ھەر يىلى 12-ئاينىڭ 1-كۈنى دۇنيا ئەيدىز كۈنى، ئۇنتۇپ قالمايلى!
ئەيدىز ھەققىدىكى ئەڭ يېڭى مەلۇمات:
http://www.qingdaonews.com چىڭداۋ ئاخبارات تورىنىڭ30-نويابىردىكى خەۋىرىگە ئاساسلانغاندا،بۈگۈن ئەتىگەن سەھىيە مىنىستىرلىكى ئاخبارات ئېلان قىلىش يىغىنى ئاچقان.
سەھىيە مىنىستىرلىكى كېسەللىكنىڭ ئالدىنى ئېلىش ۋە تىزگىنلەش ئىدارىسىنىڭ مۇئاۋىن باشقارما باشلىقى ۋاڭ ۋېيجىن جۇڭگونىڭ نۆۋەتتىكى ئەيدىز ئەھۋالىنى تونۇشتۇرۇپ ئۆتتى. ھەم مۇھىم سانلىق مەلۇماتلارنى دەپ ئۆتتى.يەنى ، دۆلىتىمىزنىڭ سىتاتىستىكا ئورۇنلىرىنىڭ مەلۇماتىغا ئاساسلانغاندا 2007-يىلىنىڭ ئاخىرىغىچە مەمىلىكىتىمىزدە ئەيدىز ۋىرۇسىدىن يۇقۇملانغۇچىلار تەخمىنەن700مىڭ بولۇپ، ئەيدىز كېسىلى بىمارلىرى 85مىڭ،كىشىلەر توپىنىڭ يۇقۇملىنىش نىسبىتى %0.05ئەتراپىدا.
كېسەللىنىش نىسبىتى ئەڭ يۇقىرى بولغان رايونلار رەت تەرتىپى يۈننەن ، خېنەن ، گۇاڭشى ،يۇرتىمىز ، گۇڭدۇڭ ،سىچۇەن قاتارلىقلار بولۇپ ، دوكلات قىلىنغان ئەيدىزدىن يۇقۇملانغۇچىلار سانىنىڭ%80نى ئىگىلەيدۇ.
2008-يىلى 9-ئايغىچە ئومۇمى دوكلات قىلىنغان يۇقۇملانغۇچىلار سانى 264302نەپەر ، ئەيدىز كېسىلى بىمارلىرى 77753نەپەر،ئۆلگەنلەرنىڭ سانى 34864نەپەر.
2008-يىلى 1-ئايدىن 9-ئايغىچە HIVدىن يوقۇملانغان ھەم كېسەللەنگەن كىشىلەر سانى 44839نەپەر بولۇپ بۇلاردىن ئۆلگىنى 6897نەپەر.
6چوڭ شەھەردىكى كىشىلەر ئارىسىدىكى راي سىناشتىن بىلىنىشچە ، %30كىشى HIV پاشا چېقىشتىنمۇ يۇقىدۇ دەپ قارايدىكەن.
83% كىشى ئەيدىز بىمارلىرى ياكى يۇقۇملانغۇچى بىلەن بىر ياتاقتا ياتقۇسى يوقكەن.%65 كىشى يۇقۇملانغۇچى بىلەن بىللە تاماق يېيىشكە قوشۇلمايدىكەن.
-------------------------
ئەيدىز ۋرۇسى (مۇناسىۋەتلىك خەنزۇچى ماتېرىيال
بۇ يەردە)
قوشۇمچە:
پۈتۈن دۇنيادىكى ئەيدىز ۋىرۇسىدىن يۇقۇملانغۇچىلار سانى تەخمىنەن 40مىليوندىن ئارتۇق بولۇپ، ئافرىقىدىكى دۆلەت يەنى جەنۇبىي ئافرىقىدا ھەر 10 ئادەمنىڭ بىرى ئەيدىز ۋىرۇسىدىن يۇقۇملانغان بولۇپ دۇنيادا 1-ئورۇندا تۇرىدىكەن،نوپۇسى كۆپ بولغان ھىندىستان 2-ئورۇندا تۇرىدىكەن.ياپونىيە ئەيدىز ۋىرۇسىدىن يۇقۇملانغۇچىلار سانى 17000
بولۇپ دۆلەتلەرنى دەرىجىگە تۇرغۇزغاندا خېىلا كەينىدە ئىكەن.
قالايمىقان جىنسىي مۇناسىۋەت قىلىش يەنىلا ھازىرقى يۇقۇملىنىشنىڭ ئەڭ ئاساسلىق تارقىلىش ھەم يۇقۇش يولى ئىكەن.يەنى جۇڭگودىكى يۇقۇملانغۇچىلارنىڭ %7.8ى مۇشۇ يولدىن يۇقۇملانغان. (قالايمىقان جىنسىي مۇناسىۋەت قىلىشنى قەتئىي توسۇش زۆرۈر!!!!!!! ھېچ بولمىغاندا گاندون ئىشلىتىش بىردىنبىر ئالدىنى ئېلىشنىڭ ئۈنۈملۈك چارىسى ئىكەن.)
بىز بۇ يەردە شۇنى قوشۇمچە قىلىپ قويىمىزكى ، ئۇيغۇرلاردا يۇقۇملىنىش نىسبىتىدىكى سانلىق مەلۇماتلار كىشىنى تېخىمۇ چۆچىتىدۇ،ئاپتونۇم رايونىمىزدىكى يۇقۇملانغۇچىلارنىڭ %80دىن كۆپرەكى يەنىلا ئۇيغۇرلار.سىزنى نېمىلەرنى ئويلاۋاتىسىز؟ بۇنىسى پەقەت ئۆزىڭىزگە ئايان....
ئەڭ مۇھىمى كېسەل قورقۇنچلۇق ئەمەس بەلكى قورقۇنچلۇقى :سىزدە ئەخلاق ،ئاتا-ئانا، بالا-چاقىلىرىڭىز يەنە مىللەتكە ھەم ۋەتەنگە بولغان مەسئۇلىيەت قارىشىنىڭ تولۇق يوقالغانلىقىدا.ئەگەر سىز ئىمان-ئىتىقادىڭىزنى كۈچەيتىپ،يامان يولدىن يىراق بولۇپ ئەيدىز توغرىسىدكى ساۋاتلارنى تولۇق كۆرۈپ چىقسىڭىز ئىشىنىمىزكى بۇ كېسەل سىزگە باش ئەگسە ئىگىدۇكى ھەرگىز خرىس قىلالمايدۇ.بۇ جەرياندا بىز ئەلۋەتتە ئەتراپىمىزدىكى دوست -بۇرادەرلىمىز ، ئىنى-سىڭىللىرىمىزغا سەمىمىي ئاگاھلاندۇرۇش بېرىشنىمۇ ئۇنتۇپ قالماسلىقىمىز بۇنى ئۆزىمىزنىڭ بۇرچى دەپ بىلىشىمىز شەرت.
2008 -يىلى 3-ئايغىچە ئانا يۇرتىمىزدىكى ئەيدىز ۋىرۇسىدىن يۇقۇملانغۇچىلار سانى22756 بولۇپ ، مەملىكەت بويىچە 4-ئورۇندا تۇرىدۇ. مۆلچەرگە ئاسالانغاندا 60مىڭدىن ئاشىدىكەن. ئاساسلىقى تومۇردىن زەھەر چەككۈچىلەر كۆپ سالماقنى ئىگىلەيدىكەن.يۇقۇملانغۇچىلار سانى جەھەتتە غۇلجا،ئاقسۇ،ئۈرۈمچى ئالدىنقى قاتاردا تۇرىدىكەن.....
ھايات گۈزەل ، ھاياتىمىزنى قەدىرلەيلى!
توپلاپ رەتلىگۈچى: ئورخۇن ئۇيغۇر تارىخى تورىدىن ئەردەۋىل 2008-يىلى 30-نويابىر سائەت22:00 ئۈرۈمچى