مىھىر-مۇھەببەت نەلەردە قالدى...

gunqa

	گەپنى  قەيەردىن باشلاشنى ھىچ بىلمىدىم ....... لېكىن نىمە ئىش ئىكەنلىكىنى زادىلا بىلمىدىم يېقىندىن بۇيان مۇشۇ جەمىيەتتىن تولىمۇ ئۆكۈنىدىغان بولۇپ قالدىم . ئەتراپىمدىكى بارلىق نەرسىلەر ساختىلىق بىلەن تولغاندەكلا بىلىندىغان بوپ قالدى . خۇددى ھەممە كىشىلار مىنى ئالداۋاتقاندەك ، خۇددى ھەممە كىشىلەر  قانداقتۇر  بىر مەقسەت بىلەن ماڭا يېقىنلىشىۋاتقاندەك ...........  بۇ  دۇنيادا  پۇللا  ھەممىدىن  يۇقىرى تۇردىغاندەك  پۇلى يوق كىشىلەر ھىچ كۆزگە ئىلىنمايدىغاندەك تۇيۇلدىغان بوپ قالدى . مەن تۇيۇقسىز بىراۋنىڭ << پۇلىنى دىمىگەن بولسام ئۇنىڭ بىلەن ئارلاشمىغان بولاتتىم....>> دىگىنىنى ئاڭلاپ قالدىم . نەچچە كۈن ئۆتمەيلا  <<  پۇل بولمىسا بەخىتمۇ بولمايدۇ ....>> دىگەن سۆزنى ئاڭلىدىم .  بۇ  سۆزلەرنى  قايتا - قايتا ئويلىغان بولساممۇ يەنىلە بىر زىدىيەت كاللامدا ئېسيان كۆتۈرەتتى ...  بۇلارنى كاللامدىن  ئۆتكۈزەلمەي تۇرغاندا بۈگۈن ئاپامدىن يەنە بىر گەپنى ئاڭلاپ قالدىم . .... مەن كىچىكىمدىنلا ئۆز ئاكامدىن چارە كۆرۈدىغان بىر نەۋرە ئاكام بار ئىدى . لىكىن رەھىمسىز تەقدىر  ئۇنى كىچىكىدىلا يىتىم قىلىپ قويغان ئىدى . ئۇنىڭغا  تولىمۇ ھىستاشلىقىم كىلەتتى . ئۇنىڭ دادىسى تۈگەپ كەتكەندە قىلغان كۆز يېشى تا  ھازىرغىچە  يادىمدا ئىدى . ئۇنىڭ زار - زار يالىسى ئازابى ھەممەيلەننىڭ يۈرىگىنى ئەزگەن ئىدى . مانا ئەمدىلىكتىچۇ ؟؟ ھەممەيلەن  ئۇنى ئۇنتىدى .  ئۇنىڭ  بۇ دۇنيادا ھايات ئىكەنلىكىنى ھەممەيلەن ئۇنتۇشتى ....  ئۇنىڭ  ئاپىسى ئۇنى  بۇرۇنلا  تاشلاپ  كەتكەن ئىدى . ئارقىدىنلا ئۇنىڭ دادىسى ئۇنى تاشلىۋەتتى .  << بوپتۇ بىز  بار ، بىز  باقىمىز  >>  دەپ مەيدىسىگە مۇشلىغانلارنىڭ ھەممىسى مانا ئەمدى ئۇنى ئۇنتۇشتى . ئۇنىڭ يېنىدا ھىچ كىشى قالمىدى . ئۇ شۇ تۈپەيلى ئوقۇش پۇلىنى ۋاقتىدا تۆلىيەلمىدى . ئۆگەي ئاپىسىنىڭ ئۇششاق ئىشلارنى قىلىپ تاپقان پۇلى ئۇنىڭ ئوقۇش پۇلىنى ۋاقتىدا تۆلىيەلمەسلىكىگە سەۋەپ بولدى . شۇ  سەۋەپ بارلىق ساۋاقداشلىرى ، دوسلىرى ، ھەتتا بىز ئاغزى - ئاغزىمىزغا يەتمەي  مېھرىبان ، كۆيۈمچان ، بىزنىڭ ئىككىنجى ئانىمىز دەپ  تەرىپلەيدىغان ئوقۇتقۇچىلارمۇ  ئۇنى كۆزگە ئىلماس بولدى . ئۇنى قارىپ قويدى ، ئۇنى چەتكە قاقتى،  ئۇنىڭ ئارتۇقچىلىقىغا كۆز يۇمدى . ئۇنى ھىچ كارغا كەلمەس قاتارغا چىقاردى ......  شۇ  تۈپەيلى ئۇ يالغۇزلۇق  زىندانىغا   ئۆزىنى  تاشلىدى . ھىچ كىشى بىلەن ئارلاشمىدى . ئارلاشقىسى  يوق  بۇلىشى مۇمكىن ئەمەس ئەمدىلا 18~19  ياشلارغا كىرگەن ياشلىق جۇشقۇنلىقى  تولۇپ تاشقان بىر  كىشى بۇنداق بۇلۇشنى خالايدۇ دەمسىز ؟؟ ئۇنىڭ  ئەتراپىدىكى  كىشىلەر ئۇنى چەتكە قېقىپ ئۆزىنى قاچۇرۋاتسا  ئۇنىڭغا نىمە  ئامال ؟؟  <<  ھالىڭ  نەدىن ، نىمە سىنى بۇ كويغا چۇشۇردى ؟؟؟ >>  دىگىدەك  بىر كىشى بولمىسا  ئۇ مۇشۇ  يولنى تاللىماي  نە  چارە ؟   بىر قېتىم ئاتا - ئانىلار  يىغىنىدا بىزنىڭ ئۆيدىكىلەرنىڭ ئىشى چىقىپ قېلىپ ھىچ كىم كىلەلمىدى ، ئەنە شۇ چاغدا مىنىڭ كۆڭلۈم قاتتىق يېرىم بولغان ئىدى . قاتتىق يىغلىغان ئىدىم . لىكىن بۈگۈن ئاپامدىن << مۇشۇ كەمگىچە ئاكىڭىزنىڭ ئاتا - ئانىلار يىغىنىغا ھىچ كىم  كەپ  باقماپتۇ..........>>  دىگەننى  ئاڭلاپ كۆزلۈرۈم ياشقا تولدى . تولىمۇ ئازاپلاندىم . ئارقىدىنلا دادام - ئاپامنى ئەيىپلەپ كەتتىم . بەلكىم مىنىڭ ئۇلانى ئەيىپلىشىم خاتادۇ ، لىكىن مىنىڭ دادام ئۇنىڭ تاغىسى ئەمەسمۇ ؟ نىمىشقا  ئۇنىڭ بىلەن كارى بولمايدۇ ؟ بۇلانى ئويلاپ ئۆزۈمنى قاتتىق گۇناھكار ھېس قىلدىم .<<  مەن نىمىشقا بۇ ئىشلاردىن خەۋەرسىز قالدىم .........؟؟؟ >>  دەپ  ئۆزۈمدىن قاتتىق ئەيىپلىدىم .  بەلكىم ئارلىقىمىزنىڭ  يىراقلىقىدىن بولىشى  مۇمكىن .  لىكىن مەن ئارلىق يىراق دەپلا  ئۇنى تاشلىۋەتكىنىم خاتا . لىكىن ئۇنىڭ يېنىدىكى مىھرىبانلاچۇ ؟ دادامدىن باشقا يەنە نەچچە تاغىللىرىمىز - ھامىللىرىمىز  بار ئىدىغۇ بىزنىڭ ....  ئەمدى ئۇلار نەگە كەتتى ؟؟؟   ئاكام ئىككىلىمىزنى كىچىكىمىزدە چوڭ ئاپام باققان ، تولىمۇ ياخشى كۆرەتتى ، پىشانىللىرىمىزگە سۆيەتتى ....  ئەمدىچۇ ؟ نىمىشقا  ماڭا بۇرۇنقىدەكلا  ئامراق ؟؟  ئاكامنى  نىمىشقا  ئۇنتۇپ  كەتتى ؟؟؟  زادى  نىمىشقا  ؟؟؟   دادام ھەر ئايلىق مائاشىدىن  چوڭ ئاپامغا ئەۋەتىپ تۇرغاچقا مىنى شۇنداق ئەتىۋالامدۇ ؟؟؟  مەن مېھىر - مۇھەببەت  قوينىدا تۇرساممۇ  يەنە داۋاملىق مېھىرگە  ئېرىشىمەن ؟؟؟  مېھىر - مۇھەببەتكە ئەڭ تەشنا بولغان ئاكام  نىمىشقا  ئېرىشەلمەيدۇ ؟؟؟   بۇلار زادى نىمىشقا  ؟؟؟  بۇ  دۇنيا  راسلا پۇلى بارنىڭ بولۇپ كەتتىمۇ ؟؟؟؟؟   ئىنسانلاردا  مېھىر - مۇھەببەت ، ساداقەت ، ئىسانى غورۇر ، ئادىمىيلىك راسلا يوقاپ  كەتتىمۇ ؟؟؟؟ مەن  ئەڭ ئالدى بىلەن  ئۆزەمدىن ئاغرىنىمەن .  چۇنكى پاراغەت ئىچىدە ياشاپ ئاكامى ئۇنتۇپ  قالغىنىمدىن قاتتىق خىجىل بولىمەن . ئۆزۈمنى كەچۈرۈشكە ئامالسىزمەن .   قەدىردانلا  ، سۆيۈملۇكلەر ، مېھرىبانلار ، ئەزىزلەر  ........   ئەتراپىڭلارغا قاراپ بېقىڭلار  بەلكىم سىلەر ئۇنۇتقان يېقىنلىرىڭلار  ، تۇققانلىرىڭلار ، دىلكەشلىرىڭلار .........  سىلەرگە مۇھتاج بولىۋاتقاندۇ . ئۇلاردا پۇل بولمىسا ھىچقىسى يوق ، ئۇلانى چەتكە قاقماڭلار ، ئۇلارنى تاشلىۋەتمەڭلار .....  ئۇلارغا كەلگەن كۈن سىلەرگە كەلمىسۇن ...  شۇكىرى قىلىش يۇزىسىدىن  ،  بىلىپ بىلمەي قىلغان گۇناھىڭلارغا  توۋا  قىلىش  ئۈچۈن بولسىمۇ  ئۇلارغا  ياردەم  قولۇڭلانى  سۇنۇپ  قويۇڭلار  ،  مېھىر  بېرىڭلار .........     ئۇلارنىڭمۇ  دىلى  ئىللىسۇن ....  كۆڭلى  خوش  بولسۇن .... قانداقتۇر  رەھىمسىز  تەقدىرگە  ،  ئادالەتسىز  جەمىئەتكە ئتتىرىپ  قويۇپلا  ئۆزەڭلارنى قاچۇرماڭلا !!!!!!!         مەنبە :  ئازاپلانغان قەلبىم .     <  غۇنچە >

moghal

	ئادەملەردىكى شەخسىيەتچىلىك كىشىلىك مىھىر- مۇھاببەتنى  ئۇنتۇلدۇردى، سوتسىيالىستىك بازار ئىگىلىكى كىشىلەرنىڭ قىممەت قارىشىغا تەسىر كۆرسىتىپ، ھەممىدە پايدىسى تىگىش- تەگمەسلىكنى ئۆلچەم قىلىدىغان بولۇپ كەتتى، ھەتتا قېرىنداشلار ئارىسىدىمۇ بەزىدە مەنپەئەتكە ئاساسەن مۇئامىلە قىلىش شەكىللىنىپ قالدى.     ماقالىڭىزنى ئوقۇپ، نەۋرە ئاكىڭىزغا كۆيۇنىدىغان سىزدەك ، مىھرىبان سىڭلىسىنىڭ بارلىقىدىن سۆيۇندۇم، قولىڭىزدىن كىلىشىچە ياخشىلىق قىلىپ قويۇڭ، ئاللاھ رازى بولىدۇ ئەجرىڭىزگە.

abro

	بەكمۇ  توغرا يزىپسىز ، ھازىر جەمىيەتتىكى كىشىلەر خۇددى مۇشۇنىڭدەك بولۇپ كەتتى. مىنىڭمۇ بىر تاغام باشقىلار تەرىپىدىن ئولتۇرۋىتىلىگەن ئىدى،باشتا يەڭگىمىز بالىنى ،<مەن بۇ ئۆيگە بالا بىلەن كەلمىگەن .>دەپ بالىنى چوڭ ئاپامغا تاشلاپ كەتتى.كىيىن سوتتا جىنايەتچىلەرگە بىر ئاز تۆلەم كىسىپ قويىۋىدى ،بالامنى ئۆزۈم باقىمەن، دەپ چوڭ ئاپامنى يىغلاپ -يالۋۇرىشىغا قارىماي ئىلىپ كەتتى.چۈنكى بالىنى كىم باقسا تۆلەم شۇنىڭغا بىرىلىدىكەن ،،،،،،،،،،،،،،ھەييييييييييي ھازىر بۇ ئادەملەرگە بىر نىمە دىگىلى بولمىغىدەك.

□MIHRI□

	ھەي ....................................   قانداق قىلىمىز بۇ جاھاننىڭ ئىشلىرىنى ، ھەممەيلەننىڭ كۆڭلىگە ئىنساپ تىلەيلى   [s:135]

TANHA204

	مۇھاببەت پەقەت يېنىمىزدىلا !

sofiya412

	بەك ياخشى چىقىپتۇ ،،،،،، ھەي ،،،،،،،،راس دەيسىز ،بىز خۇشال- خۇرام يۇرگىنىمىز بىلەن نۇرغۇن بالىلارنىڭ كۆڭلى يىرىم ،كۆزىدە ياش ،ھەقىقەتەن ئويلىنىشقا تىگىشلىك ياخشى تىما ئىكەن ! رەھمەت سىزگە .............

alhuxtar

	ياخشى تېمىكەن،رەھمەت سىزگە~!~