ئارىچىغا راستىنلا ئالتە تاياقمۇ؟

yvgan

	بۇ ھۆكۈملۈكنى چىقىرىشتىن ئاۋۋال <ئارىچى >دېگەن سۆزنىڭ مەنىسى ئۈستىدە توختىلايلى. <ئارىچى> دېگەن سۆز ئارلاشقۇچى، ئارىسىغا كىرگۈچى دىگەندەك مەنىلەرنى بىلدۈردىغان بولۇپ، ئىككى زىدىيەتلىك قارمۇ -قارشىلىقنىڭ ئارىسىغا كىرىش ئارقىلىق زىدىيەتنى پەسەيتىشنى كۆرسىتىدۇ.   خەلق ئارىسىدا قوللىنىۋاتقان مەنا دائىرىسىدىن قارىغاندا، <ئارىچى >دىگەن سۆزگە زىدىيەتنى پەسەيتكۈچى، تۈگەتكۈچى، كۆڭۈل بۆلگۈچى، ئىتتىپاقلاشتۇرغۇچى دىگەن مەنالار بەكمۇ يىقىن تۇرىدۇ. بۇنىڭغا ئابدۇكېرىم ئابلىز باشچىلىقىدىكى <<ئارىچىغا ئالتە تاياق >>ناملىق ئىتۇتتىكى ھوشۇر قارى ئوبرازى بەكمۇ ماس كېلىدۇ. <<ئارىچىغا ئالتە تاياق>>ناملىق ئىتۇتتا ھوشۇر قارى ئاغىنىسىنىڭ ئائىلە ماجراسىنى مۇۋاپىق ئۇسۇلدا تۈگەتمەكچى، ئىككىسىنى ياخشىلىماقچى بولىدۇ، قىسقارتىپ ئېيتقاندا <ئارىچى >بولىدۇ. ئەمما زىدىيەتنىڭ كوملىماتسىيە نۇقتىسىغا كەلگەندە، زىدىيەت تەرىپىدىن تېپىك يەيدۇ.   رىئاللىقتا باشقىلار ئارىسىنى ياخشىلاش ئۈچۈن، جىدەللەرنى پەسەيتىش ئۈچۈن <ئارىچى>بولۇپ چوڭ جىدەللەرنىڭ ئالدىنى ئالغان، زىدىيەتنى پەسەيتكەن، ئەر-ئاياللار ئارىسىنى ياخشىلىغان، خاتاغا قارشى توغرىنى قۇۋۋەتلىگەن ئەھۋاللار ناھايىتى كۆپ ئۇچرايدۇ. بەزەن ھاللاردا بۇنداق < ئارىچى >لار قارمۇ-قارشى زىدىيەتنىڭ مەلۇم بىر تەرىپىدىن زىيانغا ئۇچرايدۇ. دەل مۇشۇنداق ئەھۋال ئاستىدا <<ئارىچىغا ئالتە تاياق>>دىگەن ھۆكۈملۈك مەيدانغا كەلگەن.    <<ئارىچىغا ئالتە تاياق >>دىگەن ئىبارىنى كەڭ خەلق ئاممىسى بىر قەدەر ئومۇملاشقان قائىدە سۈپىتىدە قوللىنىۋاتقان بولسىمۇ، ئۇنى ماقال دىمەي ھۆكۈملۈك دېيىشىمدىكى سەۋەپ دەل ئۇنىڭ خاتا ھۆكۈملۈك بولغانلىقى ئۈچۈندۇر.    ئۇنداقتا <<ئارىچىغا ئالتە تاياق >>دىگەن ھۆكۈملۈكنىڭ خاتالىقى نەدە؟ دەل ئۇنىڭ <<ئالتە تاياق >>دىگەن نەتىجىسىدە. بۇ خاتا ھۆكۈملۈكنىڭ كىشىگە بېرىدىغان بىۋاستە تەسىرىدىن قارىغاندا، ئۇ كىشىلەرنى باشقىلارنىڭ ئىشىغا ئارلاشماسلىققا، ناھەقچىلىكنى كۆرسىمۇ، كۆرمەسكە سېلىپ ئەگىپ ئۆتۈپ كېتىشكە ئۈندەيدۇ. بۇ ئىبارە بىزنىڭ <<ئىنسان ئىنسانغا قەرىزدۇر >>دەيدىغان مەسئۇلىيەت تۇيغۇرىمىزغا يۈگەن سالىدۇ. خاتا بىلەن توغرا زىدىيەتلەشكەندە،  توغرا، ناھەقچىلىككە ئۇچراۋاتسىمۇ، ھەقىقەتنى قوغدىماي، ئەكسىنچە <<ئارىچىغا ئالتە تاياق >>دېگەن ئىبارىنى ئەجداتلاردىن قالغان تىلتۇمار سۈپىتىدە مەسئۇلىيەتسىز خامۇش كۆڭلىدىن تەسۋىي سېرىغاندەك ئۆتكۈزۈپ، ئۆزىنىڭ غورۇرسىزلىقىغا تەسەللى تاپىدىغان خارەكتىرنى يېتىلدۈرىدۇ، خالاس.   ئۇنداقتا بىر-بىرىنىڭ ھالىغا مۇڭ بولمايدىغان، ئىشلىرىغا ئارلاشمايدىغان، ئۆزىنىڭ پاشىسىنىلا قورۇپ، ئاجىزلارنىڭ پاشىغا يەم بولىشى بىلەن كارى بولمايدىغان خارەكتىر تەرەققى قىلسا، شۇ <<ئالتە تاياق >>لاردىن قورقىدىغان قورقۇنچاق كىشىلەر كۆپەيسە، ئويلاپ قالدىم، شۇ خارەكتىر ۋە شۇ توپتىن تەركىپ تاپقان توپنىڭ تەغدىرى قانداق بولار؟   قارىغاندا <<ئارىچىغا ئالتە تاياق >> دىگەن خاتا ھۆكۈملۈكنىڭ كۈلكىلەر بىلەن تەشۋىق قىلىنغىنىدىن قارىغاندا، ئەسئەت قۇرباننىڭ :                        توغرىنىڭ ئۇلىدىن كېسەك تەگسە بېشىمغا،                        يارىلسا باش، بەختىمگە بولغۇسى تامغا. دېگەن بېيىتى توغرىدەك قىلىدۇ.  مەنبە: يۈگەن   2011-يىلى4-ماي غۇلجا شەھرى

خوراز

	ئارىچىغا ئالتا تاياق دىگەن سوز ئومۇملاشقاندەك قىلغان بىلەن، ۋاختى كەلگەندە بۇ سوز ھەر بىر كىشىنىڭ ئىدىيىسىدە قايتۇرغان ئىنكاسى ئوخشاش بولماسلىغى مۇمكىن. ئارلىشىدىغان ۋاقىت بولدۇ ،ئارلاشمايدىغان ۋاقىت بولدۇ. ۋەزىيەتنى توغرا كۇزەتىپ ئارىغا كىرسىڭىز ئالتا تاياق ئەمەس ئالتە ساۋاپ تېپىشىڭىز مۇمكىن..

0998attella

	لىكىن  بەزىدە مۇشۇنداق ئەھۋالغىمۇ  دۇچ  كىلىدىكەن    ..مىنىڭ  بىشىمدىنىمۇ  ئۆتكەن  لىكىن  مىنىڭ  نىيتىم  بەكمۇ ياخشى ئىدى........بەلكىم توغرا ئىپادىلەپ بىرەلمىگەن بولغۇيمىتىم  دەپمۇ  ئويلاپ قالىمەن.........

kahrizat

	«ئارىچىعا ئالتا تاياق» بۇ بىزنىڭ جەمىيىتىمىزنىڭ حاتالىقى جەمىيىتىمىزدە تۅگە كۅردۉڭمۇ ياق  دىگنلىك توعرىدەك تۇرۇدۇ بولمىسا كۅرگەن ئادەم حەي  ..........

خۇما

	" ئارىچىغا ئالتە تاياق " مەيدانغا كەلگەندىن كىيىنلا " ئۆزەڭنى بىل ئۆزگنىنى قوي " مۇ ماس ھالدا تەرەققىي قىلماقتا .

AVATAR0998

	ئارچىغا ئالتە تاياق دەپلا سۆزلەپ كىتىپسىلەرغۇ؟ [s:181]

yvgan

	ئاپتور جاۋابىنى بويلاپ 6قەۋەت  inaqliq كە 2011-05-07 09:19 AMئەۋەتىلدى  : ئەمدى قىلغىلى غەيۋەت قالماي ئاتا بوۋىمىزدىن قالغان ماقال تەمسىللەرنى ئىنكار قىلغىلى تۇرساق بولمايدۇ بالىلار، بۇ نەچچە مىڭ يللىق تۇرمۇش تەجرىبىسىدىن كەلگەن ، خۇددى بەزى ياش بالىلار ساقىلىنى ھەپتە ئۆستۈرۈپلا جەننەتنىڭ قازىسى بولىۋالغاندەك گەپ بوپتۇ بۇ...    ھا ھا ھا ئۇ ھەرگىزمۇ ماقال ئەمەس قېرىنداش!..ئەجداتلاردىن قالغان ئىبارىلەرنىڭ ھەممىسىنىڭ توغرا بولۇپ كېتىشى ناتايىن. ئۇ زامانلاردىمۇ تىلغا ئۇستا، ھەييار كىشىلەر كۆپ ئۆتكەن..

iffat

	خوشنىڭىز ئۇرۇشۇپ قالدى دەيلى:سىز كىرىپ ئۇلارنى ئاجراتماقچى بولدىڭىز.ئەتىسى مۇنداق نەتىجىگە ئېرىشىشىڭىز چۇقۇم.1-سىزدىن نۇمۇس قىلىپ،سىزگە گەپ قىلماسلىغى مومكىن.2-<تاماشامنى كۆرگىلى كىرىپتۇ>دەپ سىزدىن ئاغرىنىشى مومكىن.ئەڭ ياخشىسى ئەر-خۇتۇنلارنىڭ ئىشىغا ئارلاشمىغان تۈزۈك.