|
|
|
|
ئاشىق نىداسى
شەھلا كۆزۈڭ قامال قىلدى يۈرەكنى ،
سۇمبۇل چېچىڭ باغلاپ مېنى سۆيگۈگە.
كېچىلەردە ياتالمىدىم تولغىنىپ،
ھىجران كۈيى چىللار مېنى ئۆلۈمگە.
تال چىۋىقتەك بويلىرىڭدىن ئايلىنىپ،
چىدالمىدىم يىراقلارغا كېتىشكە.
كاككۇك كۈتەر ئاشىقىنى بىر ئۆمۈر،
سەۋرى يوقتۇر مەندە ئۇنداق كۈتۈشكە.
جان تىنىمدىن چىقىپ كېتەر ھەر قېتىم،
كىرپىكلىرىڭ سانجىلغاندا يۈرەككە.
دەرتلىرىمنى تۆكۈپ بەردىم چىدىماي،
قارچۇغۇمدا قېتىپ قالغان سۈرەتكە.
شۇنچە بېغەم يۈرمەكتىسەن پەرۋاسىز،
كۆزلىرىمگە قاراپ سىرنى بىلەلمەي.
مۇز ئاستىغا كىرىپ كەتتى قاپىقىم،
يا ئېچىلىپ بىر نۆۋەتمۇ كۈلەلمەي.
ھىجران كۈيى قان-قېنىمغا سىڭىشىپ،
توختاپ قالدى تومۇرۇمدا ئاققان قان.
نە قىلايمەن بۇ ھاياتنى قەدىرلەپ،
سەنسىز ماڭا جان بى كېرەك ئەي جانان.
مەنبە: ئۆز قەلىمىم
تەھرىردىن ئەسكەرتمە:ئىملاغا دىققەت قىلىڭ. |
|
|
|
|
|
|