ئىراق ھەققىدە چۈشەنچە

kapsiz

	دۆلەت بايرىقى 　　دۆلەت مۇستەقىل بولغان كۈن: 30-ئىيۇن (2009-يىلى 30-ئىيۇن)، ئىراقتا تۇرۇشلۇق ئامېرىكا ئارمىيەسىنىڭ جەڭگىۋار قىسىملىرى ئىراقنىڭ شەھەر-بازارلىرىدىن پۈتۈنلەي چېكىنىپ چىققان ۋاقىت).دۆلەت ئەربابلىرى: زۇڭتۇڭ جالال ئەل تالابانى، 2006-يىلى 4-ئايدا قايتا سايلانغان، 2010-يىلى 11-ئايدا داۋاملىق ۋەزىپىگە ئولتۇرغان؛ زۇڭلى جاۋاد مالىكىي، 2006-يىلى 4-ئايدا ۋەزىپىگە ئولتۇرغان، 2010-يىلى 11-ئايدا قايتا ۋەزىپىگە ئولتۇرغان. پارلامېنت باشلىقى ئاياد ئەل سامارايى 2009-يىلى 4-ئايدا سايلانغان. ئىراقتا مەملىكەتلىك پارلامېنت سايلىمى 2010-يىلى 7-مارت ئۆتكۈزۈلدى. 　　تەبىئىي جۇغراپىيەلىك شارائىتى: ئاسىيانىڭ غەربىي جەنۇبىغا، ئەرەب يېرىم ئارىلىنىڭ شەرقىي شىمال قىسمىغا جايلاشقان. يەر كۆلىمى 441 مىڭ 839 كىۋادرات كىلومېتىر. شىمالدا تۈركىيە، شەرقتە ئىران، غەربتە سۈرىيە، ئىيوردانىيە بىلەن، جەنۇبتا سەئۇدى ئەرەبىستان، كۇۋەيت بىلەن، شەرقىي جەنۇبتا پارس قولتۇقى بىلەن چېگرىلىنىدۇ. دېڭىز قىرغىقىنىڭ ئۇزۇنلۇقى 60 كىلومېتىر. دېڭىز تېررىتورىيەسىنىڭ كەڭلىكى 12 دېڭىز مىلى. غەربىي جەنۇبى ئەرەب ئېگىزلىكىنىڭ بىر قىسمى بولۇپ، شەرقىي قىسىمدىكى تۈزلەڭلىكلەرگە قاراپ پەسىيىپ ماڭىدۇ؛ شەرقىي شىمال قىسمىدا كۇرد تاغلىقى، غەربىدە قۇملۇق بار، ئېگىزلىك ۋە تاغلىق رايون ئوتتۇرىسىدا دۆلەت زېمىنىنىڭ كۆپ قىسمىنى ئىگىلەيدىغان مىسسوپوتامىيە تۈزلەڭلىكى بولۇپ، كۆپ قىسىم جايلىرىنىڭ دېڭىز يۈزىدىن ئېگىزلىكى 100 مېتىرغا يەتمەيدۇ. فىرات ۋە دەجلە دەرياسى غەربىي شىمالدىن شەرقىي جەنۇبقا پۈتۈن تۈزلەڭلىكنى كېسىپ ئۆتىدۇ، ئىككى دەريا كۇناردا قوشۇلۇپ شاد ئەل ئەرەب دەرياسىنى ھاسىل قىلىپ، پارس قولتۇقىغا قۇيۇلىدۇ. شەرقىي شىمالىدىكى تاغلىق رايونلار ئوتتۇرا دېڭىز ئىقلىمىغا، باشقا جايلار تروپىك بەلۋاغ قۇملۇق ئىقلىمىغا كىرىدۇ. ياز پەسلىدىكى ئەڭ يۇقىرى تېمپېراتۇرا ℃50تىن ئاشىدۇ، قىش پەسلىدىكى تېمپېراتۇرا ℃0 ئەتراپىدا بولىدۇ. ھۆل-يېغىن مىقدارى نىسبەتەن ئاز، يىللىق ئوتتۇرىچە ھۆل-يىغىن مىقدارى جەنۇبتىن شىمالغا قاراپ 100-500 مىللىمېتىرغىچە بولىدۇ، شىمالىي تاغلىق قىسىم رايونلىرىدا 700 مىللىمېتىرغا يېتىدۇ. 　　نوپۇسى: 29 مىليون 400 مىڭ (2006) بولۇپ، بۇنىڭ ئىچىدە ئەرەبلەر پۈتۈن مەملىكەت ئومۇمىي نوپۇسىنىڭ %78ىنى (شىئە مەزھىپىدىكىلەر %60، سۈننىي مەزھىپىدىكىلەر %18)، كۇردلار %18نى ئىگىلەيدۇ. قالغانلىرى تۈركلەر، ئەرمەنلەر، ئاسسۇرىيلار، يەھۇدىيلار ۋە پارسلار. ھۆكۈمەت تىلى ئەرەب تىلى بولۇپ، شىمالدىكى كۇردلار رايونىنىڭ ھۆكۈمەت تىلى كۇرد تىلى، شەرقىي قىسمىدىكى بىر قىسىم قەبىلىلەر پارس تىلىدا سۆزلىشىدۇ. ئىنگلىز تىلى ئورتاق قوللىنىلىدۇ. ئىراق ئىسلام دۆلىتى بولۇپ، ئىسلام دىنىنى دۆلەت دىنى قىلىپ بېكىتكەن. پۈتۈن مەملىكەتتىكى %95 ئادەم ئىسلام دىنىغا ئېتىقاد قىلىدۇ، بۇنىڭ ئىچىدە، شىئە مەزھىپىگە ئېتىقاد قىلىدىغانلار %54.5نى، سۈننىي مەزھىپىگە ئېتىقاد قىلىدىغانلار %40.5نى ئىگىلەيدۇ، شىمالىي قىسمىدىكى كۇردلارمۇ ئىسلام دىنىغا ئېتىقاد قىلىدۇ، ئۇلارنىڭ كۆپ قىسمى سۈننىي مەزھىپىگە تەۋە، پەقەت ئاز بىر قىسىم كىشىلا خرىستىئان ياكى يەھۇدىي دىنىغا ئېتىقاد قىلىدۇ. 　　پايتەختى: باغدات، نوپۇسى 6 مىليون 307 مىڭ (2004-يىلدىكى مۆلچەر سان) 　　مەمۇرىي رايونلار: پۈتۈن دۆلەت 18 ئۆلكىگە بۆلۈنىدۇ، ئۆلكە قارمىقىدا ناھىيە، يېزا، كەنتلەر بار. بۇ 18 ئۆلكە ئەنبار، ئەربىل، بابىل، مۇساننا، باغدات، نەجەف، بەسرە، نىنەۋە، زىقار، قادىسىيەھ، دىيالا، سالاھىددىن، دخۇك، سۇلايمانىيەھ، كەربالا، تەمىم، مىسان، ۋاسىتتىن ئىبارەت. 　　قىسقىچە تارىخى: ئىراق ئۇزاق تارىخقا ئىگە دۆلەت بولۇپ، ئىككى دەريا ۋادىسى دۇنيانىڭ قەدىمكى مەدەنىيەت بۆشۈكلىرىدىن بىرى، مىلادىيەدىن 4700 يىل بۇرۇنلا بۇ يەردە دۇنيادىكى تۇنجى شەھەر − ئۇرۇك قەد كۆتۈرگەن. مىلادىيەدىن ئىلگىرىكى 2000-يىلنىڭ ئالدى-كەينىدە «تۆت چوڭ مەدەنىيەتلىك قەدىمكى دۆلەت»نىڭ بىرى دەپ ئاتالغان بابىلۇن خانلىقى، ئاسسۇرىيە خانلىقى ۋە كېيىنكى بابىلۇن خانلىقى قۇرۇلغان. مىلادىيەدىن ئىلگىرىكى 550-يىلى پېرسىيە ئىمپېرىيەسى تەرىپىدىن ئاغدۇرۇلغان، مىلادىيە 7-ئەسىردە ئەرەب ئىمپېرىيەسى تەرىپىدىن قوشۇۋېلىنغان. 16-ئەسىردە ئوسمانلى ئىمپېرىيەسىنىڭ ھۆكۈمرانلىقىغا ئۆتكەن. 1921-يىلى 8-ئايدا مۇستەقىللىق جاكارلاپ، ئىراق پادىشاھلىقىنى قۇرغان، ئەنگلىيەنىڭ قوغدىشى ئاستىدا فايسال خانىدانلىقىنى قۇرغان. 1932-يىلى تولۇق مۇستەقىل بولغان. مەنبە؛خەلق گېزىتى تورى http://uyghur.people.com.cn/165019/15140353.html

Kikax

	دۆلەت مۇستەقىل بولغان كۈن: 30-ئىيۇن (2009-يىلى 30-ئىيۇن)، ئۇنىڭ ئالدىدا ئىراق مۇستەقىل ئەمەسمىتى ؟ بېلىدىغانلار بولسا تەپسىلى چۈشەندۈرۈپ بەرسەڭلار . قىزىقىپ قالدىم

yarkn

	ئېراق -  ئىنسان ھاياتىنىڭ قىمىتى ئەڭ پاخال بولغان زىمىن . چۇنكى بۇ زىمىندا ئامىركىچە< دېمكوراتىيە > .< بىرلىك >، <ئىناقلىق> ئەپتى بەشىرسىنى ئېراقنىڭ مەزلۇم خەلقىگە كۆرسەتكەن  .... ئەمما دەل شۇ  زىمىندا   شۇ ئاقماس شوئارلار ئەڭ جاراڭلىق   ........    نۇمۇسسىز كىشىلەر ئۇچۇن ھەققە كۆز يۇمۇش بەكمۇ ئاسان......

yarkn

	ئاپتور جاۋابىنى بويلاپ 1قەۋەت Kikax كە 2010-12-30 12:10 AMئەۋەتىلدى : دۆلەت مۇستەقىل بولغان كۈن: 30-ئىيۇن (2009-يىلى 30-ئىيۇن)، ئۇنىڭ ئالدىدا ئىراق مۇستەقىل ئەمەسمىتى ؟ بېلىدىغانلار بولسا تەپسىلى چۈشەندۈرۈپ بەرسەڭلار . قىزىقىپ قالدىم قارىغاندا ئامرىكا ئېراقتىن ئەسكەر چېكۇندۇرگەن ۋاقتى ئوخشايدۇ  ..... قېرىندىشىم

Kikax

	مەنمۇ شۇنداراق ئويلىغانتېم

sawapkar

	ئېراق -  ئىنسان ھاياتىنىڭ قىمىتى ئەڭ پاخال بولغان زىمىن

ajap爱你

	كۆڭلۈم بىر قىسما بوپقالىدۇ ئىراقنى ئويلىسام

gherip

	ئىراقتا ئىچكى ئۇرۇش ئۇنداق ئاسان تۈگىمەسلىكى مۇمكىن، چۈنكى زۇڭتۇڭ كۇرد ، زۇڭلىسى شىئە، بۇرۇندىن تارتىپ ھاكىمىيەت تۇتۇپ كەلگەن سۈننىلەردە ھوقۇق يوق .

يارزات

	ئىراقنى يەنىلا سۈننىيلەرگە تاشلاپ بەرسە ياخشى ئىدارە قىلىپ ماڭىدۇ،پارتىزانلىق ئۇرۇشى تۈگەيدۇ.بولمىسا ئىراق ئىراننىڭ بىر ئۆلكىسى بولۇپ قېلىشىمۇ مۇمكىن.

alafasy

	5- قەۋەتتىكى sawapkar : گىپىڭىزنىڭ تىگدە گەپ بارمۇ قانداق، ئىنساننىڭ ھاياتى پاخال دىگەن نېمە دىگەن گەپ، ئەقلىڭىز شۇنچىلىك بولسا ھالىڭىزغا ۋاي