پەيزاۋات ناھىيە قىزىلبۇيا يېزىسىدا ئولتۇرۇشلۇق قېيۇم ئىلياس ئۇيغۇر ئەنئەنىۋى ھۈنەر سەنئىتىنىڭ 3 – ئەۋلاد ۋارىسى بولۇپ، 40 نەچچە خىل نۇسخىدا سېۋەت توقۇيدۇ. ئىلگىرى ئۇ توقۇغان سېۋەتلەر شىنجاڭ ناخشا – ئۇسسۇل ئۆمىكى ئارتىسلىرىنىڭ قولى بىلەن سەھنىلەرگىمۇ چىققان. ئۇنىڭدىن باشقا بۇ سېۋەتلەر قەشقەر يەرمەنكىسى، قەشقەر ۋىلايەتلىك ساياھەت بۇيۇملىرى مۇسابىقىسى ۋە مەدەنىي مىراسلار كۆرگەزمىسىدىن ئورۇن ئالغان بولۇپ، نۇرغۇ مۇتەخەسىسىسلەر ۋە سودىگەرلەرنىڭ ئالاھىدە ماختىشىغا سازاۋەر بولغان.
