ئارمان ناخشىسى

Xarminaz

	ئارمان ناخشىسى يۈسۈپجان سۇلايمان ئارمان - ئىنسانلاردىلا بولىدىغان مەۋھۇم ئۇلۇغلۇق . ئۇنىڭ ئۇلۇغلۇقى پاك قەلىبلەرگە ئۇۋا سالغانلىقىدا ۋە گۈزەللىكىدە . ئارماننىڭ گۈزەللىكى گۈلنىڭ پورەكلەپ ئېچىلىشىغىمۇ ، ساليوتلارنىڭ كېچە ئاسمىنىدا گۈزەل مەنزىرە ھاسىل قىلىپ چېچىلىشىغىمۇ ۋە باشقا بارىلىق گۈزەللىكىنىڭ كۆز ئالدىمىزدا نامايان بولىشىغىمۇ ئوخشايدۇ . ئارماننىڭ گۈزەللىكىنى پەقەت ئۇلۇغ مەقسەتلەرلا تەۋەللۇت ئەيلەيدۇ . شۇڭا ئۇنىڭ گۈزەللىكى بەزقدە قۇياش ، يۇلتۇزلارنىمۇ ھەيرەتتە قالدۇرىدۇ . گۈزەل ئارمان ئىنسان ھاياتىنىڭ خورىماس بايلىقى . شۇنداق دېيىشكە بولىدۇكى ، گۈزەل ئارمان ئۇۋا سالغان قەلىب ئىگىلىرى ھاياتلىق سەپىرىنىڭ ھارماس تۇلپارلىرى ۋە گۈزەل مەنزىلىنىڭ ئۈمىدلىك پالۋانلىرى ھېسابلىنىدۇ . گۈزەل ئارماندىن مەھرۇم كىشىلەرچۇ ؟ ئۇنداقلارنى شەخسىيەتچىلىكنىڭ قۇل - مالىيى ، ئىنسانىيەت ئالىمنىڭ ئەخلەت چاۋالىرى دېيىش بەلكىم ئارتۇقچە كەتمەس ........ دۇرۇس ، ئارماننىڭ گۈزەل ، بۈيۈك بولۇش - بولماسلىقى ئىنساننىڭ ئاڭ ، ساپا قۇرۇلمىسى بىلەن بىۋاستە مۇناسىۋەتلىك ، ئەلۋەتتە . شۇڭا ئىلىم - پەنگە ئاشنا بولۇپ ، ئىشقىدا پەرۋانە بولۇش كېرەك . ئاددىيسى ، بىر پارچە ئېسىل كىتابقا زېھنىمىزنى بېرىپ ، ئۇنىڭدىن تۇلۇق ھاسىلات ئالىدىغان بولساقمۇ ، تەپەككۇر قۇلىرىمىز يېڭىچە بىر پەرۋاز بىلەن روھىيەت ئالىمىمىزگە يېڭى ئۈمىد ، ئارزۇ - ئارمان بەخىش ئېتىدۇ ؛ بىلىش ۋە نەزەر دائىرىمىزدىمۇ زور يۈكسىلىش ھاسىل بولىدۇ . چۈنكى ، بىلىم ئىگىلەشنىڭ ئاساسلىق قورالى بولغان كىتاب - خۇددى ھېكمەتلەر دۇنياسىغا ئوخشايدۇ . سەن بۇ دۇنيانىڭ قازغۇچىسى بولالىساڭ ، گۈزەل ئارمان ئىگىسىگە ئايلىنىسەن ۋە ئارمانلىرىڭ تېخىمۇ گۈزەل ئارمانلارنى تەۋەللۇت ئەيلەيدۇ . دەرۋەقە ، ئارماننىڭ ۋىسال تېپىشى مۇشەققەتلىك بىر جەريان ، لېكىن سەن ئۇنى ۋىسال تاپقۇزۇش ئۈچۈن ئەقىل - زېھنىڭنى ، ئۆمرۈڭنى ھەددىدىن زىيادە خوراتقان تەقدىردىمۇ ، ئارمان يولىدا چەككەن رىيازەتلىرىڭدىن ئۆكۈنمە . چۈنكى ، ئاشۇ رىيازەتلىرىڭ بەدىلىگە ھېچبولمىسا گۈزەل ئارمان مەنزىلىنىڭ توغرا يولى تەۋەرۈك بولۇپ قالىدۇ . كىيىنكىلەرگە مۇشۇ گۈزەل ، بۈيۈك ئارماننى چېچەك ئاچقۇزۇش يولى تەۋەرۈك بولۇپ قالسا ، ئەۋلادلار ئەلۋەتتە مۇشۇ يولغا ۋارىسلىق قىلىپ ، سەن ۋىسال تاپقۇزۇشقا قادىر بولالمىغان ئارمانلارنى ھەقدادىغا يەتكۈزۈپ چېچەك ئاچتۇرالايدۇ . دېمەك ، سېنىڭ ئاشۇ تۆھپەڭنىڭ ئۆزىدىلا ناھايتتى قىممەتلىك روھ مەۋجۇت ! ئەنە ، تۈن نىسپى بولۇپ قالغىنىغا قارىماي ، تېخىچە ئۇيقۇدىن بىدار ھالدا ئۈستەل ئالدىدا مۈپچىيىپ ئولتۇرغان ئىجادكارنىڭ تىنىمسىز قەلەم تەۋرىتىشلىرىدىن ؛ تىمتاسلىققا چۆمگەن پىنھان خانىلاردا تەتقىقات بىلەن شۇغۇللىنىۋاتقان تەتقىقاتچىلارنىڭ ھارغىن تىنىقلىرىدىن ؛ قەدىمىي شەھەر خارابىلىرىدا ئارخېلوگىيىلىك تەكشۈرۈش ئېلىپ بېرىۋاتقان ئارخېلوگلارنىڭ ئاياغ تىۋىشلىرىدىن ؛ قەھرىتان قىش ، تۇمۇز ئىسسىقنى بىر چەتكە قەيرىپ قويۇپ ، جەپ ماھارىتى يېتىلدۈرۋاتقان جەڭچىلەرنىڭ تاغنى تىتىرتىدىغان ئالەمچە زور كۈچ - قۇدرەت مۇجەسسەملەنگەن ھۇررالىرىدىن ؛ ھەرقايسى كەسىپ ، ھەر ساھەلەردىكى كەسىپ ئەھلىلىرىنىڭ رىقابەت جەڭگاھلىرىدىن ئۈمىد ئوغلانلىرىنىڭ ئارمان ناخشىسى ياڭرىماقتا ! دىلى گۈزەل ، ئارمانى بارنىڭ ، ئارزۇلىرى سائادەتكە يار . ئارمان قۇياش مىسالى پارلار ، ئارمان تۇغقان دىل بولمىغاي خار . قېنى قەدىردانلار ، بىزمۇ ئارمانغا چۇشلۇق دەرماننى ئىلىم - پەندىن تۇلۇقلاپ ، ئارمان ناخشىسىنى ئېيتايلى ! بۇ ناخشا بىزنى تىنىمسىز ئۆگىنىش ۋە ئىزدىنىشكە ، ھاياتلىق سەپىرىنىڭ تۇلپارى بولۇشقا ئۈندىسۇن ! بۇ ناخشىنىڭ ئىلھامى ھاياتىمىزنى ئۇلۇغ مەنىلەرگە ، ئادەملىك سۈپىتىمىزنى ئالقىش سادالىرىغا كۆمسۇن ! ( ‹‹جۇڭگۇ مىللەتلىرى ›› ژۇرنىلىنىڭ 2006- يىللىق 5- سانىدىن ) ________ شەرمى^^ناز ________

dilziba

	شۇنداق ،ھەرقانداق ئادەمنىڭ ئۈزۈگە چۇشلۇق ئارزۇ-ئارمانلىرى بۇلىدۇ،لىكىن شۇ ئارمانلىرى ئۈچۈن داۋاملىق تىرىشىپ تۇرمىغاندا ھەممىسى تۇتۇندەك تۇزۇپلا كىتىپ قۇرۇق خىيال بۇلۇپ قالىدۇ ، دوستۇم نىشانسز ،ئارمانسىز ئادەم دەريادىكى پالاقسىز قېيىققا ئوخشاپ قالىدۇ ،شۇڭا بىز چۇقۇم بىر نىشان تۇرغۇزۇپ ھاياتلىق يۇلىمىز ئۈچۈن كۈرەش قىلايلى ،

musilina

	ھەرقانداق بىر ئىنساننىڭ ئۆزى كۆزلىىگەن نىشانى،ئارزۇ- ئارمانلىرى بولىدۇ، ئارزۇ -ئارمانلىرى بىلەن  ئارزۇ -ئارمانلىرىغا يېتىش ئۈچۈن تىرىشىش ئىرادىسى بىرلەشكەندە ئاندىن ئامانلىرىنى ئەمەلگە ئاشۇرالايدۇ.......

TOGRAKPADIXASI

	ئەقەللىسى كىچىك باللاردىن چوڭ بولغاندا نىمە بولسىز دەپ سۇرساق ھەممىسى ئۆزى ياخشى كۈردىغان كەسىپلەرنى يەنى دوختۇر، ساقچى، شوپۇر، ئالىم بۇلىمەن دىگەندەك گەپلەرنى قىلىدۇ مانا مۇشۇمۇ كىچىكلەرنىڭ ئارمىنى بۇلۇپ ھەممە ئادەملەرنىڭ ئارمىنىغا ئوخشاش.