ئۇيغۇر دارۋازلىرى

Xarminaz

	ئۇيغۇر دارۋازلىرى ( چاتما ) مۇھەممەتئېلى زۇنۇن تەشنائى سۆز بېشى ئۆتۈپتۇ بۇ ئانا يۈرتنىڭ تۈمەنمىڭ قەھرىتان - يازى ، جاھانغا بەخىش ئېتىپ دەرمان چويۈن كولدۇرما ئاۋازى ، تىنىمسىز ياڭرىسا چەكسىز دالاسىدا مۇقام سازى ، پايانسىز ئەرشىدە غەيۇر قىران بۇركۇتلەر پەرۋازى ، قىران بۇركۇت ئەمەس ، ئالتۇن قانات جانبازى - دارۋازى . ئەجەپ ئۆتتى داڭلىق سەيلىگاھ - سەنشىيادا قالتىس ياز ئەجەپ ، ياڭرىدى ئاسمان - پەلەك ئۇيغۇرچە نەغمە - ساز ئەجەپ . مىڭلىغان - ئونمىڭلىغان جۈپ كۆزلەر نەزەر سالماقتا تەڭ ، بارچە تىلدا << مىڭ ياشا ، ئادىل >> دېگەن ئاۋاز ئەجەپ . راۋۇرۇس تەڭشەكنى تۇتقان بۇ زەبەردەس نەۋقىران ، ئەرش - مۇئەللەق قوينىدا ۋاھ ، ئەيلىدى پەرۋاز ئەجەپ . ئاستىدا چاڭجىياڭ ، گويا ئۇ مىسلىسىز چوڭ ئەجدىھا ، تەۋرىنىپ يە ئەيمىنىپ قالمايدۇ ياش دەرۋاز ئەجەپ . ئۆتتى ئاخىرى پىلسىراتتىن ، قىلدى تەزىم ئۇچ بوغۇز..... تاڭ قېلىپ ئالەم ، دېدى:<< ئۇيغۇر ئىكەن جانباز ئەجەپ!>> شېھىت جانباز ھەر كىشىنىڭ تاللىغان - ياقتۇرغىنى باشقا گەپ ، بەخىش ئېتىپتۇ بىر ھەۋەس ، بىر ئوتنى ھەر ياشقا ئەجەپ . كۆكتە پەرۋاز ئەيلىگەن مەردانە جانباز خىسلىتى - غايىبانە ئوت يېقىپتۇ بىر قەلەمقاشقا ئەجەپ . دەپتۇ:<< جانبازلىق تامام مەنسۇپمۇ ئەرلەرگە ، ئاداش ، بىزدە يوق جۈرئەت - ئىرادە بەلنى باغلاشقا ئەجەپ ؟! >> ئۇچتى جەۋلان قىلدۇرۇپ قۇندۇز چېچىنى ئەرش ئارا ، ئىپتىخار ، ئىلھام بېغىشلاپ قان - قېرىنداشقا ئەجەپ . مىھرىگۈل - ئىسمى ، باشئەگىم باغرىدا جىسمى ئۇنىڭ ، شۇ ئىسىم چۇڭقۇر ئويۇلدى مەڭگۈلۈك تاشقا ئەجەپ . ئەرش مەلىكىسى لەرزىگە سالدى يۈرەكنى مەڭگۈتاش بەرگەن سادا ، ئېيتتى قانچە ئايجامال پەرى << بۇ يولغا جان پىدا! جەبرى ، ئاپەت تاغلىرىنى ئەل قىلىپ- باش ئەگدۈرۈپ ، پاك شېھىدلەر ئارزۇ - ئارمانىنى ئەيلەيمىز ئادا...... >> بەردى شۇنداق پاك قەسەم جانباز پەرى ئاينۇر ھەسەن ، << بول ئامان ، قۇچقىن شەرەپ - شان >> دەيدۇ مەرد ، پالۋان دادا . مويسىپىت << ئۇلۇغ ئاتا >> ناملىق ئۇلۇغۋار چوققىلار ، كەل قىزىم ، يول ئاچ زەپەرگە،- دەيدۇ،- ئالەم ئالدىدا . ئەللىك ئىككى دەل مىنۇتتا مىڭ غۇلاچ ئارقان بېسىپ ، بىر سەھىپە ئاچتى بۇ دۇنياۋى قامۇس بابىدا . كارامەت ۋاھ ، ئەجەپ ھال : كۆكتە خانە ، زۇمرەت دېڭىز ، بىر زەبەردەس نوچى جانباز ئەرش تامان تاشلايدۇ ئىز . سىم ئەمەس ، گوياكى ئۇ مەشرەپ - مۇقام سەيناسىدا ، بولمىغان بۇنداق كارامەت ئادىمىي دۇنياسىدا . لەرزىگە كەلمەكتە ئەرش قەلئەسى ياڭراق سازىدىن ، پاك غۇرۇر ، ئەركەكچە روھ ياغماقتا كۈي ئاۋازىدىن . ئۇردى گاھ زەخمەك راۋابقا ، چۈشتى گاھ شاديانىغا...... ئايمۇ بولدى ئۇ قەدەم قويغانغا يۈكسەك خانىغا . << يەڭگۈچى ئابلەت ئۆزۈم!>> دەپ مەيدىسىگە مۇشتلىغان ، ئالدى ئاخىرى ئەل ئارا ئالىي شەرەپ قوش - قوشلىغان . ئىزاھاتلار : 1) ئادىل ھۇشۇر 1997- يىلدىن باشلاپ سەنشىيا قاتارلىق جايلاردا پولات سىمدا مېڭىپ ، 7 تۈردە جېننىس دۇنيا رېكورتى ياراتقان . 2) مېھرىگۈل يۈنۇس 2002- يىلى 8- ئاينىڭ 7- كۈنى كورلىدىكى باشئەگىمدە ئۇزۇنلۇقى 647 مېتىر ، ئېگىزلىكى 205 مېتىر ، يانتۇلۇقى 25 مېتىر كېلىدىغان ئارقاندىن چۈشۈپ كېتىپ ، 23 يېشىدا ھاياتلىق سەپىرىنى ئاخىرلاشتۇرغان . 3) ئاينۇر ھەسەن خوتەندىكى ئۇلۇغ ئاتا چوققىسى بىلەن تاتلىقسۇ چوققىسغا تارتىلغان 1680 مېتىر پولات ئارقاندىن 52 مىنۇتتا ئۆتۈپ ، جېننىس دۇنيا رېكورتى ياراتقان . 4) ئابلەت مەجۈن ئۈرۈمچى سۇ ئۈستى باغچىسىدا پولات ئارقان ئۈستىدە 38 كۈن ياشاپ ، 7 تۈردە جېننىس دۇنيا رېكورتى ياراتقان . ئاپتۇرى : مۇھەممەتئېلى زۇنۇن تەشنائى << جۇڭگۇ مىللەتلىرى >> ژۇرنىلىنىڭ 2006 يىللىق 5 - سانىدىن ئېلىندى . ________ شەرمى^^ناز ________

akram608.com

	بۇلتۇر كورىيەدە ئوتكۇزۇلگەن داۋاز مۇساپىقىدە  ئادىل ھوشۇرنىڭ شاگىتى پۇتى يارلىنىش سەۋەبىدىن 3- بوپ قالغان .  بۇيىل يەنە كېلەمىش    [s:141]

buyukyol

	مۇشۇلارغا ئوخشاش ئۇيغۇرلارنى جاھانغا تۇنۇتىدىغان ئەزمەتلەرنىڭ ئۆمۆرىنىڭ ئۇزۇن،تىنىنىڭ سالامەت بولۇشىنى تىلەيمەن.

ayzinnat

	شۇنداق  ئۇيغۇرلانى دۇنياغا  تونتىۋاتقانلامۇ  ئاز  ئەمەس  .ئۇلار  ئۇيغۇرلارنىڭ  پەخرى.لىكىن  مىھرىگۇل  ھەسەننىڭ  ھاياتىدىن  ئايرىلغانلىقدىن  بەك  ئەپسۇسلاندىم.

TOKULGANYAPRAK

	.ئۇلار  ئۇيغۇرلارنىڭ  پەخرى

yalpuz0997

	دارۋازلارنىڭ شان شەرىپىگە ئۇقۇلغان مەدھىيلەر خەلقىمىزنىڭ تۆھپىكارلارنى چوڭ بىلىدىغان ئىسىل خىسلىتىنى نامايەن قىلىپ تۇرۇپتۇ.

yawuz2

	تارىختا يىزىلىشچە قەشقەردىن رۇزى ئىسىملىك بىر يىگىت ئاتىسى بىلەن بىرگە ھەرەمگە ھاجى بۇلۇپ كىلىش ئۈچۈن سەپەرگە ئاتلىنىپ ھىندىستانغا  كەلگەندە بارلىق مال مۈلكىنى ئوغۇرغا بىرىپ قۇيۇپ ھىچنىمىسى قالمىغان ئۇلار بومباي كوچىلىرىدا سەرسان بۇلۇپ يۈرگەندە ئۇلارنىڭ ئاتا مىراس ھۈنىرى ئەسقاتقان ئۇلار ئەسلى نەچچە ئەۋلات دارۋاز بۇلۇپ ،دارۋازلىق قىلىپ پۇل تاپقان ئىكەن .ئاتا-بالا ئىككىسى ئارغامچا ئۈستىدە ناھايتى يۇقىرى ماھارەت بىلەن ماڭغاندا بۇنى كۆرگەن ھىندىلار ھاياجانلىنىپ ھوشىدىن كىتىپ يېقىلغان ھەمدە ھوشىغا كىلىپلا ئۇلارغا باش قۇيۇپ سەجدە قىلغان ئاتا-بالا ئىككىسى بۇنىڭ سەۋەبىنى بىلەلمەي ھىندىلاردىن سورىسا ئۇلار مۇنداق بىر رىۋايەتنى ئېيتىپ بەرگەن : << قەدىمقى ھىندى دىنىدا ئۇلارنىڭ بىر مۇققەدەس ئىلاھى بۇلغانكەن(نامى ئېنىق ئىسىمدە قالماپتۇ) بۇ ئىلاھ ئاخىرقى زامان يىتىپكىلىش ئالدىدا ئەرشتىن چۈشەمىش ھەمدە تېرەك بۇيى ئىگىزلىكتىكى بوشلۇقتا  ھىچ نىمىگە تايانماي،ھىچ نەرسىگە دەسىمەي تۇرۇپ ماڭامىش شۇنىڭ ئۈچۈن بىز سىزگە سەجدە قىلدۇق سىز بىزنىڭ ھېلىقى ئىلاھىمىز شۇ دىگۈدەك >>ھەقىقى ئەھۋالنى بىلگەن بۇ ئاتا-بالا ئىككىسى ئەھۋالنى ئاق كۈڭۈل ھىندى خەلقىغەچۈشەندۈرۈپتۇ ھەقىقى ئەھۋالنى بىلگەن ئاق كۈڭۈل ھىندى خەلقى شۇنداق بولسىمۇ ئۇلارنى داۋاملىق ئۇيۇن قۇيۇپ بىرىشكە تەكلىپ قىلىپتۇ ،ئۇلار بىر مەزگىل ھىندىساندا ئۇيۇن قۇيۇپ پۇلمۇ تېپتۇ ئاق كۈڭۈل ھىندى خەلقىنىمۇ خوشال قىلىپتۇ ھەمدە ھەج سەپىرىگە ئاتلىنىپتۇ بىراق ئۇلار ھەج پەرزىنى ئادا قىلىپ بۇلۇپ ئۇزۇن ئۆتمەي رۇزى ھاجىمنىڭ ئاتىسى ۋاپات بۇلۇپ كىتىپتۇ شۇنىڭ بىلەن رۇزى ھاجى سەئۇدى ئەرەبىستان، تۈركىيە،مىسىر قاتارلىق ئەللەردە ئۇيۇن قۇيۇپ زور شۆھرەت قازىنىپتۇ كېيىن كاناداغا ،ئامېركىغا بېرىپ دېڭىز يۇلى ئارقىلىق تىيەنجىنغا يىتىپ كىلىپ ئۇيۇن قۇيۇپتۇ بۇنىڭ بىلەن ئۇنىڭ شۆھرىتى ئوردا ئىچىگىمۇ تارقىلىپتۇ شۇ ۋاقىتتىكى چىڭ سۇلالىسىنىڭ پادىشاھى داۋگۇاڭ خان رۇزى ھاجىنى ئالاھىدە ئوردىغا تەكلىپ قىلىپ بىر نەچچە مەيدان ئۇيۇن كۈرۈپتۇ ھەمدە ئۈزنىڭ قېشىدا ئېلىپ قالماقچى بۇلۇپتۇ رۇزى ھاجىم ھەقىقى ئەھۋالنى بايان قىلغاندىن كېيىن داۋگۇاڭ خان رۇزى ھاجىمنى ناھايتى داغدۇغا بىلەن يۇرتى قەشقەرغە يولغا سېلىپ قۇيۇپتۇ رۇزى ھاجى يۇرتىغا قايتىپ كەلگەندىن كېيىن داۋاملىق شاگىرت تەربىيلەپ جامائەت ئىشلىرىغا ئاكىتىپ قاتنىشىپ خەيىر-ساخاۋەت ئىشلىرى بىلەن شۇغۇللىنىپ ئالەمدىن ئۈتۈپتۇ .ئاڭلاشلارغا قارىغاندا رۇزى ھاجىم ياش ۋاقتىدا ناھايتى شوخ ئادەممىش بەلكىم ئۇ كاناداغا بارغان ۋاقىتتا شوخلۇق قىلىپ قويغان بولسا كېيىنكى كۈنلەردە كوكلىن تۇغۇلۇپ قېلىپ دارۋازلىق قىلىپ <<پەلەك شاھزادىسى>> دىگەن نامنى ئالدىمۇ ؟؟؟ كېيىن بىزنىڭ ئۇستا داۋازچىمىز ئادىل ھۇشۇر كوكلىنغا جەڭ ئېلان قىلىپ پۈتۈن دۇنيانى ھەيران قالدۇرۇپ <<پەلەك شاھى>> دىگەن كاتتا نامنى ئېلىپ كانادالىقلارنى ھوشىدىن كەتكۈزۋەتتى ،بىر قىسىم تەتقىقاتچىلارنىڭ دىيىشىچە داۋازلىق ھۈنىرى پەقەتلا ئۇيغۇرلارنىڭ جىسمىغا ،روھىغا ،مەنىۋىيىتىگە چۇڭقۇر سىڭىپ كەتكەن بۇلۇپ بۇ جەھەتتە باشقا مىللەتلەردىن ئالاھىدە پەرىقلىنىپ تۇردىكەن . مىنىڭ بۇنداق جېق گەپ قىلىشتىكى مەقسىدىم يۇقارقى تارىخى ھىكايىنى ئاڭلىغانلارمۇ ياكى ئاڭلىمىغانلارمۇ بۇلىشى مۈمكىن شۇنىڭ ئۈچۈن ئىنكاس سۈپىتدە ھۇزۇرۇڭلارغا سۇندۇم كۈرۈپ چىقىپ ئىنكاس قايتۇرۇشىڭلارنى ئۈمۈت قىلىمەن . ئاخىرىدا شۇنى دىمەكچىمەنكى ئۆز خەلقىڭلارغا ئىشىنىڭلار !!! ياشاڭلار ئۇيغۇر داۋازلىرى  [s:141]  [s:141]  [s:141]

zul.ay1

	.ئۇلار  ئۇيغۇرلارنىڭ  پەخرى

barquk8

	رەھمەت سىزگە مەن بىلمەيدىكەنمەن ، ئەمدى بىلۋالدىم ،،،،