بالدۇر ئىچىلغان گۇل- بالدۇر توزۇيدۇ! قانچە تېز كۇڭۇل كەينىگە كىرسە- شۇنچە تېز ۋەيران بۇلىدۇ!
ئىنساننىڭ كىشىگە ئەڭ جەلىپ قىلارلىق كۆرىنىدىغان چېغى، ئۇنىڭ گۇزەللىك ھالىتىنى ساقلاپ قالغان ۋاقتىدۇر!
مەن نەچچە يىللىق ھاياتىمدا ئۆز غورورۇم بىلەن ياشاپ كىلىۋاتقان ،خىلى جىگەرلىك ئەركەك ئىدىم.نىمىشقىدۇر ئادەمنى قارا باسسا، شۇ ئادەم ئۆزىنىڭ نىمە ئىش قىلىۋاتقانلىغىنى بىلەلمەي تىڭىرقاپلا قالىدىكەن.بۇگۇن مەن ئاغىنەم نىجاتنىڭ زورلىشى بىلەن ئۇنىڭ ئارلىشىدىغان، سەتەڭلىرىنىڭ سورۇنىغا قەدەم تەشىرىپ قىلىپ قالدىم.
بىز ئوغوللارغا خاس سالاپەتلىك كىيىملىرىمىزنى كىيىشىپ سورۇنغا يىتىپ كەلدۇق،نىجات بۇگۇن ئەڭ يىقىن ئارلىشىدىغان قىز دوستىنىڭ تۇغۇلغان كۇنىنى ئۆتكۇزمەكچى ئىدى.مەنمۇ ئۇنىڭ تەكلىۋىنى بەكمۇ زورلاتماي قۇبۇل قىلىپ، مەن باشقا دوسلۇرۇم بىلەن نىجاتقا ھەمرا بۇلۇپ، گۇل دۇكىنىدىن بىر دەستە گۇل ۋە بىر دانە ئالتۇن ئۇزۇكنى ئىلىشىپ ،تۇغۇلغان كۇنى بولغان نازنىنى كۆرۇش شەرىپىگە مۇيەسسەر بولدۇم.مەن ۋە باشقا دوسلار نىجات بىلەن ماشىنىدىن چۇشۇپ ئايرىمخانىغا كىردۇق،ئايرىمخانا ئىچىدە بىزنى ساقلاپ تۇرغان قىزلار بىزنى كۆرۇپ ناھايىتى تەبەسسۇم بىلەن خۇشال كۇتىۋالدى.بىز ئەل-ئاغىنىلەر جەمئي تۆت بۇلۇپ بارغان ئىدۇق ،مەن سورۇنغا كىرىپ ئولتۇرۇپ قارىسام،بىز بىلەن دىيىشىپ قويغاندەك قىزلارنىڭمۇ سانى تۆت ئىكەن.ئىچىمدە ھەربىرىمىز بىردىن مۇڭدىشىدىكەنمىزدە -دە كۇلۇپ قويدۇم ،دوسلۇرىمىز شوخ ئۇسۇللىرى بىلەن سورۇننى باشلىدى،مەنمۇ نىجاتقا ماسلىشىپ بىر پەدە ئۇسۇل ئويناپ قۇيۇپ جايىمغا كىلىپ ئولتۇردۇم.نىجات دوسلارنىڭ ئۇسۇلى ئاخىرلىشىشى بىلەن مۇزىكا قويغۇچنى، ئاستا قىلىپ تەڭشەپ قۇيۇپ سورۇندىكىلەرنى بىر قۇر تۇنۇشتۇرۇپ ئۆتتى.مەن نىجاتنىڭ تۇنۇشتۇرغان قىزلىرى ئىچىدە، ئەڭ چىرايلىقىنىڭ نىجاتنىڭ قىز دوستى ئىكەنلىگىنى بىلدىم .ۋە باشقا قىزلارنىڭمۇ خىلى قاملاشقان گۇزەل چىرايلىرىنى كۆرۇپ، ئىچىمدە سورۇنغا كەلگەنگە چۇشلۇق خىلى گۇزەل خىنىملار بىلەن ئولتۇرغانلىقىمدىن خوشمۇ بولدۇم.شۇنداق قىلىپ بىز بىر-بىرىمىز بىلەن ئۆز-ئارا تۇنۇشتۇق،ئارىمىزدا قادىر ئىسىملىك گەپكە ئۇستىراق ئاغىنىمىز بار ئىدى ،ئۇ بىردەم قىززىقچىلىق قىلىپ سورۇننىڭ كەيپىياتىنى باشقىچە كۇتۇرۋەتتى.قىزلار ئۇنىڭ قىززىقچىلىقىدىن كۇلكىسىنى باسالماي قۇرساقلىرىنى تۇتقىنىچە تولغۇشۇپ كەتتى،ئارلىقتا نىجات لېرىك مۇزىكا قويدى .مەنمۇ بىر-ئىككى رومكا ھاراق قۇرساققا كىرگەندىن كىيىن
خىجىل بۇلۇشنى ئۇنتۇپ يان تەرەپتە ئولتۇرغان ماھىرەنى تانسىغا تارتتىم،ماھىرەمۇ مىنىڭ تانسىغا تارتىشىمنى كۇتۇپ ئولتۇرغاندەك تىزلا ئورنىدىن تۇردى،مەن ئۇنىڭ بىلەن تانسا ئويناش جەريانىدا خىلىلا تۇنۇشۇپ قالدىم.
بىر مەيدان تانسا ئاخىرلاشقاندىن كىيىن ،نىجات تەلەپ قىلىپ قىز دوستى شەمسىيەبىلەن يالغۇز كىشلىك تانسىغا چۇشتى.بىز ناخشىغا تەڭكەش بۇلغاچ ،ئۇلارغا قاراپ ئىسقىرتىشىپ سورۇننى خىلى ئەۋجىگە چىقاردۇق.تانسا ئاخىرلاشقاندىن كىيىن قادىر يەنە قىززىقچىلىق قىلىشقاباشلىدى، ئاخىرىداقىززىقچىلىق تىپىشماققا ئايلاندى.
تىپىشماقنىڭ مەقسىدى، كىم تاپالمىسا مەيلى قىز بولسۇن مەيلى ئوغۇل يىڭىلىپ قالسا چۇقۇم جازاغا ھاراق ئىچىش ئىدى.شۇنىڭ بىلەن تىپىشماق باشلاندى ، ئوغۇللار بىرلىشىۋىلىپ قىزلار تىپىشماقتا يىڭىلىپ ھاراققا چىلىنىپ كەتتى.قىزلارنىڭ ھاراق ئىچىپ مەسچىلىكتىكى كەيپىياتى ،ئوغۇللارنى بىسىپ چۇشىدىغىنىنى ئۆز كۆزۇم بىلەن كۆرۇپ ھەيران قالدىم.ماھىرەمۇ جازاغا نەچچە رومكىنى كۆزىنى يۇمۇپلا ئىچىۋەتتى،مەن قىزلارنىڭ ھاراق ئىچىدىغىنىنى بۇگۇن تۇنجى قىتىم كۆرۇشۇم ئىدى.دەسلىۋىدە بىز ئىچىپ باقمىغان دەپ يۇۋاش ئولتۇرغان قىزلار، بىردەمدىلا قادىرنىڭ قىززىقچىلىقى بىلەن شوخلۇشۇپ ئەركىن بۇلۇپ قىلىشقان ئىدى.نىجات دوستى شەمسىيەگە تۇتقان ھاراقلارنى ئىچىۋىرىپ بىر بۇلۇڭدا ئۇخلاشقا باشلىدى،شەمسىيە نىجاتنى قانچە قىتىملاپ ئويغاتسىمۇ ئويغۇنالماي قالدى.مەن سورۇننى ئاخىرلاشتۇرۇپ قايتىشقا مەسلىھەت بەردىم ،ۋە شەمسىيە بىلەن نىجاتنى سورۇندىن ئىلىپ چىقتۇق .ماھىرەمۇ بىز بىلەن سورۇندىن تەڭ قايتىپ چىقتى.
مەن نىجاتنى ئۆيىگە ئىلىپ ماڭماقچى بۇلۇپ تاكسى تۇساي دەپ تۇرۇشۇمغا ،شەمسىيە يالغان خىجىل بولغان ھالدا ماڭا قاراپ: بولدى نىجاتنى ئۆيگە ئاپارمايلى ،مەن ياتاققا ئەكىرىپ كىتەي.بۇ كەچتە بارسا ئۇيىدىكىلەر ئالدىدا سەت ئەمەسمۇ -دىدى.مەنمۇ شەمسىيەنىڭ پىكىرىگە قۇشۇلۇپ نىجاتنى ياتاققا ئىلىپ ماڭدىم،بىز بىر ياتاق ئاچقۇزۇپ نىجاتنى ئورۇنلاشتۇردۇق.شەمسىيە بىز بىلەن قايتىدىغاندەك قىلمايتى ،مەنمۇ ئۇنى زورلاشنى خالىمىدىم.شۇنىڭ بىلەن ماھىرە ئىككىمىز قايتىپ چىقتۇق،ماھىرە ماڭا ياتاقتىن چىقىۋىتىپ گىپى باردەك توختاپ قالدى،مەن ماھىرەدىن بىرەر گىپى بار-يوقلۇغىنى بىلىپ بىقىش ئۇچۇن ئۇنىڭدىن سوراپ باقماقچى بولدۇم.
-ماھىرە ماڭا دەيدىغان گىپىڭىز بارمىتى؟دەۋىرىڭ.
-مىنىڭ گىپىمغۇ يوق ،سىزنىڭ بارمىتى؟(ئۇ تارتىنىپ قالدىمۇ گىپىنى داۋاملاشتۇرالماي قالدى)
-ماھىرە مىنىڭ گىپىم يوق.شەمسىيە بۇنچە كەچتە نىجاتنى ئورۇنلاشتۇرۇپ بۇلۇپ يالغۇز كىتەلەرمۇ؟(مەن گەپنى قەستەن نىجاتقا قارتىپ سۆزلەپ يۆتكىۋەتتىم)
-نىمە دەيدىغانسىز تۇرغۇن،سىز كىچىكمۇ نىمە؟شەمسيە شۇ يەردە قۇنۇپ قالىدۇ.(ماھىرە گەپنى چورتلا ئۇزىۋەتتى)
-ماھىر سىز قانداق بىلىسىز؟شەمسىيە ئۇيىگە قايتمىسا ئۇيىدىكىلەر ئەنسىرمەسمۇ؟
-ۋاي نىمە دەيدىغانسىز ،شەمسىيە داۋاملىق نىجات بىلەن ياتاق ئالىدىغۇ؟دوستىڭىزغا چاپان يىپىۋاتامسىز نىمە؟
-ياقەي،ئۇنىڭغا نىمىشقا چاپان ياپقۇدەكمەن!مەن راس بىلمەپتىمەن،ئەمسە بىز كىتىۋىرەيلى.(مەن نىجاتنىڭ قىزلار بىلەن ياتاق ئاچقۇزۇپ ياتىدىغانلىقىنى بىرىنچى قىتىم ئاڭلىشىم ئىدى،سەل ئۇڭايسىزلىنىپ قالدىم)
ماھىرە يەنە قەدەملىرىنى ئاستا سۆرەپ مىڭىشقا باشلىدى،ئۇ بايا ھاراقنى جىق ئىچىۋالدى ھەم بەك كۆپ سۆزلەپ مەس بۇلۇپ قالغاندەك قىلاتتى.مەن ماھىرەنى ساقلاپ ئاستا مىڭىشقا باشلىدىم،ماھىرە تۇيۇقسىز قەدىمىنى توختىتىپ
-تۇرغۇن مەنمۇ كەتمەيمىكىن،بۇ كەچتە بۇ ھالىتىم بىلەن ئۆيگە قايتسام ئۆيدىكىلەر نىمە دەپ قالار.
-ئۇنداقتا سىزمۇ ياتاقتا ...........(مەن خاتا سۆزلەپ سالغاندەك ھودۇقۇپ ماھىرەگە قارىدىم)
-ھا...ھا نىمانداق قىززىق سىز، مەنمۇياتاقتا يىتىپ قالاي نىمە بولدى ؟مەن قورقمىسام سىز قورقىۋاتامسىز -نىمە؟(ئۇ راس سۆزلەۋاتقاندەك قىلاتتى)
-بۇلىدۇ ،ئەمسە سىزمۇ قايتماڭ !مەن سىزنى ياتاققا ئورۇنلاشتۇرۇپ قۇياي.( مەن ماھىرەنىڭ چىرايىگە قاراپ ئۇنىڭمۇ بۇ مەس ھالەتتە ئۇيىگە قايتسا بولمايغانلىقىنى چۇشەندىم)
مەن ماھىرەنى ئىلىپ بىرىپ يەنە بىر ياتاقنى ئاچقۇزدۇم،ماھىرە ياتاققا كىرىپ ئۆزىنى كارۋاتقا ئىتىپ ھۇزۇرلۇنۇپ سوزۇلۇپ يىتىپ كەتتى.ئۇ بىر ئاز يىتىۋالغاندىن كىيىن ماڭا قاراپ .
-تۇرغۇن سىزمۇ مۇشۇ ياتاقتا قۇنۇپ قىلىڭ،سائەتمۇ بىر يەرگە بىرىپ قاپتۇ.ئىككى كارۋات بولغاندىكىن سىزمۇ مۇشۇ يەردىلا ئارام ئىلىڭ،مەن قورقىدىكەنمەن.(ماھىرەنىڭ كۆزلىرى خۇمارلىشىپ قىزىرىپ كەتكەن ئىدى،مەن ئۇنىڭ تەلىۋىنى ئورۇنلۇق كۆردۇم چۇنكى ئۆيدىكىلەر مىنىڭ بۇنچە كەچتە ئۆيگە مەس كىرىشىمنى خالىمايتى)
مەن ماھىرەنىڭ ھاجەتخانىغا كىرىپ كەتكەنلىگىدىن پايدىلىنىپ ،تېشىمدىكى كىيىملىرىمنى سىلىۋىتىپلا كارۋاتقا چىقىپ يوتقانغا كىرىۋالدىم.ماھىرە ھاجەتخانىدا يۇزلىرىنى يۇيۇپ قايتىپ چىقتى،ۋە مىنىڭ ياتقانلىقىمنى كۆرۇپ چىراقنى ئۇچۇرۇپ كارۋىتىغا چىقىپ ياتتى.مەن چىراقنىڭ ئۇچۇشى بىلەن بىرخىل قورقۇنۇچلۇق ھېس قىلىپ كەتتىم،يات كىشى بىلەن بىر ئۆيدە ياتسا شۇنداق بۇلامدىكىن بىلمىدىم. ئىشقىلىپ مەندە ئاز-تۇلا قورۇنۇشمۇ پەيدا بولدى،بىردەم ياتقاندىن كىيىن سەل ماسلىشىپ قالدىم.ئىچىمدە توۋا دەپ كۇلدۇم ،بىر كۇنلەردە مەنمۇ توي قىلىپ قالسام، مۇشۇنداق يات بىرسى بىلەن بىر ئۆيدە يالغۇز ياتسام ، ئۇنىڭدىن كىيىن بولدىلا.....بولدىلا .. شۇ خىيال بىلەن كۆزۇم ئۇيقۇغا ئىلىنىپ قاپتۇ.ئۇخلاپ شۇنداق شېرىن چۇش كۆردۇم ،چۇشۇمدە بىرى مىنىڭ قۇلاق تۇۋىمدە بىرنىمىلەرنى دەپ پىچىرلايتى،ئۇنىڭ پىچىرلىغان تىۋىشىدىن قۇلاقلىرىم غىدىقلىنىپ كەتتى. شۇنىڭ بىلەن چۇچۇپ كۆزۇمنى ئاچسام چۇش كۆرمەپتىمەن، بۇ مىنىڭ ھەقىقەتەن ئۇڭۇمدا يۇز بىرىۋاتقان ئىشلارئىكەن .
قىشىمدا ماھىرە مىنى قۇچاقلاپ يىتىپتۇ ،مەن ماھىرەنى كۆرۇپ راسلا بەك تەمتىرەپ كەتتىم.
-ماھىرە بۇ سىزمۇ؟سىز مىنىڭ كارۋىتىمغا چىقىۋاپسىزغۇ؟جۆيلۇپ كىتىپ چىقىۋالمىغانسىز-ھە!(مەن قورۇنۇش ئىچىدەماھىرەدىن سورىدىم)
-ياق جىنىم مەن جۆيلۇمىدىم،مەن ئۆزۇم خالاپ چىقىۋالدىم.سىز مىنى ياقتۇرمىدىڭىزمۇ؟(ئۇ مىنى غىدىقلايدىغان گەپلەرنى قىلىشقا باشلىدى،مەنمۇ ئىلاجىسىز ئۇنىڭ غىدىقلاشلىرىغا بوي سۇندۇم)
بىز شۇنداق قىلىپ بىر كىچىلىك تاتلىق شېرىن چۇشنى تەڭ كۆردۇق،مەنمۇ ئۇنىڭغا ئاشىق بۇلۇپ قالغاندەكلا ئۇنىڭغا چاپلىشىپ ئۇخلاپ قاپتىمەن.تاڭ ئىتىپ ياتاق ئىچى يۇرۇپلا كىتىپتۇ ،مەن شۇنداق ھارغىنلىق ئىچىىدە كۆزۇمنى ئاچتىم،كۆزۇمنى ئىچىپلا يۇرۇگۇم ئاغزىمغا تىقىلىپ قالدى.مەن كىچىچە راستىنلا ئۆزۇمنى بۇلغاپ بوپتىمەن
پۇتۇن بەدەنلىرىم ئاغرىشقا باشلىدى،ئاستىم ئۆزۇمنىڭ ئەمەستەكلا سىرقىراپ ئاغرىپ كىتىۋاتاتتى . ئاستا بىشىمنى كۇتۇرۇپ قارىسام ماھىرە ھىچنىمە بولمىغاندەك، قوينۇمدا تاتلىق ئۇيقۇسىنى ئاچالماي ئۇخلاۋاتاتتى.شۇنىڭ بىلەن مەن ماھىرەنىڭ ئويغۇنۇپ كىتىپ، مىنى ئەيىبلەپ كىتىشدىن قورقۇپ ،ئاستا ئورنۇمدىن تۇرۇپ ھاجەتخانىغا كىردىم.بىشىمغا بىر چىلەك سۇ قۇيىۋەتكەندەك ئەندىكىپ كەتتىم،ئەمدى قانداق قىلارمەن!مەن نىمە بولدۇم؟شۇ نىجىس ھاراقنىڭ كەيپىچىلىگىدە يىگىتلىك ئىپپىتىمنى بۇزۇپتىمەن.ھەي..مەن بۇنداق ئىشلارغابىرىلسەم بولمايتى....
مەن شۇلارنى ئويلىغانچە كۆڭلۇم بەكلا يېرىم بۇلۇپ كىتىۋاتاتتى، نىمانچە ھاماقەتتۇرمەن ! تۇيۇقسىز ماھىرە ھاجەتخانا ئىشىكىنى قىقىپ مىنى بەكلا قورقىتىۋەتتى.
-تۇرغۇن سىزگە نىمە بولدى؟نىمىشقا چىقمايسىز؟(ماھىرە تۇلىمۇ مۇلايىملىق بىلەن گەپ قىلدى،مەن ئۇنى تىللاپ كىتەرمىكىن دەپ ئويلىغانتىم تەلىيىمگە ئۇنداق بولمىدى.ئازىراق يۇرۇگۇم جايىغا چۇشتى)
-مانا ھازىر چىقىمەن،تۇرۇپ تۇرۇڭ!(قانداقمۇ چىقارمەن؟ئۇنىڭ چىرايىغا قانداق قارارمەن؟)
مەن ھاجەتخانىدىن چىقىپ ماھىرەگە قاراپ ھەيران قالدىم،ئۇ ھىچنىمە بولمىغاندەك تۇراتتى.مەن يىگىتلىك ئىپپىتىمنى بۇزىۋالغان يەردە ،ئۇنىڭغا ئەجىبا ھىچنىمە بولمىغانمىدۇ؟مەن ئۇنىڭ يىنىغا كىلىپ ئولتۇردۇم.ئۇمۇ بىردەم ئولتۇرغاندىن كىيىن ماڭا ئۆرۇلۇپ كۇلۇمسىرەپ تۇرۇپ.
-تۇرغۇن يۇيىنىۋىلىڭ،تاھارەتسىز قارىشىپ يۇرمەيلى!(ئۇ راستىنلا ھىچنىمە بولمىغاندەكلا قىلاتتى)
- بۇلىدۇ،مەن چىقىپ بولغاندا سىز كىرىڭ.(مەن شۇ گەپنى قىلىپ بولغۇچە يۇزلىرىمنى ئوت ئىلىپ كەتكەندەك قىزىپ كەتتىم ۋە ئىتتىكلا يۇيۇنغىلى كىرىپ كەتتىم)
مەن يۇيۇنۇپ چىقىپ ماھىرەدىن كەچۇرۇم سوراش ئۇچۇن ئۇنىڭغا مۇنداق دىدىم.
-ماھىرە ئاخشامقى ئىشتا مەن ئەيىبلىك،مەن مەس بۇلۇپ قاپتىمەن كەچۇرۇڭ!مەن سىزگە چۇقۇم ئىگە بۇلىمەن!
ماھىرە گىپمنى ئاڭلاپ نىمە بولدىكىن بىلەلمەيلا قالدىم،قاقاھلاپ كۇلۇپ كەتتى.
-ھا.............ھا سىز راسلا ساددا بالا ئىكەنسىز جۇمۇ؟مەنمۇ ئۆزۇم خالىغان تۇرسام!
مەن ئۇنىڭ گىپىنى ئاڭلاپ ھەيران قالدىم،نىمانداق قىز بالىدۇ بۇ؟راس چۇشەنمەيۋاتامدىغاندۇ؟مىنى قەستەن چىلىۋاتامدىغاندۇ؟نەدە باشقا قىزلار مۇشۇنداق دەيدۇ؟بۇنداق ئىش بولسا باشقا قىزلار يىغلاپ ئالەمنى مالەم
قىلاتتى. ياكى بۇ قىز..................تۇيۇقسىز ئىسىمگە كەلگەن بۇ سۇئال مىڭەمدە چاخماق چاققاندەك بۇلۇپ كەتتى.
-ماھىرە راس سىزگە ھىچنىمە بولمىدىما؟ئاخشامقى ئىش ئىسىڭىزدە يوقمۇ؟سىز مەسلىكتە بىلمىدىڭىزمۇ يا؟
-تۇرغۇن سىزنىڭ نىمە دىمەكچى بولغانلىقىڭىزنى مەن چۇشەندىم،ئەمما مەن قىز ئەمەس!مەن ئاجىراشقان ئايال!تۇنۇگۇنكى سورۇندىكى شەمسىيە دىگەن دوستۇممۇ، ھەم باشقا قىزلارمۇ ھەممىسى ئاجىراشقانلار.سىز راستىنلا بىلمەمتىڭىز؟ نىجات سورۇنغا سىزنى ئىلىپ كەلگۇچە سىزگە ئېيتمىغانمۇ؟
ماھىرەنىڭ بۇ گىپىدىن ئۆزەمنى گوياكى ئەرلەر بۇزىۋەتكەن قىزلاردەك ھېس قىلىپ، شۇنداق خورلۇق ھېس قىلىپ كەتتىم.مەن بىر ھەقىقىي يۇزى ئىچىلمىغان ئوغۇل بالا تۇرۇپ، مۇشۇ ئاجىراشقان ئايال تەرىپىدىن ئىپپىتىمنىڭ بۇزۇلغانلىقىدىن يۇرۇگۇم قاتتىق ئېچىشىپ كەتتى.مەن بىردەم ئۆزۇمنى بىسىۋالدىم، چۇنكى ماھىرە مىنى زورلاپ ئەكەلمىگەن تۇرسا،ياكى مىنىڭ كۆزۇم تىڭىغلىق بولمىسا ،نىمىشقا ئۇنىڭدىن ئاغرىنىمەن!ھەممىنى قىلغان شۇ نىجىس ھاراق!ئىنساننى ئالىيجاناپلىق خىسلىتىدىن ئىلىپ تاشلاپ ، يەرگە ئۇرۇپ پەسلەشتۇرىدىغانمۇ يەنىلا شۇ نىجىس ھاراق!مەن ھىچكىمدىن كۆرۇشكە ھوقوقلۇق ئەمەس.
-ماھىرە مەن ھەقىقەتەن بىلمەپتىمەن،سىزنى توي قىلمىغان قىزلار دەپ ئويلاپتىكەنمەن.مەن راستىنلا بولمىغۇر ئىشتىن بىرنى قىلىپ سالدىم.ئۆزۇمنىمۇ كەچۇرەلمەيمەن!(مەن مۇشۇ بىر ئېغىز گەپتىن كىيىن بىشىمنى ساڭگىلىتىپ
ئولتۇردۇم ئۇنىڭدىن باشقا نىمىمۇ دىيەلەيتىم)
-تۇرغۇن ئۇنداق دىمەڭ!مەنمۇ سىزنى ھەقىقىي پىششىپ يىتىلگەن ئەر دەپ، خاتا تۇنۇپ قاپتىمەن مىنى كەچۇرۇڭ!مەنمۇ بىر يىل ئۆي تۇتۇپ ئاجىراشقان.يولدۇشۇمنىڭ زالىملىقىدىن ،ئامالسىز قىزىل گۇلدەك ھالىتىم بىلەن تەككەن يولدىشىمدىن؛ -ۋاقىتسىز سارغىيىپ يەرگە چۇشكەن غازاڭدەك ،ئىلاجىسىز ئاجىرشىپ كەتتىم.
تۇرمۇش دىگەن بەك مۇرەككەپكەن!مەن دوسلار بىلەن خىزمەتتىن سىرىتقى ۋاقىتلاردا، سورۇنلاردا ئولتۇرۇپ قالىمەن.بىراق سىزدەك يىگىت بىلەن ئولتۇرۇپ باقماپتىكەنمەن!سىز بەكلا ئېسىل سۇپەت ئىكەنسىز ،شۇڭا سىزنى ماڭا كۆڭلى بار دەپ ئويلاپ قاپتىمەن. ھەم مۇشۇ ھاراقنىڭ كۇچى بىلەن .....
-بولدى دىمەيلا قۇيۇڭ!سىزگىمۇ ئامال يوق،سىزمۇ مەس بۇلۇپ قالغان تۇرسىڭىز.بىز ئەرلەردىمۇ خىلى ئېغىر گۇناھ بار ،ئاياللىرىمىز رومكىنى قۇلىغا ئىلىپ تەڭ سۇقۇشتۇرۇپ، بىز بىلەن ئولتۇرۇپ ئىچىۋاتسا ئەر كىشى تۇرۇپ توسمىغاندىكىن. بىز ئەر خەقلەرنى نىمە دىسەم بۇلار؟؟؟
ماھىرە سىزدىن بىرگەپ سورىغۇم كىلىۋاتىدۇ،سورىسام خاپا بۇلارسىزمۇ؟(مەن ئۇچۇقلا سوراش قارارىغا كەلدىم)
-بۇلىدۇ،تۇرغۇن قانداق سۇئالىڭىز بولسا مەن تەييار سوراۋىرىڭ.(ماھىرەمۇ مىنىڭ سۇئالىمغا قىزىقتى بولغاي)
-سىز قانچە ياش؟سىز ئاجىراشقاندىن كىيىن باشقا ئەرلەر بىلەنمۇ داۋاملىق ئارلىشىپ تۇرامسىز؟
ماھىرە سۇئالىمنى ئاڭلاپ بىردەم تۇرۇپ قىلىپ جاۋاب بەردى،ئۇنىڭ رەنجىگەن-رەنجىمىگەنلىكىنى بىلەلمىدىم.
-مەن 30ياشقا كىرەي دىدىم ،ئاز قالدى تۇغۇلغان كۇنۇمگىمۇ.مەن داۋاملىق كۇڭۇل ئىچىش سورۇنلىرىغا قاتنىشىپ تۇرىمەن ،ئەمما تۇنۇگۇنكىدەك ھاراق سورۇنلىرىدا ئولتۇرمايتىم.نىمىشقىكىن تۇنۇگۇن كۆڭلۇم تارتىپ قاپتۇ،بۇسۆزۇمگە ئىشەنمىسىڭىز شەمسىيەدىن ياكى ئىدارەمدىكىلەردىن سوراپ كۆرۇڭ..ئايال كىشىنىڭ دوستى يوق دەپتىكەن،سىز شۇلاردىن سورىسىڭىز مىنىڭ بەرگەن جاۋابىمنىڭ راسلىقىغا ئىشىنىسىز.ئەمما سىزگىمۇ شۇنى ئەسكەرتىپ قۇياي ،مەن سىزگە ھەرگىزمۇ ئىسلىۋالمايمەن .چۇنكى ئەركىشى ھەممىسى يولدۇشۇمدەك بۇلىدىغان بولسا نىمە قىلىدۇ ئەر كىشىنى ؟مانا مۇشۇنداق ئەركىن ئۆتكەنگە يىتەمدۇ؟
ماھىرەنىڭ تۇلىمۇ سەمىمىيلىك بىلەن دىگەن بۇ گەپلىرىدىن رازى بولغان بولساممۇ ،ئۆزۇمنىڭ تۇلىمۇ ئەقىلسىزلىقىمدىن ئۇكۇندۇم!توغرا ئۇمۇ ماڭا ئىسىلىۋالمايدۇ. چۇنكى تۇرمۇشنىڭ ئاچچىق-سۇغۇقىنى كۆردى،ھەم مەندىن ئۇچ ياش چوڭكەن( قارىماققا 25ياشلاردەك كۆرىنىدىكەن.)مەنچۇ ماڭا نىمە بولدى؟ئۇغۇ ئايال كىشى مەن يىگىت تۇرۇپ شۇ نىجىس ھاراق ئالدىدا باش ئەگدىممۇ؟
مەن ماھىرەنىڭ گىپىنى ئاڭلاپ بۇلۇپ ئۇنىڭغا قۇلۇمنى ئۇزاتتىم.
-ماھىرە مىنى كەچۇرۇڭ!سىزنىڭ زىتىڭىزغا تەككۇدەك گەپ قىلىپ قويدۇم!مەن ھەقىقەتەن يارىماسكەنمەن!
-تۇرغۇن ئۇنداق دىمەڭ!يىگىت چۇقۇم ئۆزىنىڭ يىگىتلىكى بىلەن مەرت ھىسابلانمايدۇ ،بەلكى دانالىغى بىلەن ھەقىقي ئەركەك ھىسابلىنىدۇ!مەن قايتاي خىزمەت ۋاقتىمغا ئاز قاپتۇ .سىزگە بەخىت تىلەيمەن!
ماھىرە ئاخىرقى سۆزىنى تۇلىمۇ مەنىلىك ئاخىرلاشتۇرۇپ،قۇلۇمنى سىقىپ قۇيۇپ خوشلۇشۇپ خىزمىتىگە راۋان بولدى.
مەن تۇلىمۇ ئۇكۇنۇش ئىچىدە ماھىرەنىڭ ئارقىسىدىن قاراپ لىۋىمنى چىشلەپ قالدىم.
يوللىغان ۋاقتى 2010-5-26 03:43:38 AM
