قـىـزىـمنىڭ تــــويى

barqukkizi

	ئاپتۇرى -بارچۇق قىزى بۈگۈن ئۆيمىزگە مىھمان كەلمەكچى،ئەڭ ئەزىزى مىھمان كەلمەكچى...قانداق ئەزىز مىھمان بۇلاتتى مۇشۇ بىر تال ئارزۇلۇق قىزىمغا  ئەلچى كەلمەكچى. قانداق قارشى ئېلىش مىھماننى قانداق كۈتۈش، قانداق ئۇزۇتۇش توغۇرلۇق مەسلىھەت ئالمىغان كىشىم قالمىدى ،ئۇف، خەقنىڭ ئاغزىغا قارسىڭىز ھەر خل مەسلىھەت بىرىدىكەن ،قايسىسنى ئاڭلاشنى بىلەلمەيلا قالسىزكەن ،ئۇنىڭ ئۈستىگە بۇ قۇدا دىگەننى  ياخشى كۈتمىسە بولمايدىكەن،كونىلار ئېيتقانغۇ<< خۇدادىن قورققىچە قۇداڭدىن قورق>>دەپ مانا راستكەن.تېخى بولمىغان قۇدامنى كۈتىمەن دەپ بوپ كەتكىنمنى،قۇدا بولغۇچلارنىغۇ كۈرۈپ باقمىدىم ھەم تۇنۇشلۇقۇممۇ يوق، ئۇلار باشقا شەھەردە مەن باشقا شەھەردە ،خەقلەردىن ئاڭلىسام كەلگۈسى قۇدىلىرىم بەكمۇ باي ،يۈز -ئابرۇيلۇق كىشلەرمىش،ئۇنىڭ ئۈستىگە ما كەلگۈسى كۈيئوغلۇممۇ چەتئەلدە ئۇقىغان بالا ئىكەن،ئۇنىغۇ كۈرۈپ باقمىدىم ،مۇشۇ ئوتتۇرىدىكى تۇنۇشتۇرغۇچىلارنىڭ گىپغۇ ئاخىر ،قىزىممۇ بىر كۈرۈشۈپلا ماقۇل بولغىنغا قارغاندا  كىلىشكەن  ھەم قائىدىلىك بالا بولسا كىرەك،ئەڭ ياخشى يېرى كۈيئوغلۇم بۇ شەھەرلىك ئەمەس ، ئوغلى بولسا مۇشۇ شەھەردە خىزمەتتە قىزىممۇ تالالىق بولسىمۇ يەنىلا بىز بىلەن بىر شەھەردە تۇرىدىغان بولدى ،بولمىسا يات يەرگە قىز بەرمەيتتىم . مانا ئاخىرى بېشىممۇ ساقىيىپ قىزىمنى تالالىق قىلپ غەملىرىمدىن بىراقلا قۇتۇلىدىغان بولدۇم،مانا مۇشۇ بىر تال ئارزۇلۇق قىزىم ئۈچۈن  نىملەرنى قىلمىدىم ،مۇشۇ ئارزۇلۇق قىزىم مۇشۇ ئائىلمىز ئۈچۈن نىملەرنى قىلمىدى...... قىزىم مەندىن تارتىنپ قالدىمۇ-، ئەيتاۋۇر ھۇجىرسىدىن چىقمايۋاتدۇ ،ئايالىم مىھمانلارنىڭ ئېغزىغا تېتىغىدەك تاماق قىلىشقا ئاتايىتەن تەكلىپ قىلغان داڭلىق ئاشپەزگە كەم كۇتىلارنى  تېپىش،ئۆيلەرنى رەتلەش ،ماۋۇ مىھمانلارنى كۈتۈشكە ياردەمگە كەلگەن بىزنىڭ شىركەتتىكى قىزلارغا ئىش تاپىلاش بىلەن ئاۋارە .مەن بولسام  مىھمانخانا ئۆيدە ماۋۇ ياۋرۇپاچە سافادا يانپاشلاپ يېتىپ  قىزىمنىڭ تويىنى قانداق ئۆتكۈزۈپ بىرىشنى خىيال قىلپ ئاۋارە .توينى قايسى رىستۇراندا قىلسام بۇلار؟ھە ھېلىقى بايۋەتچىلەر رىستۇراندا قىلاي .ھېلىقى ئەلنەغمە ئارتىسلاردىن نەچچىنى تېپىپ ناغرا چالغۇزاي،ھېلقى داڭلىق چولپانلاردىن بىر نەچچىنى تەكلىپ قىلاي مىنڭ مۇشۇ ئارزۇلۇق قىزىمنىڭ تۇيغا كىلپ ناخشا ئېيتماي قانداق چولپان بۇلىدۇ ئۇ خەق . ھە راس ھېلىقى ئۇسۇلچىنمۇ ھايتلا دىسەم كىلىدۇ،يېرىم يالىڭاچ كىينىپ ،يىلاندەك تولغۇنۇپ ئەرەب ئۇسۇلىدىن بىر پەدە ئويناپ چاڭ چىقىرۋەتسۇن..ياق بولمىغىدەك ئۇ جۇۋاينىمەك مۇشۇ كاتتا سورۇندا يەنە باشقا بىرىنى كەلتۈرۋالسا ماڭا قارىماي قالمىسۇن. بولمىغدەك ،ئايالمنىڭ ئالدىدىغۇ چاندۇرۇپمۇ يۈرمەيدۇ ،ئۇ پۇلغا ئامراق مەندەك قېرىنڭمۇ پۇلنى دىمسە پوق بارمۇ كەينمىدە سوكۇلداپ قەيەرگە كەل دىسەم ،شۇ يەرگە ئۈنۈپ ،ھىم ئۇنىڭ نىيتى شۇ پۇلمىدىغۇ تايىنلىق ،بولدىلا ئۇنى تەكلىپ قىلماي ،باشقىچە چىرايلىق بىر ئۇزۇتاي،ھە ھېلىقى داڭلىق پىكاپتىن بىرنى كۈيئوغلۇمغا تويلۇق سوۋغات قىپ بىرەي . مۇشۇ قىزىمنىڭ تۇيى ئۈچۈن قانچىلىك  جاپا تارتساممۇ،قانچىلىك پۇل چىقىم قىلساممۇ ئەرزىيدۇ،مۇشۇ ئارزۇلۇق قىزىم بولمىسا قەيەردىكەن ماڭا بۇ دۆلەت........ -دادسى  قۇدىلاردىن تىلفۇن كەلدى-،كىلىشكە ئازلا قاپتۇ ،بوسىلا مۈگدەپ ئولتاماي، ھېلىقى  غۇلجىغا بۇيرىغان سارماي كاۋاسلارنى سۈرۈشتە قسىلا؟-ماۋۇ چاچلىرىنى ئامرىكىچە ياستىپ ،گىرىمىنى كورىيەچە قىلدۇرۇپ،كىيمنى تۈركىيەچە كىيۋالغان مودا خۇتۇنۇمنىڭ تۈرتىشى بىلەن  خىياللىرىمدىن يىغىلىپ يانچۇقۇمدىن تىلفۇنۇمنى چىقرىپ ھېلقى غۇلجۇلۇق پەرۇخقا تىلفۇن ئۇردۇم ،ئۇمۇ ئىشىك ئالدىغىلا كەپ قالغانكەن،تىلفۇنۇمنى ئېلىپلا سايراپ كەتتى، -ياخشىمۇ سىز ئا جىڭلى ؟قۇدىلار كەپ قالمىغاندۇ .مانا،مانا بۇيرىغان نەرسىلەرنى ئەمدى تېخى داچنىڭ ئالدىغا ئەپ كىلشىم،گۈلدەك خانىمڭىز پەرىزات كەبى قىزڭىز  ئوبدان تۇرغاندۇ؟سىزنىڭ سالامەتلىكىڭىزچۇ؟....ئۇنىڭ ئەھۋال سۇراشلىرى ھىچ توختايدىغاندەك ئەمەس ئاخىرى گىپنىڭ بىلگە تەپتىم، -ياخشى ھەمىسى ياخشى ئۆيگە كىرگەندە ئەھۋالىشايلى –شۇنداق دىگنىمچە تىلفۇننى قۇيۋەتىم،ئىشىك قوڭغىرقى بېسىلشى بىلەن  ئۈيمىزدىكى تاماقق تازلىققا مەسئۇل ما ئانا ئىشكنى ئاچتى،نىمشقا يات مىلەتنى ئۈيىڭىزدە تۇرغۇزدىڭىز دىدڭىزما ،ھەي يەنلا مۇشۇ كۈنلەمچى خۇتۇنىڭ ئىشى بولمامدۇ ياشنى تاپسام بۇزلىسەن دەپ ياشتا چوڭلارنى ئەكىپمۇ قويدى .خىزمەتكارلىققا لىكىن شۇ قېرلارنىڭمۇ خۇييى چىقىپ قالدى نىمە خۇيى بۇلاتتى مەنغۇ خلى ھالىم يامان قېرى خۇتۇنلارغا ئۈزۈمنى بۇزمايمەن شۇ سەل غەيۋەتخور،تۇلا گەپ قىلدىغان،ئۆيدىكى ئىشنى سىرتقا يايدىغان چىقتى ،ئاخىرى مۇشۇ ما فاملىك خۇيزۇ ئايالنى ئەكلىپ تۇرغۇزدۇق،ئۇ ئۇيغۇرچىنى يېرىم يارتا بىلدۇ،بىزنىڭ گەپ سۈزمىزگە باشقىلاردەك بەك دىققەت قىلمايدۇ. خەنزۇچە پارڭلاشمىساق ئادەتتە پارڭىمزغا بەك قۇلاق سەپ كەتمەيدۇ،بەزى بىر گەپلەرنى ئاڭلاپ قالسىمۇ سىرتقا يايمايدۇ،تېخى ما ئارزۇلۇق قىزىم ئامراق راڭپىزا،سېرىقى ئاش،ھېلقى گۈرۈچ چۈپى قورىملىرغا ئالامەت ئۇستا قىزم ئۇنى ياقتۇرۇپ قالدى  ،مانا ئەمدى خاتىرجەم، بوپ قالدۇق،ئۇ   ئۈيمىزگە  كەلگەندىن بىرى ھەممەيلەن خاتىرجەم ئاساسلىقى مۇشۇ كۈنلەمچى خۇتۇنۇمغا ئارام بولدى  ،ئەمدى ئۇ ئۈيمىزدىكى خىزمەتكارنىڭ مىنى ئازدۇرۇپ كىتشىدىن  ئەنسىرمەيدۇ . ئىشىكتىن پەرۇخ كىرىپ كەلدى. ماڭا ھۆرمەت بىلەن ئىھتىرام بىلدۈرۈپ،بۇرمۇنچە تاتلىق گەپلەر بىلەن كۆڭلۈمنى ياساپ قىزمنىڭ بولمىغان بۇلۇش ئالدىدا تۇرۋاتقان تۇينى تەبرىكلەپ   ئەپكەلگەن نەرسىلەرنى ما ئانىغا تۇتقۇزدى.ئۇنى سافاغا باشلىدىم .پەرۇخ تۇلمۇ ئۇرۇق بۇيمۇ پاكار بولغاچقا ئادەتتە كەينىدىن قارغان كىشى ئۇنىڭ كىيۋالغان ئالتە يانچۇق ئىشتىندىن مانا مۇشۇنداق رەقەملەر چەتئەلچە يېزىقلار بېسىلغان مايكىلىردىن ئۇنى ئۇقۇغۇچمىكىن دەپمۇ قېلشاتتى،لىكىن ئۇنىڭ چىرايىنى ئىنىق كۆرگەنلەر بولسا 35ياشلاردىن ھالقىغان كىشى ئىكەنلىكنى جەزىم قىلالايتى،مانا بۈگۈنمۇ ئۇ خۇددى ئۇقۇغۇچلاردەك كىينپ،شالاڭ چاچلىرنى رەتلىك تاراپ  سافادا يەڭگىل ئولتۇردى،مەندىن ياردەملەشكىدەك ئىش بار يوقلىقنى سۇراپمۇ ئۈلگۈردى،مەن رەھمەت بىلدۈرۈپ  ئۇنى ئولتۇرىۋىرشكە بۇيرۇدۇم . ئۇ ئادەتتە شىركىتمىزنىڭ ۋە بىزنىڭ ئائىلمىزنىڭ يۈگۈر يىتىم ئىشلىرنى قىلاتتى،يۇقرى ئۇقغان ئۇقۇش تارىخى بولمىسمۇ لىكىن بىر ئىشلارنى نەچچە يىل ئالى مەكتەپتە ئۇقغان كىشلەردىنمۇ ياخشىراق بىجرەلەيتى،كىشلىك مۇناسىۋەتكە ئالامەت ئۇستا،ئۇيۇن تاماشىغا ئانسىنڭ سۈتگە ئامراق بولغاندەكلا ئامراق،تىلى ھەسەل يالۋالغاندەك تاتلىق،بىلى ھېلقى ئەرەب ئۇسۇلى ئوينايدىغان ھېلقى  قىزنىڭ بىلدىنمۇ ئەۋرىشىم،قۇلقى پاختىدەك يۇمشاق بىر ئىنسان ئىدى ئۇ خۇددى مەن ئۈچۈن تۇغۇلغاندەك ماڭا شۇنچىلك سادىقلىق بىلەن مۇئامىلە قىلاتتى،ھەر بىر بۇيرىغان ئىشمنى جان پىدالىق بىلەن ئۇرۇنلايتى  ،ما ئانا مۇزدەك مىۋە سۈيدىن ئىككى ئىستاكان كەلتۈردى،چاڭقاپ ئولتۇرغاندا بۇ مىۋە سۈيى ماڭا بەك ياقتى،ئۇنىڭغا ئىككىلەيلەن رەھمەت ئېيتۇق .پەرۇخنىڭ تاتلىق گەپلىرىگە  لال بۇلۇپ بىردەم يانپاچلىدىم،پات –پات سائىتمگە ،دەرىزدىن ھويلىمىزغا،كەڭ ئېچۋىتلگەن دەرۋازىمىزغا قاراپ قويدۇم، ھىچ مىھمانلار كەلگەندەك ئەمەس،سەل تىتلداپ قالدىم ،ئورنۇمدىن تۇرۇپ مىھمانلارنى باشلايىغان چوڭ ئۆيگە كىردىم ئايالىم يەنىلا شۇنداق جىددى ،قىزلارغا داستخان تەييارلاتقۇزغىلى تۇرۇپتۇ،داستخانى بىر قۇر كۆزدىن كەچۈرشكە باشلىدىم ،داستخان خىلى ئوبدان  تەيارلانغاندەك قىلاتتى،ئايالمنىڭ يېنىغا بېرىپ ئۇنىڭغاتەييارلىقنى تىزرەپ پۈتكۈزۈشنى تاپلىدىم،ئۇنىڭ چىرايدا بىر خىل خۇشالىق ئەكىس ئەتكەندەك قىلاتتى،ئەلۋەتتە خۇشال بۇلدۇدە  ،مۇشۇ ئارزۇلۇق قىزمىزنىڭ تۇينى قىلدىغان تۇرساق،مۇشۇ بايلىق پەرشتىمىزنىڭ تۇينى قىلدىغان تۇرساق ،مۇشۇ چىرايلىق قىزمىز بىزنى ئەشۇ نامراتلىقتىن قۇتۇلدۇرۇپ مانا مۇشۇنداق خانلاردەك تۇرمۇشقا ئىرشتۈرگەن تۇرسا ،ئەينى چاغلاردا ئايالمنى ئۇغۇل تۇغمۇدۇڭ دەپ ئۇرۇپ كەتكەنلىكمنى ئويلىسام ھازىر بەكمۇ خجىل بوپ قالمەن،قىز بالنىڭ راھىتنى مەندەك كۆرسىتى ھەممە ئەر كىشى ئايالىنى مانا مۇشۇنداق  چىرايلىق قىز تۇغ دىيشى ئىنىق،ئۇغۇل بالنىڭ پۇقى دۇرمۇ ھازىرقى زاماندا،ئەگەر ئايالىم ئۇغۇل تۇغقان بولسا شۇ ئوغلىمىز بىزنى مانا مۇشۇنداق راھەتكە ئىرۈشتۈرەلەمتى،قىز بالنىڭ قۇلدىن كەلگەن ئىش ئۇغۇل بالنىڭ قۇلدىن كىلشى مۇمكىن ئەمەس، ،ئايالىم يېڭى تۇغۇتلۇق چاغدا ئۇغۇل تۇغماپسەن دەپ  ئۇنى قاتىق ئۇرۋىتكىنمدىن  تۇغماس بوپ قالمىغان بولسا يەنە نەچچە قىز تۇغ دىيشىم تۇرغانلا گەپ لىكىن ئۇ تۇغماس بوپ قالدى،مانا مۇشۇ بىرلا ئارزۇلۇق قىزملا بار،ئۇنىڭ ئەقىلىقلىقدە، قۇلقىنىڭ يۇمشاقلىقدا،چىراينىڭ چىرايلىقلىقدا گەپ يوق،مەن مەن دىگەن نوچىلار كۈيۈپ قالغىدەك قىز،ئۇ ئوينىغان ئۇيۇنلارنى خلى چولپانلارمۇ ،كىنو ئارتىسلىرمۇ ئوينىيالمايدۇ ،قىزمنى كىنو ئارتىسلىقدا ئۇقۇتقان بولساممۇ مىللىتمىزدىن دۇنياۋى كىنو چولپىندىن بىرى چىقىپ قالاتىمكىن دەپمۇ قالمەن .لىكىن مەن ئۇنى كىشلەرنىڭ تۇنۋېلشىدىن ئەنسىرەپ تەرجىمانلىقتا ئۇقۇتتۇم ،ئەگەر ئۇ چولپان بوپ تۇنلۇپ كەتسە كىينلىكگە ياخشى ئەمەس بۇ ماڭمۇ ،ئايالمىغىمۇ ماۋۇ ئارزۇلۇق چىرايلىق قىزمغىمۇ ئايان ..... -مىھمانلار كەلدى ،ئا جىڭلى  –پەرۇخنىڭ چاقىرشىدىن ئىسمنى يىغىپ سىرتقا ماڭدىم ،ئايالىم ئىشكنىڭ كەينىگە ئورنۇتۇغلۇق ئەينەككە قاراپ ئۈزنى بىر قۇر تۈزەشكە  ئۈلگۈردى . 2 مەنمۇ ئۈستى بېشىمغا بىر قارۋەتكەندىن كىيىن ھويلىغا ماڭدىم ئايالىم كەينىمدىن سوكۇلداپ كىلپ مىنى تارتىپ تۇرغۇزدى،ئۈزى بىر قۇر ئۈستى بېشمنى تۈزەپ داڭلىق ماركىلق گالاستۇكلىرمنى بىر قۇر تۈزەشتۈردى .بىز بىر بىرمىزگە تاتلىق كۈلۈمسىرشىپ قۇيۇپ مىھمانلارنى كۈتۋالغىلى ھويلىغا چىقتۇق ،كەڭ ئېچىلغان دەرۋازىمىزدىن بىر كىچىك ماشىنا توختىدى،ماشىندىن سالاپەتلىك بىرى چۈشتى سىنچىلاپ قاردىم،ۋاي بۇ مىنڭ بولغۇسى قۇدام ئەمەسكەن مىنڭ قان قېرىنداش ئاغىنەم، مىنڭ شىرىكىم،مىنىڭ مۇشۇنچىۋالا باي بوپ كىتشمنىڭ ئاساس سالغۇچسى ،مىر سالىم ماڭا قاراپ كۈلۈمسىرەپ تۇراتتى،قارغاندا ئۈيمىزگە مىھمان كىلدىغىندىن ئۇمۇ خەۋەر تاپقان بولسا كىرەك،ئۇنىڭ يېنىدا ئۇنىڭ ئايالى  سەرۋىناز مىنڭ ماۋۇ مودا ئايالىمدىن قېلىشمىغدەك كىينىپ،ياسنىپ كۈلۈمسىرەپ قاراپ تۇراتتى،-مەرھابا ..مەرھابا،ياخشى كەپسىلەر ،ئابلانى خەۋەر قىلمىدى دەپ كەلمەي قۇيامدىكىن دىگەن ئىدىم –دىدى ئايالىم قۇچقاچتەك ۋىچىرلاپ ،سەرۋىنازنىڭ بوينىغا ئېسلىپ مەڭزىگە مەڭزىنى ياققاچ،مەنمۇ چەبدەسلىك بىلەن بېرىپ مىرسالم بىلەن قول ئېلشىپ كۈرۈشكەچ، -بەكمۇ جىدى ئىش بولغاچقا مەن ماۋۇ ئايتۈرۈككە سىلەرگە خەۋەر بىرشنى تاپلاپ ئۈزۈم خەۋەر  قىلالمىغان ياخشى  ۋاقىت چىقرىپ  كەپسىلەر-دىدىم ئايالم ئايتۈرۈكنىڭ  سۈزنى قۇۋەتلەپ ،ئايالىم ماڭا قاراپ مەنلىك كۈلۈمسىرەپ قويدى ،بىز مانا مۇشۇنداق ئەزەلدىن بىر بىرمىز بىلەن ماسلاشقان ھەر قانداق سەھنىدە بىر بىرمىزنىڭ ھالىغا يىتدىغان ئەر- خۇتۇنلار . -ۋاي ئابلا نىمە دەۋاتسەن دوستۇم،بىز دىگەن ئاكا ئۇكدەك تۇرساق،قىزمىز تۈركىناز بىزنىڭمۇ قىزمىز،ئۇنىڭ قۇتلۇق كۈنىدە بىز كەلمىسەك قانداق بۇلدۇ،بىزنىڭ مۇشۇ كۈنلىرمىزنى كىم بەرگەن ئۇنتۇلساق بولمايدۇ،تۈركىناز اللا بىزگە بەرگەن پەرىشتە ،بولسا مىنڭ ئوغلۇم ئۇنىڭدىن كىچىك بولمىغان بولسا ئۇنى ئۈزۈملا كىلىن قىلاتىم دىگنە ،ئۇنىڭ ئۇقشى پۈتكەن بولسىمۇ مەيلىتى بىر نەچچە ياشنىڭ پەرقىمۇ بولمايتى –دىدى مىرسالىم  قۇلۇمنى قىسىپ تۇرۇپ .بىز مەنلىك كۈلۈشتۇق،پەرۇخ بىزىنىڭ نىمە دىيشۋاتقىنمىزنى بىلەلمىگەندەك ھاڭۋېقىپ تۇراتتى،ئۇنىڭ نەزىردە تۈركىناز قىزىم بىر بىكا تەلەپ،ئەركە نايناق خېنىم ئىدى ،ئۇ پەقەت پۇل خەجلەشنى،ئىسىل كىيملەرنى كىيشنى،ھېلقى ئىسىل پىكابىنى ھەيدەشنى بىلدىغان ياسانچۇق مودا قىز ئىدى خالاس،مىرسالىمنىڭ ئۇ بولمىسا بىزگە بۇنداق كۈنلەر قەيەردە تۇرۇپتۇ دىگىنىنڭ مەنىسنى پەرۇق مەڭگۈ ھىس قىلپ بۇلالمايتى   ،مىر سالىنىڭ  دىمەكچى بولغانلارى بىز ئەر خۇتۇن،ۋە ئۇلار ئەر خۇتۇنلارغا بەكمۇ ئىنىق ئىدى ئەلۋەتتە.مىرسالىم بىلەن سەرۋىنازنى ئۆيگەباشلىدۇق،ئۇلار زالدىكى سافادىلا ئولتۇرۇشتى،ما ئانا ئۇلارغا داستخان تەييارلاشقا چۈشتى ،ئايالىرىمىز  بىردەم ئائىلىمىزنىڭ ھال ئەھۋالىرنى سۇراشتى ،بىز ئىككى ئەر تىجارەتلىرمىزنى بىر قۇر مۇزاكىرلەشتۇق،سەرۋىناز بىلەن ئايالىم قىزىم تۈركىنازنىڭ ھۇجىرسىغا مېڭىشتى،قارغاندا ئۇلار قىزمنىڭ كەيپىياتنى تەڭشىمەكچى بولسا كىرەك،زالدا بىز ئۈچ ئەر بىللە ئولتۇردۇق،مىر سالىم مەندىن كۈيئوغۇلنىڭ ،ۋە  بولغۇسى قۇدلارنىڭ ئەھۋالىنى بىر قۇر سۈرۈشتۈردى، -ھە كۈيئوغول نىمە خىزمەت قىلدىكەن ؟ -ئاڭلىشىمچە بىر تاشقى سودا شىركىتى ئاچدىكەن كىچىكىدىنلا  چەتئەلدە ئۇقغانكەن،ئالى مەكتەپتىمۇ  چەتئەلدە سودا كەسپىدە ئۇقغانمىش. -ھە شۇنداقمۇ ،بىزگە تازا ماس كەلگۈدەك،يېشىچۇ؟-سۇردى مىرسالىم،قارغاندا ئۇ كۈيئوغۇلنى بىرەر توي قىپ ئاجراشقان قېرى يىگىتمىكىن دەپ گۇمانلانغاندەك قىلاتتى .جاۋابىمنى ئۇلاپلا ئۇنىڭ كۆڭلىنى تىندۇردۇم . -تۈركىنازدىن بىر نەچچە ياشلا چوڭ چىققۇدەك،ئانچە پەرىقلەنمەيدىكەن ،تېخى توي قىلمىغان بالا . -ياخشى،ياخشى ،قۇدىلارچۇ؟ئەركەك قۇدا نىمە خىزمەت قىلدىكەن ؟ -ئاڭلىسام ئۇلار بۇرۇندىنلا چوڭ تىجارەت قىلدىغان تىجارەتچىلەركەن،ئىچكىردە نەچچە شەھەردە ئاشخانسى بارمىش ،ئۈزى نىڭ يۇرۇتلىردا مىھمان سارايلىرى،سودا سارايلىرى باركەن –دىدىم مەغرۇرلۇق بىلەن ،مىرسالىم چىرايمدىكى بۇ مەغرۇرلىقنى سەزگەندەك، -گۈل- گۈلگە ،خل –خىلغا كەپتۇ ،ئەمدى خاتىرجەم بولدۇم –دىدى.بىز بىر بىرمىزگە قاراپ مەنلىك كۈلۈشتۇق،يېنىمىزدا گىپمىزگە قۇلاق سېلىپ ئولتۇرغان پەرۇخ ،مىرسالى ئالدىدا بولماقچى بولغان بۇ توينىڭ  ئۈزنىڭ تىرشچانلىقى ئاستىدا قولغا كەلگەنلىكنى بىلدۈرمەكچى بولغاندەك گىپمىزگە قۇشۇق سالدى ، -ئا جىڭلى ،سىلى تېخى مۇنداقلا بىر قىسمنى ئاڭلىدىلا ئۇلار راستىنلا باي ئۇقمۇشلۇق كىشلەر ،باللىرنىڭ ھەمىسى خىزمەتتە ،سىلگە كۈيئوغۇل بۇلدىغىنى بالنىڭ ئەڭ كىچكى ،ئەڭ ئارزۇلىقى،ئۇلار بۇ ئوغلىغا بەك ئامراق ئۇ نىمە دىسە ئاغزىدىن چىققىننى قىلپ بىردۈ،تۈركىناز خېنىم چۇقۇم بەخىتلىك بۇلدۇ ھى ھى ...-ئۇنىڭ زورلاپ كۈلگەن كۈلكىسگە بىزمۇ قۇشلۇپ كۈلۈشتۇق ،لىكىن بۇ كۈلكىمىز شۇنچىلك سۈنئى ئىدى ،مىر سالى پەرۇخنىڭ بۇ بىر جۈپلەرنى تېپىشتۇرغان تۇنۇشتۇرغۇچسى ئىكەنلىكنى بىلگەندىن كىيىن  ،بارچە سۇئالنى ئۇنىڭغا ياغدۇرۋەتتى . -ھە يىگىتنىڭ ئىسمى نىمىكىن ؟ ئۇيغۇر تۈرۈك .  پەرۇخنىڭ جاۋابىنى ئاڭلاپ يۈرۈكم بىر خىل ئېغىپ كەتتى.ئۇيغۇر تۈرۈك دىگەن بۇ ئىسىم مىنڭ قەلبىمگە مۆھۈر بۇلۇپ بېسىلغان ئىدى،بۇنداق مۆھۈر بوپ بېسىلغان ئىسىملاردىن يەنە بىر قانچىسى بار ئىدى ئەلۋەتتە، مىڭەمدىن نەچچە يىللار بۇرۇنقى ھېلقى ئۇيغۇر تۈرۈك ئىسىملىك بالا ۋە  بالنىڭ ئاتا-ئانسى بىلەن بولغان  دەۋا ئىشلىرمىز بىر قۇر ئەگىپ ئۆتتى،شۇلار بوپ قالمىسۇن يەنە ؟ئۇلارمۇ تىجارەتچى خەقلەر ئىدى ،ئۇلارنىڭ ئوغلىمۇ بالنىڭ كىچكى ...ياق ياق مۇمكىن ئەمەس ،ئۇ بالا دىگەن @@@شەھەرلىك تۇرسا بۇ قۇدا بولغۇچىلىرمىز $$$شەھرىدن تۇرسا بەلكىم ئىسىمداشتۇر ،ئىسىمداش كىشلەردىن نەچچە مىڭى چىقار بۇ شىنجاڭدىن ....... -پاھ ئىسمىدىنلا  قالتىس باللىقى بىلنىپ تۇردۇ .تۈركىناز بىلەن ئىسمىمۇ تازا ئوبدان ماسلاشقىدەك،ئالتۇن ئۈزۈككە ياقۇت كۆز دىگەندەك تېپشىپتۇ بۇلار،ئەسلى سىز تۇنۇشتۇرغانكەنسىزدە ؟ –مىر سالىنىڭ ئۇرغۇلۇق ئېيتقان سۈزدىن  خىياللىرمنى  يىغىپ ئۇلارنىڭ پارىڭىغا قۇلاق سالدىم ،پەرۇخ مەغرۇرلۇق بىلەن سۆزلەشكە باشلىدى . -ئا جىڭلىمۇ ئادەتىكى كىشلەردىن ئەمەس ،&&&شەھرىمىزدە بايدىن بىرى بولسىمۇ مۇشۇ شۇ،ئىككىسى بولسىمۇ بىرى مۇشۇ،يۈز ئابرۇيمۇ،مال دۇنياسىمۇ بار،تۈركىناز خېنىممۇ شۇنچىلك چىرايلىق،بۇ قىزغا ئۇنداق مۇنداق كىشلەرنى لايىق قىلشقا بۇلامدۇ دەيسىز ،فۇ جىڭلى ،شۇڭلاشقا تاللاپ تۇرۇپ مىڭنىڭ ئىچدىن بىرنى تاللاپ يۈرۈپ مۇشۇ ئۇيغۇر تۈرۈكنى  ئاران تاپتىم دىسلە  ھى ھى ھى ....-پەرۇخنىڭ خۇشامەت ئارلاشقان بۇ مەدىيە سۆزلىرگە،زورلاپ كۈلگەن ساختا كۈلكۈسگە مەنمۇ قۇشلۇپ كۈلۈپ قويدۇم،مىر سالىمۇ كۈلگەچ، -ئەلۋەتتە مىڭنىڭ ئىچدىن بىرنى تاللايمىز ؟قىزمىزمۇ خلى –خىلى چولپانلار قۇلغا سۇ قۇيۇپ بىرەلمىگدەك قىز تۇرسا –دىدى،ئۇلاپلا ،ئۇنىڭ دىمەكچى بولغىنى ماڭا ۋە ئۇنىڭغا ئايان بولغاچ بىر- بىرىمزگە مەنلىك قاراپ يەنە كۈلۈشتۇق ،ئايالىم بىلەن سەرۋىنازنىڭ ۋە قىزىم تۈركىنازنىڭ زال ئۆيگە چىقشى بىلەن كۈلكىمىزمۇ توختىدى ،قىزىم مىرسالىغا ۋە پەرۇخقا  سالام قىلغاندىن كىيىن  ئايالىم بىلەن بىر ئۇرۇنغا كىلپ جايلاشتى . ئالدىمدىلا گۈلدەك ياسنىپ ئولتۇرغان قىزىمغا  سىنچىلاپ قاراشقا باشلىدىم،ئۇنىڭ قوشقاپاق چىقارغان كۆزلىرى شۇنچىلك خۇمارلىق ئىدى ،يېڭىدىن چەكتۈرۈلگەن قاشلىرى  قارلىغاچنىڭ قۇيرىقدەك چىرايلىق جەزبىلك كۈرنەتتى ،ھازىر مودا بۇلۋاتقان رەڭدە بۇيلۇپ بۈدرە قىلنغان چاچلىرى يەلكىسگە چۈشۈپ  تۇراتتى،يەڭسىز كۆينەكتىن چىقىپ تۇراغان ئاپئاق بىلەكلىرى ،بىليارت كۆزلۈك ئۈزۈك تاقىغان نازۇك بارماقلىرى  ،پۈتۈن بەدىننىڭ قانداقلىقنى بىلنىڭ قانچە سانتىلقىنمۇ بىلگۈلى بولغىدەك كۆرسەتكەن  بەدنىگە چىڭ كەلگەن  قىزغۇچ كۆينەكلىرى ئۇنىڭ بۈدرە چاچلىرى بىلەن قۇشلۇپ  كىشنىڭ دىقىتنى قوزغايتى،كۆينەكنىڭ كۆكرىكى كەڭ ئويۇلغان بۇلۇپ مەن  چەت ئەلدىن ئەكلىپ بەرگەن ئالتۇن زەنجىرنى مانا مەن دىگۈزۈپ،كۆرگەنلا كىشنىڭ كۈزگە چېلىقتۇراتتى ،كۆز ئالدىمدىكى مۇشۇ مودا چىرايلىق قىزىمنىڭ بولغىندىن پەخىرلەنگىنمچە ،قىزىمغا خۇددى پەرىزاتلارغا قاراۋاتقاندەك قاراۋاتقان مۇنۇ ئىككى ئەركەككە يەر تىگىدىن مەغرۇرلۇق بىلەن قاراپ قويدۇم .ئۇلار قىزىمغا سىنچىلاپ قاراپ كۆزلىرنىڭ پىتنى ئۆلتۈرشىۋاتاتتى،مىنڭ چىرايلىق قىزىم تۈركىناز بولسا  نازلىنىپ ئولتۇرۇپ ئىستاكاندىكى مىۋە سۈينى غۇرتۇلدىپ ئىچمەكتە ،ئارىنى قىزىمنىڭ  مىۋە سۈيى ئىچكەندە چىقارغان ئاۋازىنمۇ ئاڭلىغدەك جىمجىتلىق باستى  ،يېنىمدىكى ئەركەكلەر قىزىمغا لال بۇلۇپ قاراپ قېتىشىپ قالغان بۇلۇپ بىر ئېغىزمۇ گەپ قىلماستىن قىزمغا قاراپ ئولتۇرۇشتى ،ماۋۇ مىر سالىنىڭ ئايالى بولسا   كۈندەشلىك ۋە ھەسەت ئارلاش قاراپ قالغاندەك قىلاتتى ،بەلكىم ئۈزنىڭ شۇ كىلەڭسىز  فىگورنى مۇشۇ قىزىمنىڭكىدەك قىلغۇسى،چاچ پاسونىنى قىزمنىڭكىدەك قىلپ ئۆزگەرتكۈسى،ماۋۇ ساڭگىلاپ قالغان قاپاقلىرنى قىزمنىڭكىدەك كەستۈرۈپ قوش قاپاق قىلغۇسى كەلگەندۇ،ياكى بولمىسا قىزىمنىڭ قول بۇيۇن،قۇلاقلىردىكى  بىليارت كۆزلۈك زىبۇ زىننەتلىردىن بىرە قۇر ئېلىشنى پىلانلاۋاتقان بۇلشى مۇمكىن،ئايالىم بىلەن مەن مۇشۇنداق چىرايلىق ،مەدەنى قىزمىزنىڭ بولغىندىن پەخىرلىنىپ يانلىرمىزدىكلەر گە ئۇنى ئۈنسىز  كۆز-كۆز قىلماقتا ئىدۇق. -ئا جىڭلى مىھمانلار كەلدى –دىدى شىركەتتە ئىشلەيدىغان ئايتۇنەم ،مانا ئەمدى  ھاڭۋېقىپ ئولتۇرغانلارمۇ،ھەسەت قىلۋاتقانلارمۇ ،ھەۋەس قىلۋاتقانلارمۇ،مەندەك پەخىرلىنپ ئولتۇرغانلارمۇ ئۈرە- تۈپە بۇلشۇپ  ھويلىغا ماڭدۇق.قىزىم زالدىلا قالدى . دىگەندەك دەرۋازا ئالدىداداڭلىق ماركىلق پىكاپتىن بىر نەچچىسى  كىلىپ توختىدى ،مەن، ئايالىم ،مىرسالى ،سەرۋىناز،پەرۇخ مىھمانلارنى كۈتۋالغىلى دەرۋازا ئالدىغا چىقتۇق ،مىھمانلار ماشىنىدىن بىر –بىرلەپ چۈشۈشكە باشلىدى ،پەرۇخ ئۇلارنىڭ ئالدىغا بېرىپ ئۇلارنىڭ ماشىندىن چۈشىشگە ياردەملىشىشكە باشلىدى .ھەممەيلەن چۈشۈپ بولغاندىن كىيىن بىر –بىرلەپ سالام سائەت قىلشقا باشلىدۇق ،ئەڭ ئاۋال ئالدىمغا بىر سالاپەتلىك ،ئاق ساقال ،مويسىپىتراق بىرى كەلدى،پەرۇخ بۇ كىشنى بولغۇسى ئەركەك  قۇدامنىڭ ئاكسى دەپ تۇنۇشتۇردى ،ئۇنىڭ بىلەن قىزغىن كۈرۈشتۈم ،كەينىدىن يەنە تۇلمۇ رەتلىك كىينگەن سالاپەتلىك بىرەيلەن كەلدى ،پەرۇخ بۇ كىشنى ماڭا تۇنۇشتۇرماي تۇرۇپلا يۈزۈم ئوت بۇلۇپ ياندى،يۈركۈم  ئاغزىمغا تىقلىپ تىنالماي قالدىم،پۇت- قۇلۇمدا جان قالمىدى.كۈزۈم قاراڭغۇلاشتى ،بېشىم چۆرگىلگەندەك بىر خىل تۇيغۇنلا سەزدىم ،قۇلاق تۈۋۈمدە ئايالم  بىلەن تۈركىنازنىڭ چىرقىراق ئاۋازى ئاڭلاندى ،پەرۇخنىڭ مىنى يۈلەشتۈرگىنىنى سەزدىم،مىر سالى ھىچ يېنىمغا كەلگەندەك ئەمەس بەلكىم ئۇمۇ يىقلىپ قالغان بۇلشى مۇمكىن ،ئايالمنىڭ چىقىراق ئاۋازىغا سەرۋىنازنىڭ ئاۋازى قۇشۇلدى. مىر سالىمۇ راسىتىنلا يىقلىپ قالغاندەك قىلاتتى..... بىر چاغدا  كۈزۈمنى ئاچسام دوختۇرخاندا يېتىپتىمەن،ئېغز –بۇرنۇمغا ئوكسىگىن سۈمۈرگۈچ  ئورنۇتۇغلۇق،پۈتۈن بەدنىمگە يۈرەك،ھەركىتىنى ۋە قان تۇمۇر ھەركىتنى  كۈزتىدىغان ئەسۋاپلار چېتىقلىق،يېنىمدا ئايالىم  ئايتۈرۈك كۆز ياشلىرنى ئېقتىپ قاراپ تۇرۇپتۇ .قۇلۇمنى مىدىرلاتماقچى بولدۇم ،لىكىن مىدىرلىتالمىدىم،شۇنچىلك ھالسىزلىنىپ كەتكەن ئىدىم ،ئايالىم كۆز ياشلىرنى يامغۇردەك تۈكەتتى،ئەتراپىمدىن قىزىم تۈركنازنى ئىزدەشكە باشلىدىم ئۇ ھىچ كۈرۈنمەيتى .ئايالىمدىن سۇرماقچى بولدۇم ،شۇنچە تىرشساممۇ  گەپ قىلالمىدىم ،خۇددى گاچا بوپ قالغاندەكلا ،ئاستا كۈزۈمنى يۇمدۇم. كۆز ئالدىمغا بۇنىڭدىن 25 يىل بۇرۇنقى ئەشۇ مەزگىللىرىم كىنو لىنتىسدەك كىلشكە باشلىدى .ئايالىم ئېغىر ئاياق ئىدى،مەن تىنماي  ئۇششاق تىجارەت قىلاتىم،ئايالمنىڭ ئاي كۈنى پۈتۈپ  بىر قىز تۇغدى،ئۇنىڭ قىز تۇغقىنى ئۇقۇپ شۇنچىلك كۆڭلۈم يېرىم بولدى،مەنچە بولسا بالام ئۇغۇل بولسا ياخشى بۇلاتتى،قىز بالنى قانچە باققانىڭ پايدىسى يوق دەپ قارايتىم،قىز بالا بەرىبىر خەقنىڭ بوپ كىتەتتى  ،دوختۇرنىڭ ئايالىڭىز قىز تۇغدى دىگىنى ئاڭلاپ بېشىمدىن بىر قاپاق سۇ قۇيغاندەك ئەندىكىپ  كەتتىم،ئاچىقىمدا كۈزۈمگە ھىچ نەرسە كۈرۈنمىدى ،شۇ نارسىدە قىزمنىڭ چىراينىڭ قانداقلىقنىمۇ كۈرۈشكە رايىم بارمىدى ،ئۇنى قۇلۇمغا ئېلىپمۇ قويمۇدۇم ،ئايالىم ئاي تۈرۈكنى دوختۇرخاندىن قايتۇرۇپ چىقتىم،يېڭى تۇغۇتلۇق ئايالىمغا تۈزۈك بىر قاچا تاماقمۇ قىپ بەرمىدىم،چۈنكى ئۇ قىز تۇغدى،ئەمەسمۇ،بىچارە ئاي تۈرۈك ئۈزى تاماق قىلپ يەپ بالغا يالغۇز قاراپ قىرقىنى ئۆتكۈزمەكتە ئىدى ،ئۇنىڭ ئاپسى بۇرۇنلا ئۈلۈپ كەتكەن  بولغاچ دادسى ئۆيلۈنۈپ ئۈگەي ئانسى بار ئىدى،شۇڭلاشقىمۇ ئۇ تۇغۇپمۇ يەنىلا ئۈيمىزدە ياتتى،ئۇنىڭ ھالىدىن خەۋەر ئالغۇدەك سىڭىللىرمۇ ،ھەدىسىمۇ يوق ،مەن بولسام قىز تۇغدۇڭ دەپ ئۇنىڭ ھالىدىن خەۋەر ئالمىدىم،تىجارەت قىلمەن دەپ سىرتلاردىلا يۈردۈم،بىر كۈنى ئۆيگە كىرسەم قىزىم تۈركىناز قاتتىق چىرقىراپ يىغلىغىلى تۇرۇپتۇ ،ئايالىم ئاي تۈرۈك ئۇنى پەس قىلالماي ئاۋارە،قىزمنىڭ يىغسى قۇلقۇمغا مۇش ئۇرغاندەك ئاڭلاندى،ئاچىقىمدا ئايالىم ئاي تۈرۈكنى راسا ئۇردۇم،قىز تۇغقان قۇرسىقىڭ مۇشۇ شۇمۇ دەپ قۇرسىقغا نەچىنى تىپۋەتتىم،بىچارە نالەقىلپ يىغلاپ كەتتى ،ئۇرۇپ ھارغىنمدا،قوشنام مىر سالى ئۆيگە كىرىپ كەلدى،ئۇ مىنى تارتىشتۇرۇپ دىگدەك ئايالىمدىن يىراقلاشتۇردى،ئۇنىڭ ئايالى سەرۋىناز ئايالمنى يۈلەشتۈرۈپ ئورنىغا ياتقۇزدى،ئايالىم ھۇشسىزلىنىپ كەتكەن ئىكەن ،ئۇنىڭ چىكىلرىنى ئۇۋلاپ بىر كەمدە ھۇشغا كەلتۈردى،ماڭا بۇرمۇنچە تاپا  قىلپ ،ئايالىمغا تاماق قىلىپ يىگۈزدى ،شۇنىڭدىن باشلاپ ئۇ كۈندە كىرىپ ئايالمنىڭ ھالىدىن خەۋەر ئالدى ،مىر سالى ماڭا كۆپ نەسىھەتلەرنى قىلدى ،كىينكى قېتىمدا ئۇغۇل پەرزەنتىلىك بۇلاليدىغنمىزنى تەكىتلەپ ھارمىدى،ئۇنىڭ نەسھەتلىرى تەسەللىرى بىلەن سەل ئىديەم ئېچلىدى،بىر كۈنى قىزمنى قۇلۇمغا ئېلىپ قاردىم قىزىم شۇنچىلك ئۇماق بۇلۇپ ئاپئاق تىرسى،قاپقارا  چاچلىرى،بۇلاقتەك كۆزلىرنى،يۇمران قوللىرنى كۈرۈپ بىر خىل   ئىللىق سىزىم  كۆڭلىمنى كىسىپ ئۆتتى ،ئۇنىڭغا شۇنچىلىك ئامراقلق قىلدىم،ئايالىممۇ تىنىچ- ئامان ساقيىپ قىرقىنى پۈتكۈزدى،بارغانسىرى قىزمغا شۇنچىلك ئامراق بوپ كەتىم،ئۇنىڭ ۋىلقلاپ كۈلۈشلىرى ماڭا شۇنچىلك ئىللىق تۇيلاتتى ،بارغانسىرى ئۇنى كۆرمىسەم چىديالمايدىغان ھالەتكە كەلدىم،ئۇ شۇنچىلك ئۇماق چوڭ بولدىكى  بىر قارغان كىشنىڭ ئامراقلىقنى قوزغايتى ،مىر سالىنىڭ ئايالى  قىزىم بىر ياشقا كىرگەندە بىر ئۇغۇل تۇغدى ،قىزىم 5ياشلارغا كىرگەندە ئۇنىڭ ئوغلى 4 ياشلارغا كىرگەندە بىللە يەسلىگە كىردى. باللىرمىز خۇددى ئاكا ئۇكلاردەك ئامراق بوپ كەتتى،قىزىم تۇلمۇ قۇلقى يۇمشاق قىز بولدى،مەن نىمە دىسەم دىگەن ئىشنى جان پىدالىق بىلەن ئۇرۇنلايتى،قىلماڭ دىگنىمنىمۇ چۇقۇم قىلمايتى .ھەش پەش دىگىچە نەچچە يىل ۋاقىت ئۈتۈپ كەتتى،قىزىمغا لال بۇلۇپ ئايالمنى ئۇغۇل تۇغ دىيشنىمۇ ئۇنتۇدۇم .مىر سالى ئىكەيلەن  باللىرمىز مەكتەپ يېشىغا توشقاندا مەكتەپكە بەرمەكچى بولدۇق قايسى مەكتەپكە بىرشنى  مۇزاكىرلىشۋاتقان شۇ كۈنلەردە مىر سالى ماڭا بىر شەخسى گوروھ ئاچقان *****دەرجىلك ئاقسۈڭەكلەر مەكتىپىدە ئۇقتۇشنى مەسلەھەت بەردى ،مەن بۇرۇندىن بۇ مەكتەپنىڭ داڭقىنى ئاڭلىغان،ئۇ مەكتەپتە پۇلدارلارنىڭ باللىرى ئۇقۇيدىغىننى  ،ئۇقۇش پۇلنىڭ يۇقىرلىقنىمۇ بىلەتتىم .لىكىن قىزمنى ئۇقتۇشنى خىيالمۇ قىلالمايتىم،چۈنكى ئائىلەمنىڭ ئىقتىسادى ماڭا ئايان . -مەن  ئاددى تىجارەتچى ئايالىمنىڭمۇ خىزمىتى يوق،قىزمنى ئۇ مەكتەپتە ئۇقۇتقىدەك  ئىقتىسات مەندە بولمىسا سىنڭغۇ ئىقتىسادىڭ ياخشى- دىدىم ئۇنىڭغا ،ئۇ مۇغەمبەرلەرچە كۈلۈپ ، -ھىم ئەخمەق،ئالتۇنغا تىگۈشكىسىز قىزىڭ تۇرسا نىمدىن غەم قىلسەن ،قىز بالا دىمەك بايلىق دىمەك ،غەم قىلما بىر يىللىق ئۇقۇش پۇلنى تۈلسەڭلا قالغىنى كىينچە ھەل بۇلدۇ،تېخى مەكتەپتىن ساڭا پۇل بىرىپ ئۇقتىدۇ- دىدى .مەن ئۇنىڭ نىمە دىمەكچى بولغىننى ئۇقالماي گاڭگىراپلا قالدىم، -نەدە ئۇنداق ئىش باركەن ؟ئاڭلىسام يىللىق ئۇقۇش پۇلىلا 25مىڭ يۈئەنكەن –دىدىم ئۇنىڭغا،ئۇ ئېغىزنى قۇلقۇمنىڭ يېنىغا ئاپرىپ پىچىرلاشقا باشلىدى ،ئۇنىڭ گەپلىرنى ئاڭلاپ بەدەنلىرىم تىكەنلىشىشكە باشلىدى ،غۇرتۇلدۇتۇپ ئۈزۈمنىڭ شۆلگىينى يۇتۇشقا باشلىدىم،تىلم گەپكە كىلدىغاندەك ئەمەس ،ئۇ بىر پەس گەپ قىلغاندىن كىيىن ، -ئوبدان ئويلان ،بولمىسا تەكشۈرۈپ كۆر-دىگىنىچە ئۈيگە كىرىپ كىتشكە ماڭدى،تۇرغان ئىزىمدا قاققان قۇزۇقتەك تۇرۇپلا قالدىم ،مىڭەمدە مىر سالىنىڭ ماڭا كۆرسەتكەن ئەقلى ،ئېغىرلاشقان پۇتلۇرمنى سۆرەپ ئۆيگە ئاران  كىرۋالدىم،ھويلىدا ئويناۋاتقان 6ياشلىق قىزىم  ئالدىمغا يۈگرۈپ كەلدى ،ئۇنى قۇچقۇمغا ئېلىپ بىردەم ئەركىلەتتىم،كۈتۈرگىنمچە ئۆيگە كىردىم،تىلۋىزۇر كۈرۋاتقان ئايالىم  بىر تەرەپكە سۈرلۈپ ماڭا ئۇرۇن بۇشاتتى ،ئۇنىڭ يېنىغا بېرىپ ئولتۇردۇم،ئۇ قۇيۇپ بەرگەن ياستۇققا يۈلنۈپ خىيالغا پاتتىم،تىلۋىزۇردا  ئىلان بىرلىۋاتاتتى،تۇيۇقسىز بىر ئىلاننى كۈرشۈم بىلەن بايا مىرسالىنىڭ ماڭا ئېيتقانلىرى ئىسمگە كەلدى ،بۇ ئىلان دەل شۇ مىرسالى ئېيتقان مەكتەپنىڭ ئۇقۇغۇچى قۇبۇل قىلش ئىلانى ئىدى ،شۇنچىلك كاتتا سېلىنغان ئۇقتۇش بىناسى،ياپيىشىل چىملىق ،باغچىلاشقان مەكتەپ ھويلىسى،رەتلىك چىرايلىق كىينگەن ئۇقۇغۇچلار ،داڭلىق مەكتەپلەردە ئۇقغان بىلملىك ئۇقۇتقۇچلار قۇشۇنى ،بۇلارنى كۈرۈپ ئويغا پاتتىم  . -ئابلا قارڭە ئەجەپ چىرايلىقكەن ما مەكتەپ،ئۇقۇغۇچلارنىڭ تۇرقىغا قارڭە چۇقۇم داڭلىق بايلارنىڭ باللىرى جۇمۇ.بىزنىڭ قىزمىزمۇ مۇشۇنداق مەكتەپتە ئۇقيالىغان بولسا ھە!-دىدى ئايالىم ئايتۈرۈك مىنى تۈرتۈپ،قىزىم ئاپسىنىڭ سۈزنى ئاڭلاپلا  ۋىچىرلاشقا باشلىدى ، -دادا قارڭە بەك چىرايلىق مەكتەپكەن،چوڭ بولغاندۇ چۇقۇم شۇنداق مەكتەپتە ئۇقۇيمەن.مەنمۇ ئاۋۇ قىزلاردەك چىرايلىق ياسنىمەن،مىنمۇ شۇ مەكتەپكە ئاپرىپ بىرڭە،قارڭە ئۇسۇل ئويناشنىمۇ،ناخشا ئېيتىشنىمۇ  ئۈگتىدىكەن،يەنە تېخى خەنزۇتىلى ،ئىنگىلىس تىلنىمۇ ئۈگتىدىكەن ....... قىزىمنىڭ شۇنچىلك  زوقلۇنۇپ سۆزلەشلىرگە قاراپ يۈرۈكم ۋىژ قىلپ ئېچىشقاندەك بولدى،يەنىلا شۇ نامراتلىق،قىزمنىڭ ئارزۇلىرنىمۇ ئۇرۇنلىيالمايۋاتقىنىم ،ئىسىت مىنڭ ئەركەك بوپ قالغىنىم دىدىم ئىچمدە ،قىزىمنىڭ كۆڭلىنى ياساپ قۇيۇش ئۈچۈن  ئۇنى بەزلەشكە باشلىدىم، -قىزىم مەن سىزنى چۇقۇم ئاشۇ مەكتەپتە ئۇقتىمەن،مىنڭ گىپمنى ئاڭلىسىڭىزلا چۇقۇم ئۇقتىمەن قىزىم -راسما دادا ،مەن چۇقۇم گىپىڭىزنى ئاڭلايمەن نىمە قىل دىسڭىز قىلمەن ،قىلما دىىسڭىز قىلمايمەن –دىگىنىچە  بوينۇمغا گۈرە سېلىپ مىنى چوكۇلدۇتۇپ سۈيۈشكە باشلىدى ،ئۇنىڭ نازۇك يۈزلىرنى دادلىق مىھرىم بىلەن سىلاپ قويدۇم ،دەل شۇ چاغدا مىر سالىنىڭ ماڭا كۆرسەتكەن ئەقلى ئىسمگە كەلدى،ئايالىمغا مىرسالىنىڭ دىگەنلىرنى يەتكۈزۈپ،ئۇنىڭ قانداق قارايدىغىننى بىلپ  باقماقچى،بولدۇم.قىزمنى مىر سالىنىڭ بالسى بىلەن ئوينىغىلى چىقىرۋەتكەندىن كىيىن ئايالىم ئايتۈرۈككە گەپ ئاچتىم ،ئۇنىڭغا مىر سالىنىڭ ئېيتقانلىرنى يەتكۈزدۈم ،ئۇ بىر پەس ئويلۇنۋەتكەندىن كىيىن ، -ئابلا مىنڭچە بىز سىناپ باقايلى،قىزمىنىڭ ئىستىقبالى ئۈچۈن مەيلى سىناپ باقايلى  ،ئۇمۇ بولسا ياخشى كۈن كەچۈرسۇن،ياخشى مەكتەپلەردە ئۇقسۇن.ئۇ چۇقۇم دىگنىمىزنى قىلالايدۇ،مىر سالىنىڭ  سۈرۈشتىسى بار ئۇ چۇقۇم مەكتەپنىڭ ئەھۋالىنى،ئۇ يەردە بالىرنى مەكتەپتە ئۇقتىۋاتقانلارنىڭ ئەھۋالىنى ئىنىق بىلدۇ،شۇڭلاشقا ئىشەنچىلك قىلپ سىزگە بۇ مەسلەھەتنى بەرگەن،ئۇنىڭ دىگىندەك قىلايلى،پۇل يىتشمىسە مىنڭ ئالتۇن جابدۇقلىرمنى ساتايلى - دىدى.شۇ كۈنى بىر كىچە ئۇخلماي تاڭ ئاتقۇزدۇم،ئايالىمنىڭ پىكرى بىلەن،مىرسالىنىڭ كۆرسەتمىسنى  تەھلىل قىلپ باقتىم،يېنىمدا غەمسىز ئۇخلاۋاتقان قىزمغا قاراپ قۇياتتىم،ئۇنىڭ شۇ سۈزۈك چىرايى،جىنەستىدەك لەۋلىرگە سۈيۈپ قويدۇم،پىشانىسگە سۈيۈپ بەختىنى،ئىنسابىنى،تەلىينى  تىلدىم .تىلۋىزۇردىكى ئىلاندىن مەكتەپنىڭ تىلفۇن نۇمرىنى يېزۋالغاندىن كىيىن  مەكتەپكە تىلفۇن بەردىم. مەكتەپنىڭ ئەمەلى ئەھۋالىنى،شارائىتنى ئۇقۇش پۇلنى سۈرۈشتە قىلغاندىن كىيىن  ئايالىم بىلەن يەنە بىر قېتىم مەسلەھەتلەشتۇق،ئايالىم تاماققا تۇتۇش قىلدى،مەن مىر سالىنى ئۆيگە چاقىردىم،ئۇ مىنڭدىكى ئۆزگۈرۈشلەرنى سەزگەندەك مەنلىك قاراپ قويدى ،بىز بىر پەس جىمجىت ئولتۇرغاندىن كىيىن مەن ئېغىز ئاچتىم ئۇنىڭغا ئايالىم بىلەن مەسلەھەت قىلغانلىقمنىزنى ،ئايالمنىڭ قۇشۇلغانلىقنى ئەمدى بار گەپنىڭ ئۈزىدىلا قالغىننى يەتكۈزدۈم ،ئۇ ھىلگەرلىك بىلەن كۈلۈپ ماڭا چۇقۇم ياردەم قىلدىننى،ئۇقۇش پۇلنىمۇ ئۈزنىڭ تۈلەيدىغىننى ، لىكىن چۇقۇم پايدىنى تەڭ ئۈلشۈشمىزنى ئېيتتى،مەنمۇ ئارتۇق گەپ قىلماي قۇشۇلدۇم ،شۇنداق قىلپ قىزىم تۈركىنازنى  ئاشۇ داڭلىق مەكتەپكە ئۇقۇشقا كىرگۈزدۇق.مىرسالى مەكتەپتىكى ئۇقۇغۇچلارنىڭ ئائىلە ئەھۋالىنى ئىنقلاش بىلەن بوپ كەتتى ،قىزىم مەكتەپكە كىرىپ ئۇزۇن ئۆتمەيلا بىرنچى قېتىملىق ئۇيۇن ئۇينىشمىز باشلاندى ،قىزمدىن نەچچە يىل بۇرۇن مەكتەپكە كىرگەن  ئىلزات،ۋە ئىرفان  ئىسملىك باللار ۋە ئۇلارنىڭ ئۈيدىكلىرى بىزنىڭ ئۇيۇن نىشانىمىز بولدى،ئىلزات بىلەن ئىرفان  شوخراق باللاركەن،قىزمغا نەچچە قېتىم شوخلۇق قىپ ئىسقىرتىپ قۇيۇپتۇ،ئۇنىڭغا قەلەم، دەپتەر سوۋغا قىپتۇ،ئۇنىڭ ئۇماقلىقغا لال بۇلۇپ مەڭزىگە سۈيپمۇ ۋاپتۇ ،ئايالىم  ئايتۈرۈك ھەر شەنبە يەكشەنبە كۈنلىرى تۈركنازنى ئۆيگە قايتۇرۇپ كەلگىنمىزدە  تۈركنازدىن مەكتەپتە بولغان ھەر بىر ئىش ۋەقەنى سۈرۈشتە قىلپ تۇرغاچقا بىز بۇنىڭدىن خەۋەر تاپتۇق ،مىرسالى بۇ خەۋەرنى ئاڭلاپ دەرھال شۇ باللارنى سۈرۈشتە قىلدى ،بۇ باللارنىڭ ئۈيدىكلىر تۇلمۇ باي،يۈز ئابرۇيلۇق كىشلەركەن ،ئۇلارنىڭ ئەھۋالىدىن خەۋەر تاپقاندىن كىيىن ئايالىم ئاي تۈرۈك قىزمغا  ئانچە مۇنچە يالغان ئېيتىشتىن ئىبارەت بىر  ئۇيۇن ئۈگەتتى ،شۇنداق قىلپ قىزمىز بۇ ئۇيۇننى مۇۋاپىقيەتلىك ئۇرۇندىدى،ئەسلى مىرسالىنىڭ ماڭا كۆرسەتكەن ئەقلى قىزمىز ئارقىلق ساختا كۈرنۈش ياساپ قىزمىغا ئوغۇللىرنى ئەخلاقسىزلىق قىلدى دەپ  مۇشۇ مەكتەپتىكى ئۇغۇللىرنى ئۇقتىۋاتقان  بايلاردىن تۈلەم ئېلىش  ئىدى .سەترەك قىلپ ئېيتقاندا قىزلىقنى تۈلتىۋېلىش ئىدى . بىز پىلان بۇيىنچە مەكتەپ مەمۇرىيتىگە ئىلزات ۋە ئىرفان  ئۈستىدىن ئەرىز قىلدۇق  ،ئۇلارنىڭ ئاتا-ئانسى مەكتەپ رەھبەرلىرى ئارقىلق بىز بىلەن كۈرۈشتى،مىرسالى مەن بىلەن بىرگە ئۇلار بىلەن دەۋالاشتى،قىزمنى ئاشۇ بالارنىڭ ئاپىلىرى ئالدىغا ئەكرىپ ئايالىم ئۈگەتكەن يالغان گەپلەرنى ئۇلارغا يىغلىتىپ تۇرۇپ دىگۈزدۇق ،ھەممە كىشنىڭ نەزىردە كىچىك بالا يالغان  ئېيتمايدۇ دىگەن ئىديە بولغاچ ئۇلارمۇ قىزمنىڭ يىغلاپ تۇرۇپ ئېيتقان يالغان ھىكايىسگە ئىشەندى،باللىرنىڭ ۋە ئۆزلىرنىڭ يۈزنىڭ تۈكلۈپ كەتمەسلىكى ئۈچۈن بىزگە تۈلەم بىرپلا قۇتۇلماقچى بۇلۇشتى،مەكتەپنىڭمۇ مەسئۇلىيتى بولغاچ مەكتەپمۇ بىزگە تۈلەم بەرمەكچى ،ۋە قىزمنىڭ ئىككى يىللىق ئۇقۇش پۇلنى كۈتۈرۋەتمەكچى بولدى.بىزدىن بۇ مەخپىيەتلىكنى سىرتقا يايماسلىق توغرىسدا تىلخەت ئالدى،چۈنكى مەكتەپنىڭ نامىغا داغ چۈشۈرۋېلىشنى خالىمايدۇ دە . شۇنداق قىلپ بۇ ئۇيۇن ئاخىرلاشتى .ئىككى ئۇغۇل بالنىڭ ئاتا-ئانىلىرى بىزگە ئۆزرە ئېيتىشىپ بالىرنى باشقا مەكتەپكە يۆتكەپ كىتشتى،قىزىم بۇ مەكتەپتە يەنە خاتىرجەم ئۇقشىنى داۋام قىلدى،. بىز توپتوغرا 300مىڭ سومغا ئىرشتۇق .بۇ پۇل شۇ ۋاقىتلارغا نىسبەتەن تۇلمۇ كۆپ پۇل ئىدى،مىرسالى ئىكەيلەن بۇ پۇلغا شىرىك تىجارەت قىلدۇق ،تىجارەت قىلۋاتقان بولساقمۇ لىكىن يەنىلا مۇشۇ قېتىمقىدەك ئولجۇدىن بىرەنىڭ ئۇچراپ قېلشىنى تىلەيتۇق .قىزىم 2-سىنپقا چىققاندا يەنە بىر قېتىملىق ئۇيۇن مۇۋاپىقيەتلىك بولدى. بۇ قېتىممۇ ئوخشاشلا ئىككى ئۇغۇل ئۇقۇغۇچى ئۈستىدىن ئەرىز قىلدۇق ،بۇ ئاتا-ئانا بولغۇچلارمۇ  بەك ئاخماقمۇ ياكى ماۋۇ بايلارغا تۈلەم بىرش تەس كەلمەمدۇ قانداق ،باللىردىن راس شۇنداق ئىشنىڭ بولغان بولمىغىننى سورماستىنلا بالمىزغا رۇھى بېسىم قىپ قۇيمىز خىجىل قىپ قۇيمىز دەپ ،بىزنىڭ تەلەپ قىلغان تۈلەم پۇلمىزنى غىڭ قىلماي بىرشەتتى .بۇ قېتىممۇ  يەنە 200مىڭ سومغا ئىرشتۇق، بۇ قېتىم مەكتەپتىن تۈلەم ئالغان پۇلنى مەكتەپنىڭ سىياسى بۈلۈم كىجىڭغا بەردۇق  ،ھېلقى سىياسى بۈلمىنڭ كىجىڭى بىزنىڭ بۇ ئىشلىرمىزدىن ئازراق خەۋەردار بوپ قالغاندەك گۇمانلىق نەزەردە قاراپ تۇرۋالغاچ مەكتەپتىن ئالغان تۈلەم پۇلنى ئۇنىڭ چۆنتىكىگە سالدۇق،ئۇمۇ بىزگە خىلى ئوبدان ماسلىشىپ بەردى .شۇنىڭدىن باشلاپ بۇنداق داۋا ئىشلىرنى پەقەت ھېلقى سىياسى بۈلۈم كىجىڭى  مەكتەپكە ۋاكالىتەن بىجىرىپ بىرەتتى،ئۇنىڭ سىياسى بۈلۈمنىڭ كىجاڭلىق ئەملى ۋاقتى كەلگەندە  تۇلمۇ ئەسقاتاتتى ،باشقا مەكتەپ رەھبەرلىرگە بۇ ئىشلارنى ئېيتمايتۇق،ئۈچۈيلەن يەڭ ئىچىدىلا بىر تەرەپ قىلاتتۇق ،مانا ئەمدى ئىشەنچلىك بولىدۇ دەپ كىينكى ئۇيۇنلارنى قورقماي ئويناۋەردۇق،مەكتەپتىن تۈلەم ئالمايدىغان بولغاچقا مەكتەپتىكى ئۇقۇتقۇچلارمۇ، سىياسى بۈلۈم كىجىڭدىن باشقا رەھبەرلەرمۇ  بۇ ئۇيۇنلىرمىزدىن بى خەۋەر ئىدى ئەلۋەتتە .بىز بارغانسىرى بۇنداق دىلولارنى مەكتەپتە ھەل قىلماي داڭلىق مىھمانسارايلاردا ،ياكى بولمىسا بىرەر ئاشخانلارنىڭ ئايرىم خانىلىردىلا پۈتكۈزدىغان بولدۇق،سىياسى بۈلۈم كىجىڭى خەقنىڭ ئالدىدا  خەقنىڭ باللىىرنىڭ ۋە خەقنىڭ يۈز-ئابرۇينى ساقلاش ئۈچۈن مانا مۇشۇنداق خالى جايلاردا بىر تەرەپ قىلۋاتقىننى،بۇنداق ئىشلارنىڭ  مەكتەپكە يېيلىپ كەتسە بالنىڭ كەلگۈسى ئىستىقبالىغا تەسىر يەتكۈزدىغغنى چىرايلىق گەپلەر بىلەن چۈشەندۈرۈپ تەكىتلەيتى ئەلۋەتتە،بۇنداق چاغدا ئاتا-ئانلارمۇ راسلا شۇنداق ئوخشايدۇ. دەپ ئىشنىپ بۇنداق ۋەقەنى مەكتەپتىكى رەھبەرلەر ئالدىدا بىجرىشتىن يالتىياتتى ،چۈنكى ئۇلار باي كىشلەر باللىرنىڭ خەقنىڭ  ئاغزىدا باسقۇنچى دەپ نامغا قېلشىنى خالىمايدۇ ،شۇ چىرايلىق ئىستىقبالىق ئوغۇللىرنىڭ ساۋاقداشلىرى ئالدىدا يۈزنىڭ تۈكلۈپ كەتمەسلىكنى ئارزۇ قىلشىدۇ ،مانا مۇشۇنداق ئاجىزلىقلىرى ئۈچۈن ئۇلار سىياسى بۈلۈمنىڭ كىجىڭنىڭ پىكىرنى قولىماي قالمايدۇ .مانا ئەمدى بىز ئۈچ ئادەم بىر- بىرمىزگە ماسلىشىپ قىزىم تۈركىنازنىڭ ئويناۋاتقان يالغانچىلق ئۇيۇنىنىڭ پايدىسنى بىر نەچچە قېتىم ئوبدان كۈرۈپ قالدۇق، ئۇنىڭ قىزلىقنى نەچچە قېتىم تۈلتىۋالدۇق ،لىكىن قىزمنىڭ قىزلىقى ئەزەلدىن بۇزلۇپ باقمىغان ئىدى ،بۇلارنىڭ ھەمىسى پەقەت پۇل ئۈچۈن ئوينالغان، قالتىس ئوخشۇتۇپ ئوينىتلغان ئۇيۇن ئىدى خالاس .مىنڭ شۇ ئۇماق قىزىم مۇشۇ ئۇيۇنىڭ باش پىرسۇناژى،بىز بولساق يانداشما پىرسۇناژلار ئىدۇق  قىزىم بارا- بارا بۇ ئۇيۇنغا ئۇستا بوپ كەتتى ،بىزنىڭ يالغانچىلقىمىزنى پەقەت چاندۇرمايدىغان بولدى ،بۇنداق چاغلاردا قىزىمغا تۇلمۇ ئامراقلىقم كىلەتتى،ئايالىمنىڭ مۇشۇنداق ئەقىلق كىچىك قويمىچنى تۇغۇپ بەرگىندىن مىنەتتار بۇلاتتىم  ،بارغانسىرى چوڭ بوپ كىتۋاتقان قىزمغا قاراپ ئايالمنىڭ يەنە بىر قىز تۇغشىنى ئۈمۈد قىپمۇ قالدىم،ئەگەر تۈركناز چوڭ بولۇپ كەتسە بۇ ئۇيۇنلىرممۇ كارغا كەلمەيتى ،باشقىلار ئۇنچە ئاسان ئۇنىڭ گىپگە ئىشەنمەيتى،ئۇ پەقەت كىچىك بولسىلا بىز مۇشۇنداق ئۇيۇننى مۇۋاپىقيەتلك ئوينىيالايتۇق ،ئايالىم يەنە بىر قىز تۇغسا تۈركىنازنىڭ ئورنىغا دەسسەيتى،بىزنىڭ تاپاۋىتمىزمۇ يەنە خىلى ئۇزۇن داۋام قىلاتتى ،ئايالىمنى دوختۇرخانلارغا ئاپرىپ تەكشۈرتسەم ،دوختۇر ئۇنىڭ ئەمدى تۇغالمايدىغىننى،تۇغماسلىقنىڭ سەۋەبى تۇنجى تۇغتىدا ياخشى كۈتۈلمىگەنلىكى،تۇغۇتلۇق چېغدابالياتقۇننىڭ ئېغىر زەخمىلەنگەنلىكنى ،ۋاقتىدا داۋالانمىغاچ تۇغماس بوپ قالغانلىقنى ئېيتقاندا شۇنچىلك  ئازابلاندىم،ئۇنى شۇ چاغدا قاتتىق ئۇرۋەتكىنمگە بەكمۇ پۇشايمان قىلدىم ،مىنڭ يەنە بىر قېتىملىق  مانا مۇشۇنداق تاپاۋەتتىن قۇرۇق قالدىغىنمنى ئويلىسام كۆڭلۈم تۇلمۇ يېرىم بۇلاتتى .مانا قىزىم تۈركىناز ھەش پەش دىگۈچە 10ياشقا كىرىپ قالدى ،بىز بۇ ئۇيۇننى رەسمى ئوينايمىز دەپلا قالساق يەنە 2يىل ئاران ئۇينىيالايتۇق ،بىز جىددى تۇتۇش قىلدۇق يەنە مۇۋاپىق نامزات ئىزدەشكە چۈشتۇق ،قىزمنىڭ قىزلق دىلولىرغا چېتلىپ قالغانكى ئۇغۇل بالنى ئاتا-ئانسى باشقا مەكتەپكە يۆتكەپ كەتكەچ ،يەنە ماۋۇ سىياسى بۈلۈمنىڭ كىجىڭى بىزگە ھە،ھۇ دىيشىپ بەرگەچ بىزنىڭ ئوينىغان ئۇيۇنلىرمىز پەقەتلا چانماي مۇشۇ كەمگە كەلگەن ئىدۇق ،ئۇمۇ بىزنىڭ باھانىمزدا خىلى ئوبدان پۇللۇق بوپ قالدى،ھەر قېتىمقى تاپاۋەتتە ئۇنىڭمۇ بىر ئۈلۈش ھەققى بار ئىدى ئەلۋەتتە.مىر سالى ئىكەيلەنمۇ خىلى پۇللۇق بوپ قالدۇق ،لىكىن خەقنىڭ گۇمانىنى قوزغىماسلىق ئۈچۈن ئۇنچە كاتتا يۈرۈپ كەتمىدۇق، يەنىلا تىرشىپ سودىمىزنى قىلىۋەردۇق،بارا –بارا  چوڭ سودا قىلدىغان بوپ كەتتۇق. چۈنكى دەسمىرىمىزمۇ خىلى ئوبدان كۈپيۈپ قالغان ئىدى .ئولجا ئىزدەپ يۈرگىنمىزدە @@@شەھەردىن  مۇشۇ ئاقسۈڭەكلەر مەكتىپگە كىلپ ئۇقۋاتقان قىزىمدىن 2يىل بالدۇر ئۇقۇغلى كەلگەن ئۇيغۇر تۈرۈك ئىسملىك بىر بالنى سىياسى بۈلۈم كىجىڭى بىزگە سايە قىلدى،بۇرۇن  نەچچە قېتىم ئۇ كۆرسەتكەن نامزاتتىن خىلى كۆپ نەپكە ئىرشكەن ئىدۇق. چۈنكى ئۇ مەكتەپتىكى ئۇقۇغۇچلارنىڭ ئائىلە ئەھۋالىنى ئوبدان بىلەتتى،بۇ قېتىممۇ ئىكلەنمەيلا بۇ ئۇيۇننى ئوينىدۇق ،لىكىن بۇ قېتىمقىسى بۇرۇنقىدەك ئۇڭۇشلۇق بولماي قالدى ،قانداق بۇلاتتى،بىز ئۇڭنىڭ ئائىلىسدىكلەر بىلەن بىر مىھمانخانىڭ يىغىن زالىنى بىر كۈنلۈك  كۈترە ئېلۋېلىپ سۆھبەتلەشتۇق  ،ئۇيغۇر تۈرۈكنىڭ ئۈيدىكلەر بىز تەلەپ قىلغان پۇلنى بىردىغان ۋاقىتتا دوختۇرخاننىڭ تەكشۈرۈش نەتىجىسنى تەلەپ قىلدى،قارغاندا ئۇلار ئوغلىنىڭ ئۇنداق نۇمۇسىزلىقنى قىلمايدىغىنغا بەك ئىشەنسە كىرەك ،مەن ئۇلارنىڭ پىكرىگە قۇشۇلمۇدۇم،قىزىمنى تەكشۈرەتسەملا يالغانچىلقمنىڭ ئاشكارلىنىپ قېلشى تۇرغان گەپ ،ئۇلارغا باھانە كۆرسەتتىم،قىزمنى تەكشۈرتىپ باققاندىن كىيىن ئاندىن سىلەر بىلەن  داۋالىشۋاتمەن،ئۇنى دوختۇرخانغا ئاپرىۋەرسەم رۇھى بېسىم بوپ قالدۇ،قىزمنىڭ كۆڭلىنى چۈشنۈڭلار ،سىلمۇ ئاتا-ئانىغۇ دەپ تۇرۋالدىم ،ئۇلار قەتئى چىڭ تۇرۋالدى، شۇ چاغدا مىر سالى- بولدى بۇڭ يەردە مۇنازىرلەشمەيلى سوتقاچىقايلى شۇ يەردە ھەمىسى ئىنق بۇلدۇ،بالاڭلارمۇ ئۆسمۈرلەر تۈرمىسدە يېتىپ باقسۇن،قايتىدىن ئادەم بولسۇن،بىزنىڭمۇ باشقا پىكىرمىز يوق ،بىزگە پۇلۇڭلارنىڭمۇ لازىمى يوق -، دەپ چىڭ يەردىن تۇتتى،ئۇنىڭغا كەلتۈرۈپ قىزىم تۈركىناز ئۈنىنىڭ بارىنى قۇيۋىتىپ تازا يىغلىغلى تۇردى ،ئۇيغۇر تۈرۈكنىڭ ئاتا-ئانسى يۈز ئابرۇينى ۋە بالسىنىڭ يۈز ئابرۇيىنى ساقلاش ئۈچۈن  سوتقا چىقىشتىن ۋاز كىچىپ بىزگە تەلەپ قىلغان  تۈلەمنى بىرشكە قۇشۇلدى .  ئۇنىڭ دادسى تۈلەم پۇلىنى بىرىپ بۇلۇپ قۇلۇمدىن ھۆججەت ئېلۋالغاندىن كىيىن  ئۇنىڭ دادسى ماڭا شۇنچىلك قاتتىق گەپ قىلدى-مانا سىزنىڭ قىزىڭىزنىڭ قىزلق ھەققى،ماۋۇ پۇل بالدۇر بىرلگەن رەنە پۇلى بولسۇن،ئوغلۇم ئەمدى 12ياشقا كىردى. قىزلارغا قانداق يېقىن كىلشنىمۇ بىلمەيدۇ،كىينچە چوڭ بولغاندا مۇشۇ بەرگەن رەنە پۇلنىڭ ھەققىنى ئېلۋالسۇن،شۇ چاغدا مىنى چاقىرىپ يۈرمەسسىز،مەن رەنە پۇلى بىرىپ بولغاندىن كىيىن –دىگنىچە ئايالىنى باشلاپ يىغىن زالىدىن مەغرۇرۇ  چىقىپ كەتتى  ،ئۇنىڭ  گپنى ئاڭلاپ تۇرغان يىرمدىن مىدىرلىيالمىدىم ،ئېغزىم گەپكىمۇ كەلمەي قالدى ،ئۇنىڭ سۈزى قۇلقۇمغا قايتلاپ ئاڭلىتىلغان  سوتنىڭ ھۈكمىدەك،شۇ گەپنى قىلغاندىكى چىرايى  كۈزۈمگەمۆھىردە باسقان سۈرەتتەك ئورناپ كەتتى، نۇمۇستىن ئۈلەي دىسەممۇ جان چىقمىدى ،لىكىن قۇلۇمدىكى  120مىڭ سومنى كۈرۈپ شۇ نۇمۇس تۇيغۇلىرممۇ يۇقاپ كەتتى،شۇ ئىشتىن كىيىن ئۇيغۇر تۈرۈك دىگەن بۇ ئىسىم ماڭا  باشقىچە ئاڭلىندىغان  ئىسىم بوپ قالدى،شۇ ئىسمنى ئاڭلىساملا ئاشۇ بالنىڭ ھېلقى تۈرگۈن دادسى كۆز ئالدىمغا كىلەتتى ،كىينچە بىز يەنە نەچچە قېتىم ئاشۇنداق ئۇيۇننى ئۇينۇدۇق ،قىزىم 5-يىللىققا چىقاندا بۇ ئۇيۇن ئاقماس بوپ قالدى،بەزى يەرلەردە بىزنىڭ مۇشۇ ئىشلىرمىز توغۇرلۇق مىش مىش پاراڭلارنىڭ بوپ قالغانلىقنى ئاڭلاپ قالدىم،مىر سالى بىلەن مەسلەھەتىلىشىپ  ئۆي جايلىرمىزنى سېتىپ نۇپۇسلىرمىزنى يۆتكەپ مانا ھازىر تۇرۋاتقان مۇشۇ شەھەرگە كۈچۈپ كەلدۇق،ئىككەيلەن شىركلىشىپ شىركەت ئاچتۇق ،سودىمىز تۇلمۇ يۈرشۈپ كەتتى،نەچچە يىلغا قالماي مانا ھازىر ئولتۇرۋاتقان داچىمىزنى سېتۋالدۇق،مىر سالىمۇ باشقا يەردىن بىر داچا سېتۋالدى،ئوغلىنى چەتئەلگە ئۇقۇشقا چىقاردى،مەن قىزىم تۈركىناز نى ئىچكىردە داڭلىق ئۇنۋىرسىتتا تەرجىمانلىق كەسپىدە ئۇقۇتۇم ،قىزمنىڭ بىزنى مانا مۇشۇنداق راھەتلەرگە ئىرشتۈرگىندىن تۇلمۇ مىنەتتار بولغاچقا ئۇنىڭ رايىغلا باقتىم ،ئالى مەكتەپ پۈتتۈرگەندىن كىيىن داڭلىق ماركىلق پىكاپ ئېلىپ بەردىم ،ئۇ شۇنچىلك ئەركىن چوڭ بولدى ،مانا ئەمدى ئۇ 25نىڭ قارسىنى ئالغان قىز،ياتلىق بۇلۇش يېشغا يەتتى ،سەل دىققەت قىلماي يۈرىۋەرسەم قېرى قىز ئتقىنى ئېلىپ قېلشى تۇرغان گەپ ،ئۇنىڭ رايى بۇيىنچە  ياتلىق قىلپ بېشنى ئوڭلاي دىسەم ئۈزنىڭ تاپقان تۈزۈك لايىقى يوق،ساپلا بىكار تەلەپ ئۇيۇنچى بىر نىملەر،قارسا يانچۇقدا پۇلى يوق،قىزمنى خەجلىتىپ ئويناپ يۈرگەن  ،مىنڭ ھازىرقى ئورنۇم،سالاھىتىم بايلىقم ئالدىدا كىشلەر قىزمغا ئىتىك ئېغىز ئېچىشقىمۇ پىتنالمايدۇ ئەلۋەتتە،ئاخىرى مۇشۇ شىركەتىككى يۈگۈر يىتمگە ماڭدىغان پەرۇخقا بۇ ئىشنى مەسلەھەت سالدىم ،ئۇ چەبدەسلىك بىلەن ئىزدىنىپ مانا  بۈگۈن ئۈيمىزگە مەسلەھەت چېيغا كەلمەكچى بولغانلارنىڭ ئوغلىنى تېپىپتۇ،بېشىم ئەمدى بىر ساقياي دىگەندە قارماسىز  ماۋۇ پىشكەلچىلىكنى ،ئۇف...<<رەقىبلەر تار يولدا ئۇچرىشار >>دىگەندەك ،بۇ كۈيئوغۇل بولماقچى بولغان بالا دەل بۇنىڭدىن 15يىل بۇرۇن قىزمنىڭ قىزلىقغا رەنە پۇلكى بەردىم دىگەن تۈرگۈن كىشنىڭ ئوغلى بوپ قالغىننى،ئۇنىڭ شۇ سۈرلۈك چىراينى قانداقمۇ ئۇنتۇپ قالاي،مىنڭ مۇشۇ چىرايمنى ئۇ قانداقمۇ ئۇنتۇپ قالسۇن،باللارغۇ ئۇ چاغلاردا كىچىك ئىدى.چوڭ بولغانسىرى چىرايى ئۆزگۈرۈپ كەتكەچ  مانا ئەمدى چوڭ بولغاندا بىر-بىرنى تۇنيالماي توي قىلمىز دەپ يۈرگىنى قىزىق ....مىڭەم پارتلاپ كەتكىدەك ئاغرىپ كەتتى،شۇ كونا ئىشلارنى ئويلاپ  ئۆپكەم ئۆرۈلگەندەك قىلپ يۈتەل تۇتۇپ بەكمۇ بىئارام بولدۇم ،ئاستا كۈزۈمنى ئاچتىم ،ئېغزىمدىكى ئوكسىگىن ماسكىسى يوق،بېشىمدا تۈرۈك ئاي يىغلامسىراپ بېشىغا ئاق ياغلىق ئارتىپ تۇرۇپتۇ،ئۇنىڭ بېشدىكى ئاق ياغلىقنى كۈرۈش بىلەنلا كۆڭلۈمدىن يامان ئىشلار كەچتى ، -نىمىش بولدى ؟تۈركىنازچۇ؟ئۇ قېنى؟مىنڭ چىرايلىق قىزىم قېنى –دىدىم ئارانلا،ئايالىم ئاي تۈرۈك سۇئالىمنى ئاڭلاپلا ئۈن سېلىپ يىغىغا چۈشتى ، -ھۈ ھۈ ھۈ ...دادسى ئۇ ..ئۇ ..ئۈلۋالدى . ئاي تۈرۈكنىڭ جاۋابى بىلەن تەڭلا  مەنمۇ يىغىغا چۈشتۈم ، -ئۇماق قىزىم مەن گۇناھكار ،مەن ئەيىپلىك بۈگۈن سىنىڭ توي چېيىڭ ئىدىغۇ ،نىمشقا بۇنداق بۇلدۇ ؟زادى نىمە ئۈچۈن ،ھۆ..ھۆ....سەن ياش ئىدىڭغۇ قىزىم سەن قېلىپ مەن ئۆلسەم بولمامدۇ...ھۆ ھۆ........يۈركۈمگە بىر نەرسە سانچىلغاندەك قىلدى،ئۆپكەم ئۆرلۈپ يۈتەل تۇتۇپ كەتتى ،كۈزۈم قاراڭغۇلشۇپ ھىچ نىمنى كۈرەلمىدىم،مانا قىزىم قۇلنى ماڭا تەڭلىگىنچە ئالدىمدىلا قىزىم مىنى تارتىۋال ،مىنمۇ ئالغاچ كەت .مەن سىنىڭ تۇيۇڭنى كاتتا ئۆتكۈزۈپ بىرمەن .....................     تۈگدى

arxang

	قەلەم تەۋرەتكەن قوللىرىڭىز مەڭگۈ تالمىغاي

دىلسىرى

	ساقىلىۋالاي ھە بارچۇق قىزى .

barqukkizi

	تەھرىرلەپ قايتىدن ئەۋەتەي ئۈچۈرۋىتىڭ

barqukguli

	بۇ ئەسەرنى ئەلكۈيى تورىدا كۆرگەن ئىدىمغۇ...بۇ مۇنبەردە يەنە بىر قېتىم كۆرگىنىمدىن خۇشالمەن....

kepenak

	ياخشى يېزىپسىز ،ھىچكىمنىڭكىگە ئوخشىمايدىغان ئەسەر [s:2]  [s:2]

barqukkizi

	سالام بارچۇق گۈلى  ھىكايەمگە دىققەت قىلغىنىڭىزغا تەششەكۈر ،بۇ ھىكايەم  تور ئىتلگەن كۈنلەردە ئەلكۈيگە يوللانغان  [s:11]

kapsizkiz

	تاتلىق قىزنىڭ تاتلىق ئەسىېرنى يەنە بىر كۆرگەنگە خۇشال بولدۇم ئاپپاق ھەي تۇنگۈن كاللام قېتپ كوت -كوت نۇمۇرىڭىزنى سورماپتىمەن قانچە بىردەم كوتۇلدىشايلى  [s:12]

barqukkizi

	1449907452 [s:12]  [s:12]

0998attella

	توۋا  .............ئۆزگىچە بىر ۋەقەلىك بوپتۇ.........