مەن يازغان شېئىرلار

nasih

	پۇل تەبىرى                     1     قېرىنداشنى ئايرىغان ،ئۇرۇشتۇرغان پۇل ، رەقىپ قۇلىنى تۇتقۇزۇپ ياراشتۇرغان پۇل . تەڭرى بەرگەن ھەق يولدىن تايدۇرۇپ بەزەن ، ۋىجدان ،ئىپپەت،نۇمۇسىنى ساتقۇزغانمۇ پۇل . گۇناھكارنى ئادۇۋكات دىلودا- سوتتا قاردىنمۇ ئاق ،سۈتتىن پاك قىلغۇزغانمۇ پۇل . مەھلىيا قىپ ئۆزىگە  مەسۈم ياشلارنى ، ئۆتكەن – كەچكەن ئادەمنى توسقۇزغانمۇ پۇل . ئادىمىيلىك ئەخلاقنى ....راستىنى ئېيتساق بىز ، ئادەم باسماس جاڭگالغا ئاتقۇزغانمۇ پۇل.                   2 پۇلنى بىز تىللاپلا ئۆتمەيلى ئەبەت ، ئۇنىڭمۇ ئۆزگىچە رولى بار قەۋەت . ھەر قانچە تىللىساق شەرەپ ئەمەسقۇ ؟! ھە،ئازراق ماختىساق ئەمەس جىنايەت . قىزىيدۇ پۇل بىلەن توي – تۆكۈن ،بەزمە ، جۇد ئۇشقان ئۆيلەرمۇ بولىدۇ خىلۋەت . ۋالىلدار تاپاندىن  تاكى باشقىچە ، پۇل خەجلەپ دائىما قىلغاچقاب زىننەت . پۇل بولسا دىپلۇم ئۇ تايىنلىقلا گەپ ، ئازىراقلا سۈڭگۈتسەك تېپىلار خىزمەت . نە ھاجەت ،غەم قىلماق ئۆسۈش –ئۆرلەشتىن ، يانچۇق توم بولسىلا چۈشىدۇ ھۆججەت . قورساق توق ،كۆڭۈل شوخ،يانچۇقتا لىق پۇل ، تەق تۇرۇر ھەر ۋاقىت ئەرزانۇ قىممەت . باياشات ئۆتىدۇ كۈن دىگەن ئايھاي ! ئائىلە بۇيىچە قىلساق ساياھەت . غەم قىلماي ئۇقۇيدۇ پەرزەنىت داشۆدە ، كەينىدىن ئۈزۈلمەي بارغاچ خىراجەت . سۆيۈنەر بىزدىن ھەم ئاتا – ئانمۇ ، قىلدۇرساق ئۇلارنى ھەرەمگە ھىجرەت . جۈرئەتمۇ قىلالماس رەقىپلەر زىنھار ، كۆزۈڭگە تىك بېقىپ قاراشقا بىر رەت . ياخشىلىق تەرىپى خېلى كۆپ پۇلنىڭ ، ئۇ بولغاچ يوقىلار سەتچىلىك –مەينەت . ئەپسۇس بۇ پۇلنڭمۇ كەملىرى تولا ، پۇلغا كۆپ چۇقۇنۇش يامانلا ئىللەت . ئالغىلى بولسىمۇ ئاڭا كۆپ نەرسە ، ۋە لىكىن سېتىلماس دوسلۇق، ھەقىقەت . قىلىشقا بولسىمۇ بىر ئۆمۈر ئىشرەت، ۋە لىكىن تېپىلماس مىھرى – مۇھاببەت.                 ھوقوق –پۇل ياۋاش- يۇمشاق مۆمۈننى ھۆركىرەتكەن ھوقوق –پۇل ، گاچىنىمۇ  دىۋىدەك  گۆركىرەتكەن  ھوقوق – پۇل . پاكار بولسا ئۆستۈرۈپ ،ئۇرۇقلارنى سەمىرتىپ ، يۈزىدىكى قارىنى سۈرىتىۋەتكەن  ھوقوق – پۇل . مېنىڭ دەپلا بىلىۋەر ، سەندە بولسا ئۇ ئەگەر ، قۇشۇن تارتماي شەھەرنى ئېلىېەتكەن ھوقوق – پۇل. گەپ ئاچمىغىن ئىپپەتتىن ،غوروردىنمۇ ئەسلا ھەم ، ھايا ،ئىنساپ ۋىجداننى سېتىۋەتكەن ھوقوق – پۇل . رەقىپ قىلىپ دوسلارنى ،رەقىپلەرنى دوست قىلغان ، ئاتا – ئانا ، تۇغقاننى ئايرىۋەتكەن ھوقوق – پۇل . ئۇ بولمىسا ئىش پۈتمەس ،بىراۋغا ھەم گەپ ئۆتمەس ، كېلەر –كېتەر يوللارنى ئىتىۋەتكەن ھوقوق – پۇل . شۇنداق ھايات يولىغا «ھوقوق – پۇل »دەپ تۇختىماي ، ۋاقىرىتىپ ھەممىنى قېتىۋەتكەن ھوقوق – پۇل .                  ئىككىنچى ياراتقۇچى بىر چىرايلىق توننى كىيدىم ،خويمۇ ئوبدان سۈپەت تاپتىم ، پۇل ۋە مېلىم كۆپەيگەن ئىدى،دوستلار ئارا ھۆرمەت تاپتىم . پۇل بىلەن ئىللەتنى ياپتىم ،تون بىلەن ئۈستى باشىمنى ، «پۇل بىلەن جاڭگالدا شورپا »مانا شۇنداق ھېكمەت تاپتىم . ئۇلۇغلار دەيمىش مۇنداق ؛«پۇل تاپقىچە ئەقىل تاپ ».لىكىن ، پۇل ماڭا بەردى كۆپ ئەقىل ،پۇل بىلەن كۆپ مەدەت تاپتىم . ئەگىشىپ ئابرويۇمغا ھەم ،تۆرىلەردە  ئۇزاردى تىلىم ، پۇل ماڭا كۆرسەتتى ئۇرۇن .سۆزلەشكە مەن پۇرسەت تاپتىم . كۆپ ياشا ئەي پۇل دىگەن ،ئەللەردە قىممەت تاپ يەنە ! سەن مېنى ياراتتىڭ ،قايتا سەن بىلەن سەلتەنەت تاپتىم .                          ئايرىلدىم قايسى چاغكىن ئىشەنچىمدىن ،خىسلىتىمدىن  ئايرىلدىم، نە خىسلىتىم ، نىممىتىمدىن ، قىممىتىمدىن  ئايرىلدىم . ئۆتتى كۈنلەر دوقمۇشتا ،غاجاش ،چاپلاش بىلەن مەستخۇش ، مانا ئەمدى غەيرىتىمدىن ،ھۆرمىتىمدىن ئايرىلدىم . كىتابلار كۆيدى قۇلۇمدا ، ئىلىم ئەھلى بولدى خار ، ئىچىم گويا قارا تۈندۇر ،چىرىقىمدىن ئايرىلدىم . جاھاندا ئەسلى چوڭمىشمەن، بىراۋ تىلىدىن ئاڭلىسام ، ئىلىمدىن يۈز ئۆرۈپ قويغاچ  ،شۆھرىتىمدىن ئايرىلدىم. بۇزۇپ ئىناقلىقنى ، ھەسەتكە قۇل بولغۇنۇم  تېخى ، ئەجدادقا خىيانەت قىپ ، ئەسلى خۇلقۇمدىن ئايرىلدىم . مېنى ئىزدىمەك بولساڭ ئۇدۇل بار مەيخانىلەرگە ، شاراپ –مەيگە ئاشىق بۇپ .ئىجاد ،مېھنەتتىن ئايرىلدىم. چىن پۈتمە سەن ،يازغىنىم يالغان –ياسالما گەپ ،راسىت شۇ – مېنى ئويغۇر قىلىپ تۇغقان چىن روھىمدىن ئايرىلدىم .                      پىغان يامانلاردىن بولاي دېدىم ،ياخشى مېنى يەكلىگەچ   ، يامانمۇ ھىچ بولالمىدىم  ،ئۇلارمۇ ھەم چەكلىگەچ. بۇ ئۆمرۈمدە كۆپ ئېزىقتىم ،كۆپ تېيىلدىم لاي ئارا ، تۈن نىسبدە كۆپ يىغلىدىم ،نىگار دەرتكە يەتمىگەچ . مەن ئۇلارغا كۆپ يېپىشتىم، ئاراڭىزغا قېتىڭچۇ دەپ ، مانا ئەمدى زەپ زېرىكتىم ھىچبىر يېقىن ئەتمىگەچ . ئويلا-ئويلا  ئاخىرى ،تاپتىم نەھايەت بۇ يولنى      ، بىلگىنىمگە ماڭماقچىمەن ، تەندە دەرمان كەتمىگەچ .                       ئۆگەن يارەنلەر ئەمدى ھاي بەر ،تىلىڭدىن توختىسۇن ۋات-ۋات ، ئىلىمنىڭ ئىشقىدا كۆيگىن ، زاماندىن قىلمىغىن پەريات. بۇ دەۋران ئۇچۇرنىڭ دەۋرى ، ئەسلا كوت–كوتنىڭ ئەمەس ، بۇندا مەدداھقا سۇرۇن يوق ،بۇ خۇي-پەيلىڭنى يوقات. ئۇزۇندىن ئاختۇرۇپ كۆرسەك، تارىخ تولدى كۆز ياشقا ، قالسا شۇ كۈنلەر ئەۋلاتقا، بىزگە بولمامدۇ ئۇيات  ؟ تالاشتۇق بىز تالاي يىللار، ئىت كەبى گوروھلۇشۇپ ، قېزىشىپ ھەم ئورا-گوداڭ  ، دىيىشتۇق خۇداغا دات . ئۇنۇتتى خۇدامۇ ھەم ،چۆچۈپ بۇ پىتنە ۋات-ۋاتتىن ، ياياق ماڭدۇق چۈشۈپ ئاتتىن ،قۇيۇپ ئۆز-ئارا كاچات . پىتنە خورلۇق ،غەيۋەت ،ھەسەت بىزگە بەرمىدى ھىچ نەپ ، چىقمىساق بۇ مەرەز لايدىن  ،بۇلۇرمىز قوپالماس مات . شوڭا دەيمەن ياران ئاڭلا ،تىرىش ، بۈگۈندىن قالما ، نۇرلان – قۇياش كەبى پارلا ،خەق ئاڭا دىگەي ھەيھات . بۈگۈن ئايغا توتاشتى يول ،بۇلۇر ئۇ قايناق بازار ، ئۆگەن ، سەن ئەمدى چاققان بول ،ياسا ئىلىمدىن قانات . تۆت كۈنلۈك بۇ ھايات ئۈتۈپ كېتىدۇ باھار- ئۇ تولىمۇ قىسقا كېلىدۇ ، كۈنلىرى شامالدەك تېز-تېز ئۆتىدۇ. ئارقىدىن سارغىيىپ كۈزمۇ كېلىدۇ ، تۇيىماي قالىسەن قارمۇ چۈشىدۇ . «ئاھ»دەيسەن ،سەن كۈلگەن باھار ،ياز قېنى ؟ سەن ئېيتقان ئاشۇ  شوخ ناخشىلار قېنى ؟ بىر يەرگە پۈتتۈڭمۇ نام – نىشانىڭنى ؟ كاللاڭغا ئاشۇنداق خىيال كېلىدۇ . پەپىلەپ ئولتۇرغاچ قارغىش نەۋرەڭنى ، ئەسلەيسەن ئۆتكەن شۇ ھەربىر كۈنۈڭنى . يۆتەللەر ئارلايدۇ قىلغان سۆزۈڭنى ، ئاچچىق ياش كۆزۈڭنى ئورىۋالىدۇ . مىنۇتلار بىر خىلدا ئۆتەر چىكىلداپ ، چىۋىنلار بېشىڭدا ئۇچار  گىژىلداپ . باللىرىڭ يېنىڭدا يىغلار مىشىلداپ ، ئاھ، ئەمدى ئەزرائىل ئەگىپ يۈرۈيدۇ . «ھە قانداق؟ »سورايدۇ مۇنكىر ۋە نىكىر، ھىسابات بېرىسەن ئۇندا بىرمۇ بىر. سەن ئىنسان زىممەڭدە ۋەزىپەڭ ئېغىر ، تۆت كۈنلۈك بۇ ھايات ئۈتۈپ كېتىدۇ .                          يىغلىما ئەي بۇرادەر  يىغلىما كۆپ ئاھ  ئۇرۇپ ، تەنلىرىڭ ساق ،ئۆزۈڭ ھەم ياپياش تۇرۇپ . تەكشى ئەمەس بۇ ھاياتنىڭ يوللىرى ، ھىچ غەلبە يوق ،سەن داۋان ئاشماي تۇرۇپ . ئېرت يېشىڭ ،تاشلا ئالغا دادىل قەدەم ، تاۋلا ئۆزەڭنى قۇيۇن ،بوراندا ھەم  . شۇندىلا سەندىن يوقايدۇ بارچە غەم، ياشلىغىڭدا ئال بىلىم زېھنىڭ قۇيۇپ . ئىش پۈتەمدۇ بۇنچە ئاھ ،پىغان بىلەن ، دەرتلەر    تۈگەمدۇ ياشۇ ھەم قان بىلەن . ئال كىتاپ ،قەددىڭنى رۇسلا ئەمدە سەن ، بىلىم  ئالغان  بەكمۇ  تېز كەتتى ئۈزۈپ . مەنبە:ئۆزەم

xugkar520

	ئاخىردىكى يىغلىما دىگەن شىئىرىڭىز ماڭا بەك يارىدى.

tatlikpigan

	ياخشى يېزىپسىز.....داۋامىلىق يېزىپ تۇرغايسىز.....