مىئراج كېچىسى

boraoghli

	مىئراج كېچىسى    بۇ مەزمۇن شەمشىدىن ھاجى نىڭ ‹‹ مىلادىيە 1950 – يىلىدىن 2050 -يىلىغىچە ئىسلامىي ھېيىت – ئايەم ۋە خاتىرە كۈنلەرنىڭ مىلادىيە ۋە ھىجىرىيە بويىچە ۋاقىت سېلىشتۇرمىسى ›› ناملىق كىتابىدىن كۆچۈرۈلدى .( ئاللاھ كىتاب ئىگىسىدن رازى بولغاي !)      مىئراج كېچىسى _ مۇھەممەد ئەلەيھىسسالامنىڭ مەلۇم بىر كېچىسى سەپەر قىلىپ ئەرىشكە چىققانلىقىنڭ خاتىرە كۈنى .      مىئراج – ئەرەبچە سۆز بولۇپ ، << شوتا ، پەلەمپەي >> دېگەن مەنىدە . مۇھەممەد ئەلەيھىسسالام ( سەللەللاھۇ ئەلەيھى ۋەسەللەم ) مەككىدە ئىسلام دىنىنى دەۋەت قىلىۋاتقان مەزگىلدە ، ئۇنىڭ تەۋھىد ( ئاللاھنى بىر دەپ تونۇش ) دەۋىتى مەككىدىكى قۇلدار ئاق سۆڭەكلەر ۋە باي سودىگەرلەرنىڭ دىنىي ئىمتىيازى ۋە ئىقتىسادىي مەنپەئەتىگە تاقاشقانلىقى ئۈچۈن ، ئۇ ئەبۇ سۇفىيان باشچىلىقىدىكى مۇشرىكلارنىڭ قارشىلىقى ۋە زىيانكەشلىكىگە ئۇچرىغانىدى . مۇھەممەا ئەلەيھىسسالامغا ھامىيلىق قىلغۇچى تاغىسى ئەبۇ تالىپ ۋە مۇھەممەد ئەلەيھىسسالامنىڭ ئايالى خەدىچە كەينى – كەينىدىنلا ئالەمدىن ئۆتكەندىن كېيىن ، مۇشرىكلارنىڭ ئۇنىڭغا قىلىدىغان زىيانكەشلىكى بارغانسىرى كۈچەيگەن . مانا مۇشۇنداق ئىنتايىن قىيىن ئەھۋال ئاستىدا ، پەيغەمبەر ئەلەيھىسسالامنىڭ كېچىلىك سەپىرى ۋە ئەرىشكە چىقىشى يۈز بەرگەن . رىۋايەت قىلىنىشىچە ، مۇھەممەد ئەلەيھىسسالام ھىجىرىيە ئېراسى باشلىنىشىنىڭ ئالدىنقى يىلى يەنى مىلادىيە 621 – يىلى ، ئەرەبلەرنىڭ قەمەرىيە تەقۋىمى بويىچە 7 – ئاينىڭ 27 – كۈنى كېچىسى جىبىرىئىل پەرىشتىنىڭ ھەمراھلىقىدا بۇراق دۇلدۇلغا مىنىپ ئەرىشكە چىققان .، يەنى مەككىدىكى ھەرەم مەسچىتىدىن قۇددۇس ئەرىشكە شەرىف ( ئېروسالىم ) تىكى ئەقسا مەسىتىگە ئۇچۇپ باررغان ۋە ئەقسا مەسچىتىدىكى بىر قورام تاشنىڭ ئۈستىدىن ئەرىشكە چىقىپ يەتتە قات ئاسماننى يەييارە قىلغان ، ئۇ يەردە قەدىمدە ئۆتكەن پەيغەمبەرلەرنى ۋە جەننەت … قاتارلىقلارنى كۆرگەن . قۇرئان كەرىمنىڭ << بەنى ئىسىرائىل >> سۈرىسىنىڭ ( 17 – سۈرىنىڭ ) تۇنجى ئايىتىدە مۇنداق دېيىلگەن : “ ئاللاھ ( بارچە نۇقساندىن ) پاكتۇر ، ئۇ ( مۇھەممەد ئەلەيھىسسالامغا ) قۇدرىتىمىزنىڭ دەلىللىرىنى كۆرسىتىش ئۈچۈن ، بەندىسىنى ( يەنى مۇھەممەد ئەلەيھىسسالامنى ) بىر كېچىدە مەسچىدى ھەرەمدىن ئەتىراپىنى بەركەتلىك قىلغان مەسچىدى ئەقساغا ئېلىپ كەلدى “ . ئىمام بۇخارى ۋە ئىمام مۇسلىم توپلىغان ھەدىسلەردە ، مۇھەممەد ئەلەيھىسسالام ( سەللەللاھۇ ئەلەيھىۋەسەللەم ) ھەربىر قەۋەت جەننەتتە بىردىن پەيغەمبەرنى كۆرگەنلىكى ، 7 – قەۋەت جەننەتكە چىققاندا ، ئاللاھ تائالانىڭ ئۇنىڭغا مۇسۇلمانلار ھەربىر كېچە كۈندۈزدە 50 ۋاق ناماز ئوقۇسۇن ، دەپ ۋەھىي قىلغانلىقى ، مۇسا ئەلەيھىسسالامنىڭ ئۇنىڭغا ئاللاھتىن نامازنىڭ سانىنى ئازايتىپ بېرىشنى تەلەپ قىلىش توغرىسىدا تەكلىپ بەرگەنلىكى ، بىر قانچە قېتىم تەلەپ قىلىش ( بۇنىڭدىمۇ ئىنشائاللاھ ئاللاھنىڭ كۆپ ھىكمىتى باردۇر –’ بىلدۈر’ ) نەتىجىسىدە ئاللاھنىڭ مۇسۇلمانلارنىڭ ھەربىر كېچە كۈندۈزدە بەش ۋاق پەرىز نامازنى ئادا قىلىشقا ئىجازەت بەرگەنلىكى تىلغا ئېلىنغان . مۇھەممەد ئەلەيھىسسالام سۈبىھى ۋاقتىدا مەككىگە قايتىپ كەلگەن . ئەتىسى جىبىرىئىل ئەلەيھىسسالام ھەركۈنى ئوقۇلىدىغان بەش ۋاق نامازنىڭ ۋاقتى ۋە ئۇسۇلىنى مۇھەممەد ئەلەيھىسسالامغا يەتكۈزگەن . ئۆلىمالارنىڭ قارىشىچە ، مۇھەممەد ئەلەيھىسسالامنىڭ كېچىلىك سەپەر قىلىپ ئەرىشكە چىققانلىقى ئاللاھ تائالانىڭ پەيغەمبىرىمىزنىڭ ئۆزىگە نامايەن قىلغان مۆجىزە ، مۇسۇلمانلارنى ئىسلام دىنىنىڭ ھەقىقەتەن ئاللاھنىڭ ھىدايەت يولى ئىكەنلىكىگە ، مۇھەممەد ئەلەيھىسسالامنىڭ ھەقىقەتەن ئاللاھ ئەۋەتكەن ئەلچى ئىكەنلىكىگە ، ھەقىقى ئىمان ئېيتىشقا دالالەت قىلىش بولۇپ ھېسابلىنىدۇ .شۇنىڭ بىلەن مۇھەممەد ئەلەيھىسسالام ئاللاھ تائالا ئۇنى باشلىغان ھەقىقەتنىڭ چوقۇم غەلبە قىلىدىغانلىقىغا ، ئىسلام دىنىنىڭ چوقۇم مۇشرىكلىك ئېتقادى ئورىنىنى ئالىدىغانلىقىغا تېخىمۇ قەتئىي ئىشەنگەن . شۇنىڭ بىلەن بىر ۋاقىتتا مۇسۇلمانلارنىڭ ئېتقادىنى ۋە غەلبە قىلىش ئىشەنچىسىنى تېخىمۇ كۈچەيىتكەن . شۇنىڭدىن باشلاپ قۇددۇس شەرىف ئىسلام دىنىنىڭ ئۈچ مۇقەددەس جايىنىڭ بىرى بولۇپ قالغان ، شۇنىڭدىن كېيىن ھەر يىلى ھىجىرىيە رەجەپ ( 7 – ئاي ) نىڭ 27 – كۈنى مىئراج خاتىرە كۈنى بولۇپ كەلگەن . بۇ كۈننى خاتىرىلەش ئۈچۈن شۇ كۈنى كېچىدە تائەت – ئىبادەت ، قۇرئان تىلاۋەت قىلىنىدۇ . مەنبە : ئۆزەمنىڭ بلوگى ( بىلدۈر تۇرايى )

aixa

	رەخمەت بىلىۋالدىم شۇ كىچىچىسى ئاللا خالىسا چوقۇم تائەت ئىبادەت، قىلىمەن مۇقىم 7-ئاينىڭ 27- كۈنىمىكەن .

ABDIWAYIT

	ئاللاھ رەخمەت قىلسۇن   قېرىنداشلار  مۇشۇ  ۋەقەلىكتىن  بەش ۋاق نامازنىڭ نەقەدەر مۇھىملىقى چىقىپ تۇرىدۇ

boraoghli

	ياق ياق ، مىلادىيە  6-ئاينىڭ 28-كۈنىگە توغرا كېلىدۇ .   http://www.bildur.net/?p=303   بۇنىڭدىن بىلىۋىلىڭ~

boraoghli

	قېرىنداشلار  : 2011- يىللىق مىئراج كېچىسى  6-ئاينىڭ 28-كۈنىگە توغرا كېلىدۇ .   ھىجىرىيە يىلى بىلەن مىلادىيە يىلىنىڭ پەرىقى بار ، شۇڭا مىلدىيە يىلى بويىچە ئىسلامىي ھېيىت - بايراملارنىڭ مۇقىم ئاي كۈنى يوق ، ھەر يىلى ئۆزگىرىپ تۇرىدۇ . 2011 - يىللىق ھېيىت - بايراملار جەدىۋىلىنى http://www.bildur.net/?p=303 بۇ ئادىرىسىتىن ، ھىجىرىيە بىلەن مىلادىيە نى سۇندۇرۇپ ھېسابلاشنىڭ ئۇسۇلىنى http://www.bildur.net/?p=439 بۇ يازمىدىن بىلىۋاغايسىلەر ~!

erixat

	27-28-كۇنى ئىككى كۇن ئىبادەت قىلساق بۇلدىغاندۇ ئەمىسە

adil2052103

	مەن كىتاپنىڭ مۇشۇ يىرىنى ئۇقۇشقا بەك ئامراق  ئۇقىسام كۆزلىرىم ياشقا تولدۇ [s:162]  [s:162]

nawa

	"مېراج كېچىسى " ھەقىقەتەن ئۇلۇغ ئاللاھنىڭ رۇسۇلىمىز سەللاللاھۇ ئەلەيھى ۋەسسەللەم  ئارقىلىق بىزلەرگە بىلدۈرگەن مۆجىزىلىرىدىن بىرىدۇر. ئاللاھ بۈيۈكتۇر!

WaPaDaR0994

	كىتاپ ئىگىسىگە شۇنداقلا مۇنبەرگە يوللىغان قېرىندىشىمىزغا ئاللا رەھمەت قىلسۇن ... [s:166]