ناسىھتىن نەۋرۇزلۇق سالام

nasih

	نەۋرۇزنامە 1 قوزى قوغلاپ بېلىقنى،ئەگىز بويلاپ ئېرىقنى، سازچى تورغاي باش بۇلۇپ چېلىپ لەرزان نىينى، باغلار ئەمەس تاغلارمۇ كىيىپ يېشىل تونىنى، كۈيلەپ گۈزەل باھارنى،قوغلاپ سوغوق ياماننى، چىللىماقتا نەۋرۇزغا پۈتكۈل ئەھلى جاھاننى، ئاڭلا جاھان ،كەل دوستلار بۈگۈن نەۋرۇز كىلىپتۇ. نەۋرۇز دىگەن قۇتلۇق كۈن،ئۇ ئۇيغۇرغا بايرامدۇر، نەۋرۇز ئېشى قۇتلۇق ئاش،خاسىيەتلىك تائامدۇر، بۈگۈن ئۆزگە تائامغا ئېغىز ئېچىش ھارامدۇر، تېتىپ نەۋرۇز ئېشىنى،تاشلاپ كۈڭۈل دېتىنى، بېشىن سىلاپ ئاجىزنىڭ،ئېرتىپ قايغۇ يېشىنى، ئۇيغۇرلارغا چۇڭ بايرام،نەۋرۇز بۈگۈن كىلىپتۇ. بۈگۈن نەۋرۇز___ ئۇ بايرام،باغلارمۇ گۈل تاقايدۇ، شەيدا بۇلۇپ بۇلبۇللار ئاڭا خەندان سايرايدۇ، قوزا-ئوغلاق يايلاقتا خوشاللىقتا تاقلايدۇ، نەۋرۇز شۇنداق قۇتلۇق كۈن،ھەممە كۈڭۈل ياشنايدۇ، شۇڭا ئۇيغۇر بۇ كۈننى مەدھىيلەيدۇ،ماختايدۇ، كائىناتقا شادلىق ئېپ نەۋرۇز بۈگۈن كىلىپتۇ. بۈگۈن نەۋرۇز،ئۇ بايرام،ئۇ يېڭى يىل بېشىدۇر، قۇتلۇق كۈندە قۇت تىلەش سائادەتنىڭ ئىشىدۇر، ئويناشنى ھەم ئويلاشنى بىلگەن ئوبدان كىشىدۇر، بۈگۈن ئويناڭ دوستلۇرۇم ئەتە ئىشلەش چېغىدۇر، ئەل قاتارى بولمىغان ئەل-ئاۋامغا يېغىدۇر، ئىناقلىقنىڭ بايرىمى نەۋرۇز بۈگۈن كىلىپتۇ. 2 مۇزلار ئىرىپ،ئەگىز ئېقىپ، يۇرتىمىزغا نەۋرۇز كەلدى. قارلىغاچلار قاتارلىشىپ، يۇرتىمىزغا نەۋرۇز كەلدى. قۇياش كۈلۈپ،زىمىن ئىللىپ، دەل-دەرەخلەر بىخ چىقىرىپ،يۇرتىمىزغا، ھەربىر جانغا مادار كىلىپ، يۇرتىمىزغا نەۋرۇز كەلدى. بوۋاي -موماي شاد بۇلۇشۇپ، يىگىت قىزلار شوخ كۈلۈشۈپ، مېھنەت ئۈچۈن يەڭ تۈرۈشۈپ، يۇرتىمىزغا نەۋرۇز كەلدى. تۇرۇڭ دوستۇم پەيت رۇس كەلدى، تىرىشچانغا قۇت قوش كەلدى، ھۇرۇنلارغا "وش-پوش "كەلدى، يۇرتىمىزغا نەۋرۇز كەلدى. مەنبە:ئۆز قەلىمىم.

nur126

	بىز مەكتىپىمىزدە بۇ قېتىمقى نورۇز بايرىمىنى تەنتەنىلىك تەبرىكلەشكە تەييارلىق كۆرۈۋاتىمىز.

شىرىن

	نەۋرۇزغا تىخى بىر ھەپتە باغۇ بۇرۇنراق تەبرىكلەپ تۇراي دەپسىز ھە بۇمۇ بۇپتۇ [s:152]

jalipkar!

	مانا مەن بىرىنچى بولۇپ پايدىلاندىم ،تېما ئىگىسىگە رەھمەت!