تارغاقمۇ-سۈزگۈچ

suwadan

	تارغاقمۇ سۈزگۈچ ئۈرۈمچىگە بارىدىغان بولۇپ قالدىم، مەن پويىزدا ماڭىمەن دەيمەن، خۇتۇن كېچىلىك ئاپتۇبۇسدا مېڭىڭ دەيدۇ، مېنىڭ بانايىم: پويىز بىخەتەر، ئەرزان ھەم ئازادە، ئاپتۇبۇس سېسىقچىلىق، پۇت، ئوسۇرۇق پۇرايدۇ. خۇتۇننىڭ ئاساسى: ئاپتۇبۇس 6 سائەتتە بارىدۇ، پويىز 12 سائەتتە، ئاپتۇبۇسدا يېتىپ ئۇخلاپ بارغىلى بولىدۇ، پويىز قالايمىقان. ئاخىرقى نەتىجە: مەن پويىزدا ماڭىدىغان بولدۇم. پويىزدا مېڭىشىمدا ئۆزەمنىڭ ئويلىغىنى بار، پويىزدا ئادەم جىق، ئۇنىڭ بۇنىڭ بىلەن پاراڭلىشىپ ماڭغىنى بولىدۇ، تەلىيىم كەلسە بىرە  پەرىزات بىلەن تۇنۇشۇپ قېلىشىممۇ مۈمكىن، شۇنىڭ بىلەن يول ئازابىمۇ بىلىنمەيدۇ، بولسا ئۇنىڭ تېلفۇنى ياكى چ چ نۇمۇرىنى قالدۇرىۋالسام تېخى ياخشى، ئۈرۈمچىگە بارغاندا ئىزدەشكىلى بولىدۇ، ئىش قىلىپ ئاپتۇبۇسدا ماڭغاندىن ئوبدان. شۇنداق قىلىپ سەپەرگە چىقتىم، كۆڭلۈمدە ھېلىقى تاتلىق خىيال. پويىز ئىچىگە قارىدىم، مىچچىدە ئادەم، بېسىلىپ كەتكەن ھەر يوغان تاغار، ساپلا ئىشلەمچى، بۇ يەردىكى كىشىلەرنىڭ پۇتىمۇ، ئوسۇرىقىمۇ ئەتىر پۇراپ كەتمەيدىكەن، خېلى مېڭىپ يۈرۈپ ئۆزەمنى جايلاشتۇرىۋالدىم.ئاندىن ھېلىقى خيالىم بويىچە ئەتراپقا نەزەر تاشلاشقا باشلىدىم، كۆزگە ھېچبىر گۈل كۈرۈنمەيدۈ. باشقا ۋاگۇنلارنىمۇ ئايلىنىپ چىقتىم، مەن قاراپ « ۋايجان يۈرۈكۈم» دىگۈدەك بىرەسى ياكى ماڭا قاراپ كۆز قىسقۇدەك بىرەسى ئۇچرىمىدى، ماۋۇ خېلى يامان ئەمەسكەن دىگۈدەكلەرنىڭ يېنىدا ئىگىسى باردەك قىلاتتى، ھېرىپ، سولىشىپ ئورنۇمغا قايتىپ كەلدىم.كۆزلەرنى مۈگدەك بېسىپ، قاپاقلىرىم ساڭگىلاپ ئۇيقۇغا كېتىپتىمەن. بىر چاغدا پويىزنىڭ كانىيىدىن خۇددىي ماشىنا ئادەمدىن چىققاندەك «داخېيەنگە كەلدۇق، پويىزدىن چۈشىدىغانلار ئىشىك ئالدىغا بېرىڭلا» دىگەن ئاۋازدىن ئويغۇنۇپ كەتتىم، دىمەك پويىز تۇرپانغا كېلىپ قاپتۇ، ئۈمۈت تۈگۈدى، بۇ چاققىچە ئۇچرىمىغان پەرىزات ئەمدى ئۇچرامدۇ، تۇيۇقسىز ئارقىمدىن بىرسى كۈزۈمنى شاپپىدە ئېتىۋالدى، ئاھ، نىمانچە يۇمران، نىمانچە خۇش پۇراق قول بۇ، چوقۇم مەن كۈتكەن ئامەت كەپتۇ، ئويلاپ تۇرۇشۇمغا «تارغاقمۇ –سۈزگۈچ»دىگەن تاتلىق ئاۋازدىن ۋۇجۇدۇم «غۇژژژ»ىدە قىلىپ كەتتى، نىمە دەيدىغان بولغىيتۇق، نىمە بولسا مەيلى، بىر نىمە دەپ قولىنى ئاجرىتىپ ئۆزىنى بىر كۆرەي، « سۈزگۈچ»دىگىنىمنى بىلىمەن، كاساپەت بارماقلىرىنى كۆزۈمنىڭ ئىچىگە تىقىۋىتىدىغاندەكلا پاتۇرۇپ سىيرىپ قولىنى ئاجراتتى، كۆز ئالدىم سىرلىق تۇمانلار ئىچىدىن ئاستا ئاستا يۇرىدى، غۇۋالىق ئىچىدىن بىر پەرىزاتنىڭ سىماسى ئاستا ئاستا پەيدە بولدى، پو ئاتمىدىم، مەن بۇ كەمگىچە بۇنداق چىرايلىق قىزنى كۆرمەپتىكەنمەن، خۇدا، بەندەڭگە ئامەت بەرگەندە ئالامەت بېرىپ قويىدىكەنسەن، مەن نىمە دىيىشىمنى بىلىپ بولغىچە « پەرىزات» گەپ سورىدى: -سىز كارۋان بايما؟ -ياق -ئەمىسە سۇلتان لوبەن ئوخشىمامسىز كۆڭلۈم بىردىنلا يېرىم بولۇپ قالدى، ئۇ مېنى خاتا تونۇۋاپتۇ، يەنە تۇرۇپلا كارۋان بىلەن سۇلتانغا ئۆچلۈكۈم كېلىپ قالدى، ئۇلار بۇ قىزنى كەلتۈرۈپ بوپتىكەندە، خەپ. -مەن سۇۋادان، دىدىم ئارانلا -ۋاييەي، سۇۋادان قېرى تېرەككەنسىزدە پويىز ئۇيقۇدىن ئويغانغاندەك بىر نەچچىنى سىلكىنىۋېتىپ، قۇلاقنى ئاغرىتىدىغان بىر خىل سەت ئاۋاز بىلەن توختىدى (مۇشۇنداق چاغدا شۇ ئاۋازمۇ سەت ئاڭلىنىدىكەن دەڭلا). -خوش سۇۋادان، مەن چۈشۈپ كەتتىم نىمە؟ «پارىزات» ماڭا قاراپ بىر تاتلىق كۈلگەچ پويىزدىن چۈشۈپ كەتتى، چۈشتىيۇ ئادەم دېڭىزىدا غايىپ بولدى. ماڭا كەلگەن ئامەت مۇشۇنداقلا غايىپ بولدىما؟ كۆڭلۈم ئەجەپ غەش بولدا، جىددىيلىشىپ كېتىپ بەكرەكمۇ كۈرۈۋالماپتىمەن، تېلفۇن، چچ دىگەننىمۇ سورىيالمىدىم، ھەي... ئىسىت ۋاگۇن ئىچىدىكى يولدىن نەرسە كېرەك ساتىدىغان ھارۋا غالدىرلاپ مېڭىپ كەلدى، كارنىيىم قۇرىغاندەك بولۇپ بىر قۇتا سۇ ئېلىپ ئىچمەكچى بولدۇمدە يانچۇققا قولۇمنى تىقتىم، تىقتىميۇ ئۆپكەم كارنىيىمغا تىقىلىپلا قالدى، پورتمال يوق! خۇتۇنغا تېل قىلدىم: -    خۇتۇن، پورتمالنى ئوغرى ئالدى -    ھە، ئوغرى بىلەن دىيىشىۋېلىپ چىققانما پويىزغا تېلفۇننى قويدۇم، پەرىزات، پەرىزات، نوچى پەرىزات، ئوغرى پەرىزات، تويە سۇۋادان، پەرىزاتقا! ئۈرۈمچىگە كېلىپ قالدۇق، مەن ئەمدى شەھەر ئىچىگە قانداق بارىمەن. ئۇرۇق تۇقانلاردىنغۇ پۇل سوراپ ئىشلىتەرمەن، يامان يېرى پويىز ئىستانسىسىدىن ئەردوچوغا «پۇللىرىمنى چېچىۋەتتىم پويىزغا، تېرىۋالسۇن موچەن ئىزدەپ يۈرگەنلەر» دەپ ناخشا ئېيتىپ پىيادە كېتىدىغان بولدۇمدە. مەنبە؛ قەلەم

kugul

	بۇرۇن مۇشۇنداق ئۇيۇنلارنى چوڭلاردىن ئاڭلاپ ئويناپ قۇياتتۇق.كۆزنى يۇمىۋىلىپ،تاغاقمۇ-سۇزگۇچ دەپ..تىمىڭىزنى كۆرۇپ ئىسىمگە كەپ قالدى. بۇ شەخسەن ئۆزىڭىزنىڭ تۇرمۇشىدىكى بايانلارمۇ؟مەنبەسى ئەسكەرتىلمەپتۇ.قېزغىن باشلىق تۇلا قاراپ كەتتى........بۇيۇنمۇ تالغاندۇ؟ [s:49] داۋاملىق تىمىڭىز بىلەن يۇز كۆرۇشتۇرۇپ تۇرغايسىز.

suwadan

	كەچۈرۈڭلار، ئەسكەرتمەپتىمەن، ئۆزۈم يازغان

suwadan

	بۇرن شەھلا تورىغا چىقارغان ئىدىم، ئەمدى مىسرانىمغا يوللىدىم، بۇ مىسرانىمغا تۇنجى تېما يوللىشىم، مۇشۇنىڭ بىلەن كىرىشىپ كېتەرمەن دەپ ئويلايمەن. مېنى قوللاپ قويارسىلەر [s:33]

baribir

	ھى ھى  قىزىقارلىق يېزىپسىز. [s:34]

kugul

	سىزنى قوللايمەن! ئاپتور جاۋابىنى بويلاپ 3قەۋەت  suwadan كە 2010-07-26 08:01 PMئەۋەتىلدى  : بۇرن شەھلا تورىغا چىقارغان ئىدىم، ئەمدى مىسرانىمغا يوللىدىم، بۇ مىسرانىمغا تۇنجى تېما يوللىشىم، مۇشۇنىڭ بىلەن كىرىشىپ كېتەرمەن دەپ ئويلايمەن. مېنى قوللاپ قويارسىلەر [s:33]

tanha777

	ئەلۋەتتە قوللايمىز، فانتازىيىلىك نەرسىلەرنىمۇ يېزىپ قويىسىزغۇ ھە..

marhaba

	ياخشى يىزىپسىز،يېنىدىكى ھالال خۇتۇنىغا شۈكرى قىلماي ئېزىپ يۈرىۋاتقان ئەرلەرگە ياخشى ساۋاق بولغۇدەك...

sumayya

	كۆڭۈلنىڭ كەينىگە كىرمەڭ ، كۆڭۈل ھەر جايغا باشلايدۇ . سەمەرتقەنت ئالمىسىدەك ، ئاپىرىپ چۆللەرگە تاشلايدۇ . سەپەرگە چىققاندا - بىسمىللا ،اللاھ ئاسان قىلسۇن ! - ئوڭ پۇتنى ئېلىپ چىقماي يامان نىيەتلەرنى قىلىپ ، مىھرىبان ، جاپاكەش ئاياللىرىغا خائىنلىق قىلىپ چىققان بۇنداق ئالا كۆڭۈللەرگە بۇ تېخى ئاز . خوپ بوپتۇ ! ياراتقۇچى اللاھ ئۇلارنىڭ دىلىغا ئىنساپ ئاتا قىلسۇن ، ئامىن !

karrwan

	نىيىتى ياماننىڭ قازىنى تۈشۈك دىگەن مانا شۇدە، ئايالىڭىزنىڭ گىپىگە كىرىپ ئاپتۇبۇستا ماڭغان بولسىڭىز شۇ ئىشمۇ يوق. بۇندىن كىيىن نىيىتىڭىزنى توغرا تۇتۇڭ. (تىما ئىگىسىگىلا دىگەن گەپ ئەمەس، بۇ تىما مەندىن باشلاپ بارلىق ئەرلەرگە تەربىيە بولسۇن)