ئەسسالامۇ ئەلەيكۇم مىسرانىم مۇنبىرىنىڭ ئەزىز ئىشتىراكچىلىرى!
ئالدى بىلەن سىلەرنىڭ مۇنبەرنى ئېسىل يازمىلىرىڭلار بىلەن بېيتىپ، ئەقىل بۇلىقىمىزنى ئېچىش ئۈچۈن كۆپ تىرىشچانلىق كۆرسەتكىنىڭلار ئۈچۈن سەمىمىي رەخمەت ئېيتىمىز.
نۆۋەتتە بىخەتەرلىك خىزمىتىنىڭ چىڭ تۇتۇلىشى بىلەن تور نازارەتچىلىك خىزمىتىمۇ ناھايىتى چىڭ تۇتۇلۇپ ئىشلەنمەكتە. بۇ ئەلۋەتتە خەلقىمىزنىڭ تېنچ، خاتىرجەم ياشىشى ئۈچۈن ھۆكۈمىتىمىز يولغا قويغان بىر تۈرلۈك تەدبىر.
بىز ھەممىمىز جۇڭخۇا خەلق جۇمھۇريىتى پۇقراسى. قانۇنغا رىئايە قىلىش، قانۇنسىز ئىشلارنى پاش قىلىش ۋە چەكلەش ھەر بىر پۇقرانىڭ باش تارتىپ بولمايدىغان بۇرچى.
يېقىندىن بۇيان مۇنبەردىكى بەزى ساغلام بولغان، پايدىلىنىش قىممىتى يوقۇرى خېلى كۆپ تېمىلار ئېچىلمايۋاتىدۇ، ھەمدە شۇ تېمىنى ئاچقاندىن كېيىنلا ئاپتۇماتىك تور ئۈزۈلۈش ئەھۋالى كېلىپ چىقىۋاتىدۇ. بۇنىڭدىكى ئاساسلىق سەۋەب بىر قىسىم تورداشلارنىڭ ئۆز ھېسسىياتى بىلەنلا ناھايىتى زىل ئىبارىلەر ئارقىلىق ئىنكاس يازغانلىقى ۋە بەزىلەرنىڭ باشقىلارنىڭ نورمال بولغان ئىنكاسىنى نەقىل ئېلىپ ئاشۇ ئىنكاسقا مۇناسىۋەتسىز بولغان سىياسى مەزمۇندا ئىنكاس يازغانلىقىدىن بولغان.
بىز سىلەرگە شۇنى سەمىمىي ئەسكەرتىمىز: باشقىلارنىڭ مۇنبەردىن ھەقىقىي بەھىر ئېلىش ئۈچۈن ئىنكاس يازغاندا سالماق بولۇڭ! ئىنكاسىڭىزغا سىياسى مەزمۇندىكى ۋە باشقا زىل مەنادىكى سۆزلەر قىلچە ئارلىشىپ قالمىسۇن.
ئىنكاسىدا قالايمىقان سۆز - جۈملىلەرنى يازغان تورداش مەيلى كىم بولۇشىدىن قەتئى نەزەر بارلىق ئارخىپى يۇيۇلۇپ مىسرانىمدىن مەڭگۈلۈك چەكلىنىدۇ.
مىسرانىم باشقۇرغۇچىلار كوللىگىيىسى
2012-يىلى 10- ئاينىڭ 18- كۈنى
بۇ يازمىنى ئاخىرىدا hokumran تەھرىرلىگەن. ۋاقتى 2012-10-20 12:45 AM