ساداقەت

edukut

	ساداقەت      ساداقەت!ساڭا ئېيتاي، مىھرىبان ئانامنىڭ ماڭلىيىدىكى يول-يول قورۇقلارغا، مۈكچەيگەن بەللىرىگە، قاداق باسقان قوللىرىغا قارىغىنىمدا نېمىلەرنى ئويلايمەن بىلەمسەن؟ ئويلايدىغىنىم، سەن ساداقەت ئۈچۈن ئۇنىڭ يۇمشاق ئالقانلىرىغا يۈرۈگۈمنى ئىزىدىغان قاداقلارنىڭ چۈشكىنى. يەنە سەن ساداقەت ئۈچۈن، ئۇنىڭ گۈلدەك رۇخسارىغا ئاشۇنداق، مېنى يىغلىتىدىغان قورۇقلارنىڭ چۈشكىنى.يەنە سەن ساداقەت ئۈچۈن ئۇنىڭدىن نى-نى ئارمانلارنىڭ كۆچكىنى...      ساداقەت!ئانامدا شۇنداق بىر سەن بار. ئۇ بۇنى بويى بىلەن تەڭ ئالتۇن بەرسىمۇ، تىگىشمەيدۇ. چۈنكى، ئۇنىڭدىكى سەن ئاللىىبۇرۇن خۇدانىڭ بەرگەن رىزقىنى يەپ بولغان، ئۆزى يارالغان تۇپراقتا مەڭگۈلۈك ئۇيقۇغا كەتكەن يولدىشى،مېنىڭ ئاتامغا باغلانغان. چۈنكى، ئۇنىڭدىكى سەن ئاتا مېھرىگە قانمىغان، پىغان ئىلكىدە چۇقۇرۇشۇپ قالغان،جۇدالىقتا زار-زار يىغلىغان ماڭا ۋە مېنىڭ قېرىنداشلىرىمغا باغلانغان.      ساداقەت! ئۆزۈڭ ئۈچۈن غەمگۈزار ئانامغا <<ئاپىرىن>>دە،زامانەم شۇنداق ساداقەتلىك، ئۇلۇغ ئانىلارغا تولسۇن!      ساداقەت!مەن ئانامنى ھىچكىمگە ئوخشاتمايمەن ۋەئوخشىتالمايمەن.چۈنكى، ئۇپەقەت ئۆزىگىلا ئوخشايدۇ. ئۇ،خۇدانىڭ ساداقەتمەن، مېھرىبان بەندىسى.      ساداقەت! شۇ پاسىبانىم ئانام ئوچاق بېشىداتۇرغاندا؛ئاتەش كەبى يالقۇن تارالغان تونۇر بېشىدا تۇرغاندا؛ ئۆيىمىزنىڭ بەرىكىتى سۇپرا بىشىدا تۇرغاندا؛ قوللىرىغا دومبىلاق سوپۇن تۇتۇپ، كىر-قات يېنىدا تۇرغاندا؛ بىز پەرزەنتلىرىنىڭ جەننىتىنى تىلەپ، دۇئا قىلىپ، جاينامازدا تۇرغاندا ئۇنىڭ قۇلاقلىرىغا پىچىرلاپقويغىن:      <<ئوغلۇڭ، سىنى مەڭگۈ سۆيىدۇ!>>دەپ. تورداشلارغا: تور بەتلىرىمىزدە ھەممىمىزگە كۆپ ئۇچرايدىغىنى قىز-ئاياللىرىمىز ھەتتا ئانىلىرىمىز ئۈستىدىكى شىكايەتلەر.ئەمما مېنىڭچە بىز شىكايەت قىلىۋاتقان ئاشۇ قىز-ئاياللار ئۈستىدىن شىكايەتلەر ئېلىپ بېرىۋاتقىنىمىزدا، ئۇلارنىڭ ئۈستى- دىكى بىز يىگىتلەرنىڭ مەسئۇلىيىتىمىزنىڭ زادى قانچىلىك ئادا بولىۋاتقانلىقىنى دەڭسەپ كۆرەيلى! چۈنكى، ھەم- مىمىز ئۈچۈن ئانىلار ئۇلۇغ، ئانىلار مۇقەددەس!                       مەنبە: ئىدىقۇت

كارۋان

	رەھمەتلىك ئانام تولا چۈشۈمگە كىردۇ مۇشۇ كۈنلەردە...

salkin11

	ناھايىتى ياخشى ئوتتۇرغا قويدىڭىز ... رەھمەت ! ... قولىڭىزغا دەت كەلمىسۇن ! ...

karakuz

	بەك  ياخشى  يېزىپسىز، ئەجرىڭىزگە  تەشەككۈر.  [s:166]

OTYAK

	مەن ئانامنىڭ ساداقىتى. ساداقەتلىك بىلەن ئانام تۇتقان يولدا مىڭىپ، ئۆمۈر بويى ساداقەت بولىمەن. بالىلىق بۇرچۇمدا ئۆزۈمنىڭ قانچىلىك ساداقىتىنى نامايەن قىلىمەن. ھەر بىر ئىنساننىڭ ساداقەت ئۇچۇن ئورتاق تىرىشىشىنى ئۇمۇت قىلىمەن. ساداقەت_قەلىپتىكى نۇرلۇق چىراق. ساداقەت_ئاتا-بالىلىق مېھرى مۇھەببەت. ساداقەت_سېنىڭ ئوبرازىڭ. ساداقەت_مەن ئۇچۇن ئەنگۇشتەر. ___ ئوتياق

azizgul

	ئاھ  ئاللاھنىڭ ساداقەتمەن بەندىسى مىھرىبانىم ،پەرزەنت ئۈچۈن قەلبى ئاتەش   جاپاكەش ئانام  ! ياراتقان ئىگەم سىنى ھەر ئىككىلا دۇنيادا ساداقەتمەنلەر قاتارىدىن قىلسۇن  !

xabnam1212

	ھەقىقەتەن ياخشى يېزىپسڭز .دۇنيادا ئەنە شۇنداق ئانىلار كۆپرەك بولسا ئىدى. جەمىئەت بۇنچىۋالا بۇزۇلماس ،شىكايەتلەر بۇنچىۋالا كۆپ بولماس ئىدى!

چېچەك

	مېنىڭ ئىسمىمدا يېزىلسا قانداق ئەسەركىن دەپتىمەن،بەك ياخشى يېزپسىز...

DIL-YIRIM

	مېھرىبان ئەي جانىم ئانا ، يايلاق ئىدىڭ مەن يايلايدىغان . دەرت لەر كەلدى ئەمدى بېشىمغا ، يايلاي دىسەم سەن يوق يېنىمدا ئانا