بۈگۈن رىزۋانگۈل ۋاپاتنىڭ70يىللىقى

barnawul

	1-ئاينىڭ13-كۈنى قەھرىمان ئۇيغۇرقىزى رىزۋانگۈل ۋاپات بولغان كۈنى «ئازاتلىق جەڭچىسى رىزۋانگۈل» نامىلىق كىتاپنىڭ ئاپتۇرى،  رىزۋانگۈلنىڭ سەپدېشى مۇزەپپەر ئابدۇللايېف ئەسلىمىسىدە مۇنداق يازىدۇ: 1988-يىل2-ئايدازىننەت ئەخمەت  ئالمۇتادىن ئۈرۈمچىگە تۇغقان يوقلاپ كەلگەندە ئىككىمىز كۈرۈشتۇق ۋە ئۈيۈمگە كىلپ مېھمان بولدى، بىز كونا خامانلارنىڭ بىرقۇر سورۇشتۇق. زىننەت:« بىز سەككىز قىزنىڭ سۈرىتىنى غۇلجىدىكى ۋاڭ قادىرنىڭ بېغىدىكى خاتىرەئۈيىگە ئېسىپ قۇيۇپتۇ، بېرىپ كۆردۇم، خەلق بىزنى ئۇنۇتماپتۇ»دەيدۇ ھاياجان ئىچىدە. شۇنداق،ئۇلارنى خەلق تېخى ئۇنۇتمىدى، ئۇنۇتمايدۇ، ئۇلارئەۋلاتتىن ئەۋلاتقا خاتىرلىنىدۇ. 1944يىل 8-ئايدا شىنجاڭ ئېلى ۋىلايىتى نىلقا ناھيىسدە شىڭشىسەينىڭ سىنىپى  ۋە مىللى زۇلۇمىغا قارشى كۈرەش تىزلا قانات يايدى ،شۇيىل 11-ئاينىڭ 7-كۈنى غۇلجاشەھرىدە گومىنداڭنىڭ ئەكسىيەتچىل زۇلۇمىغا قارشى قوزغىلاڭ  كۈتۈرۈلدى ۋە شۇجەرياندا مىڭلىغان قەھرىمان ئۇغۇل-قىزلىرىمىز مەيدانغا كەلدى، ئۇنە شۇلارئىچدە يەنە نۇرغۇن قىزلارباربۇلۇپ، ئۇلار ئەرلەربىلەن تەڭ جەڭگاھتا قان كېچىپ، ئۈزىنىڭ قەيسرانە ئىش ئىزئىرى، ئىگىلمەس-پۈكمەس ئىرادىسى بىلەن يۈكسەك ۋىژدان-غۇرۇرىنى نامايەن قىلىپ، بىزگە ئىنتايىن قىممەتلىك ھەقىقەتلەرنى قالدۇرۇپ كەتتى، مىللى قەھرىمان، خەلىقىمىزنىڭ پەخىرلىك قىزى رىزۋانگۈل شۇگۈلباغدىكى خۇشپۇراقلىق بىر گۈل ئىدى. رىزۋانگۈل1944-يىل11-ئاينىڭ12-كۈنى(ئىنقىلاپ باشلىنىپ6-كۈنى)ئەتىگەندە تۇلۇپ تاشقان قىزغىنلىق بىلەن پىدائىلىككەتىزىمغا ئالدۇرىدۇ ،پىدائى بولغاندىن كىيىن رىزۋانگۈل جەڭ تاكتىكىسى، ياردارلارنى جىددى قۇتقۇزۇش بىلىملىرىنى ياخىشى ئىگەللىگەندىن سىرىت، يەنە ھەرخىل قۇراللارنى ئىشلىتىشنى قېتىرقىنىپ ئۈگۈنىدۇ، جەڭلەردە پىلىمۇتنىڭ ئوقدانىغا ئوق سالىدۇ،يارلانغان پىلىمۇتچىلارنىڭ ئورنىغا سەپلىنىپ دۈشمەنگە ئوت ئاچىدۇ، جەڭگاھتامۆلدۈردەك يېغىۋاتقان ئوق ئىچىدىن يارلانغان جەڭچىلەرنى قۇتقۇزىدۇ. رىزۋانگۈلنىڭ كارامەت قەھرىمانلىقى ۋە ئادەمنى ھەيران قالدۇرىدىغان ئىش-ئىزلىرى، پارتىزانلارئىچىدىن ھالقىپ ئۈتۈپ، شەھەرخەلقى ئىچىدىمۇ كەڭ تارقىلىدۇ، رىزۋانگۈل جەڭچىلەرنىڭ ئۈگۈنۈش ئۆلگىسى، خەلىقنىڭ پەخىرلىك قىزىغا ئايلىنىدۇ. 1945-يىل1-ئاينىڭ 11-كۈنى غۇلجاشەھرىدە61كۈن مۇھاسىرىدە قېلىپ جان تالىشىپ، غالجىرلاشقان دۈشمەن، ئەڭ ئاخىرقى كۈچىنى يىغىپ، مۇھاسىردىن بۈسۈپ چىقىپ، قاچماقچى بۇلۇپ شىددەت بىلەن ھۇجۇم باشلايدۇ، جەڭ كېچە كۈندۈر توختىماي بەكمۇ كەسكىن بۇلىدۇ، بۇ شىنجاڭ يېقىنقى زامان تارىخىدىكى مەشھۇر ئۇرۇشلار قاتارىدىن ئۇرۇن ئالغان ھەرەمباغ قەلئەسى ئۇرىشى ئىدى، رىزۋانگۈل سەپداشلىرى بىلەن كېچە -كۈندۈز دۈشمەن بىلەن ئېلىشدۇ،  1-ئاينىڭ 13-كۈنىدىكى ھەرەمباغ قەلئەسى ئۇرىشىدا رىزۋانگۈل يارلانغان چوڭئاخۇن ئىسىملىك جەڭچىنى قۇتقۇزۇش ئۈچۈن يامغۇردەك ئۇچىۋاتقان ئوق ئىچىگە كىرىدۇۋە ئوق تىگىپ، مەردلەرچە قۇربان بۇلىدۇ، ئەترەت كۇماندىرى رىزۋالنىڭ بېشىنى سىلاپ چۇڭقۇر مېھرى بىلەن«ئەلۋىدا،قەيسەر قىزىم» دەپ بۇقۇلداپ يىغلاپ كېتىدۇ.رىزۋانگۈلنىڭ قۇربان بولغانلىق توغرىسىدىكى شۇم خەۋەر تىزلارھەرەمباغدىن ئۈتۈپ، پۈتۈن سەپكە تارقىلىدۇ، جەڭچىلەرئۈزىنىڭ پەخىرلىك قېرىندېشى، ئوت يۈرەك قەيسەر ھەمشىرىسىدىن ئايرىلغانغا قاتتىق ئازاپ چىكىدۇ، دۈشمەنگە بولغان غەزەپ-نەپرىتى ھەسسىلەپ ئاشىدۇ،«رىزۋانگۈل ئۈچۈن ئىنتىقام» دېگەن سادالار پەلەككە يىتىدۇ. ھەسرەت-پىغان ساداسى ئىلى ۋادىسىنى لەرزىگە سالىدۇ، شەھەرخەلىق دەھشەتلىك قىيان سۇدەك غايەت زور بىركۈچكە ئايلىنىدۇ. دۈشمەن شەرمەندىلەرچە مەغلۇپ بولدى. خەلق«رىزۋانگۈل،ھايات نۈزۈگۈم ئىدى، ئۇ ئارىمىزدىن كەتكەن بولسىمۇ، لېكىن تارىختا ئۇنىڭ قەھرىمانلىق نامى قالىدۇ.»دىيىشدۇ، شەرەپ سەھنىسىدە رىزانگۈلگە بىرىلگەن17-نۇمۇرلۇق باھادىرلىق مىدالى دادىسى ھاشىم ئاكىنىڭ مەيدىسىگە تاقاپ قۇيۇلدى. ھاشىم ئاكا جان-جىگەر قىزىنىڭ ئىسسىق قېنى بەدىلىگە كەلگەن بۇ قەھرىمانلىق مىدالىنى يېنىش-يېنىشلاپ سىلاپ، بۇقۇلداپ يىغلاپ كەتتى ۋە ئوغلى ھاشىرنىڭ يۈلەپ تۇرىشى بىلەن ئاران-ئاران ئۈرە تۇراتتى.دادىنىڭ قەلبى سەك-پارە ئىدى. ئارىدىن يەتمىش يىل ئۈتۈپ كەتتى، خەلق ئۈزىنىڭ قەھرىمان قىز-ئۇغۇللىرىنى ئۇنۇتمىدى، ئەكىسچە تېخىمۇ سېغىنماقتا. رىزۋانگۈل توغرىسىدا نۇرغۇن داستانلار پۈتۈلدى، شېئىرلار يېزىلدى، خەلق بۇ قەھرىمانلارنى سېغىنىش ئىچىدە ئەسكە ئالدى، خەلقنىڭ غۇرۇر-ئىپتىخارى بولغان قەھرىمان قىز-ئۇغۇللار خەلق قەلبىدىن مەڭگۈ ئۆچمەيدۇ.

xajarim

	ئاللاھ  ياتقان يىرنى  ياخشى قىلسۇن..

axik884

	مىللى قەھرىمانلىرىمىز ،ياتقان يىرى جەننەتتە بولغاي

xoh-xoh1

	باشلانغۇچ مەكتەپ ئۇقۇۋاتقان چېغىمدا ئەدەبىيات دەرىسلىكىدە ‹‹شەپقەت ھەمشىرىسى››  دىگەن شۇ دەرىسلىكنى ئۇقۇپ تۇنىغان ئىدىم قەھرىمانىمىزنى.ھازىرغىچە رىزىۋانگۈل دىگەن بۇ ئىسىم قۇلىقىمغا شۇنداق چىرايلىق ئاڭلىنىدۇ. ئەكسىيەتچىل ھاكىمىيەت گومىنداڭغا قارىشى ئىنقىلاۋىنىڭ تەركىۋى بولغان ئۈچ ۋىلايەت مىللى ئارمىيسىنىڭ قەھرىمانى،ئۇيغۇرلارنىڭ قەھرىمان قىزى شەپقەت ھەمشىرىسى رېزىۋانگۈلنىڭ ئاخىرەتلىك ئىشلىرىنىڭ خەيىرلىك بولىشىنى تىلەيمەن.

sawir38

	مەن قىز چۇكانلىرىمىزغا رىزۋانگۇل روھى ئاتا بۇسىكەن دەيمەن

hantvrvk

	ھەقىقەتەن پەخىرلىنشكە ئەرزىيدىغان  قەھىرمان قىزلىرىمىزدە........

hadrat

	مىللى قەھرىمانلار خەلىق قەلبىدە مەڭگۈ ھايات،ئۇ دۇنيادا ئۇدارغا جەننەت يار بولسۇن.....

musilina

	xoh-xoh1 يوللىغان ۋاقتى  2015-1-13 08:15 PM باشلانغۇچ مەكتەپ ئۇقۇۋاتقان چېغىمدا ئەدەبىيات دەرىسل ... شۇنداق ،باشلانغۇچ مەكتەپ تىل -ئەدەبىيات 11- قىسىم (6-يىللىق )دەرسلىكىدە بار‹‹شەپقەت ھەمشىرىسى››دېگەن تېكست ... ئاجايىپ بىر خىل ھاياجان،ئىشتىياق،چوڭقۇر بىر ھېسيات بىلەن ئۆتكەن ئىدىم بۇ دەرسنى مەكتەپ دەرجىىلك ئوچۇق دەرس قىلىپ..... خەلق قەلبىدىن ئورۇن ئالغانلارنى خەلق مەڭگۈ ئۇنتىمايدۇ....

Rujak

	musilina يوللىغان ۋاقتى  2015-1-13 09:17 PM شۇنداق ،باشلانغۇچ مەكتەپ تىل -ئەدەبىيات 12- قىسىم (6-يىل ... ھازىرمۇ بار مۇ دەرىسلىكتە  ئۇ  تىكىسىت ،