ئەخمەقلىق
بىر بالا گېزىتتىكى تۇتۇش بۇيرۇقىنى ئوقۇپ ھەيران بولغان ھالدا دادىسىدىن سوراپتۇ:
— دادا، بۇ ئۇلارنىڭ نېمە قىلغىنى؟
— قانداق دەيسەن؟ بۇ تۇتۇش بۇيرۇقى، بۇ ئۇنىڭ سۈرىتى، نەرىنى چۈشىنەلمىدىڭ يەنە؟
— ئەخمەقلەر، — دەپتۇ بالا، — نېمىشقا بۇ ئادەمنى سۈرەتكە تارتقاندىلا تۇتۇۋالمىغان بولغىيتتى؟
شامال
تەبىئەت دەرسى ئۆتۈۋاتقان مۇئەللىم بىر ئوقۇغۇچىنىڭ دەرسكە تازا دىققەت قىلمايۋاتقانلىقىنى كۆرۈپ ئۇنىڭدىن سوراپتۇ:
— شامال قانداق پەيدا بولغان؟
ھودۇقۇپ كەتكەن ئوقۇغۇچى دەرھال جاۋاب بېرىپتۇ:
— دېرىزىنى ياخشى ئەتمەپتۇق ئەمەسمۇ!
ئۆزگەرتىش
بىر ھەۋەسكار مۇھەررىرگە ھېكايىسىنى كۆرسىتىپ قانداق يېزىلغانلىقىنى سوراپتۇ. مۇھەررىر:
— ناھايىتى ياخشى يېزىلىپتۇ، پەقەت بىرلا جايىنى ئۆزگەرتىۋەتسەك بولغۇدەك، — دەپتۇ.
— نەرىنى؟ — دەپتۇ ھەۋەسكار ھاياجانلىنىپ.
— ئىسمىڭىزنى بالزاكقا ئۆزگەرتىۋەتسەكلا بولىدۇ، — دەپتۇ مۇھەررىر.
مومام بار
بىر بالا بوۋىسىنىڭ ئالدىغا يۈگۈرۈپ كېلىپ:
— بوۋا، مەن قىزىقارلىق بىر چۈش كۆرۈپتىمەن، ساڭا ئېيتىپ بېرەيمۇ؟ — دەپتۇ.
ئالدىراش ئىش بىلەن مەشغۇل بولۇۋاتقان بوۋاي:
— مەن ھازىر ئالدىراش قوزام، چۈشۈڭنى موماڭغا ئېيتىپ بەرگىن، — دەپتۇ.
— بولدى، مومام چۈشۈمدە بار، ئۇ ھەممىنى كۆرگەن، — دەپتۇ بالا.