ئۈمىد غېنى كېرەم (ئاتۇش) بىلەن مىسرانىمدا

Misranim

	ئەسسالامۇ ئەلەيكۇم مىسرانىم تور بېكىتىنىڭ ئەزىز قوللىغۇچىلىرى . ئالدىنقى سان ئۈمىد سۆھبەت خاتىرىسىنى تورداشلارغا ئىشلەپ سۇنغان ئىدۇق. بۇ قېتىم بىز 2- سان ئۈمىد سۆھبەت خاتىرىسى فىلىمىگە  بۇرۇن ئاتۇشتا دائىم باشقىلار تەرىپىدىن ساراڭ دەپ تەرىپلىنىدىغان ،زامانىمىزدىكى يىمەك - ئىچمەك مەدەنىيتىگە ئۆزىگە خاس ھۆسۈن قوشقان مىراج خەلقئارا سودا چەكلىك شىركىتىنىڭ دېرىكتورى كېرەم ئاكىمىزنى ئالاھىدە تەكلىپ قىلدۇق. سۆھبەت دەل بىر سائەت چىققان بولۇپ ،فىلىمدا كېرەم ئاكىمىزنىڭ باي بولۇش يوللىرى، بالىلىقتىكى ئىش پائالىيەتلىرى ۋە بىر قىسىم ئىلغا ئىددىيلىرى نۇقتىلىق سۆزلەندى. فىلىمىمىز كۆرۈرمەنلەرگە ئازراق تەسىر قىلالىسا بىز شۇنڭدىن خوشالمىز. يەنە ئوخشاشلا بۇ فىلىمنىڭ پۈتۈپ چىقىشى ئۈچۈنمۇ ئاز بولمىغان ئەجىرلەر سىڭدۈرۈلدى. ھەرقايسى چچ توپ ،ۋە مەكتەپ توربېكەتلىرىدە كۈچلۈك تەۋسىيە قىلىپ قويىشىڭلارنى تەۋسىيە قىلىمىز. فىلىم مەزمۇنى ھوزۇرىڭلاردا چىقمىسا بۇ ئادرىستىن كۆرۈڭ: http://v.youku.com/v_show/id_XMzQxNTI0MzM2.html زىيارەت جەريانىدىكى بىر قىسىم سۈرەتلەر ______________ مىسرانىم ئۇيغۇرچە ئۇنۋېرسال تور بېكىتى مىسرانىم فىلىم ئىشلەش گۇرۇپپىسى 2012 - يىلى 01 - ئاينىڭ 10 - كۈنى

kapTalis

	ئۈمىد غېنى بىزنىڭ مىسرانىم تور بىكتىنىڭ رىياسەتچىسى بوپتۇدە .

admin1

	تور ئەھلى ئۈچۈن يەنە بىر ئەھمىيەتلىك سوۋغات بوپتۇ.

مارشال

	بۈگۈنكى بۇ پىرۇگراممىنى كۆرۈپ،نۇرغۇن ئوي-خىياللار تەپەككۇر دۇنيارىمنى چۇلغىۋالدى.بۇ تىرشچان كېرەم ئاتۇش ئاكىمىزنىڭ تىرىشچانلىقى،ئىگىلىك تىكلەش روھى ماڭا ئىلھام ۋە مەدەت بولدى.ئاتۇش-يېقىنقى مىڭ يىل مابەينىدە،ئۇيغۇرلارنىڭ مىللىي مەدەنىي ھاياتىدا قوشقان تۆھپىسى تىللاردا داستان بۇلۇشقا ئەرزىيدۇ،گەرچە،ئاتۇش جوغراپىيىلك ئاتالغۇ بويىنچە،كۆلىمى كىچىك بولسىمۇ،لېكىن،ئۇ يەردىن چىققان مەشھۇر شەخسلەر ئۆز دەۋرگە نىسبەتەن بىر قەدەر كۆپ ۋە خاسلىققا ئىگە! كېرەم ئاتۇشنىڭ زور مەبلەغ چىقىرىپ،مىللىي مەدەنىيىمىزنى جۇلالاندۇرۇپ،ئۆزىنىڭ كۈچلۈك تەۋرەنمەس روھىدا ئالغا ئىلگىرلەپ،ئۆز مەيدانىدا چىڭ تۇرۇپ،قولغا كەلتۈرگەن بۇ نەتىجىلىرى مېنى بەك سۆيۈندۇردى. بىز يۇرۇقلۇق ئىزدەيمىز،ياخشى يولنى تېپىشقا،ئۆزىمىزنىڭ ئارزۇ-خىياللارغا تۇيۇنغان ئويلىرىمىزنى ئاشۇرۇشقا تىرىشمىز!بۇ ھەممە ئىنسان بېسىپ ئۆتۈشكە تېگىشلىك تارىخىي ئېقىم.كۈچلۈك ئىرادە،ھاياتقا بولغان ئوتلۇق تەلپۈنۈش،ئەتىكى گۈزەل كېلەچەكنى يارىتىش بىر ئويلىنۋاتقان مۇھىم نۇقتىلارنىڭ بىرى!لېكىن،شۇ ئۆزىمىزگە ئوبىكتىپ تاللىغان رېئال دۇنيادىن ئالدىغان نېسىۋىمىز قانچىلىك؟بىز شۇ كۆزلىگەن شۇ ئارزۇ،غايە بويىنچە ئىش قىلالايمىزمۇ؟بۇنى ئۆزىمىزنىڭ قىلىۋاتقان ئىش-پالىيىتىمىز،ئۆزىمىزدە چوقۇم ئىجادىي ئوي بۇلۇش كېرەك ئىكەن. كېرەم ئاتۇشنىڭ-”بالا تەربىيلىمىدۇق،بالا بېقىۋاتىمىز“دېگەن بۇ سۆزى مېنى بەك ئويلاندۇرى. ئەجىرنىڭ تېگى ئالتۇن دېگەندەك،ھەممە ماختاشقا تېگىشلىك،ياخشى ئىشلارنىڭ ھەممىسى شۇ ئەجىر-مېھنەت ئارقىلىق ۋۇجۇدقا كېلىدىكەن. شۇ قېتىملىق سەپەردە،بىكارغا تاماق يېمەي،ئىشنى تاماملاپ بۇلۇپ،تاماق يېيىش بۇ بىر مەدىيلەشكە ئەرزىيدىغان ئىشلارنىڭ بىرى دەپ ئويلىدىم!مانا بۇ قارىماققا كىچىك ئىش،لېكىن،بۇ كىشىنىڭ شۇ چاغدىكى تارىخىي ئارقا كۆرۈنۈشى مۇستەققىللىق قارىشىنىڭ يۇقۇرلىقى،ھاياتقا بولغان توغرا پوزىتسىيە،ئۆزىنىڭ قەدىر-قىممىتىنى ساقلاش بىلەن بىرگە،ھالال ياشاش ئىرادىسى بۇ ئاكىمىزنىڭ ھايات يولىدىكى ئاقىلانە تاللىشى دەپ چۈشىنىش مۇقەررەر. ئۇنىڭ 12ياشتا قەدەم قويغان دەۋرىدىكى ھايات كۆرۈنىشى كۆز ئالدىمدا غۇۋا نامايەن بولدى،كەلگۈسىگە بولغان ئەنسىرەش،خۇدۇكسىرەش،بۇ چاغدىكى بالىلىق ھېس-تۇيغۇ ۋاقىتلاردا بۇنداق ئوي-خىياللارغا مۇپتىلا بۇلۇشى مېنى يىراقنى ئويلاشنىڭ تۇرمۇشقا زور قىممەتلەرنى ئېلىپ كېلىدىغانلىقىنى ھەقىقىي تۈدە ھېس قىلدۇردى. يىراقنى كۆزلىگەن بۇ ئاكىمىزنىڭ ئۆزىدىكى يۇشۇرۇن كۈچلەرنى ئېچىپ،نۇرغۇن ئىقتىدارلارنى ھازىرلىغانلىقى،مۇۋەپىقىيەت قازىنىش يولىدىكى بۇ سىرلارنى تۇنۇپ يەتتىم. ئاتۇشنىڭ بالا تەربىيلەش،سودىدا بالىنى پىشۇرۇش،جان بېقىشنى ئۆگىتىش،ئۆزگىچە بىرخىل ئىزدىنىش،باتۇرلۇق روھى ماڭا بىر ياخشى مەدەت ۋە ئىلھام بولدى.

52arslan

	بۇ ئاكىمىزنى مەن تونۇيمەن ، بەك ئوبدان ئىش بوپتۇ ، مىراجنىڭ لىدىرىغۇ ، بۇ ئاكىمىزنىڭ چوڭ سۈپەتلىكى ، تۈز سۆزلىكى ، ئىلىمدارلارنى ھۆرمەتلەيدىغان خاراكتىرى ماڭا بەك ياقىدۇ ، دەيدىغان قالغان ئىنكاسنى كۆرۈپ بولۇپ يازاي ، كۆرگۈم كەپ كەتتى

ARKZAT

	ئەنئەنىۋىي، مىللىي يېمەك-ئىچمەك مەدەنىيىتىمىزنى يېڭى دەۋردە قايتا جۇلالاندۇرغان جاسارەتلىك ئوغلان كېرەم ئاتۇشنىڭ  ھەممە ئىشلىرىنىڭ خەيرلىك بولۇشىغا تىلەكداشمەن!

zapar

	بىلىم - سەۋىيە ئەخلاقنىڭ ئۈستىگە قوندۇرۇلسا تېخىمۇ جۇلالىنىدۇ. مۇشۇ بىرئېغىز گېپى بەك يارىدى، يەنىمۇ روناق تاپسۇن بۇ ئاتۇشلۇق ئاكىمىز.

attirgul

	بۇ سۆھبەت خاتىرسىنىڭ ماڭا ئەڭ تەسىر قىلغان يېرى:سۆھبەتتىكى ئىككىنچى نوقتىلىق تېما  بولۇپ بۇنىڭدا ئاكىمىز كېرەم ئاتۇش ناھايتى مۇھىم بىر ھالقىنى تەكىتلەپ ئۆتكەن يەنى:بىلىم-سەۋىيە، ساپا ئەخلاق ئۈستىگە قۇرۇلغاندا بۇ تۆت نەرسە تېخىمۇ جۇلالىنىدۇ ، ئەگەر بىلىم، ساپا ، سەۋىيە چوقۇملا ئەخلاق ئۈستىگە قۇرۇلمىغاندا ئۇ ئىنسانىيەت دۇنياسىدا ئۆز قىممىتىنى يوقىتىدۇ.دېگەندىن ئىبارەت بولۇپ . بۇ مەسلىھە ھازىرقى ئىجتىمائى جەمىيىتىمىزدە ،كىشلىك تۇرمۇشتا  كەمچىل بولۇۋاتقان مەسىلىلەرنىڭ بىرى . كىشنىڭ ئىجتىمائى ئورنى ۋە ياشاش ئادىتى ئەخلاقتىن، غۇرۇغدىن ئايرىلالمايدۇ ، ئەخلاق يوقالغان جەمىيەتتە ،كىشلىك مۇناسىۋەتتە  تەرەققىياتتىن .يەنە كېلىپ ساپادىن سۆز ئېچىش مۈمكىن ئەمەس ، ئەخلاق كىشىنىڭ قەدىر قىممىتىنى، ئىنسانى پەزىلىتىنى ئۆلچەيدىغان بىردىن -بىر ئۆلچەم ، ئەخلاقتىن چەتنىگەن ئىنساننىڭ ئۆز قىممىتىنى تېپىشى ئۇنىڭ بىلىم قۇرۇلمىسى ۋە  سىرىتقى قىياپىتى بىلەن  تەرۈر تاناسىپ بولۇپ، سىزنىڭ ئەخلاقىڭىز ئادىمىلىكتىن چەتنەپ كەتكەن ۋاقىتتا ،سىز بىر قورقۇنۇشلۇق نەرسىگە ئوخشاپ قالىسىز،سىزنىڭ ئېتىقادىڭىز سۇسلىشىدۇ . ئېتىقادى يوق ئىنساننىڭ مەڭگۈلۇك نىشانى ۋە مۇستەكەم ئىرادىسى بولمايدۇ . ئۇ پەقەت كۆز ئالدىدىكى ماددى مەنپەئەتكىلا باغلىنىپ قالىدۇ .شۇنداق ئىكەن ئەخلاق ئىنسانىيەت تەرەققىياتىدا ، كىشلىك تۇرمۇشتا كەم بولسا بولمايدىغان ئاڭدىن ئىبارەت. ئاكىمىز كېرەم ئاتۇش ئىنساندىكى ئەڭ تىپىك پەزىلەت ئەخلاقنى ئۆزىگە ئۈلگە قىلىپ كەلگەن بولۇپ بۇ تەرپى ھەممىمىزنىڭ  قوبۇل قىلىشىمىزغا ئەرزىيدۇ . كېرەم ئاكىمىزنىڭ بۇندىن كېيىنكى ئىشلىرىنىڭ ئۇتۇغلۇق بولۇشىنى ئۈمۈت قىلىمەن !

MILYONIR

	مىسرانىمنىڭ مۇشۇندا يەرلىرىزە ماڭا بەك ياقىدۇ ،

XERHAN

	مىراج تاماقخانىسى دىگەن يەنئەن يولى بېشىدىكى شىنخۇا كىتاپخانىسى قوروسى كەينىدىكى يەنى 8-ئارمىيەنىڭ شىنجاڭدىكى ئىش بىجىرىش خاتىرە سارىيىنىڭ يېندىكى ئاشخانا شۇمۇ؟.... ياكى باشقا مىئىراج مۇ بامۇ؟ بۇ سۆھبەت تولىمۇ جايىدا بوپتۇ....