ﺗﺎﺟﯩﻜﻼﺭ ﺋﻪﯞﻻﺩﺗﯩﻦ - ﺋﻪﯞﻻﺩﻗﯩﭽﻪ ﺋﻮﺗﺘﯘﺭﺍ ﺋﺎﺳﯩﻴﺎ ﺭﺍﻳﻮﻧﯩﺪﺍ ﻳﺎﺷﺎﭖ ﻛﻪﻟﮕﻪﻥ ، ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ ﻣﯩﻠﻠﻪﺕ . ﺗﺎﺟﯩﻜﻼﺭ
ﺗﯜﺯﻟﻪﯕﻠﯩﻚ ﺗﺎﺟﯩﻜﻠﯩﺮﻯ ﯞﻩ ﺗﺎﻍ ﺗﺎﺟﯩﻜﻠﯩﺮﻯ ﺩﻩﭖ ﺋﯩﻜﻜﯩﮕﻪ ﺋﺎﻳﺮﯨﻠﯩﺪﯗ . ﺗﺎﻍ ﺗﺎﺟﯩﻜﻠﯩﺮﯨﻨﯩﯔ ﻧﻮﭘﯘﺳﻰ ﺋﺎﺯﺭﺍﻕ ، ﺋﯘﻻﺭﻧﯩﯔ ﻛﯚﭘﭽﯩﻠﯩﻜﻰ ﭘﺎﻣﯧﺮ ﺋﯧﮕﯩﺰﻟﯩﻜﯩﺪﻩ ﯞﻩ ﺋﯘﻧﯩﯖﻐﺎ ﻳﺎﻧﺪﺍﺵ ﺭﺍﻳﻮﻧﻼﺭﺩﺍ ﺋﻮﻟﺘﯘﺭﺍﻗﻼﺷﻘﺎﻥ . ﺋﯧﻠﯩﻤﯩﺰﺩﯨﻜﻰ ﺗﺎﺟﯩﻜﻼﺭ ﺗﺎﻍ ﺗﺎﺟﯩﻜﻠﯩﺮﯨﻨﯩﯔ ﺑﯩﺮ ﺗﺎﺭﻣﯩﻘﻰ ﺑﻮﻟﯘﭖ ، ﻗﻪﺩﯨﻤﻜﻰ ﺯﺍﻣﺎﻧﺪﺍ ﺷﯩﻨﺠﺎﯕﻨﯩﯔ ﻏﻪﺭﺑﯩﻲ ﺟﻪﻧﯘﺑﯩﺪﺍ ﻳﺎﺷﯩﻐﺎﻥ ، ﻫﯩﻨﺪﻯ - ﻳﺎﯞﺭﻭﭘﺎ ﺗﯩﻠﻰ ﺳﯧﺴﺘﯩﻤﯩﺴﻰ ﺋﯩﺮﺍﻥ ﺗﯩﻠﻰ ﺋﺎﺋﯩﻠﯩﺴﯩﺪﯨﻜﻰ ﻏﻪﺭﺑﯩﻲ ﺋﯩﺮﺍﻥ ﺗﯩﻠﯩﺪﺍ ﺳﯚﺯﻟﯩﺸﯩﺪﯨﻐﺎﻥ ﻣﯩﻠﻠﻪﺕ . ﺷﯩﻨﺠﺎﯕﺪﯨﻜﻰ ﺗﺎﺷﻘﻮﺭﻏﺎﻥ ﺋﯘﻻﺭﻧﯩﯔ ﺗﯩﺮﯨﻜﭽﯩﻠﯩﻚ ﻣﻪﺭﻛﯩﺰﻯ ﺋﯩﺪﻯ .
"ﺗﺎﺟﯩﻚ" ﺩﯨﮕﻪﻥ ﻧﺎﻡ "ﺗﺎﺝ" ﺩﯨﮕﻪﻥ ﺳﯚﺯﮔﻪ "ﺋﯩﻚ" ﺩﯦﮕﻪﻥ ﺋﺎﺭﻗﺎ ﻗﻮﺷﯘﻣﭽﯩﺴﯩﻨﯩﯔ ﺋﯘﻟﯩﻨﯩﺸﻰ ﺑﯩﻠﻪﻥ ﺗﯜﺯﯛﻟﮕﻪﻥ . ﺑﯘ ﻫﯚﺭﻣﻪﺕ ﯞﻩ ﻳﯧﻘﯩﻨﻠﯩﻘﻨﻰ ﺑﯩﻠﺪﯛﺭﯨﺪﯨﻐﺎﻥ ﺋﺎﺗﺎﻕ . ﺧﻪﻥ ، ﺗﺎﯓ ﺩﻩﯞﺭﻟﯩﺮﯨﺪﻩ ، ﺋﯧﻠﯩﻤﯩﺰ ﺗﺎﺟﯩﻜﻠﯩﺮﻯ ﺋﻮﻟﺘﯘﺭﺍﻗﻼﺷﻘﺎﻥ ﻛﯚﻛﺌﺎﺭﺕ (ﭘﺎﻣﯩﺮ) ﺭﺍﻳﻮﻧﻰ ﺋﻮﺗﺘﯘﺭﺍ ﺗﯜﺯﻟﻪﯕﻠﯩﻜﺘﯩﻜﻰ ﺳﯘﻻﻟﯩﻠﻪﺭﻧﯩﯔ ﺑﯩﺮ ﺗﯘﺗﺎﺵ ﺑﺎﺷﻘﯘﺭﯗﺷﯩﺪﺍ ﺑﻮﻟﻐﺎﻥ . ﺗﺎﯓ ﺳﯘﻻﻟﯩﺴﯩﺪﯨﻦ ﻛﯧﻴﯩﻦ ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﻰ ، ﻏﻪﺭﺑﯩﻲ ﻟﻴﺎﯞ ﺳﯘﻻﻟﯩﺴﻰ ، ﭼﺎﻏﺎﺗﺎﻱ ﺧﺎﻧﻠﯩﻘﻰ ، ﻳﻪﻛﻪﻥ ﺧﺎﻧﻠﯩﻘﯩﻨﯩﯔ ﻗﺎﺭﻣﯩﻘﯩﺪﺍ ﺑﻮﻟﻐﺎﻥ . XVIII ﺋﻪﺳﯩﺮﻧﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﭼﯩﯔ ﺳﯘﻻﻟﯩﺴﯩﻨﯩﯔ ﺯﯦﻤﯩﻨﯩﻐﺎ ﻗﻮﺷﯘﻟﻐﺎﻥ .
ﺋﯩﺴﻼﻡ ﺩﯨﻨﻰ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﻛﯩﺮﯨﺸﺘﯩﻦ ﺋﯩﻠﮕﯩﺮﻯ ، ﺷﻪﺭﻗﯩﻲ ﺋﯩﺮﺍﻥ ﺗﯩﻠﯩﺪﺍ ﺳﯚﺯﻟﯩﺸﯩﺪﯨﻐﺎﻥ ﻣﯩﻠﻠﻪﺗﻠﻪﺭﻧﯩﯔ ﺑﯩﺮﻟﯩﻜﻜﻪ ﻛﻪﻟﮕﻪﻥ ﺩﯨﻨﯩﻲ ﺋﯧﺘﯩﻘﺎﺩﻯ ﻳﻮﻕ ﺋﯩﺪﻯ ، ﺋﯘﻻﺭﻧﯩﯔ ﺋﺎﺭﯨﺴﯩﺪﺍ ﻛﻪﯓ ﺗﺎﺭﻗﺎﻟﻐﺎﻥ ﺯﻭﺭﻭﺋﺎﺳﺘﯧﺮ ﺩﯨﻨﻰ ﺑﯩﻠﻪﻥ ﺧﯩﺮﯨﺴﺘﯩﺌﺎﻥ ﺩﯨﻨﻰ ، ﺑﯘﺩﺩﺍ ﺩﯨﻨﻰ ﯞﻩ ﻣﺎﻧﻰ ﺩﯨﻨﯩﻤﯘ ﻣﻪﯞﺟﯘﺕ ﺋﯩﺪﻯ . ﺷﯩﻨﺠﺎﯕﺪﯨﻜﻰ ﺗﺎﺟﯩﻜﻼﺭ ﺋﺎﺭﯨﺴﯩﺪﺍ ﺋﻪﺯﻩﻟﺪﯨﻦ "ﻣﯘﺯ ﺗﺎﻏﻼﺭ ﺑﻮﯞﯨﺴﻰ" ﺩﻩﭖ ﻫﯚﺭﻣﻪﺗﻠﯩﻨﯩﺪﯨﻐﺎﻥ ﻣﯘﺯ ﺗﺎﻏﻘﺎ ﺑﻮﻟﻐﺎﻥ ﺋﯩﭙﺘﯩﺪﺍﺋﯩﻲ ، ﺗﻪﺑﯩﺌﯩﻲ ﭼﻮﻗﯘﻧﯘﺵ ﻣﻪﯞﺟﯘﺕ ﺋﯩﺪﻯ . ﻗﻪﺩﯨﻤﻜﻰ ﺯﺍﻣﺎﻧﺪﺍ ﻛﯩﺮﮔﻪﻥ ﺯﻭﺭﻭﺋﺎﺳﺘﯧﺮ ﺩﯨﻨﻰ ﺑﯩﻠﻪﻥ "ﺋﺎﯞﯦﺘﺴﺎ" ﻧﯩﯔ ﺗﻪﺳﯩﺮﯨﻤﯘ ﺧﯧﻠﻰ ﻛﻪﯓ ﺋﯩﺪﻯ . ﻣﯩﻼﺩﻯ II - III ﺋﻪﺳﯩﺮﻟﻪﺭﺩﻩ ، ﺗﺎﺷﻘﻮﺭﻏﺎﻥ ﯞﻩ ﺋﯘﻧﯩﯔ ﺋﻪﺗﺮﺍﭘﯩﺪﯨﻜﻰ ﺭﺍﻳﻮﻧﻼﺭﺩﺍ ﻛﺎﯞﺍﺗﺘﺎ ﺩﯙﻟﯩﺘﻰ ﻗﯘﺭﯗﻟﯘﭖ ، ﺋﺎﺯﻛﻪﻡ 500 ﻳﯩﻞ ﻫﯚﻛﯜﻡ ﺳﯜﺭﮔﻪﻥ ، ﺑﯘﺩﺩﺍ ﺩﯨﻨﻰ ﺑﯘ ﺩﯙﻟﻪﺗﻨﯩﯔ ﺩﯙﻟﻪﺕ ﺩﯨﻨﻰ ﺋﯩﺪﻯ .
ﻣﯩﻼﺩﻯ VIII ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﺍ ﺋﻪﺭﻩﺑﻠﻪﺭ ﺋﻮﺗﺘﯘﺭﺍ ﺋﺎﺳﯩﻴﺎ ﺭﺍﻳﻮﻧﯩﺪﺍ ﻛﻪﯓ ﺗﺎﺭﻗﯩﻠﯩﺸﯩﻐﺎ ﺋﻪﮔﯩﺸﯩﭗ ، IX ﺋﻪﺳﯩﺮﺩﻩ ﺗﺎﺟﯩﻜﻼﺭ ﻣﯩﻠﻠﻪﺕ ﺑﻮﻟﯘﭖ ﺷﻪﻛﯩﻠﻠﻪﻧﮕﯩﭽﻪ ﺑﻮﻟﻐﺎﻥ ﻣﻪﺯﮔﯩﻠﺪﻩ ، ﺋﯩﺴﻼﻡ ﺩﯨﻨﻰ ﻫﯚﻛﯜﻣﺮﺍﻥ ﺋﻮﺭﯗﻧﺪﯨﻜﻰ ﺩﯨﻨﻐﺎ ﺋﺎﻳﻼﻧﻐﺎﻥ . ﺷﯩﻨﺠﺎﯕﺪﺍ X ﺋﻪﺳﯩﺮﻧﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﺍ ﻗﺎﺭﺍﺧﺎﻧﯩﻴﻼﺭﻧﯩﯔ ﻫﯚﻛﯜﻣﺮﺍﻧﻰ ﺋﯩﺴﻼﻡ ﺩﯨﻨﻰ ﻗﻮﺑﯘﻝ ﻗﯩﻠﻐﺎﻧﺪﯨﻦ ﻛﯧﻴﯩﻦ ، ﻣﯩﻼﺩﻯ 960 - ﻳﯩﻠﻰ ﺋﯩﺴﻼﻡ ﺩﯨﻨﻰ ﺩﯙﻟﻪﺕ ﺩﯨﻨﯩﻐﺎ ﺋﺎﻳﻼﻧﻐﺎﻥ . ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﻰ ﺳﯜﻧﻨﯩﻲ ﻣﻪﺯﻫﯩﭙﯩﻨﻰ ﺋﯩﺴﻼﻡ ﺩﯨﻨﯩﻐﺎ ﯞﻩﻛﯩﻜﻜﻠﯩﻚ ﻗﯩﻠﯩﺪﯨﻐﺎﻥ ﻣﻪﺯﻫﻪﭖ ﻗﯩﻠﯩﭗ ﺑﯧﻜﯩﺘﻜﻪﻥ ، ﺳﯜﻧﻨﯩﻲ ﻣﻪﺯﻫﯩﭙﻰ ﺑﯩﻠﻪﻥ ﻗﺎﺭﯨﻤﯘ - ﻗﺎﺭﺷﻰ ﺑﻮﻟﻐﺎﻥ ﺷﯩﺌﻪ ﻣﻪﺯﻫﯩﭙﻰ ﺋﺎﺳﺎﺳﻪﻥ ﺗﺎﺷﻘﻮﺭﻏﺎﻥ ﺭﺍﻳﻮﻧﯩﺪﺍ ﻳﺎﺷﺎﻳﺪﯨﻐﺎﻥ ﺗﺎﺟﯩﻜﻼﺭ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﻣﻪﺯﻫﻪﭖ ﺑﻮﻟﯘﭖ ﻗﺎﻟﻐﺎﻥ . ﺗﺎﺟﯩﻜﻼﺭ ﺷﯩﺌﻪﻟﻪﺭﻧﯩﯔ ﺋﯩﺴﻤﺎﺋﯩﻠﯩﻴﻪ ﻣﻪﺯﻫﯩﭙﯩﮕﻪ ﺋﯧﺘﯩﻘﺎﺩ ﻗﯩﻠﻐﺎﻥ ، ﺑﯘ ﻧﺎﺳﯩﺮ ﺧﯘﺳﺮﺍﯞﻧﯩﯔ ﭘﺎﻣﯩﺮﻏﺎ ﻛﯧﻠﯩﭗ ﺩﯨﻦ ﺗﺎﺭﻗﺎﺗﻘﺎﻧﻠﯩﻘﯩﻨﯩﯔ ﻧﻪﺗﯩﺠﯩﺴﻰ . ﺷﯘﯕﺎ ﻧﺎﺳﯩﺮ ﺧﯘﺳﺮﺍﯞ ﺋﯧﻠﯩﻤﯩﺰﺩﯨﻜﻰ ﺗﺎﺟﯩﻚ ﻣﯘﺳﯘﻟﻤﺎﻧﻼﺭ ﺗﻪﺭﯨﭙﯩﺪﯨﻦ ﭘﯩﺮ ، ﺋﯘﺳﺘﺎﺯ ، ﺋﻪﯞﻟﯩﻴﺎﺋﺎﺗﺎ ﺩﻩﭖ ﺋﯘﻟﯘﻏﻼﻧﻐﺎﻥ . ﺑﯩﺮﺍﻕ ، ﺗﺎﺭﯨﺨﻨﯩﯔ ﺋﯚﺯﮔﯩﺮﯨﺸﯩﮕﻪ ﺋﻪﮔﯩﺸﯩﭗ ، ﭘﺎﻣﯩﺮ ﺭﺍﻳﻮﻧﯩﺪﯨﻜﻰ ﺋﯩﺴﻤﺎﺋﯩﻠﯩﻴﻪ ﻣﻪﺯﻫﯩﭙﻰ ﻧﯩﺴﺎﺭﻯ ﻣﻪﺯﻫﯩﭙﻰ -- ﻣﯘﻫﻪﻣﻤﻪﺩﺷﺎﻫ ﻧﻪﺳﻪﺑﻰ -- ﻗﺎﺳﯩﻢ ﺷﺎﻫ ﻧﻪﺳﻪﺑﻰ -- ﺋﺎﻏﺎﺧﺎﻥ ﻧﻪﺳﻪﺑﯩﺪﯨﻦ ﺋﯩﺒﺎﺭﻩﺕ ﺗﺎﺭﻗﯩﺘﯩﺶ ﻳﻮﻟﻰ ﺑﻮﻳﯩﭽﻪ ﺗﻪﺭﻩﻗﻘﯩﻲ ﻗﯩﻠﻐﺎﻥ .
ﭘﺎﺗﯩﻤﻪ ﺳﯘﻻﻟﯩﺴﯩﻨﯩﯔ 8 - ﺋﻪﯞﻻﺩ ﺧﻪﻟﯩﭙﯩﺴﻰ ﻣﯘﺳﺘﻪﻧﺴﯩﺮ ﺩﻩﯞﺭﯨﻨﯩﯔ ﺋﺎﺧﯩﺮﯨﺪﺍ ، ﭘﺎﺭﺳﻼﺭﻧﯩﯔ ﺋﯩﺴﻤﺎﺋﯩﻠﯩﻴﻪ ﻣﻪﺯﻫﯩﭙﻰ ﺋﯩﺸﻠﯩﺮﻯ ﻫﻪﺳﻪﻥ ﺳﺎﺑﺎﻫ ﻧﯩﯔ ﺭﻩﻫﺒﻪﺭﻟﯩﻜﯩﺪﻩ ﮔﯜﻟﻠﻪﻧﮕﻪﻥ . ﻫﻪﺳﻪﻥ ﺳﺎﺑﺎﻫ ﺋﯩﺮﺍﻧﻨﯩﯔ ﻗﯘﻡ ﺷﻪﻫﯩﺮﯨﺪﯨﻦ ﺋﯩﺪﻯ ، ﺋﯘ ﻣﯩﻼﺩﻯ 1078 - ﻳﯩﻠﻰ ﺳﻮﺩﯨﮕﻪﺭﭼﻪ ﻳﺎﺳﯩﻨﯩﭗ ﻣﯩﺴﯩﺮﻏﺎ ﺑﺎﺭﻏﺎﻥ ، ﻣﯘﺳﺘﻪﻧﺴﯩﺮ ﻛﯚﺭﯛﺷﻜﻪﻥ ﯞﻩ ﺗﻪﻳﯩﻨﻠﻪﻧﮕﻪﻧﺪﯨﻦ ﻛﯧﻴﯩﻦ ﭘﯧﺮﺳﯩﻴﯩﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺩﯨﻦ ﺗﺎﺭﻗﺎﺗﻘﺎﻥ . ﺋﯘ ﻣﯩﻼﺩﻯ 1090 - ﻳﯩﻠﻰ ﺩﯦﺮﻩﻡ ﺗﺎﻍ ﺭﺍﻳﻮﻧﯩﺪﯨﻜﻰ ﺋﺎﻻﻣﯘﺕ ﻗﻪﻟﺌﻪﺳﯩﻨﻰ ﻣﻪﺭﻛﻪﺯ ﻗﯩﻠﯩﭗ ، ﺗﻪﺷﻜﯩﻠﯩﻲ ﻣﯘﻛﻪﻣﻤﻪﻝ ، ﺋﯩﻨﺘﯩﺰﺍﻣﻰ ﻗﺎﺗﺘﯩﻖ ﺑﯩﺮ ﺗﺎﻍ ﭘﺎﺩﯨﺸﺎﻫﻠﯩﻘﻰ ﻗﯘﺭﯗﭖ ، ﺳﺎﻟﺠﯘﻗﯩﻴﻼﺭ ﺳﯘﻻﻟﯩﺴﯩﻨﯩﯔ ﻫﻪﺭﺑﯩﻲ ﻫﯚﻛﯜﻣﺮﺍﻧﻠﯩﻘﯩﻐﺎ ﯞﻩ ﺋﯚﺯﯨﮕﻪ ﺩﯛﺷﻤﻪﻥ ﺑﻮﻟﻐﺎﻥ ﺑﺎﺷﻘﺎ ﺳﯩﻴﺎﺳﯩﻲ ، ﺩﯨﻨﯩﻲ ﻛﯜﭼﻠﻪﺭﮔﻪ ﻳﻮﺷﯘﺭﯗﻥ ﺋﯚﻟﺘﯜﺭﯛﺵ ، ﯞﻩﻫﯩﻤﻪ ﺳﯧﻠﯩﺶ ﻳﻮﻟﻰ ﺑﯩﻠﻪﻥ ﻗﺎﺭﺷﻰ ﺗﯘﺭﻏﺎﻥ . ﻣﯩﻼﺩﻯ 1094 - ﻳﯩﻠﻰ ﻣﯘﺳﺘﻪﻧﺴﯩﺮ ﺋﯚﻟﮕﻪﻧﺪﯨﻦ ﻛﯧﻴﯩﻦ ، ﭘﺎﺗﯩﻤﻪ ﺳﯘﻻﻟﯩﺴﯩﺪﯨﻜﻰ ﺋﯩﺴﻤﺎﺋﯩﻠﭽﯩﻠﻪﺭ ﺋﯩﭽﯩﺪﻩ ﺋﯩﻤﺎﻣﻠﯩﻖ ﺋﻮﺭﯗﻧﻐﺎ ﯞﺍﺭﯨﺴﻠﯩﻖ ﻗﯩﻠﯩﺶ ﻫﻮﻗﯘﻗﯩﻨﻰ ﺗﺎﻟﯩﺸﯩﭗ ﭼﻮﯓ ﺑﯚﻟﯜﻧﯜﺵ ﻳﯜﺯ ﺑﻪﺭﮔﻪﻥ . ﻣﯘﺳﺘﻪﺳﻨﯩﺮ ﺋﻪﺳﻠﯩﺪﻩ ﭼﻮﯓ ﺋﻮﻏﻠﻰ ﻧﯩﺴﺎﺭﯨﻨﻰ ﯞﺍﺭﯨﺲ ﻗﯩﻠﯩﭗ ﺑﻪﻟﮕﯩﻠﯩﮕﻪﻥ ﺑﻮﻟﺴﯩﻤﯘ ، ﻛﯧﻴﯩﻦ ﺋﯘﻧﯩﯔ ﻛﯩﭽﯩﻚ ﺋﻮﻏﻠﻰ ﺋﻪﺧﻤﻪﺕ ﺑﺎﺵ ﯞﻩﺯﯨﺮ ﺋﺎﻓﺪﺍﻟﻨﯩﯔ ﻳﯚﻟﯩﺸﻰ ﺑﯩﻠﻪﻥ ﺗﻪﺧﺘﻜﻪ ﭼﯩﻘﯩﭗ ، "ﻣﯘﺳﺘﺎﺭﻯ" ﺩﻩﭖ ﺋﺎﺗﺎﻟﻐﺎﻥ . ﻧﯩﺴﺎﺭﻯ ﻗﻮﺭﺍﻟﻠﯩﻖ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﭗ ﻣﻪﻏﻠﯘﺏ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺯﯨﻨﺪﺍﻧﻐﺎ ﺗﺎﺷﻠﯩﻨﯩﭗ ، ﺳﻮﻻﻗﺘﺎ ﺋﯚﻟﮕﻪﻥ . ﺋﯘ ﺋﯩﻜﻜﯩﻴﻠﻪﻧﻨﯩﯔ ﺋﯩﺨﻼﺳﻤﻪﻧﻠﯩﺮﻯ ﻣﯘﺳﺘﺎﺭﯨﭽﯩﻼﺭ ﯞﻩ ﻧﯩﺴﺎﺭﯨﭽﯩﻼﺭ ﺩﯦﮕﻪﻥ ﺋﯩﻜﻜﻰ ﮔﯘﺭﯗﻫ ﺑﻮﻟﯘﭖ ﺷﻪﻛﯩﻠﻠﻪﻧﮕﻪﻥ . ﻫﻪﺳﻪﻥ ﺳﺎﺑﺎﻫ ﺑﯩﻠﻪﻥ ﭘﯧﺮﺳﯩﻴﯩﺪﯨﻜﻰ ﺋﯩﺴﻤﺎﺋﯩﻠﯩﻴﯩﭽﯩﻠﻪﺭ ﻣﯘﺳﺘﺎﺭﯨﻨﯩﯔ ﯞﺍﺭﯨﺴﻠﯩﻖ ﻫﻮﻗﯘﻗﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ . ﺋﯩﻤﺎﻣﻠﯩﻖ ﺋﻮﺭﯗﻥ ﺑﻮﺵ ﻗﺎﻟﻐﺎﻥ ﻣﻪﺯﮔﯩﻠﺪﻩ ، ﻫﻪﺳﻪﻥ ﺳﺎﺑﺎﻫ ﻧﯩﺴﺎﺭﯨﭽﯩﻼﺭﻧﯩﯔ ﺋﻪﯓ ﻛﺎﺗﺘﺎ ﺭﻩﻫﺒﯩﺮﻯ ﺑﻮﻟﯘﭖ ﻗﺎﻟﻐﺎﻥ . ﺋﯘ ﺋﯚﻟﮕﻪﻧﺪﯨﻦ ﻛﯧﻴﯩﻦ ﺋﺎﻻﻣﯘﺕ ﺗﯧﻐﻰ ﭘﺎﺩﯨﺸﺎﻫﻠﯩﻘﯩﻨﯩﯔ 4 - ﺋﻪﯞﻻﺩ ﺭﻩﻫﺒﯩﺮﻯ ﻫﻪﺳﻪﻥ ﺋﺎﻟﻼ ﺯﯨﻜﺮﯨﻬ ﺳﺎﻻﻡ ﺋﯩﻤﺎﻡ ﺩﻩﭖ ﺋﯧﺘﯩﺮﺍﭖ ﻗﯩﻠﯩﻨﯩﺸﻘﺎ ﺑﺎﺷﻠﯩﻐﺎﻥ . ﺷﯘﻧﯩﯖﺪﯨﻦ ﺗﺎﺭﺗﯩﭗ ﻣﯩﻼﺩﻯ 1256 - ﻳﯩﻠﻰ ﻣﯘﯕﻐﯘﻝ ﺋﺴﺘﯧﻼﭼﯩﺴﻰ ﻫﯩﻼﻛﯘ ﺋﺎﻻﻣﯘﺕ ﻗﻪﻟﺌﻪﺳﯩﻨﻰ ﺋﯧﻠﯩﭗ ، ﺋﯩﻤﺎﻡ ﺭﯗﻓﯩﺪﯨﻦ ﻛﯘﺭﺷﺎﻫﻨﻰ ﻗﻪﺗﯩﻞ ﻗﯩﻠﻐﺎﻧﻐﺎ ﻗﻪﺩﻩﺭ ~ ﻧﯩﺴﺎﺭﯨﭽﯩﻼﺭﻏﺎ ﺋﺎﻻﻣﯘﺕ ﻗﻪﻟﺌﻪﺳﯩﻨﯩﯔ ﺭﻩﻫﺒﯩﺮﻯ ﺋﯩﻤﺎﻡ ﺑﻮﻟﻐﺎﻥ . ﺭﯗﻓﯩﺪﯨﻦ ﻛﯘﺭﺷﺎﻫﻨﯩﯔ ﺋﻮﻏﻠﻰ ﻣﯘﻫﻪﻣﻤﻪﺩ ﺷﻪﻣﺴﯩﺪﯨﻦ ( ﻛﯘﺭﺷﺎﻫﻨﯩﯔ ﻧﻪﯞﺭﯨﺴﻰ ﺩﯦﮕﻪﻧﻤﯘ ﮔﻪﭖ ﺑﺎﺭﻣﯩﺶ -- ﺋﺎﻳﭽﯩﯟﻩﺭ ) ﺋﻪﺯﻩﺭﺑﻪﻳﺠﺎﻧﻐﺎ ﻗﯧﭽﯩﭗ ﻛﻪﺗﻜﻪﻥ . ﺷﻪﻣﺴﯩﺪﯨﻨﺪﯨﻦ ﻛﯧﻴﯩﻦ ﺋﯩﻤﺎﻣﻠﯩﻖ ﺋﻮﺭﯗﻧﻐﺎ ﯞﺍﺭﯨﺴﻠﯩﻖ ﻗﯩﻠﯩﺶ ﻣﻪﺳﯩﻠﯩﺴﯩﺪﻩ ﻳﻪﻧﻪ ﺑﯚﻟﯜﻧﯜﺵ ﻳﯜﺯ ﺑﻪﺭﮔﻪﻥ . ﺑﯩﺮ ﺗﺎﺭﻣﺎﻗﻘﺎ ﻗﺎﺳﯩﻢ ﺷﺎﻫ ﯞﺍﺭﯨﺴﻠﯩﻖ ﻗﯩﻠﻐﺎﻥ ، ﺑﯩﺮ ﺗﺎﺭﻣﺎﻗﻘﺎ ﻣﯘﻫﻪﻣﻤﻪﺩ ﺷﺎﻫ ﯞﺍﺭﯨﺴﻠﯩﻖ ﻗﯩﻠﻐﺎﻥ .ﻗﺎﺳﯩﻢ ﺷﺎﻫ ﯞﺍﺭﯨﺴﻠﯩﻖ ﻗﯩﻠﻐﺎﻥ ﺗﺎﺭﻣﺎﻕ ﺑﯘﺭﯗﻥ ﺋﯩﺮﺍﻧﻨﯩﯔ ﻣﺎﺧﺎﺭﺍ ﺷﻪﻫﯩﺮﻯ ﻳﯧﻨﯩﺪﯨﻜﻰ ﺋﺎﻧﺰﻭﺩﯨﻦ ﻳﯧﺰﯨﺴﯩﺪﺍ ﯞﻩ ﺷﻪﻫﯩﺮﻯ ﺑﺎﺑﺎﻕ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺟﯩﻢ ﻳﺎﺗﻘﺎﻥ ، XVIII ﺋﻪﺳﯩﺮﺩﯨﻦ ﺑﺎﺷﻼﭖ ﺑﯘﺭﯗﻧﻘﻰ ﭘﯩﻨﻬﺎﻥ ﺗﯘﺭﻣﯘﺷﯩﺸﻨﻰ ﺋﯚﺯﮔﻪﺭﺗﯩﭗ ، ﺳﯩﻴﺎﺳﯩﻲ ﺳﻪﻫﻨﯩﮕﻪ ﭼﯩﻘﻘﺎﻥ . ﺑﯘ ﻧﻪﺳﻪﺑﻨﯩﯔ ﺋﯩﻤﺎﻣﻰ ﺋﻪﺑﯘ ﻫﻪﺳﻪﻥ ﺷﺎﻫ ﻣﯩﻼﺩﻯ 1756 - ﻳﯩﻠﺪﯨﻦ 1792 - ﻳﯩﻠﻐﯩﭽﻪ ﻛﯩﺮﻣﺎﻧﻨﯩﯔ ﺑﺎﺵ ﯞﺍﻟﯩﺴﻰ ﺑﻮﻟﻐﺎﻥ . ﺋﯘﻧﯩﯔ ﻧﻪﯞﺭﯨﺴﻰ ﻫﻪﺳﻪﻥ ﺋﻪﻟﻰ ﺷﺎﻫ ﻣﺎﺧﺮﺍﺗﻘﺎ ( ﺑﯘ ﻧﻪﺳﻪﺑﻨﯩﯔ 46 - ﺋﯩﻤﺎﻣﻰ -- ﺋﺎﻳﭽﯩﯟﻩﺭ ) ﭘﺎﺩﯨﺸﺎﻫ ﻓﺎﺱ ﺋﻪﻟﻰ "ﺋﺎﻏﺎﺧﺎﻥ" ﺩﯦﮕﻪﻥ ﻣﻪﺭﺗﯩﯟﯨﻨﻰ ﺑﻪﺭﮔﻪﻥ ، ﺑﯘ ﻣﻪﺭﺗﯩﯟﻩ ﺋﻪﯞﻻﺗﺘﯩﻦ - ﺋﻪﯞﻻﺩﻗﺎ ﻣﯩﺮﺍﺱ ﺑﻮﻟﯘﭖ ﻗﺎﻟﻐﺎﻥ . ﻫﻪﺳﻪﻥ ﺋﻪﻟﻰ ﺷﺎﻫ ﻛﯩﺮﻣﺎﻧﻨﻰ ﺋﯚﺯ ﺋﺎﻟﺪﯨﻐﺎ ﺳﻮﺭﺍﺷﻘﺎ ﺋﯘﺭﯗﻧﻐﺎﻥ ﺑﻮﻟﺴﯩﻤﯘ ، ﺋﻪﻣﻪﻟﮕﻪ ﺋﺎﺷﯘﺭﺍﻟﻤﺎﻱ ، ﻣﯩﻼﺩﻯ 1840 - ﻳﯩﻠﻰ ﭘﺎﻛﯩﺴﺘﺎﻧﻐﺎ ﻛﯚﭼﯜﭖ ﺑﯧﺮﯨﭗ ، ﻛﺎﺭﺍﭼﻰ ﯞﻩ ﻛﺎﻟﻜﻮﺗﺘﯩﺪﺍ ﺗﯘﺭﻏﺎﻥ ، ﻛﯧﻴﯩﻦ ﻫﯩﻨﺪﯨﺴﺘﺎﻧﻐﺎ ﻛﯚﭼﯜﭖ ﺑﯧﺮﯨﭗ ، ﺑﻮﻣﺒﺎﻳﻨﯩﯔ ﭘﯘﻧﺎ ﺩﯦﮕﻪﻥ ﻳﯧﺮﯨﺪﻩ ﻣﺎﻛﺎﻧﻼﺷﻘﺎﻥ . ﻣﯘﻫﻪﻣﻤﻪﺩ ﺷﺎﻫ ﻧﻪﺳﻪﺑﯩﺪﯨﻜﻰ ﻳﻪﻧﻪ ﺑﯩﺮ ﺗﺎﺭﻣﺎﻕ ﺩﯦﺮﻩﻣﺪﯨﻜﻰ ﻧﯩﺴﺎﺭﻯ ﮔﯘﺭﯗﻫﻰ ﺑﯩﻠﻪﻥ ﺑﻪﻏﻼﻧﻐﺎﻥ . ﺑﯘ ﻧﻪﺳﻪﺑﻨﯩﯔ ﺋﻪﯓ ﺩﺍﯕﻠﯩﻖ ﺋﯩﻤﺎﻣﻰ ﺷﺎﻫ ﺩﺍﺷﯩﺮ ﻫﯜﺳﻪﻳﯩﻦ ﺩﺍﻛﺎﻧﻰ ﺳﺎﻓﺎﯞﻯ ﭘﺎﺩﯨﺸﺎﻫﻠﯩﻘﯩﻨﯩﯔ ﺳﯘﻟﺘﺎﻧﻰ ﺗﻪﺭﯨﭙﯩﺪﯨﻦ ﭘﯧﺮﺳﯩﻴﯩﺪﯨﻦ ﺳﯜﺭﮔﯜﻥ ﻗﯩﻠﯩﻨﯩﭗ ، ﺩﺍﻣﻐﺎﻧﺪﯨﻜﻰ ﺋﻪﺧﻤﻪﺕ ﻧﺎﮔﺎﺭ ﺩﯦﮕﻪﻥ ﻳﻪﺭﮔﻪ ﻛﯧﻠﯩﭗ ، 1594 - ﻳﯩﻠﻰ ﺋﺎﻟﻪﻣﺪﯨﻦ ﺋﯚﺗﻜﻪﻥ . ﺑﯘ ﻧﻪﺳﻪﺑﻨﯩﯔ ﺋﯩﻤﺎﻣﻠﯩﻘﻰ ﺋﻪﻣﯩﺮ ﻣﯘﻫﻪﻣﻤﻪﺩ ﺑﺎﺟﯩﺮﻏﺎ ﻛﻪﻟﮕﻪﻧﺪﻩ ﺋﯜﺯﯛﻟﯜﭖ ﻗﺎﻟﻐﺎﻥ .
ﺋﻮﻏﯘﺯ ﺩﻩﺭﻳﺎﺳﻰ (ﺋﺎﻣﯘ ﺩﻩﺭﻳﺎﺳﯩﻨﻰ ﺩﯦﻤﻪﻛﭽﻰ -- ﺋﺎﻳﭽﯩﯟﻩﺭ ( ﻧﯩﯔ ﺑﯧﺸﯩﺪﯨﻜﻰ ﺋﯩﺴﻤﺎﺋﯩﻠﯩﻴﻪ ﻣﻪﺯﻫﯩﭙﻰ ﺋﺎﻻﻣﯘﺕ ﺩﻩﯞﺭﯨﺪﯨﻦ ﺑﯘﺭﯗﻧﻼ ﻧﯩﺴﺎﺭﯨﭽﯩﻼﺭﻧﯩﯔ ﺭﻩﻫﺒﻪﺭﻟﯩﻜﻨﻰ ﻗﻮﺑﯘﻝ ﻗﯩﻠﻐﺎﻥ ﻫﻪﻡ ﭘﯩﺸﯩﯟ ﻫﯚﻛﯜﻣﺮﺍﻧﻠﯩﻘﯩﺪﯨﻜﻰ ﺷﯘﻏﻨﺎﻥ ﺳﯘﻻﻟﯩﺴﯩﻨﻰ ﻗﯘﺭﻏﺎﻥ . ﻣﯩﻼﺩﻯ 1507 - ﻳﯩﻠﻰ ﻣﯘﻫﻪﻣﻤﻪﺩ ﺷﺎﻫ ﻧﻪﺳﻪﺑﯩﺪﯨﻜﻰ ﺷﺎﻫ ﺭﺍﺩﻳﺎﺩﯨﻦ ﺑﻪﺩﻩﺧﺸﺎﻧﻐﺎ ﺑﯧﺮﯨﭗ ، ﻛﯚﭖ ﻗﯩﺴﯩﻢ ﻳﻪﺭﻟﻪﺭﻧﻰ ﺳﻮﺭﯨﻐﺎﻥ . ﺋﻮﻥ ﻳﻪﺗﺘﯩﻨﭽﻰ ﺋﻪﺳﯩﺮﺩﻩ ﻣﯘﻫﻪﻣﻤﻪﺩ ﺷﺎﻫ ﻧﻪﺳﻪﺑﯩﺪﯨﻜﻰ ﻗﯘﺩﺍﻳﺒﻪﯨﺶ ﺩﯦﮕﻪﻥ ﻳﻪﻧﻪ ﺑﯩﺮ ﺋﯩﻤﺎﻡ ﺑﻪﺩﻩﺧﺸﺎﻧﻐﺎ ﻣﺎﻛﺎﻧﻠﯩﺸﯩﭗ ، 1664 - ﻳﯩﻠﻰ ﯞﺍﭘﺎﺕ ﺑﻮﻟﻐﺎﻥ . ﺋﯩﺴﻤﺎﺋﯩﻠﯩﻴﻪ ﺟﺎﻣﺎﺋﻪﺳﯩﮕﻪ ﺷﯘ ﻳﻪﺭﺩﯨﻜﻰ ﻣﯚﺗﯩﯟﻩﺭﻟﻪﺭ ﺳﯘﻻﻟﯩﺴﻰ ﺩﺍﯞﺍﻣﻠﯩﻖ ﺭﻩﻫﺒﻪﺭﻟﯩﻚ ﻗﯩﻠﻐﺎﻥ .XIX ﺋﻪﺳﯩﺮﮔﻪ ﻛﻪﻟﮕﻪﻧﺪﻩ ، ﺑﻪﺩﻩﺧﺸﺎﻧﺪﯨﻜﻰ ﺋﯩﺴﻤﺎﺋﯩﻠﯩﻴﻪ ﻣﯘﺧﻠﯩﺴﻠﯩﺮﯨﻨﯩﯔ ﻛﯚﭖ ﻗﯩﺴﻤﻰ ﻗﺎﺳﯩﻢ ﺷﺎﻫ ﻧﻪﺳﻪﺑﯩﮕﻪ ﺋﯚﺗﯜﭖ ، ﺋﺎﻏﺎﺧﺎﻥ ﻧﻪﺳﻪﺑﻨﺎﻣﯩﺴﯩﻨﻰ ﺋﻮﻣﯘﻣﻴﯜﺯﻟﯜﻙ ﻗﻮﺑﯘﻝ ﻗﯩﻠﻐﺎﻥ . ﺑﯘ ﺋﯚﺯﮔﯜﺭﯛﺵ ﻣﯘﻫﻪﻣﻤﻪﺩ ﺷﺎﻫ ﻧﻪﺳﻪﺑﯩﺪﯨﻜﻰ ﺋﯩﻤﺎﻣﻼﺭﻧﯩﯔ ﯞﺍﺭﯨﺴﻠﯩﻘﯩﻨﯩﯔ ﺋﯜﺯﯛﻟﯜﭖ ﻗﯧﻠﯩﺸﻰ ﯞﻩ ﺋﺎﻏﺎﺧﺎﻥ I ﻧﯩﯔ ﻫﯩﻨﺪﯨﺴﺘﺎﻧﻐﺎ ﻛﯚﭼﯜﭖ ﻛﯧﺘﯩﺸﻰ ﺋﺎﺭﻗﯩﺴﯩﺪﺍ ﻗﺎﺳﯩﻢ ﺷﺎﻫ ﻧﻪﺳﻪﺑﯩﻨﯩﯔ ﺗﻪﺳﯩﺮﯨﻨﯩﯔ ﻛﯧﯖﯩﻴﯩﭗ ﻛﻪﺗﻜﻪﻧﻠﯩﻜﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﺴﺎ ﻛﯧﺮﻩﻙ .
ﺋﯧﻠﯩﻤﯩﺰ ﺗﺎﺟﯩﻜﻠﯩﺮﻯ ﺋﯩﭽﯩﺪﯨﻜﻰ ﺋﯩﺴﻤﺎﺋﯩﻠﯩﻴﯩﻨﯩﯔ ﺋﯚﺯﮔﯜﺭﯛﺷﻰ ﺑﻪﺩﻩﺧﺸﺎﻥ ﺭﺍﻳﻮﻧﯩﻨﯩﯔ ﺋﻪﻫﯟﺍﻟﻰ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻐﺎﻥ ، ﺋﯩﺠﺘﯩﻤﺎﺋﯩﻲ ، ﺗﺎﺭﯨﺨﯩﻲ ﺗﻪﻛﺸﯜﺭﯛﺷﻠﻪﺭﺩﯨﻦ ﻗﺎﺭﯨﻐﺎﻧﺪﺍ ، XVI ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﺍ ﺳﻪﺋﯩﺪﺳﯜﺭﻩ ﺩﯦﮕﻪﻥ ﺑﯩﺮ ﺋﯩﺸﺎﻥ ﺋﯩﺮﺍﻧﺪﯨﻦ ﭘﺎﻣﯩﺮ ﺭﺍﻳﻮﻧﯩﻐﺎ ﺋﯩﺴﻤﺎﺋﯩﻠﯩﻴﻪ ﻣﻪﺯﻫﯩﭙﯩﻨﯩﯔ ﺋﻪﻗﯩﺪﯨﺴﯩﻨﻰ ﺗﺎﺭﻗﺎﺗﻘﯩﻠﻰ ﻛﻪﻟﮕﻪﻧﺪﻩ ، 70 ﺋﻪﺳﻜﻪﺭﻧﻰ ﺑﺎﺷﻼﭖ ﺗﺎﺷﻘﯘﺭﻏﺎﻧﻐﺎ ﺑﯧﺮﯨﭗ ، ﺋﯘ ﻳﻪﺭﻧﯩﯔ ﻫﯚﻛﯜﻣﺪﺍﺭﻯ ﺟﺎﻫﺎﻧﮕﯩﺮ ﺑﯩﻠﻪﻥ ﺋﻪﻟﻪﻣﮕﻪﺭﻧﻰ ﺋﯚﻟﺘﯜﺭﯛﭖ ، ﺋﯚﺯﻯ ﺳﻪﺋﯩﺪ ﺷﺎﺭﯨﺨﺎﻥ ﺑﻮﻟﯩﯟﺍﻟﻐﺎﻥ . ﺋﯘ ﻧﯩﺴﺎﺭﯨﭽﯩﻼﺭﻧﯩﯔ ﻣﯘﻫﻪﻣﻤﻪﺩ ﺷﺎﻫ ﻧﻪﺳﻪﺑﯩﺪﯨﻜﻰ ﺩﯨﻦ ﺗﺎﺭﻗﺎﺗﻘﯘﭼﯩﺴﻰ ﺑﻮﻟﺴﺎ ﻛﯧﺮﻩﻙ . ﻛﯧﻴﯩﻨﻜﻰ ﯞﺍﻗﯩﺘﺘﺎ ﺷﯩﻨﺠﺎﯓ ﺗﺎﺟﯩﻜﻠﯩﺮﻯ ﺋﯩﺴﻤﺎﺋﯩﻠﯩﻴﯩﻨﻰ ﺗﺎﺷﻼﭖ ، ﻗﺎﺳﯩﻢ ﻧﻪﺳﻪﺑﯩﮕﻪ ﺑﻪﻳﺌﻪﺕ ﻗﯩﻠﻐﺎﻥ . XIX ﺋﻪﺳﯩﺮﻧﯩﯔ ﺋﺎﺧﯩﺮﻟﯩﺮﯨﺪﺍ ﺋﺎﻏﺎﺧﺎﻥ II , ﺋﺎﻏﺎ ﺋﻪﻟﻰ ﺷﺎﻫ (ﻗﺎﺳﯩﻢ ﻧﻪﺳﻪﺑﯩﻨﯩﯔ 47 - ﺋﯩﻤﺎﻣﻰ ) ﻛﯧﻠﯩﭗ ﺗﺎﺷﻘﻮﺭﻏﺎﻧﻨﻰ ﻛﯚﺯﺩﯨﻦ ﻛﻪﭼﯜﺭﮔﻪﻥ . ﺑﯘ ﭼﺎﻏﺪﺍ ﺋﯘﻧﯩﯔ ﻣﯘﺭﯨﺘﻠﯩﺮﻯ ، ﺗﺎﺟﯩﻚ ﻣﯘﺳﯘﻟﻤﺎﻧﻼﺭ ﺑﻪﺩﻩﻝ ﺩﺍﯞﺍﻧﻐﯩﭽﻪ ﺋﺎﻟﺪﯨﻐﺎ ﺑﯧﺮﯨﭗ ﻗﺎﺭﺷﻰ ﺋﺎﻟﻐﺎﻥ . ﺷﯘﻧﯩﯔ ﺑﯩﻠﻪﻥ ﺑﯘ ﻳﻪﺭ " ﺋﺎﻏﺎ ﻗﻪﺩﻩﻡ ﺟﺎﻱ " ﺩﻩﭖ ﺋﺎﺗﯩﻠﯩﭗ ، ﺗﺎﺟﯩﻚ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﺑﯘ ﺋﯩﻤﺎﻣﻨﻰ ﺧﺎﺗﯩﺮﻟﻪﻳﺪﯨﻐﺎﻥ ﺟﺎﻳﻐﺎ ﺋﺎﻳﻼﻧﻐﺎﻥ . ﻛﯩﺸﯩﻠﻪﺭ ﺑﯘ ﻳﻪﺭﺩﯨﻦ ﺋﯚﺗﻜﻪﻧﺪﻩ ﺋﯘﻻﻏﺪﯨﻦ ﭼﯜﺷﯜﭖ ~ ﺩﯗﺋﺎ ﻗﯩﻠﯩﭗ ، ﺳﻪﺩﯨﻘﻪ ﺑﯧﺮﯨﭗ ﺋﯚﺗﯩﺪﯨﻐﺎﻥ ﺑﻮﻟﻐﺎﻥ .
ﻧﺎﺳﯩﺮ ﺧﯘﺳﺮﺍﯞﺩﯨﻦ ﻛﯧﻴﯩﻦ ﭘﺎﻣﯩﺮ ﺗﺎﺟﯩﻜﻠﯩﺮﻯ ﺋﺎﺭﯨﺴﯩﺪﯨﻜﻰ ﺋﯩﺴﻤﺎﺋﯩﻠﯩﻴﻪ ﻣﻪﺯﻫﯩﭙﯩﺪﻩ ﺑﯩﺮ ﻗﺎﺗﺎﺭ ﺋﯚﺯﮔﯜﺭﯛﺵ ﻳﯜﺯ ﺑﻪﺭﮔﻪﻥ ﺑﻮﻟﺴﯩﻤﯘ ، ﻟﯧﻜﯩﻦ ﻧﯩﺴﺎﺭﯨﭽﯩﻼﺭ ﻧﺎﺳﯩﺮ ﺧﯘﺳﺮﺍﯞ ﺋﯩﺪﯨﻴﯩﺴﯩﻨﯩﯔ ﺋﻮﺭﻧﯩﻨﻰ ﺋﯩﻨﻜﺎﺭ ﻗﯩﻠﻤﯩﻐﺎﻥ .
ﻧﺎﺳﯩﺮ ﺧﯘﺳﺮﺍﯞﻧﯩﯔ ﺩﯨﻨﯩﻲ ﺋﺎﺑﺮﻭﻳﻰ ﺟﻮﯕﮕﻮ ﺗﺎﺟﯩﻜﻠﯩﺮﻯ ﺋﯩﭽﯩﺪﻩ ﺋﯘﺯﺍﻗﻘﯩﭽﻪ ﺳﺎﻗﻼﻧﻐﺎﻥ . ﺋﯘﻧﯩﯔ "ﭼﯩﺮﺍﻍ ﺋﺎﻳﻪﺕ" ﺩﯦﮕﻪﻥ ﺋﻪﺳﯩﺮﻯ ﺗﺎﺟﯩﻜﻼﺭﻧﯩﯔ ﺩﯨﻨﯩﻲ ﺗﯘﺭﻣﯘﺷﯩﻨﯩﯔ ﻳﯧﺘﻪﻛﭽﯩﺴﻰ ، ﺩﻩﭖ ﺋﯘﻟﯘﻏﻼﻧﻐﺎﻥ . ﺗﺎﺟﯩﻜﻼﺭ ﻣﯧﻴﯩﺖ ﻳﻪﺭﻟﯩﻜﯩﺪﻩ ﻗﻮﻳﯘﻟﻐﺎﻥ ﻛﯜﻧﻰ ﻛﯧﭽﯩﺴﻰ ﭼﯩﺮﺍﻍ ﺗﯩﻼﯞﯨﺘﻰ ﻗﯩﻠﯩﺪﯗ ، ﺧﻪﻟﯩﭙﻪ ﭼﯩﺮﺍﻏﺪﺍ ﺧﻪﺗﻤﻪ ﻗﯘﺭﺋﺎﻥ ﻗﯩﻠﯩﺪﯗ ، "ﭼﯩﺮﺍﻍ ﺋﺎﻳﻪﺕ" ﺷﯘﻧﯩﯖﺪﯨﻦ ﻛﻪﻟﮕﻪﻥ . "ﭼﯩﺮﺍﻍ ﺋﺎﻳﻪﺕ" ﺗﻪ ﺋﯚﻟﮕﯜﭼﯩﻨﯩﯔ ﺋﯘ ﺋﺎﻟﻪﻣﺪﻩ ﻛﯚﺭﯨﺪﯨﻐﺎﻥ ﻛﯜﻧﻰ ﺑﺎﻳﺎﻥ ﻗﯩﻠﯩﻨﯩﺪﯗ ، ﺋﯚﻟﮕﯜﭼﯩﻨﯩﯔ ﺋﺎﺧﯩﺮﻩﺗﻠﯩﻜﯩﻨﯩﯔ ﺋﻮﺑﺪﺍﻥ ﺑﻮﻟﯘﺷﯩﻐﺎ ﺗﯩﻜﻪﻛﺪﺍﺷﻠﯩﻖ ﺑﯩﻠﺪﯛﺭﯨﻠﯩﺪﯗ . ﺋﯧﻴﺘﯩﻠﯩﺸﯩﭽﻪ ، "ﭼﯩﺮﺍﻍ ﺋﺎﻳﻪﺕ" ﺋﻮﻗﯘﻟﻤﯩﺴﺎ ، ﺋﯚﻟﮕﯜﭼﯩﻨﯩﯔ ﻳﻪﺭﻟﯩﻜﻰ ﻳﺎﺧﺸﻰ ، ﺋﺎﺧﯩﺮﻩﺗﻠﯩﻜﻰ ﺗﯩﻨﭻ ﺑﻮﻟﻤﺎﺳﻤﯩﺶ . ﺷﯘﯕﺎ ﺗﺎﺟﯩﻜﻼﺭ ﺋﯘﻧﻰ ﺑﻪﻙ ﺋﯘﻟﯘﻏﻼﻳﺪﯗ ، ﺑﯘﻧﯩﯖﺪﯨﻦ ﺑﺎﺷﻘﺎ ﺑﯩﺮﻣﯘﻧﭽﻪ ﻧﻪﺯﯨﺮ - ﭼﯩﺮﺍﻍ ﭘﺎﺋﺎﻟﯩﻴﻪﺗﻠﯩﺮﯨﺪﻩ ﺗﺎﺟﯩﻜﻼﺭ ﻣﯘﺭﺍﺳﯩﻤﻨﯩﯔ ﺋﺎﻳﺎﻏﻼﺷﻘﺎﻧﻠﯩﻘﯩﻨﻰ ﻧﺎﺳﯩﺮ ﺧﯘﺳﺮﺍﯞﻧﯩﯔ ﻧﺎﻣﻰ ﺑﯩﻠﻪﻥ ﺋﯧﻼﻥ ﻗﯩﻠﯩﺪﯗ ، ﻫﻪﺗﺘﺎ ﻣﻪﻣﻠﯩﻜﯩﺘﯩﻤﯩﺰﺩﯨﻜﻰ ﺗﺎﺟﯩﻜﻼﺭ ﺋﯩﭽﯩﺪﯨﻤﯘ ﻧﯘﺭﻏﯘﻥ ﺩﯨﻨﯩﻲ ﺯﺍﺗﻼﺭ ﺋﯚﺯﯨﻨﻰ ﺗﺎﺷﻘﻮﺭﻏﺎﻧﻐﺎ ﻧﺎﺳﯩﺮ ﺧﯘﺳﺮﺍﯞ ﺑﯩﻠﻪﻥ ﺑﯩﻠﻠﻪ ﺩﯨﻦ ﺗﻪﺷﯟﯨﻖ ﻗﯩﻠﯩﺸﻘﺎ ﻛﻪﻟﮕﻪﻥ ﺩﯨﻨﯩﻲ ﻣﻪﺭﯨﭙﻪﺗﭽﯩﻠﻪﺭﻧﯩﯔ ﺋﻪﯞﻻﺩﻯ ، ﺩﻩﻳﺪﯗ .
ﺋﯩﺠﺘﯩﻤﺎﺋﯩﻲ ، ﺗﺎﺭﯨﺨﻲ ﺗﻪﻛﺸﯜﺭﯛﺷﻜﻪ ﺋﺎﺳﺎﺳﻼﻧﻐﺎﻧﺪﺍ ، ﺷﯩﻨﺠﺎﯕﺪﯨﻜﻰ ﺗﺎﺟﯩﻜﻼﺭ ﺋﯧﺘﯩﻘﺎﺩ ﺋﯩﺪﯨﻴﯩﺴﯩﻨﯩﯔ ﺟﻪﻫﻪﺗﺘﻪ ﺋﺎﺩﻩﻡ ﺋﯚﻟﮕﻪﻧﺪﻩ ﺭﻭﻫ ﺋﯚﻟﻤﻪﻳﺪﯗ ، ﻳﺎﺧﺸﻰ ﺋﯩﺶ ﻗﯩﻠﻐﺎﻧﻼﺭ ﻳﺎﺧﺸﯩﻠﯩﻖ ﻛﯚﺭﯨﺪﯗ ، ﻳﺎﻣﺎﻥ ﺋﯩﺶ ﻗﯩﻠﻐﺎﻧﻼﺭ ﻳﺎﻣﺎﻧﻠﯩﻖ ﻛﯚﺭﯨﺪﯗ ؛ ﻛﯚﭖ ﻳﺎﺧﺸﻰ ﺋﯩﺶ ﻗﯩﻠﻐﺎﻧﻼﺭﻧﯩﯔ ﺋﻪﺭﯞﺍﻫﻰ ﺟﻪﻧﻨﻪﺗﻜﻪ ﻛﯩﺮﯨﺪﯗ ، ﺟﻪﻧﻨﻪﺕ ﺗﻮﻗﻘﯘﺯ ﻗﺎﺕ ﺋﺎﺳﻤﺎﻧﻨﯩﯔ ﺋﯜﺳﺘﯩﺪﻩ ﺑﻮﻟﯩﺪﯗ ، ﺟﻪﻧﻨﻪﺗﻜﻪ ﻛﯩﺮﮔﻪﻧﻠﻪﺭ ﭘﻪﻳﻐﻪﻣﺒﻪﺭﻧﯩﯔ ﺩﻩﺭﮔﺎﻫﯩﻐﺎ ﺑﺎﺭﯨﺪﯗ ، ﺋﻪﺑﻪﺩﯨﻠﺌﻪﺑﻪﺕ ﺑﻪﺧﺘﻠﯩﻚ ﺑﻮﻟﯩﺪﯗ ؛ ﻳﺎﻣﺎﻧﻠﯩﻖ ﻗﯩﻠﻐﺎﻧﻼﺭﻣﯘ ﺋﯚﻟﮕﻪﻧﺪﯨﻦ ﻛﯧﻴﯩﻦ ﺋﺎﺳﻤﺎﻧﻐﺎ ﭼﯩﻘﯩﺪﯗ ، ﺋﻪﻣﻤﺎ ﺟﻪﻧﻨﻪﺗﻜﻪ ﻳﯧﺘﯩﭗ ﺑﺎﺭﺍﻟﻤﺎﻱ ، ﻳﻪﺗﺘﻪ ﻗﻪﯞﻩﺕ ﺋﺎﺳﻤﺎﻧﻐﺎ ﭼﯩﻘﯩﭙﻼ ﻳﺎﻣﻐﯘﺭ ، ﻗﺎﺭ ﺑﻮﻟﯘﭖ ﻳﻪﺭﮔﻪ ﭼﯜﺷﯩﺪﯗ ؛ ﻳﻪﺭﻣﯘ ﺗﻮﻗﻘﯘﺯ ﻗﺎﺕ ﺑﻮﻟﯩﺪﯗ ، ﻳﺎﻣﻐﯘﺭ ، ﻗﺎﺭ ﻳﻪﺭﮔﻪ ﭼﯜﺷﻜﻪﻧﺪﻩ ﺗﻮﭘﯩﻐﺎ ﺳﯩﯖﯩﭗ ، ﭘﺎﺗﻘﺎﻕ ﺑﻮﻟﯘﭖ ، ﮔﯩﻴﺎﻫﻘﺎ ﺋﺎﻳﻠﯩﻨﯩﺪﯗ ، ﮔﯩﻴﺎﻫ ﭼﺎﺭﯞﯨﻐﺎ ﺋﻮﺯﯗﻕ ﺑﻮﻟﯩﺪﯗ ، ﭼﺎﺭﯞﯨﻨﯩﯔ ﻗﻮﺭﺳﯩﻘﻰ ﺩﻭﺯﺍﺧﺘﯘﺭ ؛ ﻳﺎﻣﺎﻧﻠﯩﻖ ﻗﯩﻠﻐﺎﻧﻼﺭ ﺋﻪﻧﻪ ﺷﯘ ﻳﻪﺭﺩﻩ ﺋﺎﺯﺍﺏ ﭼﯧﻜﯩﺪﯗ ، ﺑﻪﺯﯨﻠﯩﺮﻯ ﻗﺎﻏﺎ - ﻗﯘﺯﻏﯘﻧﻐﺎ ﺋﺎﻳﻠﯩﻨﯩﺪﯗ ، ﺑﻪﺯﯨﻠﯩﺮﻯ ﺋﯧﺸﻪﻙ ، ﺗﯚﮔﻪ ، ﺋﯩﺖ ، ﻗﻮﻱ ، ﻛﺎﻻ ﻗﺎﺗﺎﺭﻟﯩﻖ ﻫﺎﻳﯟﺍﻧﻼﺭﻏﺎ ﺋﺎﻳﻠﯩﻨﯩﭗ ﺋﺎﺩﻩﻡ ﺗﻪﺭﯨﭙﯩﺪﯨﻦ ﺋﯩﺸﻠﯩﺘﯩﻠﯩﺪﯗ ، ﺩﻩﭖ ﻗﺎﺭﯨﻐﺎﻥ . ﺗﺎﺟﯩﻜﻼﺭﻧﯩﯔ ﺋﯩﺴﻤﺎﺋﯩﻠﯩﻴﻪ ﻣﻪﺯﻫﯩﭙﻰ ﺋﯧﺘﯩﻘﺎﺩﯨﻨﻰ ﺳﺎﯞﺍﺑﻠﯩﻖ ﺋﯩﺶ ﻗﯩﻠﯩﺶ ﺑﯩﻠﻪﻥ ﻣﺎﺳﻼﺷﺘﯘﺭﯗﭖ ، ﺗﺎﺟﯩﻚ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﺋﯩﺒﺎﺩﻩﺕ ، ﺟﺎﻫﺎﻧﺪﺍﺭﭼﯩﻠﯩﻖ ﻳﻮﻟﯩﻨﻰ ﮔﻪﯞﺩﯨﻠﻪﻧﺪﯛﺭﮔﻪﻥ . ﺗﺎﺟﯩﻜﻼﺭﺩﺍ ﻣﺎﺯﺍﺭﻏﺎ ﭼﻮﻗﯘﻧﯘﺵ ﺧﯧﻠﻰ ﺋﻮﻣﯘﻣﻼﺷﻘﺎﻥ .................
ﻣﻪﻧﺒﻪ : ﮬﺎﺟﻰ ﻧﯘﺭﮬﺎﺟﻰ ﺑﯩﻠﻪﻥ ﭼﯧﻦ ﮔﻮﮔﯘﺍﯓ ﺑﯩﺮﻟﯩﺸﯩﭗ ﻳﺎﺯﻏﺎﻥ " ﺷﯩﻨﺠﺎﯓ ﺋﯩﺴﻼﻡ ﺗﺎﺭﯨﺨﻰ" ﻧﺎﻣﻠﯩﻖ ﻛﯩﺘﺎﺏ .