ئەسسالامۇئەلەيكۇم ھەۋەسكار تورىدىكى ئەزىز قېرىنداشلار ، كەچلىڭىلار خەيرىلىك بولسۇن . ئىلگىرى تارىخ كىتابىمدا ياپونىيە ئارىلىدا شوگىنات ئىسىملىك بىر قۇللۇق تۈزۈمدىكى دۆلەت قۇرۇلغان دېگەندەك قۇرلارنى ئوقىغىنىمدا ياپونىيەدە جەڭ بولغىدەك نېمىش بادۇ دەپ ئويلاپ قاپتىكەنمەن (ياش كىچىك بولغاندىكىن شۇ ئويلاپ بولالمىغان گەپ ) ، ئەمما ھازىر ئۇقتۇمكى ئەينى ۋاقىتلاردا يەرشارىنىڭ ھەممە يېرىدە ھەممە ئېقىملار بەس-بەستە ئۇرۇش ئوتىغا كىرىپ كېتىپتىكەن ... بۇ ئويۇننى ئوينايمەن دەپ يۈرگىلى خېلى ئۇزۇن بولغانتى ، ئەمما شۇ سەپلىمىسى ۋە ئويۇننىڭ سىغىمى سەل بېشىمنى ئاغرىتقاچقا چۈشۈرۈشنى ئېغىر كۆرۈپ چۈشەمىگەنتىم ، ئالدىنقى ھەپتە ئويۇننى چۈشۈردۈم ھەم ئويناپ باققاندىن كېيىن ئېنتايىن ياخشى بىر ئويۇنلىقىنى ھېس قىلدىم .. شۇڭا بۈگۈن مۇنبەرگە تېما يوللاشقا ئىلھام كەپقاپتىكەن ، كەچ بولغىنىغا قارىماستىن بۇ ئويۇننى يوللاۋاتىمەن .. قېنى كۆرۈپ باققايسىلەر .....
ئويۇن ئىسمى: سانغۇن 2 : ئومۇميۈزلۈك ئۇرۇش
ئىنگىلىزچە ئىسمى : Shogun2 : Total War
ئويۇن تارقىتىلغان ۋاقىت :2011-03-15
ئويۇن تىپى: ئىستىراتىگىيە ئويۇنى RTS
ئويۇن سۇپىسى : PC
ۋاكالەتچى شىركەت : SEGA
ئويۇن ياسىغان شىركەت : Creative Assembly
ئويۇننىڭ قىسقىچە چۈشەندۈرۈشى :
‹‹ سانغۇن 2›› دېگەن ئويۇن تەسۋىرلەنگەن دەۋىر 16ئەسىرنىڭ ئالدى كەينىدىكى ياپونىيە ئۇرۇش دەۋرى بولۇپ ، بۇ دەۋىردىكى ياپونىيە نۇرغۇنلىغان داڭلىق سانغۇنلار ھۆكۈم سۈرىۋاتقان ، ھەمدە بۇ سانغۇنلار ئارىسىدا زېمىن ۋە ياپونىيە ئارىلىنىڭ ھۆكۈمرانلىقىغا ئىرىشىش ئۈچۈن ، توختىماستىن بىر-بىرى بىلەن توقۇنۇشىش تەسۋىرلەنگەن . ئويۇندا سىز ئۇرۇش دەۋرىدىكى بىر داڭلىق سانغۇن بولىسىز ، قوشۇن تەشكىللەش ، دېپلوماتىيە ، ئىقتىساد ، قەستلەش قاتارلىق ۋاسىتلەر بىلەن ئاخىرىقى غەلبە نىشانىغا يىتىسىز . سىزنىڭ نىشانىڭىز تۆت خىل بولۇپ : دۈشمىنىڭىزنىڭ جەمەتىنى يۇقىتىش . ئۆزىڭىزنىڭ جەمەتىنى 70 يىلغىچە ئامان-ئېسەن قوغداش . ياپونىيە ئارىلىدىكى 40 نەچچە كىچىك ھۆكۈمرانلىقنى ئىگىلەش. ياپونىيەنى بىرلىككە كەلتۈرۈش . ئويۇندا سىز توققۇز كۈچلۈك ھۆكۈمران سانغۇنلارنى تاللايسىز .
ئۆزۈمنىڭ قىسقىچە ھېسياتىم :
مەن بۇ ئويۇننى ئويناش ئارقىلىق ياپونىيەدىكى ئۇرۇشلارنىڭ ھەقىقەتەن باشقا جايدىكى ئۇرۇشتىن پەرقلىنىدىغانلىقىنى چۈشەندىم . قانداق دېسىڭىز ، بۇلاردا سامۇراي ئەقىدىسى ناھايىتى كۈچلۈككەن . ئەڭ قايىل بولغىنىم سامۇرايلار . سامۇرايلار يېقىن ئارلىقتىكى يۈزمۇيۈز جەڭدە ناھايىتى ئۈستۈنلۈكنى ئېگلەيدىكەن . ھەربىر كۈچلۈك سانغۇننىڭ ئۆزىگە خاس ئالاھىدىلىكى باركەن . مەن بىر شەھەرگە ھۇجۇم قىلىشتىكى ھېسىياتىمنى سۆزلەپ ئۆتەي . مېنىڭ قوشۇنىمدا سانغۇن قوشۇنى (ئاتلىق ) ، 4 چوڭ نەيزىلىك قوشۇن ، 2 چوڭ كاماندازلار قوشۇنى ، 4 چوڭ سامۇرايلار قوشۇنى بارتى (بىر چوڭ قوشۇندا تەخمىنەن 60~120 گىچە ئادەم بار ) . مەن سانغۇننىڭ قوشۇنلىرىنى ئورمانلىققا يۇشۇرۇپ قويدۇم ، ئاندىن شەھەر سېپىلىنىڭ كامانداز ئورۇنلاشقان جايىغا 1 چوڭ نەيزە قوشۇنىنى يېقىنلاشتۇردۇم ھەمدە شەھەر ئىشكىنى كۆيدۈرۈشكە بۇيرۇق قىلدىم ، ئەلۋەتتە ئۇلار يامغۇردەك يېغىۋاتقان ئوقيالار ئالدىغا بېرىشى كېرەك . 2 چوڭ نەيزىلىك قوشۇننى ئۇنىڭ ئارقىسىدىنلا ئەۋەتىش ئۈچۈن ، تاغ تۆپىلىكىدىن تىزلىكتە چۈشۈرۈش ئۈچۈن تىزىپ قويدۇم . ئاندىن 4 چوڭ سامۇرايلا قوشۇنىنى يۆتكەپ شەھەر سېپىلىنى ئايلىنىپ ، يان تەرەپتىن شەھەر سېپىلىغا ياماشتىم ، ئىچىدىكى چارلاۋاتقان 1 نەيزىلىك قوشۇننى سامۇرايلار بىلەن يەر چىشلەتكەندىن كېيىن ، شەھەر دەرۋازىسى ئوت كېتىپ كۆتۈپ ئېچىلىپ كەتتى ، ئاندىن تاغدىكى ئادەملىرىمنى شەھەر دەرۋازىسىغا قاراپ يۈگۈرۈپ ھۇجۇم قىلىشقا بۇيرۇدۇم . ئاندىن سامۇرايلىرىم بىلەن شەھەر ئىچىدىكى سامۇراي ۋە باشقىلار بىلەن جەڭ قىلدىم ، جەڭدە يارلىنىپ قاچقانلار ئۆز كۆڭلىدە ئورمانلىققا قاچساق قۇتۇلىمىز دەپ قالغان چېغى ، ئۇلارنىڭ بۇ ئۈمىدى بىتچىت بولدى ، ھېلىقى ئورمانغا يۇشۇرۇپ قويغان سانغۇن قوشۇنىم شىددەت بىلەن نەرە تارتىپ بۇ قاچاق قۇشۇننى قىرىپ تاشلىدى. ئۇرۇشتا دۈشمەن تەرەپ ئىنتايىن چوڭ زىيان تارتتى . كاماندازلىرى ئىشتىنىغا سىيىۋەنكەندە قاراپلا تۇرۇپ قېلىپ ، قىلىچلىرىنى سۇغارغۇچە سامۇرايلىرىم تەرىپىدىن قىرىپ تاشلاندى . ئۇلارنىڭ شەھەر ئىچىدىكى ئاتلىق ئەسكەرلىرى مېنىڭ نەيزىلىك قوشۇنىمغا يەم بولدى (ئاتلىقنى نەيزىلىك بىلەن جايلاشنى كىنودىن ئۆگىنىۋالغان ، ئويۇندا تازا ئەسقاتتى ... ھىي ھىي ھىي {-_-) O)_(O !!!
تەۋسىيەرىم ئويۇننى ئويناپ بېقىلار ...
ئويۇن سەپلىمىسى :
ئەڭ تۆۋەن تەلىپى:
مەركىزى بىر تەرەپ قىلغۇچ : 2Ghz Intel قوش ئۆزەكلىك CPU ياكى 2.6Ghz Intel تاق ئۆزەكلىك CPu
ئىچكى ساقلىغۇچ : Win Xp دە 1GB ۋە windows 7 /Vista دا 2GB بولىشى شەرت .
كۆرسەتكۈچ كارتا : 256mb كۆرسىتىش ئېنىقلىقى بولغان ، DirectX9.0c قوللايدىغان كۆرسەتكۈچ كارتا
ئېكران كۆرسىتىش ئېنىقلىقى : 768*1024
قاتتىق دېسكا تەلىپى: 20GB ئەتىراپىدا (چۈنكى ئويۇننىڭ قاچىلاش ھۆججىتى 10GB ئەتىراپىدا كىلىدۇ ).
تەۋسىيە سەپلىمى تەلىپى
مەركىزى بىر تەرەپ قىلغۇچ : Intel ئىككىچى ئەۋلاد I5 CPU ۋەياكى ئۇنىڭدىن ياخشىسى ياكى ئوخشاش سۈرئەتتىكى AMD CPU
ئىچكى ساقلىغۇچ : Windows Xp 2GB , Windows 7/Vista 4GB بولسا ناھايىتى ياخشى ئوينىيالايسىز .
كۆرسەتكۈچ كارتا : AMD Radeon HD 5000 ياكى 6000 تپىلىق كۆرسەتكۈچ كارتىلارۋەياكى ئوخشاش تىپتىىكى DirectX11 قوللايدىغان كارتىلار .
ئېكران ئېنىقلىقى: 1024*1280
قاتتىق دېسكا تەلىپى : 20GB
ئويۇننىڭ چۈشۈرۈش ئادېرىسى :
ئويۇن يامىقىنى بۇ يەردىن چۈشۈرۈڭ
يامىقىنى چۈشۈرۈپ بولغاندىن كېيىن ئاپتۇماتىك چۈشۈرۈش ئادېرىسى ئۇلىنىدۇ ، ئەگەر ئۇلانمىسا ياماق ھۆججىتىنى قوش چەكسىڭىز بولىدۇ . چاقماق چۈشۈرۈگۈچتە چۈشۈرشىڭىزنى تەۋسىيە قىلىمەن .
ئويۇن رەسىملىرى :
تىخىمۇ نادىر ئويۇنلار ئويۇن ھەۋەسكارلىرى كۇلۇبىدا!
www.hawaskar.net