داڭگال تەپەككۇر ئەلبۇمى <2-بۆلۈم>

Danggal

	( سەمىمى ئەسكەرتىش؛ بۇ يازمىنى ھەر قانداق ئورۇن ۋە شەخىسنىڭ خالىغانچە كۆچۈرۈپ ئىشلىتىشى مەنى قىلىندى.شۇنداقلا بايقالسا جاۋاپكارلىقىنى سۈرۈشتۈرمەن.)     1-مىنىڭ ھەقىقى خوشاللىقىم كىشىلەر تىلىدىكى ئەمەس دىلىدىكى كىملىكىم.     2- مەن چىرايىم،بوي -تۇرقۇم ۋە ھەم تۇرمۇشۇم،ھاياتىمنىڭ ئۆزگەرگىنىدىن ئەمەس قەلبىم،قارىشىم ۋە ھەم تەپەككۇر قەترىللىرىمنىڭ رەڭگا-رەڭلىگىدىن سۆيىنىمەن.    3- ماڭا قارا،قايغۇ ۋە ئازاپلىرىمنى كۈلۈپ تۇرۇپ ئىتىراپ قىلالىغاچقا ئۈمۈت ۋە ئىقباللار مىنى بېشىغا ئېلىۋاتىدۇ.    4- ساڭا ئېيىتسام ،مەن كۆتۈرگەن ئەپكەشنىڭ بىر ئۇچىدا نامراتلىق يەنە بىر ئۇچىدا بايلىق ئېغېرلىغى بار.   5- مەن خەلقىمنىڭ ئىسمىمنى بىلمەسلىكىدىن  رەنجىمەيمەن،ئەمماكى قىلغان -ئەتكەنلىرىمنى ئەسلەپ تۇرغىنىدىن ھوزۇرلىنىمەن.   6- شۇنداق،مەن يازغانلىرىمنى ئوقۇرمەنلىرىمنىڭ تولۇق چۈشۈنۈپ كىتىشىنى خالاپ كەتمەيمەن. راستىنى دىسەم مەن سىلەر ئۈچۈن ئەمەس كىيىنكىلەر ئۈچۈن يېزىۋاتىمەن.   7- دەرۋەقە، بىز بارلىق يالغانلارنى توقىۋاتىمىز،ساختىلىقلارغا  يول قويۇۋاتىمىز .تۇرمۇشىمىز،ھاياتىمىز،كەچمىشلىرىمىزنى پەردەزلەۋاتىمىز ،دۇنيانىمۇ نىقاپلاشتىن باش تارتمىدۇقيۇ ھەقىقى نەپرەتلىنىشكە تىگىشلىكلىكى ئۆزىمىز ئىكەنلىكىگە چىن پۈتمىدۇق.   8-بىز ئېرىشمەكچى بولغان خوشاللىق تۇرمۇش ھەلەكچىلىكىدە ئۆتكەن دەقىقىللىرىمىزنى تۇيدۇرماي سىپاپ ئۆتۈپ كېتىدۇ. 9-شەخسىيەتسىز تەپەككۇر-پىكىر يۈرگۈزۈش ھاياتىمىزنى مەنىلىك ئۆتكۈزۈشنىڭ ئۇلى.   10-ئوي-پىكىر ۋە ھېس- تۇيغۇللىرىمىز قانچىكى يېقىنلاشقانسىرى ھازىر جاۋاپلىقىمىز شۇنچە دادىللىشىپ بارىدۇ.   11-پەقەت مەنىۋىيىتىمىزدىكى بوشلۇق بولىدىكەن رىئالدىكى پاكىتلار ئالدىدا تېڭىرقاپ قېلىشىمىز تۇرغان گەپ.   12- ئۆزىمىزنى چۈشۈنۈش يولىدا نۇرغۇن نەرسىلەرگە قۇربانلىق بىرەلىگىنىمىزدىلا ھاياتىمىزدا ئۆلمەس مەنالارنىڭ قالدىغانلىقىغا جاۋاپ تاپىمىز.      13-بىزدە ئۇچۇۋاتقانلارنى قارشى ئالىدىغانلاردىن تىللايدىغانلار كۆپرەك.   14- ئاياللىرىمىزنىڭ قانچىلىك پەسلىكى ئەرلىرىمىزنىڭ قانچىلىك <ئېسىل>لىغىنىڭ <بۈيۈك نەتىجە> سى.   15-بىز قەدىرلىنىشنى ،سۆيۈلۈشنى،ئۆلمەسلىكنى ئويلىساق ئۆزىمىزدىن ھالقىيالىشىمىز كىرەك.   16-توۋا،چولپانلىرىمىز ئىلان ئارقىلىق تولنىلىۋاتامدۇ ياكى كۇرسىنى يوقىتىۋاتامدۇ؟!   17-بىزنى يۈگۈرۈك قىلىپ ،كاللىمىزنى بىخۇتلاشتۇرۇپ ،ئەقىلسىز قىلىۋىتىپارغىنى بېر قېسىم ئادەت ۋە ئەھكاملىرىمىزدىن باشقىسى ئەمەس.   18-ھاياتىڭ بەدىلىگە كەلگەن شادىيانلىرىڭ خەلىق پۇلى بىلەن جۇلالانغان بولسا -پاھ! بۇ سېنىڭ ئېرىشكەنلىرىڭمۇ؟   19-غورورنىڭ يەنە بىر تەرپى ئۇ سېنى بىلىپ بىلمەي مەغلۇبىيەتكە داقىرتىپ سۆرەپ كىرىدۇ. 20-كىملىك سالاھىيەت گۇۋاھنامىسى ئەمەس ئادىمىلىك گۇۋاھنامىسى بولالىغىنىدىلا سەن پەقەت سەن ئىكەنلىكىڭگە يىتىسەن. 21-ئۆزىڭنى چۈشۈنۈش ھارۋىسىنى كىشىلەر بىلەن بولغان مۇناسىۋەت مەيدانلىرىغا ئاستا-ئاستا سۆرەپ كىرگىنىڭدىلا سەن يولۇقتۇرغان ھەر بىر دوقمۇشلار دىلىڭغا چىراق يېقىپ تۇردۇ. 22-ھايات بىر بۇلاققا ئوخشايدۇ،گەپ سېنىڭ ئەشۇ بۇلاق سۈيىنى قانداق ئېچىشىڭدە قالدى. 23-قانائەت ئارمانلىرىڭدىن ئۈستۈن كىلەلىگىنىدىلا تېخىمۇ كۆپ بەخىت گۈللىرى پورەكلەپ ئېچىلىدۇ. 24-مۇھەببەت ئۆز نۆۋىتىدە سىنى بىر شەخسى ھۆكىمران بولۇشقا ئۈندەيدۇ.ئەپسۇسكى،سەن بۇ ھوقۇقنى قولۇڭغا ئالغاندا ئۇنىڭ شېرىنلىرى بارا- بارا سەندىن يىراقلىشىشقا باشلايدۇ. 25-مۇھەببەتنىڭ شېرىنى ۋە گۈزەللىكى دەل سەن بۇ يولدا ئىزدەنگەن مۇشاقەتلىرىڭدىن تېپىلىدۇ. 26-مەسىللەرگە ۋە شەييىلەرگە كۆڭۈل كۆزۈڭ بىلەن ئەمەس ئەقىل كۆزۈڭ بىلەن قاراپ باھا ۋە ئىزاھ بىرەلىگىنىڭدە ئاندىن ئاداشمىغان بولىسەن. 27- ئۆزەڭ ياشاۋاتقان موھىت ۋە رىئالدىن قاچقىنىڭ ئۆزەڭنى ئۇنتۇغۇنىڭ بىلەن باراۋەر. 28- ياشاشنىڭ مۇدداسى ۋە مەقسىدى كۆز ئالدىڭدىكى ئەملىيەتنى قانچىلىك توغرا بىر تەرەپ قىلالىغىنىڭ بىلەن ئۆلچىنىلدۇ. 29-بىپەرۋالىق ئەملىيەتتە زېھنىمىزنىڭ چېچىلىپ ،خوراپ كېتىشىنىڭ ئالدىنى ئالىدۇ.بۇ ھەرگىزمۇ دۆت بولىۋال دىگەن مەنانى ئىپادىلىمەيدۇ.بەلكى مۇناسىۋەتسىز ئەتراپىڭغا ئازراق ئارلاشساڭ زېھنىڭنى يېغىۋالالايسەن دىگەن ئۇقۇمدىن باشقىسى ئەمەس. 30-يول قويۇش ئەمەس يول قويۇشنى بىلىش سېنى نۇرغۇن <ئۇھ> لاردىن خالاس قېلىدۇ. 31-ھېسيات كونتورۇللىغىنى يوقاتسا خۇدۇڭ تۈگىشىدۇ، خۇدۇڭ تۈگەشسە بېتىڭ ئۆچىدۇ. 32-قەلبىڭدىن چېقرالمىغان مۇھەببەتلا ئەڭ قورقۇنۇشلۇق. 33-مۇھەببەت يۈكسەكلىككە كۆتۈرۈلسە ئەسەببىلىشىدۇ ،ئەسەببىلىك قايناپ -تاشسا سىنى ۋەيران قىلىدۇ. 34-جىسمىڭ قۇدۇقتا،پۇت-قولۇڭ چۈشەكتە بولسىمۇ ئەقلى تەپەككۇر قىلىشنى بىلسەڭ دۇنيا يەنىلا گۈزەل كۆرۈندۇ. 35-ئۆزەڭنىڭ ياخشى تەرىپلىرىنى ئېيىتىشتىن قورۇقما،راسچىللىق بىلەن بىمالال ،توغرا ئوتتۇرغا قويالىساڭ بۇ سېنىڭ ئەخلاق-سۈپىتىڭ. 36-مۇسابىقە ئاخىرلاشقاندىلا نەتىجىنىڭ قانچىلىك تاتلىقلىقىنى،ئارمانلىرىڭنىڭ شۇنچىلىك ئاچچىقلىقىنى ھېس قىلىسەن.   37-<سەن ئۈچۈن قۇربان بېرىشكە تەييامەن> دىگۈچىلەرنىڭ كۆپۈنچىسى ئۆز قولىدا ئۆزى تەييا بولۇپ بولىدۇ. 38-سېنىڭ مۇۋاپپىقىيىتىڭ-دۈشمىنىڭنىڭ كۈلپىتى. 39-ئۆزۈڭ ۋە ئۆزۈڭگە باپ بولمىغان ئىشلارنى ئالدىراپ يۈكلىۋالساڭ تىزگىنىڭ چېقىپ كېتىدۇ. 40-دىلىڭدىكى ئازاپ ۋە ئوقۇبەتنىڭ ئاچچىقلىرىنى چېقرىۋىتىشكە جۈرئەت ۋە ئىمكانىڭ بولمىسا ئاخىرى ساراڭلىق كوچىسىغا كىرىپ كېتىسەن. 41- ھتتىگىنەي، بىر ئۆمۈر بەخىت دەپ ئۆتۈپ كەتتىڭ،بەخىتنىڭ  سېنى ئەگىپ ئوتۈپ كەتكىنىنى ھېس قىلالماي. 42-ئىززەت ۋە ھۆرمەتنىڭ پەيدا بولىشى دەل مېھىر-مۇھەببەتنىڭ قوساق كۆتۈرگەنلىكىدىن باشقا نەرسە ئەمەس. 43-ئۇنتۇلۇش-ئۆلۈش ئەمەس ئۆلتۈرلۈش. 44- شۇنداق گۇناھسىز كىشىلەر باركى ئۇلار كۆز ئالدىدىكى ساپ بولمىغان تۇرمۇش ئېھتىياجى ئۈچۈن ھەققانى مېھىر-مۇھەببەت غۇنچىللىرىنى ئىختىيارسىز چەيلەپ قويىدۇ. 45- چاقچاقچى كىشىلەرنىڭ سۆزى ئوچۇق،راس يالغىنىنى پەرىق ئېتىش تەس...ئاسان دۈشمەن تېپىۋالىدۇ.ئەڭ قىززىقى بۇنداق كىشىلەرنىڭ ئويۇن باشلىنىشتىن بۇرۇن دوستى شۇنچە كۆپ بولسىمۇ ئاخىرلاشقاندا بىرسىمۇ قالماي تاشلاپ كېتىدۇ. 46-مەنىۋىيىتى ئاچ كىشىلەر دىيانەتسىزلىك ۋە ئىنساپسىزلىقىدىن ھەققانىيەت ۋە ئادالەتنى يەپ قويىدۇ.   47-ماددى مەنپەت ئۈچۈن جېنىنى سېلىپ بېرىدىغانلار ئۈچۈن ۋىجدان ئاتالغۇسى مەۋجۇت بولمايدۇ. 48-غايە-بىر خىل ئىنتىلىش.گەپ ئۇنىڭغا قانداق ۋە قانداق ئىنتىلىشتا. 49-ۋىجدان ئادەمنى ئوخشىمىغان رەۋىشتە  بىر خىل قېلىپقا سېلىپ قويىدۇ-دە كىچىككىنە ئارزۇ-ئارمانلارمۇ روياپقا چېقماي قالىدۇ. 50-ئاچكۆزلۇك،بېخىللىق -چۈشۈنۈشنىڭ دۈشمىنى. 51-بەخىت ۋە خاتىرجەملىكنى ئۇ دۇنياغا يۈكلەپ قويغان كىشىلەرنىڭ ئوربىتىسىدا ياشاش ئۇقۇمى زەئىپلەشكەن بولىدۇ. 52- بۇ دۇنيادا دوزاق بار دىيىلسە ئۇ دەل غېرىپلىق ۋە يالغۇزلۇق. 53-قابىليەت -ئەقىل دىگەن ئۇقۇمنىڭ ئازلا بىر قىسمى.ئېىنىقىنى ئېيىتقاندا ئۇمۇ بىر خاسلىق. 54-ئەركىن پىكىر قىلىش ئىختىدرىغا ئىگە بولغان كىشىلەرلا بىكىنمىچىلىكتىن خالى كىشىلەردۇر. 55- توغرا ئاڭ بىلەن ئەقلى ئىختىدار بولغانغىلا غەلبە دەرۋازا ئېچىپ كەتمەيدۇ.يەنە ئۇنۇڭغا غەيرەت ۋە تىرشىش جۆرە بولۇپ كەلسۇن. 56-تەپەككۇرى باي كىشىلەرلا شەخسىيەتتىن يىراقلىشالايدۇ. 57- ئەقىل-پاراسەت بىلىمدىن تۇغۇلىدۇ،يىڭىلىندۇ ۋە مۈكەممەللىشىدۇ. 58-ئۇلۇغ غايە،ئىستەك ۋە ئىتىقاد ئەقىللىق كىشىلەرنىڭ چېرتوژ ى بولسا خۇراپاتلىق،ماددىغا چوقۇنۇش،تۇرمۇش ھەلەكچىلىكىدىلا ئۆتۈپ كېتىشنى ئۆزىگە رام قىلىۋىلىش ئەقىلسىز كىشىلەرنىڭ تەرتىۋى. 59-ئەملىيەتتىن قاچقانلىق-تىرىك تۇرۇپ ئۆلگەنلىك. 60-يىڭىلغىنىغا تەن بەرگەن كىشىلەر چۈشكۈنلۈككە ئەل بولغان كىشىلەر. 61-ھاۋايى ھەۋەسنىڭ قۇلى بولغانلار بەخىت ۋە خوشاللىقنىڭ گۆرى بولغانلاردۇر. 62- پىكىر تىرەنلىگى،خاسلىقى ۋە مۈكەممەل،ئۆزگىچىلىكى ھاياتلىق چەمبىركىنى شۇنچە روشەنلەشتۇرۈپ بەرگۈچى تۈپكى ئامىل. 63-نادانلارنى ئەقىلسىز دەپ ھاقارەتلەش يىتىلمىگەن تەخەيگە مىنىۋىلىپ بىلىنى ئوشتىۋەتكەندەك بىر ئىش. 64-ئۆزىنى تەرەققى قىلدۇرۇش ئۈچۈن قېلىنغان ھەركەتلەر ماھىيەتتە كۆڭۈللۈك تۇيۇلغىنى بىلەن ئەملىيەتتە ئازاپلىق جەريان. 65-خوتۇنى يوق ئادەمنىڭ بالىسى بولمىغىنىدەك بايرىقى يوق ئادەمنىڭ نوقۇل كۈرەش نىشانى نىمە قىلسۇن؟! 66-سۈننى ئۇسۇلدا مال بورداپ،سىلياۋ يىپىپ سەي تېرىپ،دارا بىلەن ئاشلىق ئوخشۇتۇپ يىمەكلىك سۈپۈتىنى چىڭ تۇتۇش كالا ھارۋىسىدا شەھەر باشقۇرغاندەك بىر ئىشمۇ قانداق؟! 67-ئازاپ،جاپا -مۇشاقەت ئۆزىگە يېتىشنىڭ تۈۋرىكى. 68-دۇنيادا شۇنداق كۈلەلمەيدىغان كىشىلەر باركى ئۇلار بىر ئۆمۈر تەكەببۇرلۇق ،تەمانىڭ غالچىسى بولۇپ ئۆتۈپ كىتىدۇ. 69-باراۋەرلىكنىڭ خەرىتىسى -ھاكىميەتنىڭ ھويلىسىدا. 70-پايدا -مەنپەت،كۈڭۈل ئېچىش ئۈچۈن تۇرغۇزۇلغان دوسلۇقنىڭ ئاچىمىقى ھامان كۆتۈڭگە كىرىپ كېتىدۇ. 71- ئېغىر بېسىقلىق  نۇرغۇن كۆڭۈلسىزلىكلەرنى ئۇنتۇلدۇرۇش بىلەن يەنە نۇرغۇن پۇرسەتلەرنى يوقۇتىدۇ. 72-چاكىنا ئادەملەر -ئەڭ قانائەتسىز. 73-مۇھەببەت -ھايات نوپۇزى بولغان كىشىلەرنىڭ مەيدىسىدىكى گۈل. 73-ئادەمنى ئەڭ ئوسال قىلىدىغىنى -ئادىمگەرچىلىك قەرزى. 74-ساختا ئابروي ۋە ھەشەمەتلىك ئىبارىلەر ھازىرىمىزدىكى ئەڭ قەبىھ ،ئەڭ رەزىل ۋە ئەڭ تېتىقسىز تەييا چۆپلەردۇر. 75-باشقىلارنى خوشال قىلماقچىمۇ؟ ئاۋال ئۆزۈڭدىن كەلسۇن. 76-تولا تالاغا قارىغاننىڭ چاتىرقى ژىرلىپ كىتىدۇ. 77-ئەڭ كاززاپ ئادەم-ئەڭ بىلەرمەن ئادەمدۇر. 78-سۆيگۈ ۋە نەپرەت ئىززەت ۋە ھۆرمەتنىڭ باغرىدا گۈلخان بولۇپ يېنىپ تۇردۇ. 79-مۇھەببەت بابىدا ئاياللار ئەرلەرگە قارىغاندا سۆيۈش ۋە سۆيۈلۈش يولىدا ئەڭ زور بەدەل تۆلىيەلەيدۇ. 80-سەنئەتكار-مەدىھىيە بىلەن ئۆرە تۇردۇ. 81-تىللاردا ۋە خاتىرلەردە قايتىلانمايدىغان سۇئال كىشىلەر جاۋاپ بېرىشتىن قاچقان سۇئاللار. 82- نۇرغۇن ئادەم ئالى جاپالىق كويىدا خوشامەتچى بولۇپ كېتىدۇ. 83- غىلچىڭ خوتۇننىڭ قولىدىكى ئەردىن كوچىدكى تىلەمچى خوپ. 84- پىتنىدىن يىراق تۇرۇشنىڭ چارىسى بىپەرۋالىق ۋە سالماقلىق. 85-ئاياللار بىلەن بولغان دوسلۇق ئۇزۇنغا بارمايدۇ. 86-ھاياتتىن ۋاز كىچىش ئۆزىنى چۈشەنمەسلىك بىلەن كامال تاپىدۇ. 87- تۇرمۇش رېتىمى بۇزۇلغان ،تۈگۈمەس غەملەر ۋۇجۇدىنى قاماللاپ ئەتراپىدىكى ۋە ھەتتا ياراتقۇچىسىغىمۇ يۈز كىلەلمەسلىكىگە كۆزى يەتكەن ئىنسانلار مەڭگۈ خاتىرجەم ياستۇققا باش قويالمايدۇ. 88- نامرات ۋە بەخىتسىزلەرنىڭ كۆڭلىنى ئاۋۇندۇرالىغانلارلا ئەڭ ھۆر ئادەملەردۇر. 89-يۇۋاش،مۇلايىم،سەمىمى ئادەملەر ئەڭ كۈشتۈڭگۈر ئادەملەر. 90-يىڭى شەييى ۋە ھادىسلەر ئادالەت تۇغى ئاستىدا روياپقا چېقىدۇ. 91- قانۇن قاچان دىن،ئۆرۈپ-ئادەت،ئەدەپ -ئەخلاقنىڭ ئىچىگە بۆسۈپ كىردىكەن زىدىيەت ۋە تەڭپۇڭسۇزلۇق شۇندىلا پولتۇيۇپ چېقىشقا باشلايدۇ. 92-دۆت،ئەخمەق ئادەملەرگە قول بەرگەنلەر نادان ئادەملەرگە قول بەرگەنلەردىن ھۇشيارراق. 93-ھەددىدىن زىيادە قىزغىنلىق خاسلىقنى خۈنۈكلەشتۈرۋىتىدۇ. 94-ياخشى ياشايمەن دىگەنلەر ئۆزىنى ياخشى تىزگىنلەپ ياخشى قەدەملەر بىلەن يولغا چېقىدۇ. 95-نۇرغۇن ئادەملەرنىڭ چاقچاق كۆتۈرەلمەسلىكى ئەجەپلىنەرلىك ئەمەس .گەپ چاقچاقنىڭ قانداق ئېغىزلاردىن تۆكۈلىۋاتقانلىقىدا.زەھەرخەندىلىك،نەپسانىيەتچىلىك غەرزىدە ئېيتىلغان چاقچاقلار بەتنام ۋە شەھۋەتتىنمۇ رەزىل. 96- مەخسەتلىك ھالدا باشقىلارنىڭ دېھقىتىنى ئۆزەڭگە قاراتقىنىڭ نۇخسانلىرىڭنىڭ دەرۋازىسىنى ئاچىدۇ. 97-مىجەز -خاراكتېرىڭنى بىلىشىدىغان كىشىلەر بىلەن مۇناسىۋەت قىلمىغىنىڭدا بىخەتەرلىكىڭدىن سۆز ئاچقىنى بولمايدۇ. 98-قۇرۇق گەپ يوغانچى،پوچى،ھاكاۋۇر ئادەملەرنىڭ ئالدىدا ئەس قاتىدۇ. 99-ئادەتتىكى يوقىلاڭ ئىشلارغىمۇ <ھاياجانلاندىم>،<ھاياجانلاندۇق> دەپ تۈكرۈك چاچراتقانلار پات ئارىدا ئەشۇ تۈكرىكىنىڭ ئۆزىگە يېنىۋاتقانلىقىنى بايقايدۇ. 100-سەھنە باشقا،ياشاش باشقا.   2011-يىل شەھرى ئۈرۈمچى. مەنبە؛ ئۆزەم.  مىسرانىم مۇكاپاتلىق ئەسەرلەر پالىيىتىگە يوللاندى.

turkinaz0992

	ھەر بىر ھېكمەتلىرىڭىزنى قايىللىق بىلەن ئوقۇپ  چىقتىم ، قولىڭىزغا دەرت بەرمىسۇن .  ئىنتايىن ئۆتكۈر ، قايىل قىلارلىق  ھېكمەتلەردىن دۇردانە تىزىپسىز .     ھەر بىر ھېكمىتىڭىز بىر ھەقىقەت  بوپتۇ !

gazilgul

	بەك ياخشى ھىكمەتلەركەن رەھمەت سزگە.

tarimjan102

	رىئاللىقتا ۋە ھايات يولىمىزدا ئەمىلى ئۇچرايدىغان ھېىكمەتلەركەن..ھارمىغايسىز...كۈچۇرۇپ ساقلاپ قۇياي بىر كۈنلىرى چۇقۇم ئەسقېتىپ قالىدۇ ....

TANHA65

	44- شۇنداق گۇناھسىز كىشىلەر باركى ئۇلار كۆز ئالدىدىكى ساپ بولمىغان تۇرمۇش ئېھتىياجى ئۈچۈن ھەققانى مېھىر-مۇھەببەت غۇنچىللىرىنى ئىختىيارسىز چەيلەپ قويىدۇ. [s:148]  [s:148]  [s:148]

ubul0998

	بۈگۈن 2-بۈلۈمى چىقىپتۇ دە، ھەقىقىتەن ياخشى تەپەككۈرلەركەن.

mahmut0996

	بولدى ! مەن سىزدىن ئارتۇق جەۋھەرى يىققۇچىنى ئېتىراپ قىلمايمەن !!!!!!!!!!!!!!!!

serhil

	بۇ تەرمىلەرنى نەلەردىن كۆچۈرۈپ كەلگەنسىز؟ مېنىڭ شۇنداق بىلگۈم بار

Danggal

	ئاپتور جاۋابىنى بويلاپ 7قەۋەت serhil كە 2011-05-15 08:50 AMئەۋەتىلدى : بۇ تەرمىلەرنى نەلەردىن كۆچۈرۈپ كەلگەنسىز؟ مېنىڭ شۇنداق بىلگۈم بار     بەك بىلگۈڭىز بولسا دەپ بىرەي...مەن بۇلارنى خىلىل.ھېبىبۇللانىڭ خاتىرسىدىن كۆچۈردۈم.

tarhamak

	ئەتراپقا ئىبرەت نەزىرى بىلەن قارىسىڭىز سىزمۇ بىر قانچە قۇچاق كۆچۈرەلەيسىز  ... [s:151]