ئۆمۈرلۈك ياخشى ئىش

sayram

	ئۆمۈرلۈك ياخشى ئىش    بۇ بىر تەسىرلىنىشكە تېگىشلىك ئىش.   فرانسىيىنىڭ مارسېل شەھرىدە دومېل ئىسىملىك بىر ساقچى بار ئىدى.ئۇ ئېمى ئىسىملىك بىر قىزچاقنى ئۆلتۈرۈپ قېچىپ كەتكەن بىر جىنايەتچىنى تۇتۇش ئۈچۈن نەچچە ئون مېتىر ئىگىزلىكتىكى ھۆججەت ۋە ئارخىپلارنى تەكشۈرۈپ چىقتى.تۆت قىتئە ئارىسىدا تىنىمسىز چېپىپ يۈردى،300مىڭ قېتىمچە تېلىفۇن بەردى،800مىڭ كېلومېتىردىن ئارتۇق مۇساپىنى باستى. ئۇ پۈتۈن ۋۇجۇدىنى جىنايەتچىنى تۇتۇشقا قاراتقاچقا، ئىلگىرى-ئاخىر ئىككى خوتۇنى ئۇنى تاشلاپ كېتىپ قالدى. لېكىن ئۇ بۇنىڭلىق بىلەن بەل قويۇۋەتمىدى، 52يىل بوشاشماي ئىز قوغلاش ئارقىلىق جىنايەتچىنى قولغا چۈشۈردى. ئۆتكەن يىلى، ئۇ جىنايەتچىنىڭ قولىغا كويزا  سالغاندا، 73ياشلىق بوۋاي بولۇپ قالغانىدى. ئۇ ھاياجانلانغان ھالدا:"ئېمىنىڭ روھى ئەمدى ئەمىن تاپىدىغان بولدى،ئەمدى مەنمۇ پېنسىيەگە چىقىمەن"دېدى. مۇخبىرلار، مۇشۇنداق قىلىش ئەرزىمدۇ؟ دەپ سورىغاندا، ئۇ: "بىر ئادەم ئۆمرىدە بىر ئىشنى بولسىمۇ ياخشى قىلسا، پۈتۈن بىر ئۆمرى بىكار ئۆتمىگەن بولىدۇ" دەپ جاۋاب بەردى. مەنبە:"تەرمىلەر" ژورنىلىدىن ئېلىندى. 2010.06.12.

only

	ياخشى ئىش قىلماق بەلكىم ئانچە تەس ئەمەستۇ ، ئەمما ياخشى ئىشنى بىر ئۆمۈر ئىزچىل داۋاملاشتۇرماق ھەقىقەتەنمۇ بىر مۈشكۈل ئىش. رەھمەت !

kapsiz

	توۋا مۇنداق ساقچىلار بولىدىكەن ھە.. تەسىرلىنىشكە ئەرزىگۈدەك```

livemocha

	چىدام دىگەن ئاجايىپ نەرسىدە

zibirgul

	نىمدىگەن  ئالىجاناپ روھ

ئەلشاھ

	ھەممە ساقچىلار شۇنداق بولسا تۈزۈم چىڭ بولغاندىكىن ، تۈرمە بوش قالارمۇ ؟ (ئادەملەر قورقۇپ جىنايەت سادىر قىلالماي )

zapar

	ئېتىقاد دىگەن مۇھىم نەرسە