ئائىلە قۇرۇش ھەققىدە نېمىلەرنى بىلىسىز

bendora

	بۈگۈن ئەتتىگەندىلا كۆرگەن"ئۆيىگە قايتقان ئەر" ھېكايىسى، نەچچە ۋاقىتتىن بېرى كاللامدىلا ئەگىپ سىرتىغا چىقالمىغان خىياللىرىمنى بىر يولى تېپىپ چىقاردى.مىسرانىمغا كىرگىنىمدىن بۇيان،ئىنكاس نورمامنى توشتۇرۇشنى مەقسەت قىلدىممىكى ھېچبىر تېما يېزىشنى ئويلىشىپ باقماپتىكەنمەن،ئەمما نەچچە ۋاقىتتىن بۇيانقى تېمىلار مېنى بۇ ھەقتە باشقىلارنىڭ پىكىر-خىيالىنى بىلىپ بېقىشقا قىززىقتۇردى.قۇرۇق گەپنى قىسقا قىلاي،مەقسەتكە كېلەي،ئارزۇغا يېتەي:   خوش،ئالدىنقى كۈنلەردە،بىر قانچەيلەننىڭ پالانى پوكۇنى بىلەن توي قىلىش ھەققىدىكى تېمىلىرى ئاۋۇپ قالغانلىقى ھەممىمىزگە ئايان. شۇ چاغدا تىللىغانلارمۇ بار،مەسلىھەت بەرگەنلەرمۇ بار.ئەمما شۇ تېمىلار قاتارىدا يەنە "ئۆيىگە قايتقان ئەر"دەك ئالدىدا دان تۇرسا، توخونى دوراپ پوق يەيدىغان مەسئۇلىيەتسىز كىشىلەر تەسۋىرلەنگەن تېمىلارمۇ چىقىپ تۇردى.مۇشۇلارنى بىر يەرگە ئېلىپ كېلىپ ئويلانماي تۇرالمىدىم.   ھازىر ياشلىرىمىز ئارىسىدا توي قىلىپ بالىلىق بولىۋاتقانلار نۇرغۇن،بولۇپمۇ بىزنىڭ يېشىمىزدا بىردىن بالىسىنى كۆتۈرۈپ ئىككىنجى بالىسىنى قورسىقىدا ساقلاپ ياتقانلىرىمۇ بار.ھازىر كۆپۈنچىمىز ئۆز ئىختىيارلىقىمىز بىلەن توي قىلىۋاتىمىز،توسالغۇسىز ھالدا،ئەمما قانچىمىز توينىڭ نېمە ئىكەنلىكىنى بىلىپ ئويلاشتۇق؟ھازىرقى ياشلارنىڭ ئېڭىدا توي قىلىش دېگەن پەقەت ئىسلامىيەتتىكى ھارام مۇناسىۋىتىمىزنى ھالاللاشتۇرۇشتىنلا ئىبارەتمىدۇ؟توي قىلىشتىن بۇرۇن ئەرلەر ئاياللىرىڭلار ئۈستىدىكى ھەققى مەجبۇرىيىتىڭلارنى، ئاياللارمۇ ئەرلىرىڭلار ئۈستىدىكى ھەققى مەجبۇرىيىتىڭلارنى ئويلاپ باققانمىدىڭلار؟ تويدىن كېيىن شۇنى ئەمەلگە ئاشۇرالىدىڭلارمۇ؟ توي قىلىشتىن مەقسىتىڭلار بەزى زىل مەسىلىلەرگە نىسبەتەن "مەن دېگەن توي قىلىپ بولغان"دەپ قىزىل قەغەزنى مەيدىمىزگە تېڭىپ مېڭىشتىن ئىبارەتمىدى؟ ئۇنداقتا نېمە ئۈچۈن توي قىلغان تۇرۇقلۇق يەنە خالىمىغان ئىشلار يۈز بېرىدۇ؟ ئەرلەر ئاياللىرىڭلارنى باشقا يات ئەرلەرنىڭ شەھۋەتكە تولغان كۆزلىرىدىن توسۇپ قوغداپ،كۆڭلىڭىز خاتىرجەم يۈرەلىدىڭىزمۇ؟ دەيۈز كېتىسىز ھېي! دەيۈز 40مىڭ يىللىق يىراقتىن پۇايدىغان جەننەتنىڭ پۇرىقىنى پۇرىيالمايدۇ! ئۇنداقتا ئاياللار سىلەر ئەرلىرىڭلارنىڭ كۆڭلىنى ئۆزۈڭلارغا قوندۇرالىدىڭلارمۇ؟ ئۆزىڭىزنىڭ ئەڭ گۈزەل چاغلىرىنى يولدىشىڭىزغىلا خاس قىلالىدىڭىزمۇ؟ ۋە ياكى جاھاندىكى رەڭلىك بايراقلار ئاز كەلگەندەك شۇلارنىڭ توپىغا قوشۇلۇپ،ئات ئايلىخانغا،يول سارىخانغا قەدىمىگە مەزمۇت دەسسىدىڭىزمۇ؟(ئۆزەڭچۇ دەپ سورايدىغانلارغا جاۋاپ بېرىۋىتەي:مەنمۇ كىيگەن رەڭلىك، ياكى كالتە-كۆسەي كىيملەرنى،ئەمما قانات چىقمىدى، يەنىلا باشقا ئىنسانلاردەك يەردە مېڭىپ يۈردۈم، ئاللاھ ئۆزى ھىدايەت قىلىپ بۇ يولغا باشلىمىسا قاچانغىچە شۇنداق يۈرەردىمكىن تاڭ!ئاللاھقا شۈكرى!) سىزگىمۇ ياخشى ئىش يوق چوكان! ھامان بىر كۈنى شۇ ئېرىڭىزگە ئاجراتمىغان ۋاقتىڭىز تۈپەيلى ئېرىڭىزنى ئۆيگە بىرەر سائەتكە چاقىرىپ كېلەلمەي زار-زار يىغلاپ قالىسىز.شۇ چاغدا سىرتقا بېغىشلىغان گۈزەللىكنىڭ ئسلىدە قىلىمۇ كار قىلمايدىغانلىقىنى ھېس قىلىسىز! بۇ يەردىكى ئاساسىي مەقسەت ،مەيلى ئويۇن بولسۇن ياكى يات جىنىس بولسۇن، نېمىشقا كۆڭۈل تالانى ئىستەيدۇ؟ چۈنكى جاۋابى پەقەت- سىز كۆڭلىڭىزنى توختاتمىدىڭىز تېخى! توي قىلىشقا سىزگە تېخى خېلى ئاش پىششىقى بار ئىدى. ئەمما بوپتۇ،بۇنىغۇ بوپتۇ دەپ تۇرايلى،توي قىلىپقۇ بۇزۇقچىلىقتىن بىرنى ئازايتىپسىز،ئەمما تويدىن كېيىنكى ئىشلار ھەققىدە قانچىلىك ئويلاندىڭىز؟توي قىلىپ بولغاندىن كېيىن قارىسىڭىز، باشقا دوستلىرىڭىز بالىلىق بولغان، شۇنىڭ بىلەن كىچىكىمىزدە "مېنىڭ قونچىقىم با، سېنىڭ بامۇ"دەپ دام-دام قىلغاندەك، سىزنىڭمۇ بەسلىشىپ بالا تاپقىڭىز كەلدىمۇ؟ بالا بېقىشنى بىلەمسىز؟ يا ئانىڭىزغا باقتۇرۇش پىلانىنى سىزمۇ تۈزۈپ بولدىڭىزمۇ؟ بىر ناكەستىن"بۇ بالاڭ تېخى ئانچە چوڭ بولماي يەنە بىرنى تۇغساڭ قانداق باقىسەن،ئاپاڭ بېقىپ بەرگەچكە جاپانى بىلمەي تۇغىۋىلىشنىلا ئويلاپسەندە"دەپ سورىغىنىمغا،"ۋىيىي ئاپامنىڭ بارىدا جىقراق تۇغۇۋالاي دەيمەنغۇ، لېكىن ئاپام كۈندە بېقىپ بەرمەيدۇ.تۈنۈگۈن كەلمىدى،بۈگۈنمۇ يو ق مانا"دېگەن گېپى نېرۋامغا جاڭڭىدە تېگىپ ،زەردە بىلەن"ياخشى بوپتۇ،ئاپاڭنىڭ كېلىپ بالىغا قارىمىغان كۈنلىرىنى خاتىرلەپ قويۇپ،پۇل تۇتىۋال!"دېگەنتىم.    بالىنىغۇ تاپارسىز، ئۇنىڭغا نېمە بېرىسىز، قانداق تەربىيە قىلىسىز ئويلاپ باقتىڭىزمۇ؟ تۇغسىلا ھېساپ ئەمەس، باقالىسا ھەقىقىي ئادەم قىلالىسا ھېساپ. كىمگە لايىق بالا تۇغۇپ چوڭ قىلماقچى سىز؟ ئەگەر بالىڭىز كەلگۈسىدە لايغەزەل، ياكى باشقىچە بىر نەرسە بولۇپ چىقسا ئۆزىڭىزگىمۇ زىيان،جەمئىيەتكىمۇ زىيان، ئۇ چاغدىكى مەسئۇلىيەتنى بالىڭىزنىڭ خاتا تۇغۇلۇپ قالغانلىقىدىن كۆرەمسىز ياكى ياخشى تەربىيە قىلالمىغان، توغرىسى تەربىيە قىلغۇچىلىكى يوق، كاللىسى مۆرىسىنىڭ ئۈستىدە ئەمەس ئۆزىڭىزدىن كۆرەمسىز؟ ئىت-مۈشۈكمۇ تۇغىدۇ،ئەمما شۇلار جېنىدا بالىسىغا ئۆزىگە خاس"مەدىنىيەت"نى ئۈگىتىدۇ.ھەرگىز ئىت مۈشۈكنىڭكىنى ياكى شىر كالىنىڭ "تەربىيە"سىنى سىڭدۈرمەيدۇ.ئەمما شۇ ھايۋان جېنىدا قىلغان ئىشلارنى بىز قىلالمايۋاتىمىز، ئۆگىتىدىغان نەرسىنى ئۆگەتمەي،ئۆگەتمەيدىغان، چەكلەيدىغان ئىشلارنى ئۆگىتىۋاتىمىز. نېمىشقا؟ چۈنكى بىزدىمۇ بارى يوقى شۇ! ئاساس بوش بىزنىڭ!ئۆزىمىزدە يوقىنى بالىغا قانداق بېرەتتۇق؟بالا مەڭگۈ كىچىك تۇرىدىغان نەرسە ئەمەس،ئۇمۇ چوڭ بولىدۇ،جەمئىيەتكە قېتىلغاندا ئۇنىڭ ئۆز ئالدىغا ئابرويى بولىشى كېرەك، ئابروي نەدىن كېلىدۇ؟ سىزنىڭ بەرگەن تەربىيىڭىزدىن نەتىجىگە ئېرىشىش جەريانىدىن كېلىدۇ.   بىزنىڭ ئاتا-ئانىلىرىمىزمۇ كىچىكلا توي قىلغان ئەمما ئۇ ۋاقىتتىكى ئۇلارنىڭ يېشى بىلەن بىزنىڭ يېشىمىز ئوخشىسىمۇ، جاھانغا بولغان كۆز قارىشىمىز،مۇستەقىللىق ئېڭىمىز ئوخشاشمايتتى.ئۇلار شۇ دەۋىرنىڭ ئېھتىياجىغا ئاساسەن پىشىپ يېتىلىپ توي قىلاتتى، تويدىن كېيىنكى ئائىلىسىدە قانچىلىك جابدۇقلىرى بارلىقىنى دېمىسەممۇ ئۆزىمىز كۆرۈپ چوڭ بولغان، قالغان قالدۇق جابدۇقلارنى ئۆزلىرى بىرلىكتە تىرىشىپ ئالاتتى،بىزدىچۇ؟ ھەممىنى تەييار قىلىپ ئاندىن كىرىۋاتىمىز ئۆيگە، دۋد ئاپاراتىدىن تارتىپ كام ئەمەس، ئەمما شۇنىڭ ئىچىدە قانچىسىنى ئۆزىمىزنىڭ ھالال تەرىگە ئالدۇق، بىلمەيمىز.چوڭلار تەييارلاپ بەرگەن ئۆيگە كىرىپلا ئولتۇرغاچقا، توغرىسى ئۆيگە مۇھەببەت مېھىر دېگەنلەر بولمايدۇ، مانا بۇ ھازىرقى ياشلىرىمىزنىڭ توي قىلىپلا تالاغا قارىشى، ئاجرىشىشىنىڭ ئاسان بولىشىنىڭ سەۋەبى.چۈنكى سىز ئائىلەم ئۈچۈن بىر كوينى ئىقتىساد قىلىپ ماۋۇ نەرسىنى ئالاي دەپ ئويلىمايسىزدە. دادام-ئاپام شۇنچىلىك قاتتىق ئۇرۇشۇپ ئاجىرشىمىز دەپ قالغانلىرىدا، ئاپامنىڭ ئاشخانا ئۆيدە ھېكىمگە كۆرسەتمەي كىچىككىنە نوغۇچىمىزنى ۋە ياكى چۆمۈچلىرىمىزنى(بۇ نەرسىلەرنى ئاپام دائىم سېنىڭ بىلەن تەڭ ياشقا كىردە دەپ قوياتتى) قولىغا ئېلىپ يىغلاپ كەتكەنلىرىنى ئويلىسام ئىچىم بىردە ئاچچىق، بىردە تاتلىق سېزىمغا چۆمىدۇ.چۈنكى شۇ نوغۇچ كىچىك بولسىمۇ ئاپام-دادامنىڭ مېھرى سىڭگەنلىكى ئۈچۈن،ھېچقايسىسى ئۇنداق ئاسان ۋاز كېچىشنى خالىمىغان، ۋە بىزنى،ئائىلىمىزنى ساقلاپ قالغان. ھازىر ئارىمىزدا نوغۇچنى مېھرى بىلەن قولىغا ئېلىپ قارىيالايدىغانلار بارمۇ؟ يوق، چۆمۈچىڭىزنى قايسى تاللا بازىرىدىن قانچە پۇلغا ئالغانلىقىنىمۇ بىلمەيسىز بەلكىم!ئەمما مەن خالىمايمەن بۇنداق تەييار تۇرمۇشنى، جاپالىق بولسىمۇ ھەربىر چىنەمگىچە ئەسلىمەم بولسىكەن دەيمەن.ھەرگىز چوڭ ئۆي تاما قىلىپ، ۋە ياكى تەييار ئۆيگە كىرىپ ،مېھىرسىز ياشاشنى خالىمايمەن.بەزى نەرسىلەر مودىنى خالىمايدۇ...  مانا مەن مۇشۇنداق ئائىلە قۇرۇشنى خالايمەنكى،ئېرىم ماڭا ئىككى ئالەم ھالال بولسۇن،ئامىن! مەن ھەم ئۇنىڭغا ئىككى ئالەم ھالال بولاي،ئامىن!ئاللاھ بىزگە شۇنداق بىر ھالال نىكاھ ۋە سالىھ پەرزەنت بەرسۇنكى، شۇنچە چوڭ جەمىيەتتە كىچىككىنە ئائىلەمدىن پەخىرلەنگەن ھالدا چېھرىمدىن كۈلكە جىلۋە قىلدۇرۇپ ياشاشقا نېسىپ قىلسۇن،ئامىن! قىيامەتتە ئاللاھىم ئالدىدا يۈزۈم يورۇق بولسۇن، جەننەتتە يولدۇشۇم ۋە بالىلىرىم بىلەن بىرلىكتە ئاللاھنىڭ چېھرىگە قارىيالايدىغان بەندىلەردىن بولايلى،ئامىن!ئاللاھ ماڭا ۋە ئۇنىڭغا زور ئاسانچىلىق ۋە بەرىكەت ئاتا قىلسۇن،ئامىن!   ئەمدى سىزنىڭكىنى ئاڭلاي، ئائىلە ھەققىدە قانداق قاراشلىرىڭىز، ئوي پىكىر ۋە پىلانلىرىڭىز باركىن؟

nurlan805

	ھازىر سوتنىڭ دىلو تۇرغۇزۇش ئىشخانىسى(立案厅) غا كىرىپ قالسىڭىز ئاجىرىشىدىغانلار ئۆچرەت بۇلۇپ تۇرىدۇ!!10دىلونىڭ 9 نىكاھدىن ئاجىرىشىش دىلوسى! مەن بەزىدە ئويلاپ قالىمەن!! مۇشۇ توي قىلىمەن دەپ تىزىملاتقىلى بارغانلارنى ئاۋۋال ئاز بولغاندا بىر ئاي كۇرۇستا مەخسۇس مۇشۇ ئائىلىدىكى ئەر-ئايال ئىككىلىسىنىڭ ئورنى،مەجبۇرىيتى،مەسئۇلىيتى،بىر-بىرىكە مىھرىبانلىق قىلىش،كۆيۇنۇش قاتارلىق نۇرغۇن تەرەپلەردىن دەرىس ئۆتۇپ تەربىيلەپ لاياقەتلىك بولسا ئاندىن توي قىلىشقا رۇخسەت قىلسا ئاجىرىشىدىغانلار كۆپ ئازلىغان بولاتتى!!چۇنكى ئاجىرىشىغانلارنىڭ كۆپۇنچىسى ياشلار،ئاساسلىق مەسلە ئائىلىگە بولغان تونۇش كام!!ئائىلىگە بولغان مەسئۇلىيەت كام!!! شۇڭا كونىلار بىكار ئىيتمىغان(بىر ئۆينىڭ مورىسىدىن تۇتۇن چىقارماق ئاسان ئەمەس)دەپ! ئەمدى ئەر بولسۇن ياكى ئايال بولسۇن تالاغا قاراش مەسلىسىگە كەلسەك بۇنى ئاۋال شۇ ئادەمنىڭ مەسئۇلىيەتسىزلىكىدىن يەنە بىرسى قانۇننىڭ بوشلىغىدىن كۆرۇشكە بولىدۇ!!شۇڭا خاتىرجەم ئويناۋىرىدۇ! ئىراندەك ئاشنا ئوينىغانلارنى تۇتىۋالسا خەلقى-ئالەم ئالدىدا چالما-كىسەك قىلىپ ئۆلتىرىۋىتىدىغان،دارغا ئاسىدىغان(دارنىڭ ئورنىدا كىران ئىشلىتىدىكەن) ياكى ئاختا قىلىۋىتىدىغان قاتارلىق ئىسلام قانۇنلىرىنى يولغا قۇيۇپ ئىجرا قىلسىتى ئۇ چاغدا مانى ئويناڭ دەپ ئالدىغا ئەكىلىپ بەرسىمۇ  غ غا ت نى قوشۇپ مەھكەم قىسىپ ئۇدۇل ئۆيىگە كىتىپ ھالال جۇپتىگە ھەمرا بولاتتى!!! ئائىلە ساق قالاتتى! نۇرغۇن قىزلار ياكى ئوغۇللار بۇزۇلمايتتى، تىنى سالامەت تۇراتتى!ئەيدىز قاتارلىق نىجىس كىسەللەردىن يىراق تۇراتتى!! بىبا قىلىپ يۇختۇرۋالمايتتى! ئىسلام قانۇنى!!!!ئەجەپ قەدرىڭنى بىلمىدۇق!!!!!!!!!!!!!!!!!!!!!!!!!!!!!!!!!!!!!!!!!!!!!!!

faeza

	بۇ ناھايىتى ياخشى تىما بوپتۇ . ھەممىمىز ئويلىشىشقا تىگىشلىك تىمىكەن .    مىنىڭچە كۆپ قىسىم كىشىلەر ئائىلە قۇرۇشنىڭ نىمىلىكىنى بىلمەيلا توي قىلىدىغۇ دەيمەن . يېشىنىڭ چوڭىيىشى ، ئەتراپىدىكىلەرنىڭ توي قىلىپ بۇلۇشى بىلەن ئۆزىنىڭمۇ توي قىلمىسا بولمايدىغان بۇلۇپ قالغانلىقىدەك ھىس قىلىپ توي قىلىشى مۇمكىن . مانا بىزگىمۇ توي قىلغىلى 7،8 يىل بۇلۇپ قاپتۇ .  بىزمۇ ئاددى توي قىلغان . يولدىشىمنىڭ ئاتا ئانىلىرىنى ئىقتىسادى جەھەتتىن چىقىم قىلدۇرمىدۇق دىسەكمۇ بۇلىدۇ . ئۆينىمۇ ئۆزىمىز ئالدۇق . چوڭلارنى ئاساسى جەھەتتىن ئاۋارە قىلمىدۇق . ئاددى ، تىجەشلىك تۇرمۇش كەچۈرۈۋاتىمىز . كىيىم كىچەككە بېرىلمىدۇق . خېلى ئەل قاتارى ياشاۋاتىمىز . بالىمىزنىمۇ ئاساسەن ئۆزىمىز باقتۇق . بالىمۇ شۇنداق تىجەشلىك چوڭ بۇلۇۋاتىدۇ ......، باشقا گەپلەرنى كىيىن دىيىشەيلى !

huxruh

	مەن تىخى ئائىلە قورمۇدۇم ،يەنە ئىككى ئۈچ يىل ۋاقتى بار ،لىكىن مەن ئاجرىشىش دىگەنگە بەك ئۆچ جۇمۇ......بىز بالىلارنىڭ قانداق روھى ئازاپقا دۇچار بولىدىغانلىقىمىزنى بىلمەمدىغانسىلە    ئەگەر ئائىلىك بولسام مەيلى ھەر قانداق .ئىشقا بەرداشلىق بىرىمەن ،ھەرگىز ئاجراشماسمەن<اللە>خالىسا

aslima~@

	يەنىلا تېما يوللىغۇچىنىڭ ئائىلە قۇرۇشتىكى قارىشىنى قوللايمەن !  ئەگەر بۇ ھاياتىمدا شۇ ئارزۇغا يېتەلىسەم ، كەمىنىگە ئۇنىڭدىن ئارتۇق بەخت بولماس~

ehsan717

	ھەي خۇدا بۇرۇنقى بىزنىڭ ئاتا - ئانىمىزنىڭ ۋاقىتلىرىغا قارايمەن. ئۇلار بىر بىرسىنى توي كۈنلاپ كۆرۈپ بىر ئۆمۇر ياخشغانلىغا قاراپ....شۇنچە پەخرلىنىمەن. مىنىڭ ئاپام دادامنى توي كۈنلا كۆرۈپتىكەن. ...مانا بىز سەككىز بالغا ئاتا ئانا بولۇپمىنىڭ 4 بالامنى قوشۇپ بولدى.

kapTalis

	ئاپتور جاۋابىنى بويلاپ 4قەۋەت huxruh كە 2011-03-31 11:35 PMئەۋەتىلدى : مەن تىخى ئائىلە قورمۇدۇم ،يەنە ئىككى ئۈچ يىل ۋاقتى بار ،لىكىن مەن ئاجرىشىش دىگەنگە بەك ئۆچ جۇمۇ......بىز بالىلارنىڭ قانداق روھى ئازاپقا دۇچار بولىدىغانلىقىمىزنى بىلمەمدىغانسىلە   ئەگەر ئائىلىك بولسام مەيلى ھەر قانداق .ئىشقا بەرداشلىق بىرىمەن ،ھەرگىز ئاجراشماسمەن<اللە>خالىسا ئىرادىڭىزگە بارىكاللا .چوقۇم ئاجراشماڭ <اللە>خالىسا !

wakitsogisi

	مەنمۇ تۇي قىلمىغان لېكىن توي قىلىشتىن بۇرۇن سىزگە ئوخشاش ئىلغار پىكىرلىك ماڭا ئىككى دۇنيالىق يار بولالايدىغان ياخشى جۆرىنى بىر ئاللادىن تىلەيمەن.ھازىر سىزگە ئوخشاش ئويلايدىغان قىزلىرىمىز بارماق بىلەن سانىۋالغۇدەكلا .ئاللا ماڭىمۇ قەلبىسىزگە ئوخشاش يورۇق ئىككى دۇنيالىق ھالال جۈپ ئاتا قىلسۇن ئامىن!

tamqagul

	اېلەقۇرۇش.دېگەن.دۇلەتنڭ.يادوروسې.بېراق.الاتالا.ناپاك.ېشلادېن.اسې.كۇزېمېزنېڭ.ناپاك.نەرسېلەرگە.قاراپ.گۇناكار.بولماسلېقېمېز.ۇچۇن.توي.قېلڭلار.دېگەن.بېراق.ھازېر.توي.مال.دۇنياسېنې.كوز.كوز.بېرىىخېل،ۋاستېەگە.ايلېنېپ.قالدې.مەن.توي.قېلغانغېمۇ.15.يېل.بۇپتۇ.بېزنېڭ.بالېلېرېمېز.توي.قېلغاندا.نېمە.ېشلار.مودا،بولار.بېراق.مەن.ويلايمەن.مۇشۇ.قېزلېرېمېزنې.وقۇتۇشقا.بەكېرەك.ەھمېيەت.بەرسەك.مېلەت.ساپاسې.ھەمبالېلېرېمېزنېڭ.كەلگۇسې.پارلاق.بولامدېكې.دەيمەن.چۇنكې.انا،بېلېملېك.بولسا.بالېلېرېمېز.بېلېملېك.ەدەپ.ەخلاقلېق.بولامدېكې،.اتاغلېق.تېلشۇناس.ېمېن.تۇرسۇن.ەپەندېمنېڭ.كوڭۇلدېكې.سوز.پېراگگرامېسېدا.ېيتقان.بېر.قۇملە.سوزې.ماڭا.قاتېق.تەسېر.قېلغان.ۇ.كېشې.مەن.يەكەنگە.ھاكېم.بولۇپ.بارغان.ۋاىتېمدا.شۇ.يەردېكېلەر.سېنې.ويلەپ.قويايلې.دېن.ۋاختېدا.مەن.مەيلې.دېنېدا.مەيلې.پەنېدە.بولېسېمۇ.وقېغان.بولسۇن.دېگەنتېم.مۇشۇ.سوز.مېنېڭ.قۇلېقېمدا.جاراڭلايدۇ..مەن.اېلەقۇرۇش.دېگەن.تېمېنې.يازغان.بۇ.قېرېندېشېمغا.تەشەككۇر.ېيتېمەن.ھەربېر.ادەمويلېشپ.بېقېشېغا.ەرزېگۇدك.تېما.بوپتۇ.مەن.تېمېدېن.چەتنەپ.كەتمېگەندېمە.ېملا.خاتالېغې.بولسېمۇ.تۇزۇتۇپ.وقارسېلەر.دۇنيادا.مۇكەمەل.ادەم.بولمېئغېنېدەك.........

tamqagul

	بۇ.دەگېنېڭېز.مېنېڭچە.بولغاندا.خاتا.سېز.يالغۇز.ساياھەت.قېلسام.ياخشې.بولامدېكې.دەمسېز.بېراق.توي.قېلېپ.اېلېڭېز.بېلەن.ساياھەت.قېلسېڭېز.تېخېمۇ.مەنېلېك.بولمدۇ.........

bendora

	مېنىڭ ئاتا-ئانامغۇ ئۆزلىرى تېپىشىپتىكەن،لېكىن، دادام جەنۇپتىن، ئاپام شىمالدىن ئەمما ئىككىسىنىڭ تۇتقان ئۆيى ھەر ئىككىسىگە نىسبەتەن خېلىلا يىراق بولغان شەھەردە بولغاچقا،ھەممە نەرسىنى ئۆزلىرى ئېلىپ، جابدۇپ ئۆتۈپتىكەن.كۈنلىرى جاپادا بولسىمۇ كۆڭلى خاتىرجەم. ئىلگىرى ئاتا-ئانىمىز كىچىككىنە ئۆيلەردە بىزنى تۇغۇپ، بىللە ياشاپ پېتىشىپتىكەن،بەزىلەرنىڭ ئائىلىسىدە 3دىن 5كىچە بالا تېخى،ئۆي ئاران ئىككى ئېغىزلىق. ئەمدى بىزگە كەلگەندە بولسا چوڭ ئۆينى،ياۋروپاچە بېزىلىشنى قوغلىشىش مودا بولدى، تويدىن كېيىن تۇرىدىغىنى 2ئادەم، بالا تۇغدى دېگەندىمۇ ھازىرقى ياشلارنىڭ كۆپىنچىسى بىر بالىلىق بولۇشنى خالايدىغانلار. ئۆينىڭ چوڭىنى ئالدىم دەپ ئۇ ئۆيدە ساناتورىيە قۇرامدۇ، ئۆينى پالان پۇلغا ياساتقان ئادەم يەنىلا ئۆزى تۇرىدۇ شۇ ئۆيدە، مېھمان دېگەنمۇ بىر كەلسە كەتسە بولدى، كۈندە يېتىۋالمىغاندىن كېيىن،ئۆينى ئۆزىمىزگە لايىق رەۋىشتە ياسىتىۋىلىپلا خۇشھال خورام ئۆتسەك دەيمەن. بىزنىڭ بىر خوشنىمىزنىڭ ئوغلىغا كۇچادىن ئېلىپ بەرگەن ئايالىنى، ھېلىقى قىز بىرىنجى بالىسىنى تۇغۇپلا بالىسىغا يېشىغا يېتە-يەتمەي يەنە بىرنى تۇغۇۋالدى، ئاپام: -كاللىسى ئىشلەيدىكەن، ئېرىنى چىقىمدىن بېشىنى كۆتۈرەلمەيدىغان قىلىپ، تالاغا قاراشقا پۇرسەتمۇ بەرمىدى،دەيدۇ. ئويلاپ باقسام بۇمۇ راست، دېمىسىمۇ بىزنىڭ ئەقلىمىز تېخى باشقىلارنىڭكىدەك يېتىلمەپتۇ جۇما. 2-ۋە 4-قەۋەتتىكى يازمامنى تولۇقلاپ قويغان تورداشلىرىمغا رەھمەت.