قەۋزىيەت ساۋاتلىرى يانبىلوگى

بۈگۈنكى كۈندە قەۋزىيەت كۆپلىگەن كىشىلەر باش قاتۇرىدىغان مەسىلە بولۇپ قالدى. دائىم قەۋزىيەت بولۇپ قېلىشنىڭ سەۋەبى ئاساسەن يېمەك-ئىچمەكنىڭ مۇۋاپىق بولماسلىقى، سۇنى ئاز ئىچىش ھەمدە ئاز ھەرىكەت
قىلىش قاتارلىقلار بولۇپ، بۇ خىل ناچار ئىللەتلەر ئاشقازان-ئۈچەينىڭ ھەزىم قىلىش، سۈمۈرۈش ۋە چىقىرىش ئىقتىدارىنى تەڭپۇڭسىزلاشتۇرۇپ، قەۋزىيەتنى كەلتۈرۈپ چىقىرىدۇ. قەۋزىيەت ئۇزۇن مەزگىل داۋاملاشسا، گېموروي كېسەللىكىنى كەلتۈرۈپ چىقىرىدۇ.
كۆپىنچە كىشىلىرىمىز ھاجەتخانىدا تاماكا چېكىش، گېزىت - -ژۇرنال كۆرۈش ياكى تېلېفون ئويناپ ئولتۇرۇش قاتارلىقلارغا ئادەتلەنگەن بولۇپ، شۇنىڭ بىلەن تەرەت قىلىش ۋاقتى ئۇزىراپ كېتىدۇ دە، ئەسلىدىنلا ئادەم بەدىنىنىڭ تۆۋەن قىسمىغا ئورۇنلاشقان مەقئەت ئورنىنىڭ قان ئايلىنىشىنى ناچارلاشتۇرۇپ، گېموروي بولۇشنى تېزلەشتۈرىۋىتىدۇ.
قەۋزىيەت بولۇشنىڭ ئالدىنى ئېلىش ئۈچۈن تەستە ھەزىم بولىدىغان، غىدىقلىغۇچى ۋە قۇرۇق ئىسسىق تەبىئەتلىك يېمەك -ئىچمەكتىن پەرز تۇتۇش كېرەك.ئۇزاق ئولتۇرماسلىق، كۆپ ھەرىكەت قېلىش ،چوڭ تەرەت ۋاقىتىنى كونترول قېلىش كېرەك.