جۇڭخۇا خەلق جۇمھۇرىيىتى ھەققىدە چۈشەنچە

kapsiz

	جۇڭخۇا خەلق جۇمھۇرىيىتىنىڭ دۆلەت گىربى 　　جۇڭخۇا خەلق جۇمھۇرىيىتى ئاسىيا چوڭ قۇرۇقلۇقىنىڭ شەرقىگە، تىنچ ئوكياننىڭ غەربىي قىرغىقىغا جايلاشقان. قۇرۇقلۇق يەر كۆلىمى 9 مىليون 600 مىڭ كۋادرات كىلومېتىر بولۇپ، رۇسىيە ۋە كانادادىن قالسىلا، دۇنيا بويىچە 3-ئورۇندا تۇرىدۇ. 　　جۇڭگونىڭ زېمىنى شىمالدا غەربتە موخېنىڭ شىمالىدىكى خېيلۇڭجياڭ دەرياسىنىڭ ئوتتۇرىسى (شىمالىي كەڭلىك 53°30′) دىن جەنۇبتا نەنشا تاقىم ئاراللىرىنىڭ ئەڭ جەنۇبىدىكى زېڭمۇئەنشا (شىمالىي كەڭلىك 4°) غىچە، 49 گرادۇستىن ئارتۇقراق كەڭلىكنى ھالقىيدۇ؛ شەرقتە خېيلۇڭجياڭ دەرياسى بىلەن ئۇسسۇرى دەرياسىنىڭ كېسىشكەن جايى(شەرقىي مېرىدىيان135°05′)دىن غەربتە پامىر ئېگىزلىكى(شەرقىي مېرىدىيان 73°40′)گىچە بولۇپ، مېرىدىئان 60 گرادۇستىن ئارتۇقراق مېرىدىياننى ھالقىيدۇ. جەنۇبتىن شىمالغىچە، شەرقتىن غەربكىچە بولغان ئارىلىقنىڭ ھەممىسى 5 مىڭ كىلومېتىردىن ئاشىدۇ. 　　جۇڭگونىڭ قۇرۇقلۇق چېگراسىنىڭ ئۇزۇنلۇقى 22 مىڭ 800 كىلومېتىرغا يېتىدۇ، شەرقتە چاۋشيەن، شىمالدا موڭغۇلىيە، شەرقىي شىمالدا رۇسىيە، غەربىي شىمالدا قازاقىستان، قىرغىزىستان، تاجىكىستان بىلەن، غەرب ۋە غەربىي جەنۇبتا ئافغانىستان، پاكىستان، ھىندىستان، نېپال، بۇتان قاتارلىق دۆلەتلەر بىلەن چېگرىلىنىدۇ، جەنۇبتا بىرما، لائوس، ۋىيېتنام بىلەن چېگرىلىنىدۇ. شەرق ۋە شەرقىي جەنۇبتا كورېيە، ياپونىيە، فىلىپپىن، برۇنېي، مالايشىيا، ھىندونېزىيە بىلەن دېڭىز ئارقىلىق ئايرىلىپ تۇرىدۇ. 　　جۇڭگو دۇنيادىكى نوپۇسى ئەڭ كۆپ تەرەققىي قىلىۋاتقان دۆلەت. دۆلەت ستاتىستىكا ئىدارىسىنىڭ ستاتىستىكىسىغا ئاساسلانغاندا، 2008-يىلى ئېلىمىزنىڭ ئومۇمىي نوپۇسى 1 مىليارد 328 مىليون 20 مىڭغا يەتكەن. جۇڭگو يەنە دۇنيادىكى نوپۇس زىچلىقى بىر قەدەر يۇقىرى دۆلەت بولۇپ، ھەر كىۋادرات كىلومېتىرغا توغرا كېلىدىغان نوپۇس زىچلىقى 134 ئادەم؛ لېكىن تارقىلىشى تەكشى ئەمەس. پىلانلىق تۇغۇت جۇڭگونىڭ تۈپ دۆلەت سىياسىتى. جۇڭخۇا خەلق جۇمھۇرىيىتىنىڭ دۆلەت بايرىقى 　　جۇڭگودىكى مىللەتلەر 　　جۇڭگو بىرلىككە كەلگەن كۆپ مىللەتلىك بىر دۆلەت، ھازىرغىچە، ئايرىلغان ھەم جۇڭگو ھۆكۈمىتى ئېتىراپ قىلغان مىللەتتىن 56سى بار. جۇڭگودىكى مىللەتلەر ئارىسىدىكى نوپۇس جەھەتتىكى پەرق ئىنتايىن چوڭ بولۇپ، خەنزۇلارنىڭ نوپۇسى ئەڭ كۆپ. باشقا 55 مىللەتنىڭ نوپۇسى ئازراق، ئادەتتە «ئاز سانلىق مىللەت» دەپ ئاتىلىدۇ. 2000-يىلدىكى 5-قېتىملىق مەملىكەت بويىچە نوپۇسنى ئومۇميۈزلۈك تەكشۈرۈشكە ئاساسلانغاندا، 55 ئاز سانلىق مىللەتنىڭ نوپۇسى 104 مىليون 490 مىڭ بولۇپ، مەملىكەت ئومۇمىي نوپۇسىنىڭ 8.41 پىرسەنتىنى ئىگىلەيدۇ. 　　دىن 　　جۇڭگو كۆپ دىنلىق دۆلەت بولۇپ، ئاساسلىق دىنلاردىن بۇددا دىنى، تەرىقەت دىنى، ئىسلام دىنى، كاتولىك دىنى ۋە خرىستىئان دىنى بار. جۇڭگو پۇقرالىرى دىنغا خالىغانچە ئېتىقاد قىلسا بولىدۇ. 　　جۇڭگودىكى بايراملارجۇڭگودا قانۇندا بەلگىلەنگەن بايراملاردىن: يېڭى يىل، چاغان، خەلقئارا خانىم قىزلار بايرىمى، كۆچەت تىكىش بايرىمى، خەلقئارا ئەمگەكچىلەر بايرىمى، جۇڭگو ياشلار بايرىمى، خەلقئارا سېسترالار بايرىمى، بالىلار بايرىمى، ج ك پ قۇرۇلغانلىق خاتىرە كۈنى، ئارمىيە بايرىمى، ئوقۇتقۇچىلار بايرىمى، دۆلەت بايرىمى ۋە مۇخبىرلار بايرىمى قاتارلىقلار بار. جۇڭگونىڭ داغدۇغىلىق ئۆتكۈزۈلىدىغان ئەنئەنىۋى بايراملىرىدىن چاغان، پانۇس بايرىمى، چوكانتال بايرىمى، تاڭزۇڭزا چاغىنى، تاۋۇز چاغىنى بار. ئۇنىڭدىن باشقا، ئاز سانلىق مىللەتلەرمۇ ئۆزىنىڭ ئەنئەنىۋى بايراملىرىنى ئۆتكۈزىدۇ. مەنبە؛خەلق گېزىتى تورى http://uyghur.people.com.cn/165019/15140326.html

MUHTAR3818

	جۇڭخۇا خەلق جۇمھۇرىيىتى ھەققىدە خىلىلا جىق  چۈشەنچىلەرگە ئېگە بۇلدۇم، تىما ئىگە سىگە رەخمەت

xagirt

	تىمىڭىز ياخشىكەن،كۆپ مەزمۇننى بىلۋالدىم،لىكىن دۆلىتىمىزنىڭ يەر كۆلىمى جەمىي قانچە؟سىز پەقەت قۇرۇغلۇق كۆلىمىنى دەپسىز؟

kapsiz

	ئاپتور جاۋابىنى بويلاپ 3قەۋەت  xagirt كە 2011-01-04 12:09 AMئەۋەتىلدى  : تىمىڭىز ياخشىكەن،كۆپ مەزمۇننى بىلۋالدىم،لىكىن دۆلىتىمىزنىڭ يەر كۆلىمى جەمىي قانچە؟سىز پەقەت قۇرۇغلۇق كۆلىمىنى دەپسىز؟ بۇنى مەن يازمىغان، پەقەت پايدىلىنىش قىممىتى بوپ قالسا ئەجەپ ئەمەس دىگەن نىيەتتە خەلق گېزىتى تورىدىن يۆتكەپ ئەكەلدىم خالاس...

Khalifa

	[s:131] بۇلسا جۇڭخۇا خەلق  جۇمۇرىيىتىنىڭ ئۇلۇغ ۋەتىنىمىزنىڭ دۆلەت رەئىسلىرىنىڭ تارىخىنى تۇنۇشتۇرۇپ قويغان بۇلسىڭىز....دۆلەت قۇرۇشقا قاتناشقان كىشىلىرىمىزنىڭ نامى چىقىرىپ قويغان بۇلىسڭىز..ھەم .ئۇلارنىڭ شۇ ۋاقتىدىكى ۋەزىپىسىنى .........

alafasy

	تېما ئىگىسىگە رەھمەت ، مۇشۇنداق تېمىلارنى كۆپلەپ يوللاپ تۇرۇشىڭىزنى ئۈمىد قىلىمەن.

sayiphan

	ھەسەل  قىلساق تىلىمىزنى چىقىدىكەن مۇنبەرگە، شۇنداق دەپ قۇيۇپ يۈرۈكىمىز تۇلىدىكەن كۆپ دەردكە.

تىرەن

	جۇغراپىيە  گە  ئۇستى كەنھە [s:123]  [s:123]  [s:123]  [s:123]  [s:181]