Sogou Explorer(يەنى Sogou توركۆرگۈسى) بولسا، بىر تۈرلۈك Webkit ۋە IE يادروسىنى تەڭ ئىشلىتىشكە بولىدىغان تور كۆرگۈ. يەنى تور بېكەت زىيارەت قىلغاندا بىز بىرلا ۋاقىتتا IE ۋە FireFox/Chrome/Safari ئۈنۈملىرىدە تور بېكەت زىيارەت قىلالايمىز، بۇنىڭدىن باشقا Sogou تور كۆرگۈسى يەنە ئۆزىدە مائارىپ تورى قاتارلىقلاردا تور سۈرئىتىنى تېزلىتىش ئىقتىدارى تەمىنلەنگەن بولۇپ، ياتاقتا تورغا چىقىدىغان ئالىي مەكتەپ ئوقۇغۇچىلىرىغا تولىمۇ باب كېلىدۇ…

ئىلگىرىكى خەۋىرىمىزدە ئېيتقىنىمىزدەك، IE6 تور زىيارەت مۇلازىمىتى ئۈچۈن 8 يىل مۇلازىمەت قىلىپ، 3-ئاينىڭ 1-كۈنى ئامېرىكا كالېفورنىيە Google باش شىركىتىدە ئۆلدى. IE6 گەرچە بىزدىن ئايرىلغان بولسىمۇ، ئەمما ئۇنىڭ ئوغلى IE7 ۋە قىزى IE8 يەنىلا ئۇنىڭ ئىش-ئىزلىرىغا داۋاملىق ۋارىسلىق قىلىدۇ.
Google نى IE6 نى قەستلەپ ئۆلتۈردى دېگىلى بولماس، چۈنكى IE6 دىن ئىبارەت بۇ ئاجىز كېسەلچان بوۋاينىڭ ئۆزىدىلا نۇرغۇن يېتەرسىزلىك ۋە دەۋىر تەرىپىدىن رەت قىلىنغان ئۆرپ-ئادەتلەر ساقلانغان، شۇڭا بۇ پېشقەدەم رەھبىرىمىزنى ئۆز ئەجىلى بىلەن ئۇزاتتۇق دېسەك بىر ئاز مۇۋاپىق. Google پەقەت IE6 نىڭ شاللاپ چىقىرىۋېتىلىش قەدىمىنى ئازراق تېزلىتىپ بەردى خالاس.

ئەنگىلىيە Google ئەترىتى يېقىندا ئۇزۇنلىقى 4 يېرىم مىنۇت ئەتراپىدا كېلىدىغان بىر يۈرۈش Google تەشۋىقات ئېلانى ئىشلىگەن، سۈرئەت، بىخەتەرلىك، مۇقىملىق، ئۇسلۇب قاتارلىق كۆپ تەرەپلەردىن Chrome نىڭ ئالاھىدىلىكىنى چۈشەندۈرۈپ بەرگەن، پۈتكۈل ئېلاننىڭ ئىجادىيلىق تەرىپى ئىنتايىن روشەن گەۋدىلەندۈرۈلگەن، بىر كۆرۈشكە ئەرزىيدۇ.