ئەسسالامۇ ئەلەيكۇم،ھۆرمەتلىك ئەزىز قېرىنداشلار ، ھەممىڭلارنىڭ باغداش مۇنبىرىدىكى كۈنلىرىڭلار شادلىق ئىچىدە ئۆتكەي.
ئۇلۇغ ئالىم، تالانتلىق شائىر، بۈيۈك تىلشۇناس، ئەل سۆيگەن يازغۇچى ئابدۇرېھىم تىلەشۇپ ئۆتكۈر بوۋىمىز ۋاپاتىغىمۇ ھەش-پەش دېگۈچە13يىل بولۇپ قالدى ، ئۇلۇغ ئالىمىز ئارىمىزدىن مەڭگۈلۈك ئايرىلدى، پۈتكۈل ئۇيغۇرنىڭ كۆزىنى ياشلاپ قويۇپ كېتىپ قالدى، ئەپسۇس بەندىنىڭ ئۆلۈمگە چارىسى يوق، ئۇلۇغ ئاللا ئالىمىمىزنىڭ ياتقان يېرىنى جەننەتتە قىلغاي! كىشى مەڭگۈ بولماس،بۇ مەڭگۈ ئېتى،
ئۇنىڭ مەڭگۈ قالدى بۇ ئەزگۈ ئېتى.
قالاماس جاھان ئىچرە مەڭگۈ كىشى،
پەقەت قالغۇسى ياخشى نامۇ ئىشى.
راست ، كىشى مەڭگۈ ياشىيالمايدۇ،بەزىلەر جىسمانىي جەھەتتە ئۆلۈش بىلەنلا بۇ دۇنيادىن نامىمۇ ئۆچىدۇ، لېكىن بەزى كىشىلەر ھاياتىدا ئەزگۈ ئىشلارنى كۆپ قىلغانلىقى ئۈچۈن نام _ ئاتىقى مەڭگۈ ئۆچمەيدۇ.بىز ئۇلۇغ ئالىمىمىزنى ياد ئېتىش ۋە ۋاپاتىنىڭ 13 يىللىقىنى تەۋەللۇتىنىڭ 85 يىللىقىنى خاتىرلەش ئۈچۈن قومۇل تېلىۋىزىيە ئىستانىسىسى «قومۇل خاتىرىلىرى پىروگراممىسى » بىلەن ھەمكارلىشىپ مۇنبىرىمىزدە « ئۆتكۈر ئەپەندىم تەۋەللۇتىنىڭ 85 يىللىقىنى خاتىرلەش مۇكاپاتلىق ئەسەر قوبۇل قىلىش » پائالىيتىنى ئۆتكۈزۈشنى پىلانلىدۇق.
پائالىيەتكە قوبۇل قىلىنىدىغان ئەسەرلەر :
قوبۇل قىلىندىغان ئەسەرلەرنىڭ تېمىسى بىردەك ئالىمىمىزغا بېغىشلانغان بولىشى كېرەك، ئەسەر ژانىرى چەكلەنمەيدۇ،سەھىپە،ھەجىم جەھەتتىنمۇ چەكلىمىگە ئۇچرىمايدۇ، ( ئەسلىمە، نەسىر، مۇلاھىزە ماقالىسى، شىئېر، ناخشا، لاھىيە رەسىم،ھۆسنىخەت )
مۇكاپاتلاش ۋە مۇكاپات تۈرلىرى :
1. بىرىنچى دەرىجىلىك مۇكاپات بىر نەپەر . 200 يۈەن خەلق پۇلى . ئىز رومانى . بىلقۇت خەزىنىسى
2. ئىككىنچى دەرىجىلىك مۇكاپات ئىككى نەپەر . 150 يۈەن خەلق پۇلى . ئىز رومانى .بىلقۇت خەزىنىسى
3. ئۈچىنچى دەرىجىلىك مۇكاپات ئۈچ نەپەر . 100 يۈەن خەلق پۇلى ئىز رومانى
4.رىغبەتلەندۈرۈش مۇكاپاتى تۆت نەپەر . 50 يۈەن خەلق پۇلى ۋە ئىز رومانى
مۇكاپاتقا ئېرىشكەن ھەر بىر ئەزاغا بىردىن ئۆتكۈر ئەپەندىمنىڭ ئىز رومانى سوۋغا قىلىنىدۇ
پائالىيەت ۋاقتى :
2008-يىلى 10-ئاينىڭ 21 - كۈنىدىن 12 ئاينىڭ 25-كۈنىگىچە ( مۇشۇ مەزگىل ئىچىدە مۇكاپاتلىق ئەسەر قوبۇل قىلىنىدۇ )
2008-يىلى 12-ئاينىڭ 25-كۈنىدىن 30 -كۈنىگىچە ئەسەر باھالاش ئېلىپ بېرىلىپ 2009-يىلى 1-ئاينىڭ 1-كۈنى نەتىجىسى ئېلان قىلىنىپ مۇكاپاتلاش ئېلىپ بېرىلىدۇ .
دىققەت قىلىدىغان ئىشلار :
1. پائالىيەتكە قاتناشتۇرۇلغان ئەسەر چوقۇم ئىجادى ھەم يېڭى ئەسەر بولىشى كېرەك
2. قانتاشتۇرۇلغان ئەسەر چوقۇم تۇنجى قېتىملىقى باغداشتا ئېلان قىلنىشى كېرەك. باشقا مۇنبەرلەردىن كۆچۈرۈپ كېلىنسە بىردەك ئىناۋەتسىز قىلىندۇ.
3. يوللانغان ئەسەر تېمىسى چوقۇم بەلگىلەنگەن سەھىپىگە يەنى « ئۇلۇغ ئالىمىمىز ئابدۇرىھىم ئۆتكۈرنى ئەسلەيمىز » سەھىپىسىگە يوللانغان بولىشى كېرەك ،
4. ئەسەرنىڭ ئىملا ، لاھىيە ۋە سۈپىتى ئۆلچەمگە توشىشى كېرەك . مۇكەممەل پىششىقلاپ ئۆتكۈزگەندىن كېيىن يوللانغان بولىشى كېرەك .
پائالىيەت تەشكۈللىگۈچىلەر :
قەيسەر __ قومۇل خاتىرىلىرى پىروگرامما مەسئولى
باغداش __ باغداش تورى مەسئولى
پائالىيەت باشقۇرغۇچىلار
ئويغانغان زېمىن __ ئالاھىدە باشقۇرغۇچى
ئىلىم __ ئالاھىدە باشقۇرغۇچى
پۇرسەت __ ئالاھىدە باشقۇرغۇچى
تورچى __ ئالاھىدا باشقۇرغۇچى
پائالىيەت نازارەتچىلىرى
ئا.ئابلەتخان __ ئالاھىدە تەكلىپلىك ئەزا
مەڭگۈتاش __ ئالاھىدە تەكلىپلىك ئەزا
ئويغانغان زېمىن __ ئالاھىدە باشقۇرغۇچى
ئەركىم __ ئالاھىدە تەكلىپلىك ئەزا
پائالىيەت تەشكىللىگۈچى ئورۇن
قومۇل تىلىۋىزىيە ئىستانىسسى « قومۇل خاتىرىلىرى پىروگراممىسى »
باغداش تور بېكىتى
ھەمكارلاشقۇچى ئورۇنلار
ئۈرۈمچى ئۆتۈكەن كىتاپخانىسى
بىلقۇت ئېلكتىرون پەن- تېخنىكا چەكلىك شىركىتى