بىلمەيسەن قەدرىنى ئۇ سېنىڭ ئاناڭ
پۇت قولى ئاغرىيدۇ يوق ھەم ماغدۇرى ،
ئاجىزلاپ كەتتى ئاھ كۆزىنىڭ نۇرى .
ئۇنىڭسىز بەتتامدۇر مىسرالار قۇرى ،
بىلمەيسەن قەدرىنى ئۇ سىنىڭ ئاناڭ ،
تۇڭلۇكتىن قايرىلىپ ئولتۇرغاندا ئاي ،
كىيىمىڭنى يامايىتتى كىچە ئۇخلىماي .
چاي دەملەر ،ئۆي تازلار پۇتىنى سوزماي ،
بىلمەيسەن قەدرىنى ئۇ سىنىڭ ئاناڭ .
گۆدەكلىك چاغلىرىڭ ئىدى ئەشۇنداق ،
چوڭ بولدۇڭ تۇيمايلا، چوڭ بولدۇڭ بىراق .
بەختىڭ ئۈچۈن ئۈن -تۈنسىز كۆيدى بوپ چىراق ،
بىلمەيسەن قەدرىنى ئۇ سىنىڭ ئاناڭ .
يەي دىسەڭ نىمىنى ئىرىنمەي ئەتتى ،
سەن ئۈچۈن خوشلىقى ئەرشىگە يەتتى .
سىنى دەپ باھارى تۈگىدى كەتتى ،
بىلمەيسەن قەدرىنى ئۇ سىنىڭ ئاناڭ .
ئوتۇن يوق چاۋالار تېرىپ كەلگەندە ،
ئالايدىڭ ئاچ قوساق ھېرىپ كەلگەندە .
ئىچمىدىڭ قىينىلىپ ئوماچ ئەتكەندە ،
بىلمەيسەن قەدرىنى ئۇ سىنىڭ ئاناڭ .
مەس بولۇپ داداڭ كەچ ئىشىك قاققاندا ،
خورلىقتىن ياشلىرى تارام ئاققاندا .
نە ھالىڭ دىمىدىڭ ئاغرىپ ياتقاندا ،
بىلمەيسەن قەدرىنى ئۇ سىنىڭ ئاناڭ .
توقاچ يوق زاغرىنى بېشىغا ئاتتىڭ ،
پۇل -پۇل دەپ تەۋەرۇك ھالقىنى ساتتىڭ .
بالا دەپ تەلمۇرسە ئۆزىڭنى تارىتتىڭ ،
بىلمەيسەن قەدرىنى ئۇ سىنىڭ ئاناڭ .
ئاق رومال بېشىدا ئاق كۆڭلىكى بىلەن ،
تىلىدى بەختىڭنى ئۈنسىز ياش تۆكۈپ .
باغرىدا ئەي قىلدى زور ئۈمۈت بىلەن ،
بىلمەيسەن قەدرىنى ئۇ سىنىڭ ئاناڭ .
ئوقۇشقا ماڭدىڭسەن ئىچىڭگە پاتماي ،
تەييارلىق قىلدى ئۇ كىرپىكمۇ قاقماي .
ئىچىڭدە غودۇردۇڭ ئىشىنى ياراتماي ،
بىلمەيسەن قەدرىنى ئۇ سىنىڭ ئاناڭ .
كۈن ئۆتتى ھاياتنى ئېلىپ قەھرىگە ،
بىچچارە خۇدانىڭ ئۆتتى مەيلىگە .
ھەسرەتتە ياش تۆكتۇڭ يالغۇز قەبرىگە ،
بىلمەيسەن قەدرىنى ئۇ سىنىڭ ئاناڭ .
ئاناڭ يوق ئاشۇ ئۆي بولدى گۆرۇستان ،
ئاناڭ يوق باھارمۇ بولدى زىمىستان .
نە قىلاي مىڭ ئەپسۇس ...دىدىڭ ئەي ئىنسان ،
بىلمەيسەن قەدرىنى ئۇ سىنىڭ ئاناڭ .
مەنبە:بەيدۇ تورى