ھاراقكەش كېلىن ( پوۋېست )

nazakat888

	ھېكايىڭىزنى يەنە توختاتىڭىزغۇ؟خەت يېزىپ بولالماي ھېرىپ كەتتىڭىز؟ شۇنداقتىمۇ،تېزرەك بولۇڭ.خۇددى مىڭ بىر كېچىدىكى چۆچەكتەك بولدى دىسە....... ھاراقكەش ئامان مەنتەڭ بىلەن بىچارە زەپەر تېپىشۋالماس-ھە؟ ھېلىمۇ ئەتىگەندىن بېرى مۇشۇ ھېكايىدە كۆڭلىم ،قانداق ئاخىرلىشار دەپ..... جاپا تارتىڭىز،ئەجرىڭىزگە مۇكاپاتلىنىپ قالامسىز تېخى.قەلەملىرىڭىز ھارمىسۇن،رەھمەت.

nazpari

	قانداق جاھان بولۇپ كەتتى بۇ . راست گەپنى قىلسام، ئامانگۇل دىگەن بۇ ئايالنىڭ تىجارەت شەكلىنى ياقتۇرمىدىم. بۇ ئىككى ھال-مۇڭداش ئاخىرىدا بىر ئائىلە كىشىلىرى بولۇپ قالماس ھە !

يولتۇز

	زەپەر بىلەن ئامانگۇل تۇي قىلىدىغان ئۇخشايدۇ ئاخىرىدا ، تىزرەك يېزىڭە  تەقەززاقىلماي .

yamghur8

	توۋا ، بۇنداقمۇ نىكاھ بۇلامدۇ ؟

!UYGHURJAN

	يولتۇز يوللىغان ۋاقتى  2013-2-18 04:57 PM زەپەر بىلەن ئامانگۇل تۇي قىلىدىغان ئۇخشايدۇ ئاخىرىدا  ... ھاراقكەش كىلىن ! ئامانگۈل ھاراق ساتىدۇ ، ئىككىسى توي قىلىدىغان ئوخشايدۇ ، مەنمۇ شۇنداق ئويلىدىم .

XERHAN

	داۋامى ...                                                    ( 3 ) - مەن ئەسلى ئاقسۇ ئاۋاتتىن ، شۇ يەردىكى يۇرت مەھەللىگە خىلى داڭقى بار  مەھەللە مەسچىتىمىزنىڭ ئىمامىنىڭ قىزى بولىمەن . - نىمە دىدىڭ ؟ ھە دىگىنە قېنى داۋامىنى ، مەن ئارلاشماي تۇراي ... زەپەر ئامانگۈلنىڭ گېپىگە تېخىمۇ بەكرەك قىزىقىپ قالغاندەك قىلاتتى ھەم ئۇنىڭ مەستلىكىمۇ باش - كۆزىنى يۇيغاندىن كىيىن بىر ئاز يىشىلىپ سەگەكلىشىپ قالغان ئىدى . ئامانگۈل زەپەرگە باشقا گەپ قايتۇرماي ئۆز گېپىنى داۋام ئەتتى . - ئانام مەن ئالتە ياشقا كىرگەن يىلى ئۆلۈپ كەتكەندىن كىيىن دادام بىلەن ئىككىمىز بىر يىل ئانىسىز ، خوتۇنسىز تۇرمۇشنى باشتىن كەچۈردۇق ، كىيىنكى يىلى مەن يەتتە ياشقا كىردىم ، داداممۇ ئەل - مەھەللىنىڭ پەند - نەسىھىتى ئاساسىدا قايتا ئۆيلەندى . دادام قايتا توي قىلغاندىن كىيىن  ئۆگەي ئانام پەقەتلا كۆزۈمگە چىرايلىق كۆرۈنمىدى ، گەرچە ئۇ ماڭا ئۆگەيلىكىنى كۆرسەتمىگەن بولسىمۇ ئەمما ئۆز ئانام كۆز ئالدىمغا كىلىۋالسىلا ئۆگەي ئانامدىن كۆڭلۈم سۇ ئىچمەيىتتى . ئۇنىڭ ئۈستىگە ئۆز ئانام مىنى تۇغۇدىغان ۋاقىتتا دوختۇرنىڭ بالىغا تۇرامسىز ياكى ئۆزىڭىزگىمۇ ئەگەر ئىكىلىسىدە تۇرىمەن دىسىڭىز ھاياتىڭىزغا خەۋىپ يىتىشى مومكىن ... دىگەن ۋاقىتتا ئانام ئىككىلەنمەيلا مىنىڭ ساق - سالامەت كۆز ئېچىشىمنى كۆرسىلا نىمە بولسا مەيلى ئىكەنلىكىنى دەپ كىيىن دوختۇرنىڭ كۆرسەتمىسى بويىچە بوغدۇرۋەتكەن ئىكەن ، مەن شۇ ئىشلارنى ئانام ئۆلۈپ كىتىدىغان يىلى بىلدىم ھەم شۇ يېشىمدىكى ئەقلىم بىلەن ئانامدىن چەكسىز سۆيۈندىم ، خۇشال بولدۇم . شۇڭلاشقا ئۆگەي ئانام ئۆز ئانامنىڭ ئالدىدا مەڭگۈ مەن ئۈچۈن تەڭ ئەمەس ئىدى . ئۇ ئارىدا مەن مەكتەپ يېشىدىن ئۆتۈپ كەتتىم ، ئۇنىڭ ئۈستىگە داداممۇ مەكتەپتە ئوقۇشۇمنى خالاپ كەتمەيىتتى ، دادام مىنىڭ ئۆگەي ئانامدىن ئانچە رازى ئەمەسلىكىمنى تۇيدىمۇ بىر مەزگىللىك تۇرۇپ كىلىش ئۈچۈن يېزىدىكى سىڭلىسىنىڭ ئۆيىگە ئاپىرىپ قويدى . ئۆز ئۆيۈمدە دادام بىلەن ئۆگەي ئانامدىن باشقا ئادەم بولمىغاچقا ئىچىم سىقىلىپ قالاتتى  . ئۇمۇ ياخشى پۇرسەت بولۇپ قالدى ، مەن ھاممامنىڭ باللىرى بىلەن ئويناپ ، كۆڭۈل ئېچىپ روھىممۇ كۆتىرلىپ كۈنلىرىم خۇشال - خۇرام ئۆتىدىغان بولدى ، ئۆزۈممۇ ھەم بارغانچە قورۇنمايدىغان بولدۇم . كۈنلىرىم شۇنداق ئۆتتى ... ھامماملارنىڭكىدە ئىككى ئۈچ ئاي تۇرغاندىن كىيىن دادام قايتۇرۇپ ئەكىتىشكە كەلدى ئەمما ھاممام ئۇنىمىدى ، ئۇنىڭ ئۈستىگە مىنىڭمۇ كەتكىم يوق ئىدى ، شۇنىڭدىن كىيىن دادام قايتىپ كىتىپ قالدى كىيىن بىلسەم ھاممام قىز پەرزەنتى يوقلىقىنى دەستەك قىلىپ تۇرۇپ مىنى بېقىۋىلىش مەقستىدە دادامنى ماقۇل كەلتۈرگەن ئىكەن . كۈنلەرنىڭ ، ئايلارنىڭ ئۆتىشى بىلەن مەن ھامماملارنىڭ ئۆيىنى ئۆز ئۆيۈمدەكلا كۆرىدىغان بولۇپ قالدىم ، داداملار بىلەن ئايدا بىرەر قېتىمدىن كۆرۈشەتتۇق . كۈن ئايلار ئۆتۈپ توققۇز ياشقا كىرگەن يىلىم دادام ماڭا نامازنىڭ پەرىز قىلىنغانلىقىنى ئېيتىپ يىراقى يېزىدىكى بىر تونۇشىنىڭكىگە ئاپىرىپ بەردى . يىڭىچە ئۆي ، يىڭىچە تۇرمۇش مىنى يەنە يالغۇزسىراتتى ، مەن ئۇ ئۆيدە ئۇنچە ئۇزاق تۇرىدىغىنىمنى ئويلاپمۇ باقمىغان ئىدىم تۇرغاندىمۇ ئىككى يىل تۇردۇم ، ئىككى يىل جەريانىدا تەبىيلا ئۆي ئىشلىرى ۋە باشقا بىلشكە تىگىشلىك ئەدەپ - ئەخلاق ، قائىدىلەرنى ئۈگۈنۈپ قالدىم ، ئون بىر ياشقا قەدەم قويغان ۋاختىم ، مەن يەنە ھېلىقى ھامماملارنىڭكىگە ئاپىرىلدىم ، ئۇزاق كۈنگە قالماي ھامماملارنىڭ ئۆيىگە بۇرۇنقىدەكلا كۆنۈپ قالدىم . ئۇ ۋاقىتلاردا مەن تاماق ئىتىش ، كىر - قات يۇيۇش ، ئۆي تازىلاشتەك ئىشلارنى خېلى قىلالايدىغان بولغان ئىدىم ، بەزى ۋاقىتلاردا ھاممام يىتىشىپ بولالمىغان ئىشلارغا مەنمۇ قارىشىپ خۇددى ھاممامنىڭ ئۆز قىزىدەكلا بولۇپ قالدىم ھامماممۇ ماڭا بەكلا ئامراقلىق قىلاتتى . مەن مەكتەپ يۈزى كۆرمىدىم ئەمما شۇ يىللاردا ھاممامنىڭ باللىرى بىلەن ئويناپ يۈرۈپ ، ئۇلارنىڭ خەت يېزىش ، كىتاپ ئوقۇشلىرىغا قاراپ تەبىيلا ساۋادىم چىقىپ قالغان ئىدى . ئارىدىن بەش يىل ئۆتۈپ كەتتى ، مىنىڭ ئاشۇ ئارلىقتىكى بەش يىل ھاياتىمدىكى ئەڭ خۇشال ، ئەڭ ئەركە ۋاقىتلىرىم بولسا كىرەك ... 16 ياشقا كىرگەن يىلى دادام ، ھامماملارنىڭ قوشۇلىشى ۋە زورى بىلەن ھاممامنىڭ يولدىشىنىڭ ئاكىسىنىڭ ئوغلىغا ياتلىق قىلىندىم . ئۇ مىنىڭ قىزلىق بوسوغىسىدىن ئاياللىق بوسۇغىسىغا قەدەم باسقىنىمدىن دىرەك بىرىدىغىننى ئويلاپمۇ يىتەلمەيدىغان ۋاقىتلىرىم ئىكەن ، ئۇ ئۆيدىكىلەرنىڭ 100 موغا يىقىن تېرىلغۇ يېرى بولۇپ ئادەتتە مىنى ئېتىز - ئېرىقنىڭ ئىشلىرىغا سالمايىتتى  لىكىن ئۆيدىكىلەرگە ئىككى ۋاخ تاماق ئىتىش ، كىر قات يۇيۇش مىنىڭ قىلىدىغان دائىملىق ئىشىمغا ئايلانغان ئىدى . تويدىن كىيىن تۆت ئاي بولغان ۋاقىتتا مەن ئويلىمىغان ، كۆرۈشنىمۇ خالىمايدىغان ئىش يۈز بەردى . بىر كۈنى كەچلىك تاماققا لەغمەن ئىتىپ بولۇپ قازان - قۇمۇشنى يۇغۇشتۇرىدىغان ۋاقىتتا قازاننى چۈشۈرۈش ئۈچۈن ئوچاقتىن ئالدىم ، ئەمما يەردىكى ئۆزۈم قويغان سۇ چۆگۈنىگە ئۆزۈم پۇتلىشىپ كىتىپ يىقىلىپ چۈشۈپ قازاندىكى قايناق مەنتەڭ بەدەنلىرىمگە تۆكۈلۈپ كەتتى . ئاھۇ - زار ، يىغا بىلەن دوختۇرخانىغا ئېلىپ بېرىلدىم  ، ئۇلار ئاغرىق توختۇتۇش دورا ئۇكۇللىرى ۋە باشقا ئۇسۇللار بىلەن مىنىڭ كىسەل ئازابىمنى يىنىكلەتتى ، ئەمما كۆيۈپ قورۇلۇپ كەتكەن تىرەم ئەسلىگە كەلمىدى ، تىزىمدىن باشلاپ كۆكرىكىمگىچە كۆيۈپ كەتكەن بولۇپ ، كىيىن دوختۇرخانىدىن چىقىپ نورمال ھەركەت قىلالايدىغان ھالەتكە كەلگەن بولساممۇ ئەمما ، بەدىنىمنىڭ بۇنداق سەتلىشىپ كىتىشى ، تۆت ئايلىق بولغان بالامنىڭ چۈشۈپ كىتىشى ، مىنى كىچە - كۈندۈز ئازاپقا مۇپتىلا قىلدى . ئاشۇ كۈنلەرنىڭ بىرىدە قېيىنئانامنىڭ يولدىشىمغا گەپ ئۈگۈتۋاتقانلىقىنى سىزىپ قالدىم ، < بەدەنلىرى تارتۇق بولۇپ كەتتى ، خوتۇن قىلىشقا سىنىڭ قانداقمۇ كۆڭلۈك كۆترەيدۇ ، ئايال كىشى دىگەن ئەر كىشىنىڭ گۈلى ، سولىشىپ قالغان گۈلنى ھىچكىمنىڭ پۇرىغىسى كەلمەيدۇ ، ئۇنىڭ ئۈستىگە بالاڭ قورسىقىدىن چۈشۈپ كەتتى ، تۇنجى بالا چۈشۈپ كەتسە بالا تۇرماس بولۇپ قالىدۇ ، بىرەر باھانە تېپىپ ئۇنى يامانلىتىپ قوي ئەكەلمىسەك مەيلى > ... دىگەندەك گەپلەرنى قىلغىننى ئۆز قۇلۇقۇم بىلەن ئاڭلاپ قالدىم . ئۇ گەپلەرنى ئاڭلاپ يۈرەكىم ئىزىلىپ كەتكەندەك بولۇپ كەتتىم ۋە شۇ كۈنى كەچتىلا ئۆزۈمنى تۇتالماي كىۋەزگە چاچىدىغان دورىدىن بىر شىشە ئىچىپ بۇنداق ئاھانەت ، ئازاپلىق كۈنلەردىن قۇتۇلماقچىمۇ بولدۇم گەرچە قىلغان ئىشىم ئۆتۈپ كەتكەن ھاماقەتلىك بولسىمۇ ئەمما مىنىڭ شۇ ۋاقىتتىكى كەم ئەقىللىق ۋە ھىسىيات تۇيغۇمغا نىسبەتەن شۇنداق قىلىشىم زۆرۈر ئىدى . كىيىن بىلسەم ناماز شام ۋاختى بىلەن يېزىلىق دوختۇرخانىغا ئېلىپ بېرىلىپ ئۇ يەردە قۇتۇلدۇرۇشقا ئامالسىز قېلىنغاندىن كىيىن ناھىيلىك دوختۇرخانىغا يۆتكىلىپ نەچچە سائەت جىددى قۇتقۇزۇش ئارقىلىق ھاياتىم ساقلىنىپ قېلىنىپتۇ . دوختۇرخانىدا تۆت كۈن داۋالاندىم ، ئۇ جەرياندا ئۆز دادام مىنى يامان كۆرۈپ كۆرگىلى كەلمىدى ، ئۆگەي ئانام ، ھامماملار يوقلاپ ، ئەھۋالىمنى بىلىپ تۇردى . دوختۇرخانىدىن چىققاندىن كىيىن يولدىشىمنىڭ ئۆيدىكىلەر ئەكەتكىلى كەلمىدى ، ئىككى ئايچە ئولتۇرغاندىن كىيىن ئاجرىشىش ئۈچۈن ئىككى ئۆيدىكىلەر مۇرەسسەگە چۈشتى ، ئويلىمىغان يەردىن تويلۇق ئالغان ئالتۇن ئۈزۈكۈمدىن ئىككىنى قېيىنئاناملار بەرمەسلىك توغرىسىدا قارارىنى بىلدۈرگەندىن كىيىن ھاممام ۋە مەن  ئۇنى قوبۇل كۆرمىدۇق . ئارلىقتا مەن تەڭسىزلىك ، تاقەتسىزلىك ھىس قىلىپ بىر كۈنى كەچتە پەيىتنى تاللاپ يولدىشىمنىڭ ئۆيىگە ئوغۇرلۇققا كىردىم ، مەقسىدىم ئۆزۈمگە تەۋە بولغان تويلۇق ئۈزۈكنى تېپىپ ، ئۇنى قايتۇرۇپ چىقىش ئىدى  . بىراق ئويلىمىغان يەردىن قايىتپ چىقىشنىڭ ئالدىدا يولدىشىمغا تۇتۇلۇپ قالدىم ھەم قېيىنئاناملار تەرىپىدىن شۇ كىچىدىلا ھامماملارنىڭ ئالدىغا ئاپىرىلدىم ، مىنىڭ سەۋەبىمدىن قېيىنئانام ھاممامنى ھاقارەتلەپ ئۇرۇشۇپ كەتتى . خۇلۇم - قوشنا ، يۇرت - مەھەللىدىكىلەر ئۇرۇش - جىدەلنى ئاڭلاپ ئىشىك ئالدىمىزغا توپلاشتى ، گەپتىن گەپ چىقىپ ، تىلدىن تىل چىقىپ قايسىبىر ۋاقىتلارغىچە بېسىقمىدى ، ئامان مەنتەڭ دىگەن لەقەم شۇ كۈندىن ئىتىبارەن پىشانەمگە چاپلاندى . ئەتىسى كەچتە دادام ھامماملارنىڭكىگە كىلىپ مىنىڭ ئوغۇرلۇققا بارغان ئىشىمنى دەستەك قىلىپ تۇرۇپ مىنى قاتتىق ئۇردى ھەم مەندىن قاتتىق نارازى بولغانلىقىنى ئيتىپ كىتىپ قالدى ، ئۇ كۈنلەردە ئۆز - ئۆزۈمگە دەيدىغىنىم بولسا نىمىشقا مەن خورلۇققا ، تەڭسىزلىككە ئۇچرايمەن ؟... دىگەندەك سۇئاللار بولۇپ قالدى ، كىيىن مەن ھاممامغا يېلىنىپ ، يالۋۇرۇپ قانداقلا بولمىسۇن ئاجرىشىش كىرەكلىكىمنى ئېيىتتىم ، ھاممام تەلىپىم بويىچە مىنى ئاجراشتۇرۇپ قويدى . ئارىدىن يەنە نەچچە ئاي ئۆتۈپ كەتتى ، ئۇ كۈنلىرىمنىڭ قانداق ئۆتكىننى ھازىر ئەسلەپ بىرەلمەيمەن ئازاپ ، نەپرەتكە تولغان قەلبىم تومۇرىمدا ئېقىۋاتقان قېنىمغا سىڭىپ كەتكەندەك كاللامدا باشقا پىكىر ، ئوي يوق ئىدى . تالا - تۈزگە چىقسام خەقلەرنىڭ گۇمانلىق قاراشلىرى مىنى قىيناپ خۇدانىڭ بەرگەن ساپ ھاۋاسى ۋە ئاپتىپىنىمۇ تۈزۈك كۆرمەي ئۆيدىلا ئولتۇراتتىم . كۈنلەر ئۆتكەنسىرى ئۆزۈمنى يوقىتىپ قويىدىغان ھالەتكە كىلىپ قالغاندەك بولدۇم ، ئىچىلىرىم سىقىلىپ كىتىدىغان بولۇپ قالدىم . ئۇ كۈنلەر كۈز مەزگىلى بولغاچقا ھامماملار كىۋەزلىكنىڭ ئىشلىرى بىلەنلا ئالدىراش بولۇپ كەتكەن ئىدى ، مەنمۇ ئۆز خىيالىمدا ئۆيدە بۇرۇقتۇرما بولۇپ ئولتۇرىۋىرىشنى خوپ كۆرمەي يۈزۈمگە چۈمبەل سېلىپ ھامماملار بىلەن كىۋەزلىككە چىقىدىغان بولدۇم ، ئۇ مۇھىت ھەر ھالدا ئۆينىڭ مۇھىتىدىن يېقىشلىق بىلىندى ، ھامماملار ياقا يۇرىتتىن كەلگەن بەش ئالتەيلەننى كۆترىگە ئالغان بولۇپ كۈنبويى ئۇلار بىلەن بىللە كىۋەز تىرىش ئىشلىرى بىلەن مەشغۇل بولاتتى ، مەنمۇ تاماقتىن بىكار بولۇپلا ئېتىزلىققا چىقىشقنى ئويلايدىغان بولۇپ قالدىم . بايىقى مەن بىلەن ئۇرۇشۇپ ، مىنى ئۇرۇپ كىتىپ قالغان ئەر بىلەن دەل شۇ ۋاقىتتا ھاممامنىڭ كىۋىزىنى تىرىش جەريانىدا تونۇشقان ئىدىم ، دەسلەپتە ئۇ گەپ قىلسىمۇ گەپ قىلمىدىم ، ئۇنىڭدىن نېرىراق ئىش قىلىشنى توغرا كۆردۈم كىيىن كۈنلەرنىڭ ئۆتىشى بىلەن ئۇ بارا - بارا ماڭا يىقىنچىلىق قىلىپ كۆڭلۈمنى ئەنسىزلىكتىن ، غېرىپلىقتىن كۆتۈرگەندەك بولدى ، مەنمۇ ئۇنىڭ بىلەن بىر يەرگە كىلىپ پاراڭلىشىپ ، بىللە ئىش قىلىدىغان ۋاقىتلار بولۇپ قالغاندا ئېتىزنىڭ ئىشىلىرىمۇ تۈگەپ ، تىرىدىغان پاختىمۇ قالمىدى . ئۇ مىنى ئېلىپ كىتىش ئويىنى ئېيىتقان ۋاقىتتا ھامماملار قوشۇلمىدى ، ئەمما مىنىڭ بىر تەرەپتىن ناتونۇش بولغان يۇرتقا بېرىپ ئۆز ھاياتىمنى قايتىدىن باشلاپ بېقىش ئويۇم بولغاچقا ھاممامنى ماقۇل كەلتۈردۈم ، ئۇ ماڭا ھىچقانچە تويلۇق بەرمىگەن بولۇپ ئۇرۇق تۇققانلارنى يىغىپلا كىچىك شەكىلدە بىر توي ئۆتكۈزۈپ ئۇنىڭ بىلەن ئۆز يۇرتۇمدىن ئايرىلدىم . داۋامى بار ...

ahsaxum

	مانا يەنە داۋامى بار دەپ چىقتى ، قىزىق كىنونىڭ ئوتتۇرىغا ئېلان قىستۇرغاندەك قىلىپ !!!  ھەممىنى يېزىپ بولۇپ بىراقلا يوللىسا بولماسمىدى !!!

nazpari

	راستىنى دىسەم قىزغا بەكلا ئۇۋال بوپتۇ. كىچىك تۇرۇپ ئانىسىدىن ئايرىلىش، ياش تۇرۇپ تۇل قىلىش، خالار-خالىماستىن ياقا يۇرتلۇققا خوتۇن بولۇش ....... ئاھ، بۇ دۇنيادا ھەممە ئىشلار مۇشۇنداق تىراگىدىيە بىلەنلا ئاخىرلىشامدىغاندۇ ؟

nurali0220

	تۇرمۇشنىڭ سىناقلىرى ھەقىقەتەن كۆپ......

orkixi

	موشۇنداق تولۇق بولمىغان تىمىنىزەەەەەەەەەەەەەەەەەەەەەە...