دوستلۇق ۋە مۇھەببەت

Xarminaz

	چىن دوستلۇق ۋە مۇھەببەت چىن دوستلۇق بىلەن مۇھەببەتنى پۇل ، نام - ئەمەل ، زورلۇق كۈچى ۋەياكى تەھدىت بىلەن قولغا كەلتۇرگىلى بولمايدۇ ، شۇنداقلا بۇ ئامىللار تۈپەيلىدىن قولدىن بېرىپ قۇيۇشقىمۇ بولمايدۇ . ئۇ پەقەت ئىنسانىي ۋىجدان ، پەزىلەتكە باغلىق .ىش . چىن ئىنسانلار دوستلۇق ۋە مۇھەببەتنى ۋاپادار يۈرىكىنىڭ ساپ قېنى ، ئىنسانىي پەزىلىتىنىڭ زەمزىمى بىلەن سۇغۇرىدۇ . دۇنيادا ئالىم ، يازغۇچى ، سەنئەتكار بۇلۇش قىيىن ئەمەس ، لېكىن چىن ئادەم بولماق ئۇنچىۋالا ئوڭاي ئەمەس . پەقەت چىن ئادەملا ھاياتنىڭ ، سۆيگۈ - مۇھەببەتنىڭ ، دوستلۇقنىڭ قىيىن سۇئاللىرىغا توغرا جاۋاب بېرەلەيدۇ . ئەمما مۇھەببەتنى ، دوستلۇقنى ئۇيۇن قاتارىدا كۆرگەن ھەم شۇنداقلا مۇھەببەتنىڭ ، دوستلۇقنىڭ نېمىلىكىنى بىلمەيدىغان ، چۈشەنمەيدىغان كىشىلەر بۇ سۇئالغا جاۋاب بېرەلمەيدۇ . مۇھەببەتلەشكەن قىز - يىگىتلەر شۇنداقلا قەلبىدە دوستلۇق شەكىللەنگەن كىشىلەر بىر - بىرىگە ئىشەنمەيدىكەن ، ئۇنداقتا ئۇلارمۇ بۇ سۇئالغا توغرا جاۋاب بېرەلمەيدۇ . ھايات سىرلىق ۋە مۇرەككەپ ، ئۇنىڭ يولى بەكمۇ ئەگرى- توقاي . ئۇنىڭدا بەھەيۋەت ئېگىز داۋانلار ، غايەت چۇڭقۇر يارلارمۇ ، گۈزەل باغ - گۈلىستانلار ، كۆڭۈللەرنى شادلىق شارابلىرى بىلەن مەستخۇش قىلىدىغان بەزمە - مەشرەپلەر ، لەززىتى بىر ئۆمۈر تىلدىن كەتمەيدىغان نازۇ - نېمەتلىرىمۇ بار . مۇھەببەت تولىمۇ مېھرىبان ، لېكىن ئۇ دائىملا ئادەمنى پەپىلەپ ئولتۇرمايدۇ . بەزىدە ئۇ ساڭا شۇنداق سۇئاللارنى قۇيۇدىكى ، سەن نېمە قىلىشنى ، قانداق جاۋاب بېرىشنى بىلمەي نۇمۇس ، ئىزا كۈچىدىن ئۆلۈمنى ئەۋزەل كۆرۈپ قالىسەن . شۇڭا ، ھەربىر قەدەمنى باسقاندا << مېنىڭ بۇ ماڭغان بولۇم توغرىمۇ ؟ مەن مۇشۇ يول بىلەن ماڭسام كۆزلىگەن نىشانغا يېتىپ بارالايمەنمۇ ؟ >> دەپ ئويلان ! پەقەت چىن ئادەملا ھاياتنىڭ ، سۆيگۈ - مۇھەببەتنىڭ ۋەياكى دوستلۇقنىڭ ھەر قانداق قىيىن سۇئالىغا توغرا جاېاب بېرەلەيدۇ . ئۇنداقتا ، ئويلىنىڭ بېقىڭ ، سىز چىن ئادەممۇ ؟؟؟؟؟ ئادەمدىكى ئەڭ مۇھىم نەرسە سەمىمىيەت ،ۋىجدان ، غۇرۇر ، دوستلۇق ، مۇھەببەت رىشتى ، ساداقەت . قەدىمدىن تارتىپ دوستلۇق بىلەن مۇھەببەت تەڭ مەۋجۇت بۇلۇپ كەلگەن . ئىنسانلار ئوتتۇرىسىدىكى دوستلۇق ئۆز - ئارا ئىشىنىش ھەم چۈشىنىش ئاساسىدا بارلىققا كېلىدۇ ، قەلبىدە ھەقىقىي دوستلۇق شەكىللەنگەن كىشىلەر دوستلۇقنى قەدىرلەيدۇ ، دوستى ئۈچۈن قولىدىن كېلىشىچە ياردملەرنى قىلىدۇ . ھەققىي دوستلۇق ھەرقانداق ئىش يۈز بەرسىمۇ ساڭا قارا يۈزلۇك قىلمايدىغان ،سېنى تاشلىۋەتمەيدىغان ھەمراھ . قىز - ئوغۇللار ئوتتۇرىسىدىكى دوستلۇق بولسا ئۇلار بېشىنى قۇيۇپ يىغلايدىغان مۇرە ، ھال -مۇڭلىرىنى خاتىرجەم تۆكىدىغان قۇدۇق ، قەلبىنى ھاياجانغا سالىدىغان نەزمىلىك دۇلقۇن ، ئۇلارنى زۇلمەت ۋە ئۈمىدسىزلىك ئىچىدىن تارتىپ چىقىرىدىغان قۇدرەتلىك قول .... ئەمما كۆپ ھاللاردا قىز - يىگىتلەر ئوتتۇرىسىدىكى بۇ دوستلۇق مۇھەببەتكە ئۆزگىرىدۇ . ئۇلارنىڭ قەلبىدىكى دوستلۇق ئۇرۇقىدىن مۇھەببەت گۈللىرى ئېچىلغاندا ئۇلار بۇ گۈلنى چىن ۋاپا ۋە ساداقەت بىلەن سۇغىرىدۇ . دوستلۇق ئۈچۈن مۇھەببەتنى قۇربان قىلغانلار كۆپ بولغان ، ئەمما مۇھەببەت ئۈچۈن دوستلۇقنى قۇربان قىلغانلار ساناقلىقلا بولغان بۇلىشى مۇمكىن ، شۇڭا مۇھەببەت ئېغىزدىلا ئەمەس بەلكى چىن يۈرەكتە بولىدۇ . دوستلۇق ئۈچۈن مۇھەببەتنى قۇربان قىلغانلار پەقەت جىسمانىي جەھەتتىكى مۇھەببەتنى قۇربان قىلىپ ، چىن مۇھەببىتىنى دىلىدا ساقلاپ قالىدۇ . بۇ مۇھەببەتكە ھەم دوستلۇققا قىلىنغان خىيانەت بولماستىن بەلكى چىن مۇھەببەت بولىدۇ . چىن مۇھەببەتنى ئەسلى مەنىسىدىن ئېيىتقاندا ، ئۇ ئۆزى ياخشى كۆرگەن كىشىگە بەخىت تىلەش ، ئۇنىڭ بەختى ئۈچۈن قولىدىن كېلىدىغان ياردىمىنى ئايىماسلىق ، قولىدىن كېلىشىچە ئۇنىڭ بەخىت گۈللىرىنىڭ تۈۋىگە توپا يۆلەش ھەم يەنە ئۇنىڭ بەختى ئۈچۈن ئۆزىنىڭ مۇھەببەتىنى قۇربان قىلىشتۇر . ھەركىمنىڭ مۇھەببەت ئەركى ئۆز قولىدا بولىدۇ ، سەن ئۇنى زورلىيالمايسەن . تەھدىت بىلەن ئۆزۈڭنى سۆيۈش ياكى سۆيمەسلىك ۋەياكى باشقا بىرسىنى سۇيۈش ياكا سۆيمەسلىككە زورلىيالمايسەن ھەم قىستىيالمايسەن . چىن مۇھەببەتلىك ئادەمگە قورقۇنچ بولمايدۇ . چىن سۆيگۈ ئادەمگە ئىرادە ، غەيرەت ۋە ئىشەنچ ئاتا قىلىدۇ . چىن سۆيگۈگە، ۋاپا بىلەن يۇغۇرۇلغان يۈرەككە قارا كۈچ ھاكىم بولالمايدۇ ، چىن سۆيگۈ ئالدىدا ھەرقانداق توسالغۇ ، ھەرقانداق قارا كۇچ مەغلۇپ بولىدۇ . چىن دوستلۇق بىلەن مۇھەببەت ئىنسان ھاياتىدا ئالىي مەناغا ئىگە ! _______ شەرمى ^^ ناز _______

ZULIMAN

	بەك ياخشى يېزىپسىز   رەھمەت ......

shadnur

	رەھمەت سىزگە ياخشى تىمىكەن. توغرا دەيسىز دۇنيادا ، سەمىمى ، چىن ، ۋاپادار بولماق بەك تەس ، ھەم مۇشۇلارمۇ بەكلا كەم . ھەممە ئىشنى ئۆزىمىزدىن باشلاپ باشقىلارغا ئۈلگە بولايلى .

atir

	توغرا دەيسىز مۇھەببەت دوسلۇقتىن باشلىنىپ سۆيۇشكە تەرەقى قىلىپ ، كۆز ياش بىلەن ئاخىرلىشىدۇ . مۇھەببەت ئۇ بەزىدە سىزنى خوشاللىقتىن قاقاھلاپ كۇلدۇرسە ، بەزىدە سىزنى ئازاپتىن يىغلىتىدۇ ......

qalikox

	دوستلوق  مۇھەببەتكە  ئايلىنىپ  قىلىپ ، ۋىسال تاپمىسا  ئەڭ  قىيىن  ئىكەن . بەخىت  تىلەش  موھەببەت  يارىسىنىڭ  ياخشى  داۋاسى .

UYGHURAAA

	چىن دوستلۇق بىلەن مۇھەببەتنى پۇل، ئەمەل، زورلۇق كۈچى ۋە ياكى تەھدىت بىلەن قولغا كەلتۇرگىلى بولمايدۇ. مۇشۇ قۇرلارنى مەن بەكلا ياقتۇرىمەن.

پاۋىل

	ئاپتور جاۋابىنى بويلاپ 2قەۋەت  shadnur كە 2011-04-01 01:40 PMئەۋەتىلدى  : رەھمەت سىزگە ياخشى تىمىكەن. توغرا دەيسىز دۇنيادا ، سەمىمى ، چىن ، ۋاپادار بولماق بەك تەس ، ھەم مۇشۇلارمۇ بەكلا كەم . ھەممە ئىشنى ئۆزىمىزدىن باشلاپ باشقىلارغا ئۈلگە بولايلى . توغرا تەشەببۇس ! تەكلىۋىڭىز ئىنتايىن توغرا بوپتۇ . شۇڭا ھەممىمىز ئىمكانىيەتنىڭ بارىچە تىشچانلىق كۆرسۇتۇپ چىن  ، ۋاپادار ،سەمىمى بۇلۇم ئۆز دوسۇتلىرىمىزنىڭ كۆڭلىگە ئازار بىرىشتىن ساقلىنىپ ساداقىتىمىزنى بىلدۈرەيلى .

سالامەت

	چىن دوستلۇقنىڭ ھەممىسىنى مۇھەببەتكە ئۆزگەرتىش مۈمكىنمىدۇ دەپ ئويلايمەن...    بەزىدە سىز چىن مۇھەببىتىڭىزنى بېرىشنى ئويلىسىڭىز ، بىراق مۇھەببەت بېرىلمەكچى بۇلۇۋاتقان تەرەپ كۈچىنىڭ بارىچە رەت قىلىدىكەن ۋە ياكى سىزدىن مۇداپىئەگە ئۆتۈدىكەن... چىن مۇھەببەتنى بىلدۈرمەك تەس ئەمەس ، بىراق چىن مۇھەببەتنى ئاسىراش، پەرۋىش قىلىش بەك تەس ئىكەن...    بارلىق قېرىنداشلىرىمغا پەقەت ئىگەمدىنلا ئامەت ۋە بەخىت تىلەيمەن...    سالامەت بولغايسىز قېرىنداشلىرىم!

nazakat~~z

	ھەقىقى مۇھەببەتكە ئېرىشەلىگەن كىشىلا ئازاپنىڭ نىمىلىكىنى چوڭقۇر ھېس قىلالايدۇ. مۇھەببەت ئەڭ ئاخىرىدا پەقەتلا ئازاپ خالاس. [s:162]  [s:162]  [s:162]

almax

	توغرا دەيسىز مەن پەقەت ئىككىسىنى ئايرىيالمىدىم  [s:148]