قىرغىزىستان ئۆتكۈنچى ۋاقىتلىق ھۆكۈمەتنىڭ زۇڭتۇڭى ئوتۇنبايىۋا (ماتېرىيال سۈرەت)
ئوتۇنبايىۋا 1950–يىلى 8–ئاينىڭ 23–كۈنى قىرغىزىستاننىڭ جەنۇبىدىكى ئوش شەھىرىدە تۇغۇلغان بولۇپ ، موسكىۋا دۆلەتلىك ئۇنىۋېرسىتېتىنىڭ پەلسەپە فاكۇلتېتىنى پۈتكۈزگەن .
ئوتۇنبايىۋا 1992–يىلى 2–ئايدىن 1992–يىلى 5–ئايغىچە قىرغىزىستاننىڭ مۇئاۋىن زۇڭلىسى ، قوشۇمچە دىپلوماتىيە مىنىستىرى بولغان ، ئارقىدىن قىرغىزىستاننىڭ ئامېرىكا ۋە كانادادا تۇرۇشلۇق باش ئەلچىسى بولغان . 1994–يىلى 4–ئايدىن1997–يىلى 6–ئايغىچە قايتىدىن دىپلوماتىيە مىنىستىرى بولغان . 1997–يىلى 7–ئاينىڭ 1–كۈنىدىن باشلاپ ، قىرغىزىستاننىڭ ئەنگىلىيەدە تۇرۇشلۇق باش ئەلچىسى بولغان ، كېيىن ۋەزىپىسىدىن قالدۇرۇلغان . 2005–يىلى 3–ئاينىڭ 24–كۈنى مۇۋەققەت دىپلوماتىيە مىنىسىتىرى بولغان ، كېيىن ۋەزىپىسىدىن قالدۇرۇلغان . ئوتۇنبايىۋا 2005–يىلى 5–ئاينىڭ 10–كۈنىدىن 13–كۈنىگىچە جۇڭگودا خىزمەت زىيارىتىدە بولغان .
2010–يىلى 4–ئاينىڭ 7–كۈنىدىن باشلاپ قىرغىزىستاندا چوڭ كۆلەملىق قالايمىقانچىلىق يۈز بېرىپ ، ئۆكتىچىلەرنىڭ قوللىغۇچىلىرى ھەربىي ساقچىلار بىلەن توقۇنۇشۇپ ، ھۆكۈمەتنىڭ مۇھىم ئاپپاراتلىرىنى ئىگىلىۋالغان . قىرغىزىستاننىڭ زۇڭتۇڭى باقىيېۋ پايتەختتىن ئايرىلىپ ، كېيىن چەت ئەلگە قېچىپ كەتكەن . سوتسىئال دېموكراتلار پارلامېنت گۇرۇھىنىڭ رەھبىرى ئوتۇنبايىۋا باشچىلىقىدىكى ئۆكتىچىلەر قايتىدىن ۋاقىتلىق ھۆكۈمەت تەشكىللىگەن ھەمدە ئوتۇنبايىۋا ۋاقىتلىق ھۆكۈمەتنىڭ زۇڭلىسى بولغان .
2010–يىلى 5–ئاينىڭ 19–كۈنى ، قىرغىزىستان ۋاقىتلىق ھۆكۈمىتى پەرمان ئىمزالاپ ، ئوتۇنبايىۋانى ئۆتكۈنچى ۋاقىتلىق ھۆكۈمەتنىڭ زۇڭتۇڭى ، قوشۇمچە زۇڭلىلىققا تەيىنلىگەن . پەرمانغا ئاساسەن ، ئۆتكۈنچى ۋاقىتلىق زۇڭتۇڭنىڭ ۋەزىپە ئۆتەش مۇددىتى 2011–يىلى 12–ئاينىڭ 31–كۈنىگىچە بولۇپ ، كېيىنكى نۆۋەتلىك زۇڭتۇڭ سايلىمىغا قاتنىشىش ھوقۇقى بولمايدىكەن .
مەنبە: تەڭرىتاغ ئۇيغۇر تورى
ئېلىنغان مەنبە؛خەلق گېزىتى تورى
http://uyghur.people.com.cn/157635/12158352.html