يۈرەكنى تىترىتىدىغان كۈلۈمسىرەش

Dilnaz

	ئۇ كۈنى مەن پويىز ئىستانىسىغا مېھمانلارنى كۈتۋالغىلى چىققان ئىدىم . مەن بىلەت سېتىۋىلىش زالىغا بېرىپ ، ۋوگزالغا كىرىش بىلىتىنى سېتىۋالاي دەپ تۇرۇشۇمغا ، ئىشىك تۈۋىدىن تۇيۇقسىز بىر ئەر كىشى چىقىپ ،(ئاكا)دەو توۋلىغىنىچە ، چوڭ-چوڭ قەدەملەر بىلەن ئالدىمغا كەلدى .مەن ئۇنى تونىمايتىم. ئارقامغا بۇرۇلۇپلا ئەتراپىمغا قارىسام ، ھېچ كىشى يوق . ئۇ ئەر ئۇلاپلا يەنە (ئاكا)دەپ توۋلىدى. مەن ئۇنىڭدىن ( مېنى چاقىرۋاتامسىز ؟)دەپ سورىدىم. ئۇ كىشى بېشىنى لىڭشىتىپ تۇرۇپ :(ئاكا ، ئاپتۇبۇستىن چۈشىدىغان ۋاقتىمدا پۇلۇمنى ئوغرى ئېلۋاپتۇ ، مەن ئۆيگە قايتالمايۋاتىمەن، مەن پەقەت ...)        مەن ئۇنىڭ نىمە دىمەكچى بولغانلىقىنى بىلدىم . ئاقساق-چولاق سەدىقىچىلەر ، ئۆينىڭ ئوت ئاپىتىدە كۆيۈپ كەتكەنلىك توغۇرسىدا گەپ توقۇپ يۈرگۈچىلەر كۆزئالدىمدىن يارت قىلىپ ئۆتتى. قانداق قىلىشىم كېرەك ؟ بۇ كىشى زادى ياخشى ئادەممۇ ياكى ئالدامچىمۇ ؟ مەن شۇلارنى ئويلاۋاتاتتىم . ئۇ ئەر بېشىنى تۆۋەن سېلىپ جاۋابىمنى كۈتۋاتاتتى.دەل شۇ ۋاقىتتا ، 6-7 ياشلار چامىسىدىكى بىر قىز يۈگۈرۈپ كىلىپ :(تاغا ، راست . دادامنىڭ پۇلىنى ئوغرى ئېلۋالدى .)دەپلا ماڭا قاراپ كۈلۈمسىرىدى . بۇ قىزنىڭ كۈلكىسىدىن يۈرىكىمدە ئىللىق سېزىم پەيدا بولدى.    ھېلىقى كىشى قىزنىڭ يۈگۈرۈپ كەلگەنلىكىنى كۆرۈپ ئۇنىڭغا :( مېنى ساقلاپ تۇر دىسەم نىمىشقا كىلۋالدىڭ ؟) دەپ ۋاقىراپلا كەتتى. قىز گەپمۇ قىلماي دادىسىنىڭ يېڭىنى چىڭ تۇتۋالدى . _ تاغا مەن سىزگە ناخشا ئېيتىپ بېرەي بولمىسا ،_دەپلا يەنە شۇنداق تاتلىق كۈلدى ئۇ . ئۇ دادىسىنىڭ يېڭىنى قويۋىتىپ بىر خىل ھەركەت چىقىرىپ ئازراق ئوينىلۋالغاندىن كېيىن ، ناخشا ئېيتىشقا باشلىدى . مەن قىزچاقنى چىڭ قۇچاقلاپ تۇرۇپ :( بولدى ئېيتماڭ ) دېدىم ھەمدە ئۇلارغا قانچە پۇل لازىملىقىنى سورىدىم . _ 150يۇەن.- دېدى ئەر . ئۇ مەندىن ئادىېسىمنى ئېيتىپ بېرىشىمنى ، كېيىن چوقۇم بۇ پۇلنى قايتۇرۇپ بېرىدىغانلىقىنى ئېيتتى. مەن ئۇنداق قىلمىسىمۇ بولدىغانلىقىنى ئېيتىپ كېتىپ قالدىم . بىردەمدىن كېيىن  مەن كۈتۋالماقچى بولغان مېھمانلار بىلەن كۆرۈشتۈم . يولدا كېتىۋىتىپ ، بايىقى دادا - بالىنى كۆردۈم. ئۇلار ماڭا قاراپ كۈلۈمسىرەيتتى ، ئالدامچى ئەمەس ئىكەن . شۇنداق ، بۇ دۇنيادا ئەسلىدىنلا بۇنچە كۆپ ئالدامچى يوق !   مەنبە _ ئامانلىق ........ بۇ ماقالىنى ياختۇرۇپ قالغانلىقىم ئۈچۈن ، مۇنبەرداشلارنىڭ كۆرۈپ بېقىشىغا سۇندۇم ....ئەسلىدە بىرەر ماقالە يازاي دىگەن ....لىكىن ئىلھامىم كەلمەي قويدى ...شۇ ....شۇڭا بۇ ماقالىنى بولسىمۇ ھۇزۇرۇڭلارغا سۇندۇم !!!!!!

yaziman

	مۇشۇ ماقالىدىن ئالغان تەسىراتىڭىزمۇ بىر ئىلھامغۇ.سىزگە كۆپرەك ئىلھام كېلىشىنى ئۈمىد قىلىمەن. [s:50]

muslima

	ھەي ، بىر سېسىق ئالما ھەممىنى سېسىتىپتۇ دىگەندەك ، ئادەم بىر قسىم ياخشى ئادەملەرگە ئىشەنمەس بولۇپ قېلىۋاتىدۇ دېسە

sirdax0997

	ھەقىقەتەنمۇ توغرا  ھازىرقى تىلەمچىلەرنىزە   كۇندىزى تىلىسە  ئاخشاملىرى  شۇ پۇلىنى قىمارغا  ھاراققا تىگىشىۋاتقان   بەزىسى تېخى دىبادا

sirdax0997

	شۇلارغا قاراپما بىراۋ ئالدىمىزغا  ياردەم سوراپ كەلسە ئادام بىرەيمۇ  بەرمەيمۇدەپ  ئككىلىنىپ قالغان   شۇلارنى قانداق بىر تەرەپ قىلسا بۇلار

tutya

	راستىنلا بىرنىڭ تەسىرى مىڭغا دەپ ئادەمنىڭ ئىشەنچىسىدىن قالسا قايتا ئىشەنمىكى بەك تەس

SANSZ

	راس    ھەممە نەرسە بۇزۇق ئەمەستۇ!!

قوزام

	تىمىڭىزغا رەھمەت ! مەنمۇ بىر قىتىم تۆمۈر يول ئىدارىسى تەرەپتە دوستۇم بىلەن كىتىۋاتسام ، دادام دىمەتلىك ، رەتلىك پاكىز كىيىنگەن ، قولىدا سومكا كۆتۈرۋالغان بىر ئادەم مەندىن ئازراق پۇل بىرىپ تۇرۇشنى ئۆتۈندى ، بەرمەي دىسەم ئۇ يەردە شۇ ۋاقىتنىڭ ئۆزىدە  ئەتراپتا مەندىن باشقا ئۇيغۇر يوق ئىدى ، بىرەي دىسەم مەن بىر ئوقۇغۇچى ، لىكىن ئۇ ئادەمنىڭ كۆزلىرى قىزىرىپ تۇرغان ھالىتنى كۆرۈپ ، ئالدانساممۇ ناھايتى شۇ پۇلغۇ دەپ ئويلاپ  يىنىمدىكى 50 يۈەن پۇلنى بەرسەم ، ئۇ ئاكاش مىنىڭ پۇل كارتامنىڭ نۇمۇرىنى يىزىۋىلىپ كىتىپ قالدى ، ئۇ چاغدا مەن ئۇ پۇلنى قايتۇرۋىلىشتىن ئۈمۈت كۈتمىگەن ، لىكىن 15 كۈندىن كىيىن كارتامغا بىرسى 100 يۈەن پۇل ئۇرۇپتۇ .   كۆڭلۈم باشقىچىلا يورۇپ كەتتى . 50 يۈەننى ئارتۇق بەرگىنى ئۈچۈن ئەمەس ، بەلكى ئۇ ئاكاشنىڭ لەۋزىگە ئەمەل قىلغىنىغا . دىمەك ، مەن يەنىىلا ئىشەنچىلىك ئادەملىرىمىزنىڭ كۆپلىكىگە ئىشىنىمەن ،

BEHTIYAR

	توغرا بۇ دۇنيادا ئەزەلدىن ياخشىلار! يالغان سۆزلىمەيدىغانلار كۆپ    پەقەت شۇ يامانلارنىڭ تەسرىگە ئۇچرايمىز خالاس!

wolkan

	بىز كۆپ ساندىكى تىلەمچىلەرگە قاراپ بەزى ياخشى نىيەتلىك ئەمما راستىنلا قىيىنچىلىقتا قالغان كىشىلەرنىمۇ شۇلار قاتارىدا سانايمىز ئەمما تىلەمچى بۇلىۋالغانلار بىلەن ئۇلارنىڭ ئوتتۇرىسىدا مەلۇم كۆز بىلەن كۈرۈپ ئايرىۋالغىدەك پەرىق بار دەپ قارايمەن ......