ساددا قەلىبكە ،ھۆكۈمران مۇھەببەت..!

lazzat

	ھەي...قىنى سىز دوستىڭىزنىڭ سىزگە يارىتىپ بەرگەن بۇ پۇرسەتتىن پايدىلىنالىدىڭىزمۇ ، ئارزىگۈلگە كۈڭلىڭىزنى ئىزھار قىلالىدىڭىزمۇ  بىلىپ باققايچۇ ،ئاخىرىنى تىزرەك يوللاڭ  تەققەززا بولدۇم...

xekil

	ئەكرەم بىلەن ئۆيگە كىردۇق. ئارزىگۈل بىلەن قەرىت ئوينىغۇڭ بارمۇ..؟دەپ سوراپ قالدى ئەكرەم. ئوينىساق ئوينىدۇق، باياتىمنىڭياقى باشقىلار بىلەن ئوينىغان قەرىتنى نىمىشقا ئوينىمايتىم دېدىم. ئەكرەم ساڭا پۇرسەت يارىتىپ بېرەي دەۋاتىمەن دەپ كۈلۈپ كەتتى. ئۆزۈڭ ئويلىغانلىرىنى پەقەت چاندۇرمايمەەن دەيسەن ھامان چاندۇرۇپ قويىسەن. بىر ئادەم زورلىغاندەك بىر ئىشقا ماڭىسەن ياكى مېنىڭ ئۇنداق يوق ئىدى دەپ كېسىۋەتمەيسەن. قاچانغۇچە مۇشۇنداق ئۆزۈڭنىڭ ئويلىغىغىنى كەسكىن دېيەلمەي بىرىنىڭ تاتىلاپ، زورلاپ چىقىرىشى بىلەن ئاندىن ئاشكارلايسەن.مەنغۇ بوپتۇ سېنىڭ دوستۇڭ، مەنغۇ توغرا چۈشىنىمەن. بىراق باشقا يەرلەردە مۇشۇنداق قىلساڭ سېنى كىم توغرا چۈشىنىدۇ.ساڭا مەن قىز تونۇشتۇرمىسام ئاپاڭ ماۋۇ قىز بىلەن توي قىلىسەن دېسە شۇ قىز بىلەن توي قىلىپلا ئۆتۈپ كېتىسەن. ياشلىق پەيزىنى سۈرۈشنى بىلمەيسەن، ھازىرقى قىزلارمىچۇ سېنى ماۋۇنىڭغا ياتلىق قىلىمەن دېسە، ياق يېگىتىمنى ئۆزۈم تاپىمەن، سىلەر ئارلاشماي تۇرۇڭلار دەيدىغان بوپ كەتتى. سەن دېگەن ھازىر 18گە كىردىڭ. ياشقا كىردىڭ دېگەنلىكىڭ ياشلىق دەۋرىگە قەدەم قويغىنىڭ بولىدۇ. ياشلىق ۋاقىتنىڭ دەسلەپكى چاغلىرىنى ياخشى باشلىمىساڭ ئاخىرىنىمۇ ياخشى چۈشىرەلمەيسەن. ھەجەپ پەلسەپە سۆزلەپ كەتتىڭ. دېمىسەڭمۇ ئۇنچىلىك ئىشنى بىلىمەن دەپ قويدۇم. ئەمىلىيەتتە ئەكرەمنىڭ گەپلىرىگە قايىل بوپ قالاتتىم. مەن ھازىر كىرىمەن دەپ قويۇپ ئەكرەم ھويلا تەرەپكە چىكەتتى. ئولتۇرۇپ قەرىتنى قولۇمغا تۇتۇپ نىمىلەرنىدۇ ئويلاپ تۇرۇپ كېتىپتىمەن. ئەكرەمنىڭ باياتىمنىڭياقى دېگەن گەپلىرىنى ئاڭلاپ بىر خىللا بولۇپ قالغان ئىدىم. ئەكرەم توغرا دەيدۇ. مەن زاماننىڭ ئارقىسىدا قاپتىمەن. مەكتەپتىن چېكەتكىلى ئەمدى بىر يىلدىن ئاشقان تۇرۇپ زاماننىڭ ئارقىسىدا قاپتىمەن. باشتىمۇ زاماننىڭ ئارقىسىدا قالغان بىر بالا ئىدىم. 18 ياش دېگەن كىچىك ئەمەس. دۇنيادا 18 يىل ياشاپ مۇشۇنچىلىك ئاددى بىر ساۋاقنىمۇ بىلمىسەم نىمانداق چوڭ بولمايدىغان بالىدىمەن دەپ ئويلاپ قالدىم. ياق بۈگۈن ئۇ قىزغا چوقۇم تەلەپ قويىمەن. تەلەپ قويالمىساممۇ ئۇ قىزنى چوقۇم ئۆزۈمگە قىزىقتۇرىمەن دەپ ئۆزۈمگە ئۆزۈم ۋەدە بەردىم. بىردەمدىن كېيىن ئەكرەم كىرىپتۇ. جۈرە ئاداش ئەمدى ھويلىغا چىقىمىز. _نىمە بولدى دېدىم مەن. ئاپام ھامماڭ بىلەن دېيىشىدىغان گەپ بار ئىدى دەپ ھاممانىڭكىگە كەتتى. ئۆي ئەمدى بىزگە قالدى. قەرىتنى ئېلىۋالغىن ھويلىدا قەرىت ئوينايمىز. -ھازىرلىما دېدىم مەن .. ھازىر ئوينىماي قاچان ئوينايتىڭ . مۇنداقلا سوراپ قويدۇم، يۈرە ئەمىسە قەرىت ئوينايلى دېدىم . ئەكرەم كۈلۈپ قويدى. كاللاڭدىن ئۆتكەن ئوخشايدۇ..ھە..! قەرىتنى ئېلىپ ھويلىغا چىقتىم. ئەكرەمنىڭ سىڭلىسى بىلەن ئارزىگۈل ئولتۇرۇپتۇ. كېلىڭلار ئەمدى قەرىت ئوينايمىز.ئۇكام ئىككەيلەن بىر بولايلى،ئەركىن بىلەن ئارزىگۈل بىر بولۇڭلار. ھە..قېنى ئەمىسە دېگىنىمچە قىزغا مۇنداقلا قاراپ سالدىم.  قوشنىسىنىڭكىگە ئەمەس خۇددى  قېيىن ئانىسىنىڭكىگە كىرگەن يېڭى كېلىندەك تارتىنىپ تۇراتتى. قىز قارىغاندا مەندىنمۇ ئۆتە تارتىنچاقتەك كۆرىنەتتى. مەنمۇ تارتىنچاق بولسام، ئۇ قىزمۇ تارتىنچاق بولسا بۇ قانداق بولغىنى، باياتىمنىڭياقى ئۆزۈڭگە ۋەدە بەرگەن ئەركىن قېنى سەن دەرھال بۇياققا چىق ، ئاكتىپلىق ئورنىنى قولدىن بەرمەيلى، مەن دېگەن ئوغۇل بالا دېگىنىمچە ئۆزۈمگە رەدىيە بەردىمدە كېلىڭلار ئەمىسە ئوينايلى دەپلا ئولتۇردۇم. ئەمىسە قەرىتنى مەن ساناي.. قەرىت ساناۋاتىمەن،ئۇ قىزىنىڭ ھەركىتىگە دىققەت قىلىۋاتىمەن.  قىزىغا ئوغۇرلۇقچە قاراي دەيمەنۇ مۇشۇنداق يېقىن ئارلىقتا تۇرۇپمۇ ئۇ قىزغا ئوغۇرلۇقچە قارامدىم دېدىم.قۇلىقىم بىلەن ئۇ قىزنىڭ شەپىسىنى ئاڭلاپ تۇردۇم. سېزىشىمچە ئۇ قىز قەرىت سانىغان تەرەپكە تېخىمۇ يېقىن كېلىۋاتاتتى. -ئاداش قورسىقىڭ تويدىمۇ دەپ سوراپ قالدى ئەكرەم تۇيۇقسىزلا. -تويدى دەپ قويدۇم قەرىتنى سانىغاچ. بۈگۈنكى لەغمەن تازا ئوخشاپتىكەن ئاداش تويغىنىمغا قارىماي يەنە يەپ كەتتىم. تاماقنى كىم ئەتكەن دېدىم. تاماقنى ئاپام ئەتكەن شۇ ئاداش. ئاپاڭ ئەتكەن تاماق ئەلۋەتتە ئوخشايدۇدە ،دۇنيادا ئادەمگە ئاپىسى ئەتكەن تاماقتىنمۇ بەكرەك ئوخشايدىغان تاماق يوق. راس دەيسە دەيمەن مانا، تۇرۇپلا توغرا گەپلەرنى قىلىپ قويىسەن بولمىسا .باشقىلارغا  ھېچقانداق ئىنكاسىڭ يوقتەك كۆرۈنگىنى بىلەن. راس،دەپ گەپ باشلىدى ئەكرەمنىڭ سىڭلىسى.ئەركىنكامغا قارىسا راستىنلا ھېچ ئىش بىلمەيدىغان كىچىك بالىدەك كۆرىنىدۇ. لېكىن قىلغان گەپلىرى چوڭ ئادەملنىڭكىدەك... ماۋۇ قىزنىڭ يامانلىقىنى مېنىڭ قاچان چوڭ ئادەمدەك گەپ قىلغىنىمنى ئاڭلىغان بولغىيتى بۇ قىز.. چوقۇم ئەكرەم دېگەن گەپ. ئەكرەم سىڭلىسىغا ، ئۆزىنىڭ يېقىنلىرىغا مېنىڭ گېپىمنى دەپ بېرىدۇ. مېنىڭ مۇنداق دوستۇم بار دەپ ئۇلارغا ماختاپ بېرىدۇ. شۇڭا ئەركىننىڭ يېقىن ئادەملىرنىڭ ھەممىسى ئاسان مېنى تونۇيدۇ. مېنى ئۆز كۆرىدۇ. بۇ قىزمۇ شۇڭا مېنى ئۆز كۆرگەچ مېنى ھېچ تارتىنماستىنلا سەن دەيدۇ...بۇمۇ دوستۇمنىڭ كارامىتى..! قىزنىڭ مەن توغرۇلۇق گەپنى ئاڭلىغاندا قانداق ئىپاىدە بولىۋاتقانلىقىنى كۆرۈش ئۈچۈن قىزغا قارىدىم. ئۇ قىزمۇ يېنىك كۈلىۋېتىپتۇ. ئەمدى ياخشى بولدى مانا، قىزمۇ كۈلدى، ئويۇن ئەمدى باشلاندى.. قىز كۈلگەن يەردە مەن تېخىمۇ كۈلىشىم كېرەك. ئەمدى ئۇ قىز گەپ قىلىشى كېرەك، قىز گەپ قىلغاندا ئىشلار تېخىمۇ تەرەققى قىلىدۇ. ( توۋا ھەجەپ قىز كەلتۈرۈش مۇتەخخەسىسدەك ئويلاپ كەتتىم) ئۆزۈمنىڭ تۇرۇپلا بۇنداق خىيالدا بولىۋاتقانلىقىمنى ئويلاپ كۈلۈپ كەتتىم. ھەي نىمىگە كۈلىسەن ئاداش دەپ سورىدى ئەكرەم . نىمىگە بولاتتى ئاداش، سىلەرنىڭ دېگەن گېپىڭلارغا كۈلۈپ كېتىۋاتىمەن دەپ گەپنى شاققىدە باشقا ياققا ئاقاچتىم. بىزنىڭ گەپكە نىمىگە كۈلىسەن دېدى ئەكرەم. نىمىگە بولاتتى ئاداش، بىر كۈنى ئۆيگە كىرسەم ئۆيدە ئەسكىپ كەتكەن ساندۇق بار ئىدى. ئاپام ئۇ ساندۇقنى يۇيۇپ تازلاپ قويۇپ بىر نەرسە سالىمەن دەپ ھەپىلەشكىلى تۇرۇپتۇ. ساندۇقنىڭ تېگىدە مەن تىقىپ قويغان ئاپام بىلمەيدىغان پۇلۇم بار ئىدى. ئاپام بۇنى كۆرۈپلا قالسا ئىش چاتاق ئىدى. سەن بۇ پۇلنى قەيەردىن ئالدىڭ، داداڭ بەردىمۇ ياكى دەپ پۇلنى ئېلىۋالغاندىن سىرىت نۇرغۇن ئاۋارچىلىق چىقاتتى. مەن بۇنداق بولىشىغا يولقويسام بولمايتى. بېرىپلا ئاپا بولدى سەن قېرىپ قالغىلى تۇردۇڭ. بۇنداق ئىشلارنى قىلىپ ئۆزۈڭنى چارچىتىپ قويما دەپ ئاپامنى ئۇ ساندۇقنىڭ يېنىدىن نېرى قىلدىم. ئاپام بۇ گەپنى ئاڭلاپ مېنىڭ بالام چوڭ بوپتۇ،ئادەمگە خېلىى كۆيىمى بار بالا بولدى دەپ دادامغا ماختاپ بېرىپتىكەن، شۇ ئىشنى ھازىرقى ئەھۋالغا سېلىشتۇرۇپ كۈلگۈم كېلىپ كەتتى. ھا..ھا..ھا..مۇنداق دە كۈلۈپ كەتتى ھەممىسى ..سەن قىزلارغا خەجلەپ بېرىمەن دەپ يوشۇرۇپ قويغان پۇلۇڭنى ساقلايمەن دەپ ئاپاڭنىڭ ماختىشىغا ئېرىشتىم دە..ھا..ھا..ھا..دەپ كۈلۈپ كەتتى ئەكرەم. ئۇ ساندۇقنى ئاپىڭىز يۆتكەپ قالغان بولسا قىزلاردىنمۇ، ئاپىڭىزدىنمۇ تىل ئاڭلايدىغان گەپ ئىكەن ئەسلى ھە..دەپ قويۇپ قىزۇ ئاغزىنى تۇتۇپ كۈلۈپ كەتتى. ھا..ھا..ھا..مەنمۇ كۈلۈپ كەتتىم، ئۇنداقمۇ دەپ كەتمەڭلار ئەمدى. مانا بۇ قىز گەپ ئاخىرى گەپ قىلدى  بىراق بۇ قىز مېنى يانچۇقىغا پۇل كىرسە قىزلارنى مېھمان قىلىمەن دەپلا قىزلارنىڭ كەينىدىن يۈرۈيدىغان بالا ئىكەن دەپ ئويلاپ قالغانمىدۇ، ئەمدى چاتاق بولدى. شۇنداق ئويلاپ قالغان بولسا بۇ قىزغا بۈگۈن تەلەپ قويسام قىز تېخىمۇ راس بۇ بالا قىزلارنىڭلا كەينىدىن يۈرۈيدىغان بالىكەن دەپ قالىدۇ. مەن كالۋامۇ قانچە ۋاقىتتىن بېرى بىر قىزغا تۈزۈك گەپ قىلالماي بۇ قىزغا بۈگۈن تەلەپ قويىمەن دەپ تۇرىۋېلىشىم قىززىقتە. موللام كۈلمەيدۇ، كۈلسە تېلىقىپ قالىدۇ دېگەندەك ئىش بولامدۇ نىمە بۈگۈن دەپ تۇرۇپ قالدىم. قېنى ئەھۋالغا قارىتا بىر ئىش قىلمامدۇق. ھازىر ھەممىدىن مۇھىمى ھېچنىمە ئويلىماي قىزنىڭ گەپلىرىدىن چىرايىدىن، قىلىقلىرىدىن ھوزۇرلىنىش. قەرىتنى ئىككىمىز بىر بوپ ئويناتىمىز. قىزنىڭ قەرىتنى ئېلىڭە كورىت قالمايلى دېيىشلىرى شۇنداق ئۇماق ئىدى. ئەمدى مەنمۇ ئېچىلىپ قېلىۋاتاتتىم. ئىككىمىز ھازىر تونۇش ئادەملەردەك پاراڭلىشىۋاتىمىز ، ھېچ بولمىغاندا كىچىككىنا ئۈمۈد بولسىمۇ بار دېگەن گەپ. داۋامى بار.......

xekil

	تۆتىمىز بىر بولۇپ قەرىت ئويناتىمىز..قىزغا پات-پات قاراپ قوياتتىم. بۇدا ئۇنداق ئوغۇرلۇقچە قارىمايتىم ئوچۇق ئاشكارە قارايتىم. گەپ قىلغۇم كېلىپ قالسا گەپمۇ قىلىپ قوياتتىم. ئەكرەم تۇيۇقسىزلا سىلەر ئويناپ تۇرۇڭلار مەن ئاۋۇ ئۆيگە كىرىپ چىقاي دەپ يەنە بىر ئۆيگە كىرىپ كەتتى. ئەمدى بۇ ئىككى قىز بىلەن قالدىم. مۇشۇ چاققۇچە كەلگۈچە ئىككى قىز بىلەن يالغۇز قېلىپ باقمىغان ئىدىم. ئەركىنجان ئاكا ،سەن قىزلار بىلەن مۇھەببەتلىشىپ باققانمىتىڭ..؟ تۇيۇقسىز سورالغان بۇ سۇئالدىن چۆچۈپ كەتتىم. ئەكرەمنىڭ سىڭلىسىنىڭ مەندىن بۇ گەپنى نىمە ئۈچۈن سورىغانلىقىنى پەقەتلا بىلەلمىدىم. چۈشۈنەي دەپمۇ چۈشىنەلمىدىم. بۇ قىز نىمە دەيدىغاندۇ ئەمدى،بۇ گەپنى مەندىن سوراپ نىمە قىلىدۇ، مەن دېگەن ئاكىسىنىڭ دوستى تۇرسام ئاكىسىنىڭ دوستىدىنمۇ مۇشۇنداق دەپ سۇئال سورىغان بارمۇ...؟ ئەركىنجانكا تۇرۇپ كەتتىڭغۇ..؟ قىزلار بىلەن يۈرۈپ بېقىپتىكەنسەندە ھە..مۇھەببەتلەتشكەن قىز دوستۇڭنى ئەسلىتىپ قويدۇممۇ قانداق جىم تۇرۇپ كەتتىڭ. نىمە دەيدىغانسەن گۇلنۇر..( ئەكرەمنىڭ سىڭلىسىنىڭ ئىسمى گۇلنۇر ئىدى) مەن مۇشۇ چاققا كەلگۈچە قىزلار بىلەن مۇھەببەتلىشىپ باقمىغان. بۇ گەپنى دىگۈچە ئۇ قىزغا قارىدىم ، قىزمۇ مەندىن قانداق جاۋاپ چىقىدىكىن دەپ ئاغزىمغا قاراپلا تۇرۇپتىكەن. شۇنداق مەن مەكتەپتە ھېچكىم بىلەن يۈرۈپ باقمىغان. يالغان سۆزلىمە دېدى ئەركىننىڭ سىڭلىسى، سەن چىرايلىق، ساددا تۇرساڭ قىزلار بىلەن قانداقسىگە يۈرمەي قالىسەن. سىنىپىڭدىكى قىزلار ساڭا ئامراق بولغىيتى ھەقىچان.. نىمە دەيدىغاندۇ بۇ قىز...؟ قىزلار بىلەن يۈرمىگەن يۈرگەنلىكىمنى سوراپ قانداق قىلىدىغاندۇ. دوستۇمنىڭ سىڭلىسى بوپ قاپتۇ بولمىسا دەيدىغان گېپىم بار ئىدى بۇ قىزغا.. ئۇكام ،،ئۇكام.. تۇيۇقسىز ئەكرەمنىڭ توۋلىغان ئاۋازى ئاڭلاندى. ئۇ سىڭلىسىنى چاقىرىۋاتاتتى. سەن بىردەم ئولتۇرۇپ تۇرغىن ئاداش مەن كىرىپ چىقاي..ئەركىنكام بىلەن پاراڭلىشىپ ئولتۇر، ئەركىنجان ئاكام بەك بەلەن گەپلەرنى قىلىپ بېرىدۇ ساڭا.. شۇنداقمۇ ئەركىنجانكا..؟ مەن ئاكامنىڭ يېنىغا كىرىپ چىقاي. گۇلنۇرنىڭ گېپىنى ئاڭلاپ يۈزۈم قىزىرىپ كەتتى. بۇ قىز زادى شۇنداق ئاغزى ئىتتىك قىز.. ئەمدى ئەھۋال پۈتۈنلەي ئۆزگەردى. قىز بىلەن يالغۇز قالدىم. يۈرەكلىرىم ئويناپ كېتىۋاتاتتى، يەنە بىر تەرەپتىن سېلىپ كېتىۋاتاتتى. باشقىلار ئۆزى قىزىقىپ قالغان ، ياخشى كۆرۈپ قالغان ئادەملەر بىلەن ئۇچراشسا يۈرىكى سالىدۇ دەيتى، ئۇلارنىڭ دىگېنى مانا مۇشۇ ئوخشايدۇ. قىزغا قارىدىم قىزمۇ سەل تارتىنىۋاتقاندەك قىلاتتى. بەلكىم مېنىڭ گەپ قىلىشىمنى ساقلاپ تۇرغاندۇ، ياكى ئۇ قىزمۇ ماڭا ئوخشاش يۈرىكى سېلىۋاتقاندۇ. ئەمدى گەپنى قەيەردىن باشلىسام بولار..قىز بىلەن بىر يەردە يالغۇز تۇرۇپ گەپ قىلىشمىساق بەكمۇ ئەپسۇسلىنارلىق ئىش بولاتتى. ياق گەپ قىلىشمىساق ئوغۇل بالىلىق مىجەزىمگە توغرا كەلمەيتى. تېخى ئۇ قىزغا تەلەپ قويىمەن دەپ يۈرۈپتىمەن، ساراڭمۇ مەن ..بىر قىزغا قاراپ تۇرۇپ ،يېنىدا ئولتۇرۇپ تۇرۇپ ئىككى ئېغىز گەپ قىلالماي قانداقمۇ تەلەپ قويۇشتىن ئېغىز ئاچالايمەن. تەلەپ قويالمساممۇ گەپ قىلىشىم كېرەكتە. بىر قىزغا قىزىقىپ قالغان ۋاقىتتا ، ياخشى كۆرۈشنىڭ تۇنجى قەدىمى بېسىلىۋاتقان ۋاقىتتا يېنىدا باشقىلار بولسا گەپ قىلماق ئاسانغا چۈشكەن بىلەن يالغۇز قالغان ۋاقىتتا گەپ قىلىشنىڭ تەسلىكىنى ئەمدى بىلىپ يەتكەن ئىدىم. سىز گۇلنۇر بىلەن بىر سىنىپتا ئوقۇمسىز دەپ گەپنى تەستە باشلىدىم. -ھە،،مەن گۇلنۇر بىلەن بىر سىنىپتا، بىر پارتىدا ئولتۇرىمەن دەپ ئادەتتىكىدەكلا جاۋاپ قايتۇردى قىز.. -سىنىپىڭلاردا قانچە بالار بار..؟ سىنىپتا 40 نەچچىگە يېقىن بالا بار. مەن گەپنى شۇنداق تەستە دەۋەتسام بۇ قىز جاۋاپنى شۇنداق ئاسان بېرىۋاتاتتى. -گۇلنۇر دەرىستە ئۇستىمۇ يە..؟ -ھە..گۇلنۇر قارىسا ئويۇنچىدەك تۇرغان بىلەن دەرىسكە ئۇستا، سىنىپتا ئالدىدا ماڭىدۇ . -سىزمۇ دەرىسكە ئۇستىغۇ دەيمەن. سىزنىمۇ دەرىسكە ئۇستا ، ئەلاچى دەۋاتاتتى. مەنمۇ ھەر ھالدا ياخشى، سىزگە كىم شۇنداق دىگەن دەپ سۇئال نەزىرىدە ماڭا قارىدى قىز. ئاپلا چاندۇرۇپ قويامدىم نىمە..؟ بۇ قىز ئۆزى توغرۇلۇق مېنى باشقىلاردىن گەپ ئالغانمىدۇ دەپ چۈشۈنۈپ قالارمۇ ئەمدى..؟ چاندۇرمايمەن ، چاندۇرمايمەن دەپ تۇرۇپ يەنە چاندۇرۇپ قويىدىغان بولدۇمدە. ھېچكىمغۇ ئۇنداق دېمىگەن. سىزنى دەرىسكە ئۇستا قىز دەپ گۇلنۇر شۇنداق دېگەندەك قىلغان، يادىمدا قاپتىكەن دەپلا يالغان گەپتىن بىرنى قىلدىم. قىزنى يەنە سۇئال سورامدىكىن دەپ يۈرۈكۈم سېلىپ كېتىۋاتاتتى. مەن يالغان گەپ قىلىشنى تازا بىلىپ كەتمەيتىم، يالغان گەپتىن بىرنى شۇنداق تەستە چىقارغان بىلەن يەنە قايتا قايتا سورالسا مەن ئامالسىزلىقتىن شۈكلىشىپ كېتەتتىم ياكى راس گەپنىلا قىلىۋېتەتتىم. ھە..مۇنداق دەڭ.مەن گۇلنۇر دېگەندەك ئۇنداق ئەلاچىمۇ ئەمەس دەپ دېدى قىز. ئۇھ..يۈرىكىم ئەمدى سەل جايىغا چۈشتى. قىز قاچان ئۇنداق دىگەن ئىدى دەپ يەنە سۇئال سورىمىدى. قىزلار بىلەن پاراڭلاشماق نىمانچە تەستۇ..ھە..! ئەمدى سەل جىددىيلىشىم بېسىىلغاندەك ئىدى. بىراق قىزغا يەنە قايسى گەپ توغرۇلۇق گەپ قىلىشنى بىلەلمىگەن ئىدىم. كاللام قېتىپ قالغان ئىدى. ئەكرەمنىڭ تېزراق يېنىپ چىقىشىنى باياتىمقى ھالىتىمگە قايتىشىمنى ئارزۇ قىلغان نىيەتتە ئەكرەم كىرىپ كەتكەن ئۆيگە قاراپ باقتىم. ئىشىككە قاراپ يەنە قېتىپ تۇرۇپ قالدىم. ئىشىكنىڭ بوسۇغىسىدىن بىر باش بىز بار تەرەپكە ماراغلىق ئىدى. بۇ ئەكرەمنىڭ بېشى ئىدى. بۇ گۇي قىزغا مېنىڭ قانداق گەپ قىلىشىمنى كۆرۈش ئۈچۈن مارلاۋېتىپتىكەن ئەمەسمۇ . نىمىشقا جىددىيلىشىپ كېتىدىكەنمەن دېسەم ، ئەسلى ئەكرەم بىزگە قاراۋېتىپتىكەن .مەنمۇ بىرى بىىزگە قاراۋاتقاندەك ، گېپىمنىڭ توغرا چىقىۋاتقان ياكى چىقمايۋاتقانلى توغرىسىدا بىرى توغرا خاتالىقنى ئايرىپ بېرىۋاتقانداەك گەپ قىلغىنىم بىكار ئەمەس ئىكەندە. مەن بۇ يەردە جىددىيلىشىپ تۇرسام ئەكرەمگە ئويۇن بولۇپ بەردىمۇ نىمە، ھەي دوستۇم مۇشۇنداق يېرىڭ بولمايدۇ ئەمەسمۇ..؟ بەلكىم ماڭا كۆيىنىپ، ماڭا ئامراق بولغانلىقىڭ مېنى يېقىن دوستۇم دەپ بىلگەنلىكىڭ ئۈچۈن بىزگە شۇنداق ئوغۇرلقچە قاراۋاتقانسەن، بىراق بۇ ئوغۇرلۇقچە قارىشىڭ ماڭا پەقەت ياقمىدى دەپ ئەكرەمنى ئىچىمدە تازا تىللدىم. داۋامى بار....

lazzat

	ھە....ئاخرىغا تەشنامەن.سىزنىڭ بۇ مۇھەببەت ھىكايىڭىز مىنى بەكمۇ جەلىپ قىلىۋالدى  (بىكارچى) [s:2]

hülya

	ئىنكاسىم ئارقىلىلىق ساقلىۋالاي جۇما بىكار بولغاندا ئۇقارمەن

xekil

	ياخشى، ئەكرەمنىڭ بىزگە قاراۋاتقانلىقىنى قىز  كۆرۈپ قالمىدى. كۆرۈپ قالغان بولسا باشقىچە ئويلاپ قېلىشى تۇرغانلا گەپ ئىدى. مەنمۇ ئەكرەمنىڭ كاساپىتىگە كېتىپ قالاتتىم. سىزنى ھەجەپ كۆرۈپ باقماپتىكەنمەن، سىزنىڭ ئۆيىڭىز قەيەردە..؟ قۇلىقىمغا ئىشەنمىدىم، قىز مەندىن سۇئال سوراۋاتتى. قىزنىڭ ئەمدى ماڭا تەشەببۇشكارلىق بىلەن گەپ قىلىشى ئىدى. كۆڭلۈمدە تازا خوش بولدۇم، بايامقى ئەنسىرەشلىرىم ئەمدى ئازراق بولسىمۇ يوقايدىغاندەك قىلاتتى. ئەلۋەتتە شۇنداق بولىدۇ، ئىككى تەرەپ يالغۇز قالغاندا بىر ئادەم توختىماي گەپ قىلسا يەنە بىر ئادەمنىڭ ئىچىنى سىقىپ قويىشى، سۆزلەۋاتقان ئادەمنىڭ گېپىنى توختىتىپ قويۇشى ، مەن نىمە دەۋاتىمەن دەپ ئويلاندىرۇپ قويىشى مۇمكىن ئىدى. مەنغۇ كۆپ سۆزلىمىگەن بولمىسا يەنە شۇنداق بولسىمۇ تۇرۇپ قالدىم. مېنىڭ ئۆيۈم يەنە بىر قوشنا كەنىتتە، ئەكرەم بىلەن يېقىن دوس بولغاچ پات-پات بۇ كەنىتكىمۇ ئۆتۈپ قالىمەن.مەنمۇ سىزنى كۆرۈپ باقماپتىكەنمەن دېدىم... -ھە..شۇنداقمۇ مەنمۇ گۇلنۇرنىڭ يېقىن دوستى، ئادەتتە باشقا ئىشلار بولمىسا سىرىتقا چىقىپ كەتمەيمەن. شۇنداقتەك تۇرىدۇ، ئادەتتە نىمە ئىش قىلىسىز..؟ مەكتەپكە چىقىمەن، مەكتەپتىن يانسام ئۆيدە ئولتۇرۇپ ئۈگىنىش قىلىمەن، بولمىسا ئۇكىللىرىم بىلەن ئوينايمەن. سىزنىڭ ئۇكىڭىز بارمۇ..؟ -ياق ، مېنىڭ ئۇكام يوق. مەن ئۆينىڭ ئەڭ كىچىكى، بەزىدە مېنىڭمۇ ئۇكام بولسا دەپ كېتىمەن. ئۇكىسى بولسا بەك ياخشى بولىدۇ ھە..دېدىم. -نەدىكىنى ئۇكىسى بولسا ياخشى بولمايدۇ. ئۇكىڭىز بولسا سىزنى ئاۋارە قىلىشنىلا بىلىدۇ. ئۆيدە ۋاراڭ -چۇڭ توختىمايدۇ. مەن ئۆيدە ئوينايدىغان ئۇكام يوق، گەپ ئۆتكۈزۈپ باقاي دېسەم ئادەم يوق، ھېلىتىنلا يالغۇزلۇق تارتىۋاتسام بۇ قىز ئۆيدىكى ۋاراڭ چۇرۇڭدىن زېرىكىدىكەن. -ھە..مېنىڭ ئۇكام بولمىغاچ مەن كىچىك بالىلارغا بەك ئامراق. ئۆيگە ئاچامنىڭ باللىرى كەپ قالسا شۇلار بىلەن ئويناپ كېتىمەن. -سىزنىڭ ئاچىڭىز بارمۇ..دەپ سورىدى قىز . مېنىڭ ئۈچ ئاچام بار. مېنىڭ ئاچام يوق، مەن ئۆينىڭ ئەڭ چوڭى،تۆپەمدە بىر ئاچام بارئىكەن ئەسلى، كىچىك ۋاقتىدا كېسەل سەۋەبىدىن ئۆلۈپ كېتىپتىكەن، بەزىدە ئەشۇ ئاچام نىمىشقىمۇ ئۆلۈپ كەتكەن بولغىيتى دەپ ئويلاپ قالىمەن. ئىشقىلىپ بىر قىزغا ئۆيدە تۇرىدىغان بىر ئاچىسى بولمىسا بەك زىرىكىشلىك بولىدىكەن. نەدىكى ئاچىڭىز بولسا ئاز ۋاقىتتىن كېيىنلا توي قىلىپ ئۆيدىن ئايرىلىدۇ. مەلۇم بىر ۋاقىتتا ئېرىمدىن يامانلاپ قالدىم، قېيىن ئانام بىلەن ئۇرۇشۇپ قالدىم ئۆيگە كىرىپلا ئولتىرىدۇ، بۇ ۋاقىتتا ئۆيدىكى باش ئاغرىقچىلىقى گېپىنى قىلماڭ. قىز كۈلۈپ كەتتى. سىزنىڭ ئاچىللىرىڭىز ئۆيگە يامانلاپ كېلىۋالامدۇ.ھې..ھې..ھې. ياقەي..ئەمدى باشقا بىر ئكيگە بارغاندىكىن ئۇنداق ئىشلارنى بىرنىمە دېگىلى بولمايدىغان ئوخشايدۇ. ئانام تەربىيە ئىشلەپلا ئۆتىدىغۇ ئاچىللىرىمغا،بىر-ئىككىدىن بالىسى بار بولمىسا ئۇلارنىڭ. ھا..ھا..ھا..قىززىق گەپ قىلىدىكەنسىز دەپ ،ماڭا قايتىدىن نەزىرىنى تاشلىغاندەك قىلىپ تاتلىق كۈلۈپ قاراپ قويدى قىز. سىز قاچان..دەپ گەپ قىلايدېيىشىمگەتۇيۇقسىز ئەكرەم بىلەن سىڭلىسى چىقىپ قالدى. ئەرۋايىم يەنە ئۇچتى، بايام گەپ تاپالماي قالغاندا ئوغۇرلۇقچە ماراپ يۈرۈيدۇ بۇ، ئەمدى گەپ تېشىلىۋاتقاندا، ئۆيگە ئىشىك قاقماي تۇيۇقسىزلا كىرىپ قالىدىغان مېھماندەك چىقىدۇ. ھە..نىمە توغرۇلۇق پاراڭلىشىۋاتىسىلەر..؟ دەپ بىر خىل كۈلۈپلا گەپ باشلىدى ئەكرەم. ھېچ ئىش توغرۇلۇق پاراڭ سېلىشمايۋاتىمىز، ئۇنى بۇنى سوراپ بېقىۋاتىمىز دەپ قويدى قىز، خۇددى ئۇ قىزمۇ ماڭا ئوخشاش بۇلار نەدىن چىقىپ قالدى ئەمدى دېگەن ھېسىياتتا بولغاندەك. ماۋۇ ئەركىنچۇ..ئارزىگۈل. بەك بەلەن گەپلەرنى قىلىدۇ. ئۇنىڭ گەپلىرىنى ئاڭلىسىڭىز قىزىقىپ ئولتۇرۇپ قالىسىز، شۇڭا ئەمدى ساڭا نىمە گەپلەرنى قىلىۋاتقاندۇ دەپ قىزىقىپ قالدىم. - شۇنداق ئىكەن دەپ كۈلدى قىز.. ئىككىڭلار شۇنداق يېقىن دوس ئوخشايسىلەر ھە..ئەكرەمجانكا..دەپ سۇئال سورىدى قىز.. ئەكرەم گەپ قىلاي دىگۈچە ئۇنىڭ سىڭلىسى گەپنى تارتىپ، شۇنداق ئاداش، ئاكام بىلەن بۇ ئىككىسى بەك يېقىن دوس، خۇددى ئىككىمىزگە ئوخشاش. ئەركىن يۈرە ئاداش باغقا ، يەنە ئۈزۈم ئاچىقىپ يەيلى دېگىنىچە مېنى بىر يانغا تارتىپ ماڭدى. بىر كۆزۈم قىزدا، بىر كۆزۈم ئەركىندە زورمۇ زور باغقا كىرىپ كەتتىم. داۋامى بار....

gulsima

	بۇ تېمىنىڭ ئاخىرى نىمىشكە يوللانمىدى؟ تازا قىزىقىپ ئوقۇپتىكەنمەن،بولسا ئاخىرىنى يوللىۋەتكەن بولسىڭىز.

xekil

	قانچە كۈندىن بېرى تازا بېرىلىپ يېزىۋاتسام مۇنبەر ئېچىلماي توختاپ قالدىم. مۇنبەر بەش كۈن ئېچىلماي ھەممە ئىلھامىمنى ئېلىپ كەتكەندەك، ئەمدى يازاي دېسەم سەل تەستە يېزىۋاتىمەن. ئاخىرى چوقۇم يوللنىدۇ. تۇنجى قېتىم بۇنداق مەزمۇنى چوڭ ئەسەر يېزىۋاتقان بولغاچ ئىملا خاتالىقى، بۆلەكلەرگە ئايرىلىش، قۇرۇلمىسى دېگەندەك نۇرغۇن خاتالىقلار بار. ئەسەرنى يېزىپ بولغاندىن كېيىن قايتا يەنە بىر تەھرىرلەپ تۈزەشكە كىرىشىمەن. شۇ سەۋەپلىك تورداشلارغا ئاۋارچىلىق كەلتۈرگەن بولسام سەمىممى كەچۈرۈم سورايمەن.

xekil

	باغقا كىردۇق، ئەكرەم كۈلۈپ تۇرىدۇ، ئاچچىغىم تۇتۇپ كەتتى. -نىمە دەيسەن دېدىم. نىمە دەيتىم، قانداق ..؟ قىز بىلەن خېلى كۆپ گەپلەرنى قىلىشىپ كەتتىڭ. كۆڭلۈڭنى ئىزھار قىلايدىغاندەك تۇرامسەن...؟ ئەمدى ئۇ قىزنى كۈزىتىپ گەپ چىقىۋاتقاندا توككىدە چىقىپ ئىشنى بۇزدۇڭ، بايام گەپ تاپالماي ئاران تۇرغاندا ئىشىكنىڭ تۈۋىدىن مارلاپ يۈرۈيسەن، بۇ قانداق قىلغىنىڭ ..؟ مۇشۇنداق قىلساڭ مەن قانداق كۆڭۈل ئىزھار قىلالايمەن. -ئەمدى ماڭا ئۈسەمسەن، ھە بوپتۇ خاپا بولمىغىن، بىردەمدە ئىشنى بۇزۇپ دەپ خاپا بولغىلى تۇردۇڭمۇ، قىززىق جۇما سەن  دېگىنىچە ئەركىن ھېجىيىپ تۇراتتى. - قانداق ، نىمە گەپلەرنى قىلىشتىڭلار..؟ ئەركىنگە سەت قاراپ قويغىنىمچە گەپ قىلدىم. - بۇ قىز  قارىسام شۇنداق ساددا ئاق كۆڭۈل قىزدەك تۇرىدۇ، بۈگۈن كۆرۈپلا بۈگۈن تەلەپ قويسام ، مېنى باشقىچە ئويلاپ قالمىسۇن، ئىش دېگەن يولىدا بولسۇن، يەنە قاراپ باقارمەن قېنى، بايام تەلەپ  قويىمەن دەپ قويۇپتىكەنمەن، ئەمدى ئويلاپ باقسام بۇنداقلا تەلەپ قويسام بولمايدىكەن. ئۇ قىز بىلەن دەسلىپىدە راۋارۇس تونىشىۋالاي، قىز مېنى كۆرسە ، مەن قىزنى كۆرسەم تارتىنىپ، قورۇنۇپ يۈرمەيدىغان بولايلى. ئاندىن تەلەپ قويۇش ئىشىنى شۇنىڭغا قاراپ ئويلىشارمەن. ئەكرەم كۈلۈپ كەتتى. سېنىڭ مۇشۇنداق دەيدىغانلىقىڭنى مەن بىلەتتىم، سەن ئالدىراپ بىر قىزغا تەلەپ قويالمايسەن، شۇنداق بولسىمۇ سەندە ئىلگىرلەش كۆرۈلدى. بايام دېگەن گەپلىرىم ساڭا خېلى تەسىر قىلغان ئوخشايدۇ، ئۇنداق بولمىسا ئەمدى يېڭى تونىشىۋاتقان قىزغا گەپ قىلىپ ، ئۇنىڭ پاراڭلىشىپ بولالمايتىڭ. -بولدى قىلە دېدىم تېخىمۇ جىلە بولغان قىياپەتتە. -سەن مېنى نىمە كۆرۈپ قالدىڭ. بىر قىزغا گەپ قىلالمايدىغان يا مەن گاچا بولمىسام ياكى قىزلار مېنى گەپ قىلدى دۇمبالايمەن دېمىسە، تىللايمەن دېمىسە نىمىشقا بىر قىزغا گەپ قىلالمىغۇدەكمەن. قاچانلا قارىسا مۇشۇنداق دەيسەن، كۆرۈپ تۇر ئۇ قىز بىلەن چوقۇم چىقىشىپ كېتىمەن.   ئەكرەمنىڭ گەپلىرىنى خاتا دېگىلىمۇ بولمايتى. بىراق ئەكرەمنىڭ گېپىگە تەن بەرگۈم كەلمەيتى. - ماقۇل، بىردەمدە خاپا بولۇپ قېلىۋاتىسەن، قارىغاندا ئارزىگۈلگە راستىنلا پۈتۈن ۋۇجۇدۇڭ بىلەن قىزىقىپ قېلىۋاتقان ئوخشايسەن. سەن..دەپ يەنە گەپ قىلاي دېيىشىمگە، ئەكرەم گېپىمنى تارتىۋالدى. -بولدى نىمە دىمەكچى بولغانلىقىڭنى بىلدىم، يۈرە ئەمدى ھويلىغا چىقايلى، ئارزىگۈل سەندىن خاپا بوپ قالمىسۇن يەنە..ھې.ھې.. ئەكرەم مېنى مۇشۇنداق جىلە قىپ تۇرىۋالمىساڭ كۆڭلۈڭ ئۇنىمايدىغۇ سېنىڭ، يۈرە ئەمىسە ، سەنمۇ ماڭا ماسلىشىپ بەر جۇما، گەپلەر باشلانغان ۋاقىتتا سەن گەپ قىلماي جىم تۇر، گەپ تاپالماي ئوڭايسىز ئەھۋالغا چۈشۈپ قالغاندا ياكى خاتا گەپ قىلىپ قويسام دەرھال گەپنى تارتىۋېلىپ باشقا يەرگە بۇرىۋەتكىن بولامدۇ..؟ سەن بۇنداق ئىشقا ئۇستىغۇ،،مېنىڭ قانداق ۋاقىتتا گەپ قىلالمايدىغانلىقىمنى، گەپ تاپالمىغاندىكى چىراي ھالىتىمنى پەقەت سەنلا بىلىسەن توغرىمۇ..؟ شۇنداق قىلىشىپ بەرگىن جۇما ئاداش.. -ماقۇل، ساڭا قىلىشىپ بەرمىسەم كىمگە قىلىشىپ بېرىمەن ئاداش. يۈرە ئەمىسە دېگىنچە ئەكرە ئالدىمدا ھويلا تەرەپكە ماڭدى. ھويلىغا چىقتۇق، ئەكرەمنىڭ سىڭلىسى بىلەن ئارزىگۇل تازا قىزغىن پاراڭغا چۈشۈپ كېتىپتۇ. بىز چىقىشىمىزغا ئۇلار دەرھال گېپىنى توختاتتى. ئەكرەمنىڭ سىڭلىسى ماڭا قاراپ يېنىك ھىجىيىپ قويدى. ئەكرەمنىڭ سىڭلىسىنىڭ ماڭا قاراپ ھىجىيىپ قويغانلىقىدىن قارىغاندا بۇلار چوقۇم مېنىڭ گېپىنى قىلىشتى، بايام ئەكرەم بىلەن باغدىكى ۋاقىتتا ئازراق قۇلىقىم قىزىغاندەك قىلغان، چوقۇم، چوقۇم مېنىڭ گېپىمنى قىلىشتى. ئەكرەمنىڭ سىڭلىسىنىڭ ئاغزى ئىتتىك، ئۇ چوقۇم ئارزىگۈلگە مېنىڭ گېپىمنى قىلىپ بەردى، ئەكرەم مەندىن ئارزىگۇلنىڭ گېپىنى سوراپ قانداق بولدى دىگەنگە ئوخشاش بەلكىم سىڭلىسىمۇ ئارزىگۇلدىن مېنى قانداقكەن دەپ سورىدى. مېنى ياقتۇرغان ياقتۇرمىغانلىقىنى سورىدى. ئەكرەمنىڭ سىڭلىسىمۇ ئەكرەمگە ئوخشاش ئوچۇق يورۇق، مۇھىمى بۇلار مېنى ئۆز كۆرىدۇ، يېقىن ئادىمى دەپ بىلىدۇ. ئەركىن بىلەن دوس بولۇپ ئۇنىڭ سىڭلىسى ماڭىمۇ سىڭىل بولغاندەك ، ئۇمۇ مېنى يات كۆرمەيدۇ. شۇنداق ئەمەسمۇ ھازىرقى ئون سەككىز ياشقا كىرگەن بالىلار بىر يەرگە كەلسە مۇھەببەتنىڭ گېپىنى قىلىشىدۇ. بۇلار بىزدىن پەقەت بىر ياش كىچىك بولسىمۇ يەنىلا ئون يەتتىگە كىرگەن ئىككى قىز ئەلۋەتتە يېڭى پەيدا بولغان يەنە بىر بالا توغرىسىدا گەپ قىلىدۇ ئەلۋەتتە. بىرى مېنى شۇنداق ياخشى، ساددا، چىرايى ھەر ھالدا يامان ئەمەس كىچىك چىراي بالا، ئاكىسىغا ئوخشاش دەپ چۈشىنىدۇ. كۆڭلىدە مۇشۇنداق ياخشى بالىنى ئەلۋەتتە دوستىغا تەۋسىيە قىلىمەن دەپ ئويلايدۇ. - ھەي قېنى  ئۈزۈم ئاچىقماپسىلەنغۇ..؟  دەپ گەپ باشلىدى ئەكرەمنىڭ سىڭلىسى. داۋامى بار....