تورغا خۇمار بولۇپ قېلىشنىڭ ئالدىنى ئېلىش ،

mugsirdax

	تورغا خۇمار بولۇپ قېلىشنىڭ ئالدىنى ئېلىش ، داۋالاش مەركىزى 18 – ماي ئۈرۈمچى شەھەرلىك4 – خەلق دوختۇرخانىسىدا رەسمىي قۇرۇلدى 12- ماي ئۈرۈمچى شەھەرلىك 4 – خەلق دوختۇرخانىسىدىن ئىگىلىنىشىچە ، تورغا خۇمار بولۇپ قېلىشنىڭ ئالدىنى ئېلىش ، داۋالاش مەركىزى 18 – ماي ئۈرۈمچى شەھەرلىك4 – خەلق دوختۇرخانىسىدا رەسمىي قۇرۇلغان بولۇپ ، بۇنىڭدىن كېيىن بۇ دوختۇرخانىدا تورغا خۇمار بولۇپ قېلىش كېسىلىگە گىرىپتار بولغانلارنى داۋالايدىكەن .        دۆلەت يېقىندا ‹‹ تورغا خۇمار بولۇپ قېلىش كېسىلىگە دىئاگنوز قويۇش ئۆلچىمى ›› نى ئېلان قىلىپ ، تورغا خۇمار بولۇپ قالغانلارنى بىر خىل روھى كېسەللىك دەپ بېكىتكەن . كىشىلەرنىڭ بۇ خىل روھى ھالىتى ئېغىرلاشقاندا كۈندىلىك تۇرمۇش ۋە ئىجتىمائىي ئىقتىدارى تەسىرگە ئۇچرايدىكەن . نۆۋەتتە دۆلىتىمىزدە تورغا خۇمار بولۇپ قېلىشنى ئاساسەن تور ئويۇنى مەستانىسى ، توردا شەھۋانى نەرسىلەرنى كۆرۈش مەستانىسى قاتارلىق بەش تۈرگە ئايرىغان . يېقىنقى يىللاردىن بۇيان ، ئۈرۈمچى شەھەرلىك 4 – خەلق دوختۇرخانىسى قوبۇل قىلىپ پىسخىك جەھەتتىن مەسلىھەت بەرگەن كېسەللەر ئىچىدە %10 ياش تورغا خۇمار بولۇپ قېلىش كېسىلىگە گىرىپتار بولغانلار بولۇپ ، بۇ خىل ئەھۋال يىلدىن يىلغا ئېشىش ۋەزىيىتىگە يۈزلەنگەن .        ئۈرۈمچى شەھەرلىك 4 – خەلق دوختۇرخانىسى تورغا خۇمار بولۇپ قېلشنى داۋالاش مەركىزىدىن مەسئۇل ۋىراچ مايەنجۈەن مۇنداق دېدى : ‹‹ دوختۇرخانىمىزدا تورغا خۇمار بولۇپ قالغانلارنى داۋالاش مەركىزى قۇرۇلغاندىن كېيىن ، تورغا خۇمار بولۇپ قېلىش كېسىلىگە گىرىپتار بولغان بىمارلارنى ئاساسلىق پىسخىك جەھەتتىن يېتەكلەشنى ئاساس ، دورا بېرىشنى قوشۇمچە قىلىش ئارقىلىق داۋالايمىز . تاكى ئۇ سۈنئىي دۇنيادىن ئۈزۈل – كېسىل قۇتۇلۇپ چىقىپ ، ئائىلىسىدىكىلەر بىلەن قايتىدىن ئىناق مۇناسىۋەت ئورناتقانغا قەدەر داۋالاشنى داۋاملاشتۇرىمىز . بۇنىڭدا ئاساسلىقى ئائىلە باشلىقلىرىنىمۇ تەكلىپ قىلىپ ، تورغا خۇمار بولۇپ قېلىش كېسىلىگە گىرىپتار بولغان ياشلار ۋە بالىلارغا ئالدى بىلەن ئائىلە مۇھىتى ھازىرلاپ بېرىمىز . ھەر خىل لاگىرلارغا ئويۇشتۇرىمىز . داۋالاشنىڭ پۈتكۈل جەريانى ئوچۇق ، ئەركىن ھالەتتە بولىدۇ . شۇڭا كۆپچىلىكنىڭ بالىلىرىمىزنى روھىە كېسەللىكلەر دوختۇرخانىسىغا ئاپىرىپ قويساق ، سولاپ قويۇپ داۋالارمۇ دەپ ئەندىشە قىلىشىنىڭ ھاجىتى يوق ›› .          تونۇشتۇرۇلىشىچە ، يېقىندا ئۈرۈمچى شەھەرلىك 4 – خەلق دوختۇرخانىسى يېقىندا يەنە ياشانغانلارنى پىسخىك جەھەتتىن داۋالاش مەركىزى بىلەن بالىلارنى پىسخىك جەھەتتىن داۋالاش مەركىزى قۇرغان ئىكەن . مەنبە:كۈسەن تورى

BUMARYAM

	ھى ھى ھى  مەن خېلى ساقىيىپ قالدىم............بارمىساممۇ بولىدۇ  [s:2]

تارىم

	تور ئۇيۇنىغا خۇمار بولۇپ قالىدىغانلار بىر قەدەر خەتەرلىك، بۇ ھەقتە گېزىتلەردە،تېلىۋىزورلاردا كۆپ توختالدى.

Ay.

	مەن ئۆزۈمنى ئۆزۈم داۋالاپ ساقىيىپ بولدۇم

livemocha

	پالانچى نىمە قىلىۋاتىدۇ؟ سۆكۈپ يەنە تىكىۋاتىدۇ  [s:5]  [s:5]

sultan

	شۇنداق، ئويۇن خۇمارى ئەڭ يامان

مەھمۇد

	مەن بىرىپ كۆرۇنۇپ باقسام بولامدۇ نىمە ! كۇندە تورغا چىقمىسام بىشىم ئاغرىيدىغان بولۇپ قالدى .

tutya

	ھەي باللا مەن تۇرغا چىقىشنى ئۇگەنگىلى 3يىلدىن ئاشتى لىكىن ئۆزەمنى تۇرغا خۇمار بوپ قالغان دەك ھىس قىلمىدىم مەندە بىرە چاتاق يوقتۇھە-

humpar

	مەن بۇلتۇر بەكلا خۇمار ئىىدم ھازىر ساقايدىم

شەيدا

	مەن كۈندە مىسرانىمغا چىقىشقا خۇمار بۇلۇپ قالدىم،بۇنى قانداق داۋالىغۇلۇق؟