ئاياللارنىڭ پەرزەنت، جەمئىيەت ئالدىدىكى ر

nadira

	ئاياللارنىڭ پەرزەنت، جەمئىيەت ئالدىدىكى رولى ۋە مەسئۇلىيتى ئاياللار ئۇلۇغ ئىنساندۇر،ئاياللار بىر قولىدا بۆشۈكنى تەۋرەتسە يەنە بىر قولىدا دۇنيانى تەۋىرىتىدۇ. ئاياللار مىللەتنىڭ ، دۇنيانىڭ ئانىسىدۇر. بۇ تەبىرلەر ئاياللارنىڭ قەلبىنى لەرزىگە سېلىپ، بۇ دۇنياغا ئايال بولۇپ تۆرەلگىنىدىن سۆيۈندۈرىدۇ. بۇ ئۇلۇغلۇققا ئانىلىق، ئاياللىق، پۇقرالىق مەسئۇلىيەت سىڭگەن بولىدۇ ، ئەلۋەتتە. ھازىرقى دەۋردە ئاياللارنىڭ زىممىسىدىكى يۈك ھەقىقەتەن ئېغىر. ئاياللارنىڭ جەمئىيەتنىڭ ئەڭ كىچىك بىرلىكى بولغان ئائىلىنى مۇستەھكەم قۇرۇشى، پەرزەنتلەرنى ياراملىق، ئەدەپ - ئەخلاقلىق قىلىپ تەربىيەلىشى ھەم دەۋرنىڭ تەرققىياتىغا ماسلىشىپ جەمئىيەتتىمۇ ئۆز رولىنى تولۇق جارىي قىلدۇرىشى تەلەپ قىلىنىدۇ. مانا بۇلارنى تولۇق ۋە نەتىجىلىك ئورۇنداش ھەقىقەتەن ئاسان ئەمەس. لېكىن بۇ يەنىلا ئاياللارنىڭ باش تارىتپ بولمايدىغان مەسئۇلىيىتى. ئۇنىڭ كونكىرت مەزمۇنلىرىنى تۆۋەندىكى بىرقانچە نوقتىغا يىغىنچاقلاشقا بولىدۇ: ئاياللارنىڭ پەرزەنت تەربىيەلەشتىكى رولى ۋە مەسئۇلىيىتى ئىنتايىن مۇھىم. پەرزەنتلەرنى ياراملىق قىلىپ تەربىيەلەشتىن ئىبارەت بۇ مەسئۇلىيەتنىڭ كۆپ قىسمى ئانىنىڭ زىممىسىگە يۈكلەنگەن بولىدۇ. شۇڭا ئانىلارنىڭ پەرزەنت تەربىيەلىشى ئەڭ ئىجاتچانلىققا، يېڭىلىق يارىتىشقا باي، يۇقۇرى ماھارەت ۋە بىلىم تەلەپ قىلىدىغان مۇكەممەل جەريان بولىشى تەلەپ قىلىنىدۇ. ئاياللار گۈزەللىكىنىڭ بالاغىتى- ئانىلىقتۇر. ئانىلىق شەرىپىگە ئىگە بولۇش ئاياللارنىڭ ئاياللىق گۈزەللىكىنى تېخىمۇ مۇكەممەللەشتۈرىدۇ. ئانا بولۇش ھەقىقەتەن ئۇلۇغ ۋە مۈشكۈل ئىش. ئۇ پەرزەنتكە ۋە جەمئىيەتكە نىسبەتەن يۈكسەك مەسئۇلىيەتچان بولۇشنى ئۆز ئىچىگە ئالىدۇ. ئەگەر بىر ئايالنى ئانىلىق مەجبۇرىيىتىنى ياخشى ئادا قىلدى دېسەك، ئۇ ئايال شۇ شەرىپى ئۈچۈنلا ئىنسانىيەتكە تۆھپە قوشقان بولۇپ ھېساپلىنىدۇ. ناۋادا ئۇ ئايال پەرزەنتىنىڭ ئۆسۈپ – يېتىلىشىگە كۆڭۈل بۆلۈپ، پەرزەنتىنى توغرا يولغا يېتەكلىسە، بۇ ئانىنىڭ ئىنسانىيەتكە قوشقان تۆھپىسى ھەقىقەتەن زور بولىدۇ. دېمەك، ئانىلىق،مەجبۇرىيەتنى ئادا قىلغانلىق ئىنسانىيەتكە تۆھپە قوشقانلىقتۇر. قايسى بىر ئىنسان بەختلىك ياشاشنى خالىمايدۇ؟ ئەلۋەتتە ھەممە كىشى بەختلىك ياشاشنى خالايدۇ. ئۇنداقتا ئىنساننىڭ ئەڭ زور خۇشاللىقى ۋە بەختى نىمە؟ بۇ خۇشاللىىق ۋە بەخت ئۆز پەرزەنتىنىڭ مۇۋەپپەقيىتى ۋە بەختىنى كۆرۈشتۇر. پەرزەنت، ئاتا- ئانىنىڭ خوشاللىقى ۋە بەختى. بۇ بەخت ۋە خوشاللىقنى يەنىلا شۇ ئانا يارىتالايدۇ. شۇڭا لاياقەتلىك ئانا بولۇشنى قولغا كەلتۈرۈش ھەر بىر ئانىنىڭ مۇقەددەس بۇرچى. ئاياللارنىڭ جەمئىيەتتىكى مەسئۇلىيىتى ۋە رولى ئىنتايىن چوڭ. ئاياللار ئۆزىنىڭ ئانىلىق ۋە ئاياللىق گۈزەللىكىنى جارىي قىلدۇرۇش بىلەن بىرگە، جەمئىيەتتىكى بىر كىشلىك رولىنى جارىي قىلدۇرۇشقا ھەرگىز سەل قارىماسلىقى كېرەك. ئاياللار ئۆزىنىڭ ئورنىنى توغرا بېكىتەلىگەندە ئۆز قەدىر قىممىتىنى تاپالايدۇ ۋە ئۆزىنىڭ چىن مەنىدىكى ئىجتىمائى ئورنىنى بېكىتەلەيدۇ. ئاياللار بىلىم ئىگىلەش ئارقىلىق ئۆز گۈزەللىكىنى نامايەن قىلىشقا سەل قارىماسلىقى كېرەك. بىلىم ئاياللارنىڭ گۈزەللىكىنى تېخىمۇ مۇكەممەللەشتۈرۈپ، تېخىمۇ زور يۈكسەكلىككە كۆتۈرىدۇ. شۇڭا ئاياللار بىلىم ئىگىلەش، كەسپ بىلەن شۇغۇللىنىش تۈپەيلى ئاياللىق ۋە ئانىلىق مەجبۇرىيىتىگە سەل قارىماسلىقى كېرەك. ئەگەر نوقۇل ئاياللىق ۋە ئانىلىق مەجبۇرىيەتنىلا تەكىتلەپ، بىلىم ئىگىلەشكە سەل قارىغاندا، دەۋر روھىغا ماسلاشقىلى بولماي قالىدۇ- دە، بۇ خىل ئەھۋالدا لاياقەتلىق ئانا بولۇشقا يەنە مەلۇم نوقسانلار يېتىپ قالىدۇ. ئادەمنىڭ ئۆمۈرى چەكلىك. دېمەك شۇ چەكلىك ئۆمرىدە ئائىلىنى مۇستەھكەم قۇرۇش، ئەرگە يار- يۆلەك بولۇش، پەرزەنتلەرنى ياراملىق قىلىپ تەربىيەلەش، زامانىۋىي بىلىم بىلەن قوراللىنىپ، جەمئىيەتتە تېگىلشلىك تۆھپە يارىتىش- دەۋرىمىز ئاياللىرىنىڭ پەخىرلىك رولى ۋە مەسئۇلىيىتىدۇر. شىنجاڭ ئاياللىرىدىن ئېلىندى

OZTURK02

	بالىنى تەربىيلەش ھازىرقى ۋاقىتتا ئىنتايىن مۇھىمدۇر . ئاتا-ئانا بولغۇچى پەرزەتلىرى ئۆچۈن پايدىلىق بولغان ھەر تۈرلۈك بىلملەرنى ئۆگەتمەي ، ئۇلارنىڭ ۋاقىتلىرنى بوشقا ئۆتكۈۋەتكۈچى تۇلىمۇ زىيانىلىق يامان ئىش قىلغان بولىدۇ . بالىلارنىڭ بۇزۇلىشغا سەۋەب بولىدىغان كۆپ سانىدىكى ئامىل ، ئاتا- ئانىلارنىڭ بالىلىرىغا يىتەرلىك ئەھمىيەت بەرمەي تاشلاپ قۇيغانلىقىدىن ، ئۇلارغا دىننڭ سۈننەت ، پەرىزلىرىنى بىلدۇرمىگەنلىكىدىن ، ئۇلارنىڭ كىچىك ۋاقىتلىرىدىكى ۋاقىتلىرىنى چىڭ تۇتماي زايە قىلۋەتكەنلىكىددىن ئىبارەت . شۇڭا بەزى بالىلر ئاتا- ئانىلار بالىلرىنىڭ ئۆزىگە يامانلىق قىلىپ ، قىرىغاندا ئۆزىگە ئەس قاتىمغانلىقىغا قاقشاپ شىكايەت قىلغىندا << ئى ئاتا سەن ماڭا كىچىك ۋاقتىمىدا يامانلىق قىلىدىڭ ،شۇڭا مەن چوڭ بولغاندا ساڭا يامانلىق قىلدىم ،سەن مىنىڭ كىچىكلىكىمىنى زايە قىلدىڭ مەن سىنىڭ قىرىلىقڭدا سىنى زايە قىلدىم >> دەپ شىكايەت قىلىدۇ ، ھەم ئاتا-ئانىغا ۋاپاسىز بولۇپ چوڭ بۇلىشىدۇ . شۇڭا ئاتا -ئانىلارنىڭ بالىسىنىڭ ئەقىل -ئىدىراكى زەئىپ ،ھىس تۇيغۇسى ئاجىز بولۇپ قالماسلىقنى ، بالسىنىڭ ھەقىقى كىرەكلىك بىر ئىنسان بولۇپ قاتارغا قۇشۇلىشنى ئۈمۈد قىلىپ تۇرۇپمۇ ، ئۇنىڭ بۇنداق بۇلۇشىغا كىرەكلىك تەربىيسىنى بەرمەسلىكىدىنمۇ ئارتۇق مەسئۇلىيەتسىزلىك بۇلامدۇ ؟؟؟؟ پەرزەتلەرنى تەربىيلەش ھەرگىزمۇ ياخشى كۆرۈش ياكى ھەدىيە قاتارىدا ئاتا قىلدىغان نەرسە بولماسىتىن ، بەلىكى ئۇ ھەربىر ئاتا-ئانا ئۈستىگە ۋاجىپ بولغان بىر ھەقتۇر . ئىمام بۇخارى پەيغەمبەر ئەلەيھسالامىنىڭ بۇ ھەقتە مۇنداق دىگەنلىكىنى بايان قىلىدۇ . << ئاللا ئۇلارنى ئەبرار يەنى ياخشىلىق قىلغۇچىلار دەپ ئاتىدى ،چۆنكى ئۇلار ئاتا-ئانىلارغا ئەۋلاتلارغا ياخشىلىق ئاتا قىلدى، خۇددى  ئاتاڭنىڭ سىنىڭ ئۈستىڭدە ھەقىقى بۇلغىندەك ،بالاڭنىڭمۇ سىنىڭ ئۈستىڭدە ھەقىقى بار >>

دانىش

	ئاياللار  كەلگۈسى  ئەۋلادلانىڭ    ياخشى  -يامان بولۇشىدىكى  مۇھىم  شەخس

ئوت

	ساقلىۋالدىما...........كىيىنچە ئايالىمغا كۆرسۈتۈپ قويارمەن...  يادلىغىلىمۇ يا.. [s:152]