىمىز ئېرىشكەن بىرىنچى قول ماتېرىيال ئاساسىدا يېزىلغان ماقالىلەرنى تورداشلارنىڭ ھۇزۇرىغا سۇندۇق، يېڭى ماقالىلەر داۋاملىق تەييارلىنىۋاتىدۇ. كۆرۈپ بېقىڭ قىممەتلىك تەكلىپ-پىكىرىڭلارنى ئايىمىغايسىلەر:
http://www.uzdil.com/cat/ICTEF.html
كامالىي ئېھتىراملار بىلەن:
ئۇزدىل تور تېخنىكا مەركىزى
2015.1.6
بۇ يازمىنى ئاخىرىدا uzdil.com تەھرىرلىگەن. ۋاقتى 2015-1-6 04:16 PM