|
|
|
|
: تۈركىيە جۇمھۇررەئىسى ئابدۇللاھ گۈل ھىندىنوزىيەگە ئېلىپ بارغان زىيارىتىنىڭ بىرىنچى كۈنىدە پايتەخت جاكارتادىكى كالىباتا قەھرىمانلار مازارلىقى بىلەن دۆلەتنىڭ ئەڭ چوڭ جامىئەسى ئىستىقلال جامىئەسىنى زىيارەت قىلدى.
جۇمھۇررەئىسى ئابدۇللاھ گۈل ۋە رەپىقىسى خايرۇننىسا گۈل ھىندىنوزىيەدىكى زىيارەتلىرىنى، پايتەخت جاكارتادىكى كالىباتا قەھرىمانلار مازارلىقىنى زىيارەت قىلىش بىلەن باشلىدى. جۇمھۇررەئىسى گۈل كالىباتا قەھرىمانلار مازارلىقى زىيارىتىدە قەھرىمانلار نامىغا گۈل چەمبىرەك قويدى ھەم زىيارەتچىلەر دەپتىرىگە تۇيغۇ ۋە چۈشەنچىلىرىنى يازدى.
كالىباتا قەھرىمانلار مازارلىقى ھىندىنوزىيەلىكلەر ئۈچۈن ئالاھىدە ئېتىبارغا ئېگە،ھىندىنوزىيەنىڭ 1945-1950.يىللىرى ئارىسىدا گوللاندىيىەلىكلەرگە قارشى مۇستەقىللىق ئۇرۇشىدا ۋاپات بولغان 7مىڭ كىشىنىڭ قەبرىسى مۇشۇ مازارلىقتا ئىكەن.
ئۇنىڭدىن كېيىن گۈل ۋە ھەمراھلىرى ھىندىنوزىيەنىڭ ئەڭ چوڭ شۇنداقلا دۇنيادىكى 4.چوڭ جامىئە ،ئىستىقلال جامىئەسىنى زىيارەت قىلدى، ئىستىقلال جامىئەسىدە بىرلا ۋاقىتتا 120مىڭ كىشى ناماز ئوقۇيالايدۇ. جامىئە ئىمامىنىڭ بىلگىلىرىنى ئاڭلىغان ئابدۇللاھ گۈل ئاخىرىدا جامىئەدە خاتىرە سۈرەتكە چۈشتى.
تۈركچىدىن ئۇيغۇرچىلاشتۇرغۇچى:ئىمىنجان تۇرسۇن ئۆزتۈرك
|
|
|
|
|
|