تۇخۇم شاكىلىنىڭ شىپالىق رولى

      1. تېرىنى سىلىق قىلىدۇ

      تۇخۇم شاكىلى ئىچىدىكى بىر قەۋەت تۇخۇم ئېقىنى چىقىرىپ، بىر قوشۇق سۈت پاراشوكى ۋە بىر قوشۇق ھەسەل بىلەن ئارىلاشتۇرۇپ ئۇماچ ھالىتىگە ئەكەلگەندىن كېيىن، ئۇخلاشتىن ئىلگىرى يۈزىنى پاكىز يۇيۇپ قۇرۇتۇپ، يۈزگە تەكشى سۈرۈپ يېرىم سائەتتىن كېيىن يۇيۇۋەتسە بولىدۇ، ئۇزۇن ۋاقىت داۋاملاشتۇرغاندا، ئۈنۈمى ياخشى بولىدۇ.

      2. بالىلاردىكى سۆڭەك يۇمشاقلىشىش كېسەللىكىنى داۋالايدۇ

      تۇخۇم شاكىلىدا %90تىن كۆپ كالتسىي كاربونات ۋە ئاز مىقداردا ناترىي كاربونات، ھىدروفوسفات قاتارلىقلار ماددىلار بار. شۇڭا تۇخۇم شاكىلىنى پاكىز يۇيۇپ تالقانلاپ، بالىغا ئىچۈرگەندە بالىدىكى سۆڭەك يۇمشاقلىشىش كېسلىگە شىپا بولىدۇ.

      3. ئاشقازان ئاغرىقىغا شىپا قىلىدۇ

      تۇخۇم شاكلىنى پاكىز يۇيۇپ ئۇششاقلاپ، بوش ئوتتا سارغايغۇچە (كۆيدۈرۈۋەتمەي) قۇرۇغاندىن كېيىن تالقانلاپ، ھەر كۈنى ئىككى، ئۈچ قېتىم تاماقتىن ئىلگىرى ياكى كېيىن قايناق سۇ بىلەن ئىچكەندە، ئون ئىككى بارماق ئۈچەي ياللۇغىغا، ئاشقازان ئاغىرىقىغا، مەيدە ئېچىشىشقا شىپا قىلىدۇ.

      4. ياللۇغىنى يوقىتىپ، ئاغرىق توختىتالايدۇ

      تۇخۇم شاكىلىنى پاكىز يۇيۇپ، تالقانلاپ يارىلانغان جايغا سەپكەندە، يارىلانغان جاي ياللۇغلىنىپ، قالماي تېز ساقىيىدۇ.

      5. كۆيۈكنى ساقايتالايدۇ

      تۇخۇم شاكىلى ئىچىدىكى نېپىز پەردىنى چىقىرىۋېلىپ، كۆيگەن جايغا چاپلاپ قويغاندا، كۆيگەن جاي 10 كۈن ئەتراپىدا ساقىيىپ كېتىدۇ، چاپلانغان ھامان ئاغرىقىمۇ توختايدۇ.