ھەر ۋاقىت ئاخىرە
يېتىلىۋاتقان ئەزا
كىتاپخانغا مۇھەمەت سالىھ لۇغەتتۇر يار دىلخاھى ئۇنى سەن تۇتىيا بىلگىن، بولۇپ شوتا نىشانغا ئۆرلىمەككە ئەسقاتار بولسا. خىرام ئەيلەيدۇ قۇرلار ئىچرە سۆزلەم ئىشىۋە ناز بىرلە، نە خۇش زىھنىڭنى سۆزلۈكلەر قۇياشتەك يورۇتار بولسا. ئىلىم سەھراسنى كەزگىن بولۇپ قامۇسقا چىن مەپتۇن، ئويۇن سەيناسىدا يۈرمەك خالايىق ئىچرە ئار بولسا. بۇدۇر ئابى ھايات يا ئابى كەۋسەردۇر ئوقۇر تەھسىن، ئىلىم تەشناسى چاڭقاقلار ئىچىپ كەۋسەر قانار بولسا. تاماملانماي تۇرۇپ قامۇس قاچان كۆڭلۈم تاپار تەسكىن، كىتاپخان تەلمۈرۈپ تېزرەك كۆرۈشكە ئىنتىزار بولسا. ئوقۇرمەن زوقلىنىپ خۇشتار بولۇر ھەر چاغدا قامۇسقا، تىرەن مەنالىدىن ھەر بەتتە ئاھۇلار شىكار بولسا. خىيالىم كەزدى مەنالەر بايابانىنى تىنماستىن، ساڭا يەتمەمدۇ ھەر بەت ئىچرە مول مەنا ياتار بولسا. ھۇمايۇن قۇشلىرى قونغاي بىشىغا تۆھپىكارلارنىڭ ، ئۇلاردا ئىجتىھات ،غەيرەت ،ئىرادە ،ئىقتىدار بولسا. تالاي يىللار رىيازەتتە ئىلىم گىردابىدا ئۈزدۈم، جاۋاھىرلار سۈزۈپ تىنماي ،غەرەز دۇرلار نىسار بولسا. كىشى ئاجىز ئىكەن زەپمۇ نەپەستىن قالسا يوق ئىنسان، ھاياتتۇر كەتسىمۇ ئىنسان ھەقىقىي تۆھپىكار بولسا. بىرىلدىم ئىلمۇ ئىرپانغا بوشاشماي ئىزدىنىپ شۇنچە، نىشانغا يەتمىگەي ئىنسان يۈرەردە بىمادار بولسا. لۇغەت مەستانىسى بولدۇم چېكىپ كۆپ رەنجۇ مېھنەتلەر ، يېنىڭدىن ئايرىما ھەرگىز لۇغەت قۇتلۇق تۇمار بولسا. چاچار بەتلەر ئارا دۇردانە سۆزلۈكلەر جۇلاسىنى، تېپىپ قامۇستا چىن مەنا بۆلەكتىن جانلىنار بولسا. تەپەككۇر قۇشلىرىم ساقى بولۇپ خۇش پەيتتە قوش قوللاپ، ۋىسال جامىغا شەربەت تولدۇرۇپ بىردەك تۇتار بولسا. پاچاقلاپ مۈشكۈلاتلارنى بولۇرمەن شىرى يەزداندەك، سىزەرمەن مىڭ ھۇزۇر دىلدىن توساقلار تارمار بولسا. مۇئەممالار بەسى كۆپ دۇچ كېلەر ماڭدامدا بىر مۈشكۈل، نىھان سىرلار ئايان بولماس كۆڭۈللەر بىقارار بولسا. شاياتۇنلار بولۇرمىش خەستە دىللار ئاھىغا بائىس، ئەقىل ئىدراكقا گۇمراھلىق يىتىپ يولدىن ئازار بولسا. پەرى پەيكەر بولالماس دىلبەرى ئەييارە ناز ئەيلەپ، ئوقۇپ ئەپسۇن دەمادەم ئىشقى بازارىدا زار بولسا. يورۇقتۇر ھەر زامان كۆڭلۈم ئۆيى خۇرشىدى تاباندەك، تىلەكلەر ھەل بولۇر بېشەك كۆڭۈللەر بىغۇبار بولسا. بولۇرمەن گاھى ناشاد ،گاھى شاد باشىمدا مىڭ سەۋدا، جاھان غەۋغالىرىدىن بىباھا ئۆمرۈم بىكار بولسا. كېتەر يىللار ئۆتەر ئايلار پەسىللەر ئالمىشىپ بىر-بىر، نەۋا ئەيلەر ھامان بۇلبۇل خازان بولماس باھار بولسا. چېچەكلەپ بەختۇ ئىقبالىم ھاياتىم مەنىلىك ئۆتكەي، ۋەتەن ئەل ئىشىقى قەلبىمدە بولۇپ ئاتەش يانار بولسا. دىيارىم قەرزى زىممەمدە ئۆمۈر ۋايەت ئادا بولماس ، ھىلىغۇ تەندىكى بىر جان تۈمەنمىڭ جان نىسار بولسا. بىكاردۇر ئەلگە خىزمەتسىز بىھۇدە ئۆتكۈزۈپ چاغنى، تەبەسسۇم ئىلكىدە دەۋران سۈرۈپ مىڭ يىل ياشار بولسا، ئۆمۈر يۇلتۇزلىرىم ساقىپ تۈگەپتۇ بەرق ئۇرۇپ بىر-بىر ، مۆكۈنگەي كۆكتىكى ئەختەر كىتىپ شەب ،گەر ناھار بولسا. قاراپ باقسام تۇرۇپتۇ كۆز ئوڭۇمدا شۇنچە كۆپ ماۋزۇ، نىتەي ساقىندى ئۆمرۈمدە قەلەم چارچاپ يازار بولسا. بىرىلگەي ئىلمۇ ئىرپانغا قەدەمدە قالدۇرۇپ بىر ئىز، كىمىكى روھى ئەجدادلارغا بەرھەق ئىز باسار بولسا. كىتاپ يازدىم ئۈمۈد شۇكى جاھاندە قالدۇرۇپ كەتسەم ، نىشانەم قالسا ئەۋلادلارغا مەندىن يادىكار بولسا. تەمەيىم يوق مۇكاپاتتىن پەقەت ئالەمچە بەختىمدۇر، ئىشىم مەقبۇل بولۇپ دىللاردا نامىم يادلىنار بولسا. كىلىش مەنبەسى <قامۇس>.قەدىردان تورداشلار ئالدىنقى قېتىمدا ئالدۇراڭغۇلۇق قىلىپ تىما ماۋزۇسىنى خاتا يېزىپ قاپتىمەن،بۇنىڭ ئۈچۈن سىلەردىن كەچۈرۈم سورايمەن.
پاش قىلىش
يىـڭى ئــەزا
ۋىجدان ھەق-ناھەقتە سىنىلىدۇ
ئالىي ئەزا
ئىنساننى ياراتقۇچى بىر ئاللا !
مەستانە ئـــەزا
تەۋبىكار
ئۈمىدلىك ئەزا
ھەسەن-ھۈسەن يامغ
غەيۋەتخور كىشى، ئەڭ پەس كىشىدۇ
ئىنكاس يوللاش ئىنكاس قايتۇرۇپ بولغاندا ئاخىرقى بەتكە قايتىدۇ