ئانا تىل-ئالتۇن بۆشۈك

baturjan

	ئانا تىل-ئالتۇن بۆشۈك (ئابدۇرېھىم ئابدۇللانىڭ«ئاھ،ئاتىلار»ناملىق شېئىرىدىن تۇغۇلغان ئويلار) جاھان قىسمەتلىرىنىڭ رەڭۋاز ئويۇنلىرىغا قاچانلاردىدۇر كۆنۈككەن سوغۇققان،ئەمما خارامۇش،ئويغاق،ئەمما پەرۋاسىز ھېس-تۇيغۇلىرىڭىز شۇنداقمۇ تاسادىپى سىلكىنىشكە ئۇچرايدىغان چاغلار بولىدۇكى،بىرەر مىسرا شېئىر-نەزىممۇ روھىڭىزدا ئالەمچە زىلزىلە پەيدا قىلىپ،ئاتا مىراس تەبىئىتىڭىزنىڭ پىنھان رۇجەكلىرىنى يالقۇنلۇق تەپتىدە ۋاللىدە يورۇتۇپ،ھايات سەرگۈزەشتىلىرىڭىزنىڭ دۇردانە ھەقىقەتلىرىنى دولقۇنلۇق زىكىر قىلىپ،سىزنى تەنتەنىلىك روھ سەپىرىگە مەردانە ئاتلاندۇرىدۇ.بۇنداق تەۋەرۈك مىنۇتلار نېسىپ بولغان دەملەردە،كىممۇ شېئىرنىڭ سېھرى كۈچىدىن سۆيۈنمەي،ئىپتىخارلانماي تۇرالىسۇن! شۇڭا،شۇنداق دېيىشكە تەبىئىي ھەقلىقمىزكى،ئۆز ئېلىنىڭ ئوتىدا كۆيۈپ-پىشىپ يېتىلگەن،بەدىئىي سەنئەت ماھارىتىنىڭ ئۇزۇن يىللىق سىر-ھېكمەت سىنىقىدىن ئەلا ئۆتۈپ،خەلق روھىنىڭ سادىق بەدىئىي كۈيچىسى بولالىغان شائىرلارنىڭ ئەل سۆيگەن شېئىرلىرى-بىزنىڭ يورۇق ئەينىكىمىز،مەنىۋىي تارىخىمىز،تىلتۇمارىمىز ھەم كېلەچەك ئەڭگۈشتىرىمىزدۇر. [align=justify]شائىرنى خەلق تۇغىدۇ،ئەل سۆيگەن شائىرنىڭ پىكىر ۋە بەدىئىي ماھارەت چاقمىقىدىن چېقىلغان يۇلغۇنرەڭ مىسرالار ئانا تىلنىڭ مۇقەددەسلىكىدىن بىشارەت بېرىپ،قەلب ئۇپۇقلىرىدا غالىپ نۇرلىنىپ،غايىۋانە بىر بۈيۈك سىمانى-خەلق ئوبرازىنى قايتا نامايان قىلىدۇ. دېمەك،ئىدىيە،پىكىر،تەپەككۇر،ھېسسىيات ۋە بەدىئىي ماھارەتنىڭ جان تومۇرى بولمىش ساپ ئانا تىل-شائىر ئىجادىيىتىنىڭ ئاب-ھاۋاسى، تۇپرىقى، ئاپتىپى، ئالتۇن بۆشۈكى بولۇش سۈپىتىدە،شائىرنى ئەلگە سۆيۈندۈرىدۇ. [align=justify]ھەممە شائىر ئاناملا دېدى، [align=justify]ئاتىلىرى يوقمىكىن ئەستە؟ [align=justify]ئۇلار شۇنداق ئاتىلار ئىدى، [align=justify]يولۋاسنىمۇ قويغان ھەۋەستە. [align=justify]دائىم ئۆتۈك بىلەن سۇ كېچىپ، [align=justify]كۆردى نى-نى دەردى-بالالەر؛ [align=justify]ھەتتا يۈگەن بىلەن سۇ ئىچىپ، [align=justify]كەزمىدىمۇ تاغۇ-دالالەر! [align=justify].... [align=justify]تالاپەت يەپ چۆللەردە قالسا، [align=justify]ئاسمان يىغلاپ تۆكمىدىمۇ ياش!؟ [align=justify]يۇلغۇنزارلار قوينىغا ئالسا، [align=justify]شىر-يولۋاسلار تاۋۇتقا قولداش. [align=justify].... [align=justify]     قاراڭ بۇ ئىچكۆيەر مىسرالارغا،ئۇنىڭدىكى بىر پۈتۈن ھېسسىيات ۋە ئوبرازنى تەشكىل قىلغان يەككە سۆزلەرنى،شۇ يەككە سۆزلەردىن ئۇيۇلتاشتەك بىرىكىپ،خاسىيەتلىك تۇمار بوپ پۈتۈلگەن مىسرالارنى شۇ تاپتا تەكلىماكاننىڭ خلۋەت سەھرا-قىشلاقلىرىدىكى ھەرقانداق كىشى بىر ئوقۇپ-ئاڭلاپلا « ياپىرىم! »دېمەي قالمايدۇ. [align=justify]سايىلەردە ئانام ئەللىيى، [align=justify]مەن قۇچاقتا،كۆزۈم ئۇيقىدا. [align=justify]خامانلاردا ئاتام لاي-لېيى، [align=justify]شەھەر ئالغان شاھتەك تۇيغۇدا. [align=justify].... [align=justify]چىللاپ كەتتى ئاتامنى ۋىجدان، [align=justify]ئانام قالدى ئۆينىڭ غېمىدە. [align=justify]ئەلنىڭ غېمى ئاتامدا ۋولقان، [align=justify]يېشى دەريا،ئۆزى كېمىدە... [align=justify]بۇ مىسرالارنى ئوقۇغىنىڭىزدا، شېئىرنىڭ سېھرى كۈچىدىن سۆيۈنمەي، ئىپتىخارلانماي تۇرالامسىز؟!شېئىر ئىجادىيىتى جۈملىسىدىن قايتا شۇنداق ھېسسىياتقا كىلىمىزكى،ئانا تىل-ئالتۇن بۆشۈك.ئەل سۆيگەن شائىرنىڭ پىكىر ۋە بەدىئىي ماھارەتكە تويۇنغان قىران شېئىرلىرى ئانا تىلنىڭ مۇقەددەسلىكىنى يالقۇنلىتىپ،خەلقنىڭ بۈيۈك سىماسى ئىچىدە ئۆز روھىنى نامايان قىلىپ،شائىرنى ئەلگە سۆيۈندۈرىدۇ! [align=justify]نەشر ھوقوقى:شىنجاڭ يازغۇچىلار جەمئىيىتى

sawapkar

	ئوز ئانا تىلنى ئۇنۇتقانلاردىن چوڭ ئۈمۈت كۈتمىسەكمۇ بۇلدۇ

sargardan7

	چىللاپ كەتتى ئاتامنى ۋىجدان، ئانام قالدى ئۆينىڭ غېمىدە. ئەلنىڭ غېمى ئاتامدا ۋولقان، يېشى دەريا،ئۆزى كېمىدە... بۇمىسرالاردا ئىتىلغان ئاتىلارنى تاپقىلق بولماس بولۇپ كەتتى ، بەلكىم ئۇلار ھازىر ئاشۇ ئانىلارنىڭ رولىنى ئىلۋاتسا كېرەك .