نەگە كەتكەنتىڭ نىگار
ئاپتۇرى مۇساجان يۇنۇس
نەگە يىتكەنتىڭ نىگارىم مەن ئازاپ چەككەن كۈنى ،
چىڭ پېىتىپ كۈلپەت لېيغا تەلىيىم كەتكەن كۈنى .
شورلۇق مۇھتاجلىقىمدىن تەلمۈرۈپ كۈتتۈم سىنى ،
كاج پەلەك مەزمۇت تېنىمنى يا كەبى ئەگكەن كۈنى .
ئىڭرىسام دىلدار قېنى دەپ بولمىدى سەندىن سادا ،
بارمىدىڭ باشىمغا شۇملۇق قامچىسى تەگكەن كۈنى .
كەچتىمۇ يادىڭغا زەرداپ ، قان يۇتۇپ يۈرگەنلىرىم ،
ئەسكى بۆك چاغلاپ پېقىرنى تەلۋىلەر تەپكەن كۈنى .
ئەمدى كەپسەن ئاھ ! يېنىمغا ناز كەرەشمە ئوينىتىپ ،
مەن قۇچۇپ نۇسرەت بېلىمگە زەر كەمەر چەگكەن كۈنى .
دىلدار بۇلالماپتۇق گۈزەل ، يار بۇلالماپتۇق گۈزەل ،
سىردىشايلى تەڭرىنىڭ دەرگاھىغا يەتكەن كۈنى .
بۈگۈن تۇغۇلغان كۈنۈم ئىدى ، شۇ مۇناسىۋەت بىلەن بىر تىما يوللاي دىسەم ياخشىراق تىما يوللاشنى بىلەلمەي قالدىم . قارىسام مىسرانىمدىكى دوسلارمۇ مىنىڭ بارلىقىمنى ئۇنتۇپ قاپتۇ . شۇڭا بۇ شېئىرنى يوللاش ئارقىلىق ئۆزۈمنىڭ مىسرانىمدىكى مەۋجۇتلۇقۇمنى دوسىتلارغا بىلدۈرۈپ قويغۇم كەلدى ...ھى....ھى....تۇغۇلغان كۈنۈمگە مۇبارەك بولسۇن ...!
مەنبەسى -ئەي ئادەملەر دىگەن كىتاپتىن ئېلىدى .