دوكتۇر ياسىر قازى 2014-يىلى 31-دىكابىر كۈنى ئۆزىنىڭ فېيىسبۇك تېمىغا بىر ئۇچۇر چىقىرىپ، تۆۋەندىكى مەزمۇننى بايان قىلدى:
ياسىر قازى يېقىندا دوكتۇر خاتەم ئارىف ئەل-ئاۋنى (Hatem b. Arif al-Awni) بىلەن كۆرۈشكەن. دوكتۇر ئاۋنى دۇنياغا تونۇلغان ھەدىتھ ۋە ئېتىقادشۇناسلىق مۇتەخەسسىسى بولۇپ، ئۇ ئاشۇ ساھەدە ھازىرغىچە ئون نەچچە پارچە كىتاب چىقارغان. بۇ كىتابلارنىڭ كۆپۈنچىسى مۇسۇلمانلار ھازىرقى زاماندا دۇچ كەلگەن مەسىلىلەر ئۈستىدە ئىكەن.
دوكتۇر ئاۋنى مەككىدىكى «شارىف» (Shareef) تەبىقىسىگە تەۋە بولۇپ، ئۇ مۇھەممەد ئەلەيھىسسالامنىڭ بىۋاستە ئۇرۇق-ئەۋلادى ئىكەن. بۇ تەبىقە مەككىنى 1000 يىلدەك سورىغان بولۇپ، دوكتۇر ئاۋنىنىڭ ھازىرقى ئىئوردانىيە پادىشاھ ئائىلىسىدىكىلەر بىلەن يىراق نەۋرىلىك مۇناسىۋىتى بار ئىكەن. دوكتۇر ئاۋنى ھەسەن ئەلى ئابى تالىب (Hasan b. Ali b. Abi talib) بىلەن قانداش بولۇپ، مۇھەممەد ئەلەيھىسسالامنىڭ 36-ئەۋلادى ئىكەن.
ياسىر قازىنىڭ دېيىشىچە مۇھەممەد ئەلەيھىسسالام بىلەن دوكتۇر ئاۋنى ئارىلىقىدا 36 ئەۋلات ئۆتكەن بولسىمۇ، دوكتۇر ئاۋنىنىڭ چىراي-تۇرقىدا مۇھەممەد ئەلەيھىسسالامنىڭ بىر قىسىم ئالاھىدىلىكلىرى ساقلانغانلىقىنى جەزىملەشتۇرۇشكە بولىدىكەن.